今日我哋四人兩啤入咗嚟長洲book咗房玩，晚上同長洲朋友八人一行一起食晚飯。平時我哋嚟呢度必食呢一個恐龍蛋，呢個恐龍蛋真係好好食，個皮真係好脆同埋味道一流又熱辣辣一客有四件，我哋一叫就叫咗兩客。呢個泰式鳳爪大大隻又入味，平時就算唔堂食，都會經過叫佢個外賣又酸又辣正前菜前菜我哋都仲有嗌咗個木瓜沙律開下胃，木瓜爽甜清甜呢個泰式拼盤食落去就真係麻麻哋啦，個咖喱雞嘅精髓就係得個咖喱汁，用嚟送呢個薄餅一流薄餅我哋都叫咗兩份當飯咁食呢個生菜包豬頸肉個味道就真係好一般，平時我哋呢就一定係食開恐龍蛋，泰式鳳爪，木瓜沙律同薄餅，其他嗰啲送我哋都係有時人多先會再嗌嘅，普普通通。反而呢個魚種都可以，最主要係因為佢個魚食材新鮮，外脆內滑，幾好

我哋一行四人兩啤人就入咗長洲book房玩，一落船就睇吓有啲咩食先，就見到平時呢間排晒隊嘅舖頭今日冇乜人，仲要啱啱開門唔使等，咁我哋就入去試吓啦我哋四個人叫咗四款唔同嘅嘢食，一齊share嚟食下。如果大家係趕時間到下一程我就唔係好建議黎依間食，因為佢本身個廚房的一個人整嘢食，一個人落order，啲嘢食你都要有少少時間等佢整好。咁就呢一款食落去好似食緊M記薯餅咁，上邊有啲蛋陪襯下，食落去就冇乜太特別嘅感覺至於呢一個炸彈就係佢哋呢間舖頭嘅招牌菜，個賣相係幾吸引嘅，但係食落去真係好普通咁當然有兩個好似小食咁嘅食物我哋都會帶返啲飽肚嘅嘢，叫咗一個意粉一個飯，個意粉食落去就正正常常都係熱嘅，加咗啲蛋黃醬落去，但係就食唔出有啲乜嘢特別，因為我見每次都好多人排隊，以為呢間嘢係十分出色個味道最後呢個墨魚汁西班牙飯，其實見過賣相你都見到佢好一半，食落去真係麻麻哋

今日我請男朋友食象拔蚌刺身，佢話想過嚟呢間試吓，咁我哋就五點幾鐘過嚟開始食嘢。原本舖頭未開嘅，不過職員見到我哋企咗喺度等，就叫我哋入去坐住先咁我哋就先嗌咗啤酒飲，再睇吓有啲咩食。其實原本我哋最主要係過嚟食象拔蚌刺身，不過後尾佢想話試吓呢度啲藥膳雞煲，寫住話新鮮雞咁就真係要試吓啦坐咗幾個字，個職員話可以落order，咁我哋第一時間就叫咗個象拔蚌刺身食以八百零蚊嘅價錢佢個質素望落去都值回票價呢個師傅切象拔蚌都唔錯，佢可以切到啲象拔蚌都好脆口至於象拔蚌左邊嗰啲膽位食落去都冇乜問題唔苦。三扒兩撥已經食完成碟象拔蚌，咁我哋就開始烚吓烚吓啦驟眼睇呢隻雞都算係幾大隻，以一隻新鮮雞黎計，佢呢個二百零蚊真係好抵。佢嗰啲花雕味其實已經入晒落個雞度，再加上藥膳煲，真係好補身依家睇返張相都想再食一次至於呢個本地手切牛肉，其實牛肉就咁睇賣相都已經大概知道係唔係自己鍾意食嗰款。佢食落去真係幾有牛味嘅老土啲咁賣單1700到都算合理，成餐我都好滿意

平時我同我男朋友都會放假出去行吓街，今日到咗尖沙咀海港城行街，我哋就下就走來試吓呢個小籠包。10月又係食大閘蟹嘅時候，我就好想試吓呢個蟹粉小籠包啦。 一入到去個侍應姐姐就叫我哋掃QR code點餐，由於疫情關係我都有成兩三年冇黎食過，咁我哋左搵右搵就搵唔到呢隻小籠包點，之後我order返個姐姐問佢，佢話原來所有蟹粉嘅產品QR code係冇得點餐的。要用人手點餐，咁就幾搞笑成個情況落咗order之後大約10分鐘到就到啦，上到枱都係熱辣辣嘅，咁我好小心夾起第一個，佢個小籠包底癡住咗張蒸爐紙，最後爛咗個皮啲汁流晒出嚟。其實食小籠包我都唔係第一次食，咁我諗住第一隻穿咗算啦，到我格第二隻嘅時候情況一樣，我仲已經特登攞隻匙羹準備墊住個底，可能我用筷子嘅技巧太差了，完全食唔到我想食嘅小籠包汁，真係好失望另外果兩個我男朋友食都係同一個情況，嗰四隻小籠包都係咁樣爛左底，d汁都只係食到一半。之前我食依間舖頭係喺另一間分店食嘅，不過隔咗兩年疫情之後經過尖沙咀又見到有蟹粉小籠包就入去食吓。疫情前我都一個星期入去食一次，最主要係食佢兩款唔同嘅小籠包。個韭黃炒鱔糊上咗枱，個賣相都唔錯，但係唔知點解食落去一啲都唔係好熱嘅，仲完全冇乜味，真係有啲失望反而啲條松子魚有驚喜，外脆內滑，只係嗰個甜酸汁比較重甜味，唔可以一次過食好多要不停飲熱茶，不過呢個魚下次可以再encore最後我再叫咗一籠普通嘅小籠包食，反而呢個小籠包就冇呢個問題，冇黐住張蒸籠紙所以冇咁容易爛，啲肉汁可以食晒重熱辣辣，食落反而呢個仲好食過蟹粉小籠包最後埋單因為我有張食滿$400減$100嘅coupon，賣單五百零蚊，隔咗兩年再去食呢間食店，感覺上啲食物質素差咗，有啲失望。

天氣開始轉涼，疫情放寬，公眾燒烤星期四開放，立刻諗起想book燒烤場地燒嘢食。 我男朋友打咗電話去呢間話有海景嘅西貢燒烤場。不過佢話聽電話嘅職員有啲奇怪，佢話俾咗個Number佢，強調唔記得個Number就唔可以入場今日係星期六，我哋約咗個朋友三人一齊去燒嘢食，喺門口俾咗兩張500，找回104元。價錢3個人，不過好奇怪，三個人除唔盡嘅，唔知幾錢一個呢喺門口就已經俾咗呢堆嘢我哋，好似有幾個紙碟，塑膠杯三個同一盒紙巾，唔知係唔係要計錢嘅呢我哋下午1:30到場，個職員開頭叫我哋坐右上角嘅位置，話已經開咗個燒烤爐，但其實成個場都冇人嘅，咁我哋就諗住坐右下角張枱，個職員好不情願咁話要重新開多個燒烤爐，仲以為佢哋個場將會好爆，嗰啲位會好緊張嗰種情況我哋打嚟book位嘅時候已經詢問知道要比紅酒開瓶費50元，咁我哋就再同啲職員溝通，出咗去俾錢門口嗰度俾錢開紅酒🍷，會附帶冰桶一個，當然我哋自備左紅酒杯添唔知會唔會因為係星期六下午嘅關係，我哋由一點幾燒到五點，都陸續有人嚟，不過10張枱都唔夠，但係嗰10張枱就迫埋喺一個圈度。因為嗰個範圍都唔係好大，變相有少少太陽你都會覺得係超級熱，所以唔好諗住呢啲天氣嚟呢度燒嘢食會好舒服。佢個場大就大，但係啲人就要迫埋坐埋一齊，得幾把吊上空嘅風扇完全通唔到風佢嗰度呢有個雪櫃就有啲蔬菜種類，不過攞過嗰啲粟米同菠蘿車厘茄，粟米係冰住嘅，如果大家想食粟米就可以日開始攞出嚟解凍最尾先至食至於肉類方便有牛扒，叉燒，雞翼同雞全翼。魚類都有秋刀魚同多春魚，因為我哋買咗個燒烤網同食物夾（要另加$70），所以燒得比較方便至於個番薯🍠係黃色嗰種肉，都幾甜。但因為個粟米我哋唔知佢係冰嘅，又解凍得唔夠，我哋由1:00坐到9:00先走，但係到9:00食嗰個粟米都仲係未OK 㗎，所以我建議大家都可以唔使食嗰個粟米🌽佢個啤酒選擇唔多，藍妹$20.1罐，嘉士伯15.1罐，所以我哋自己帶咗三支紅酒入嚟，總數個開瓶費係150。但兩三個人飲都已經剛剛好，紅酒其實都唔使凍飲嘅，不過因為佢包埋啲冰俾我哋，咁都冇所謂啦。佢呢度除咗有雞中翼香茅同咖喱兩款口味，仲有雞全翼燒。肉類有金沙骨叉燒等等，不過呢個金沙骨就真係麻麻地，叉燒都可以一試，至於牛扒都中規中矩至於佢除咗有蔬菜雪櫃一個，仲有兩個大雪櫃係放肉嘅。旁邊就會有啲汽水機按出嚟任飲。不過汽水機我自己就冇飲過，只係攞咗啲膠杯出嚟裝水飲，因為我自己自備左啲青檸過嚟飲水。整體嚟講佢嗰啲醃嘢比較重味，所以我係邊食嘢邊飲紅酒邊飲水的 太陽落山大約五六點度，我開始見到有少少人入咗嚟，最後其實成一個總數都唔夠坐滿30張枱，可能星期六少啲人黎燒嘢食囉。 整體黎講原本想book呢度最主要都係因為佢個賣點係海景，不過估唔到喺嗰度燒嘢食係好熱㗎，可能要12月先至會舒服啲

成日經過都見到啲人嗌嗰個餐好大碟，次次經過都想試吓，今次終於有機會俾我哋試到.我哋一起身就去食呢個早餐，我就叫咗呢個套餐樣樣有，有焗薯，滑蛋，西班牙腸，煙肉，麵包，同一啲沙律菜。佢成個餐最特別其實係嗰塊乾咗嘅橙，食落去真係好Flash，有驚喜至於我男朋友就叫咗呢個漢堡包，佢食落去個肉汁都幾Juice，佢都幾滿意。仲有個咁大個嘅薯條跟埋一齊嘅，我哋兩個人share一齊食，呢個早餐食得好豐富。一早就叫咗杯凍飲，你杯飲品個味道都幾濃郁，幾香，可以一試

自從疫情舒緩後，今日同男朋友一早book左位任飲任食羊腩煲，佢朋友喺附近做完運動join賣。一開頭第一round就開始食羊腩煲，有位女士好細心咁攞咗個煲過嚟同我哋講計小心黐底，我見嗰位女士着便服，我稱呼她為老闆娘。 第一彎個羊腩煲比較煙煙韌韌，我哋慢慢開始食，個味道都唔錯，出邊有啲腐乳醬同打邊爐嘅配料豉油任攞嘅。仲有個雪櫃，有汽水同紅白酒啤酒，我同男朋友一開始都選擇左飲白酒。飲落去個味道都正正常入口味道唔錯。我哋食第一round食到差唔多，有位職員主動通知話有其他枱嘅食客表示羊腩唔夠淋，主動建議會再蚊林啲，問我哋意見。我哋表示可以再林啲，個感覺覺得呢間舖頭都幾親切，會主動詢問食客意見後來先知嗰位職員係老闆對呢間食肆印象良好我哋食緊第一彎羊腩嗰陣時，就出咗熱騰騰免費嘅每人一隻大閘蟹，雖然隻蟹個size係比較細，但係裏面嗰啲膏係有鴛鴦膏，一打開隻蟹裏面全部都係紅色高，有少少白色嘅膏，味道香濃黏口一路食，一路飲，起碼飲咗幾杯白酒，之後開始轉飲紅酒，食羊腩煲到order咗幾round，大概食咗一個鐘頭羊腩煲之後，我哋就開始叫打邊爐嘅配料用羊腩煲去打。一開頭叫咗少少膳片，同埋龍躉片。嗰膳片上到枱我同男朋友都覺得超大塊，同我哋去街市買膳嘅切法一樣，又厚又肥大而且食落真係好新鮮，估唔到有bonus。至於個龍躉片就正正常常size同埋味道都可以。因為我哋都係比較鍾意食魚，所以都encore左幾次膳片，覺得食咗咁多膳片簡直值回票價。因為其實我哋今日主力係過嚟食羊腩，所以打邊爐我哋嗰邊都冇嗌到太多款，只係叫咗魚同牛肉必食嘅食材，個牛肉就中規中矩最後我哋食飽咗，都差唔多食咗兩個幾鐘頭，一路吹水一路食嘢一路飲酒不知不覺都差唔多時間。最後呢度原來有甜品糕點，老闆娘極力推介師傅自己做的，咁我哋就一於試吓啦。糕點個底部係椰汁味白色頂部係桂花杞子，食落去真係煙煙韌韌好彈牙，個椰汁味香濃，我哋三個人總共最後好飽嘅情況下都食咗每人五六我哋喺7:30前買單食咗兩個半鐘每人三百零蚊咦食物嘅質素同埋待客親切，我哋應該會再過嚟食

今日屋企人生日，因為疫情關係限人數，成年都冇同屋企人食過飯，而家可以六人一張枱，我哋就立刻book位。向疫情前我哋間唔中都會成家人去鍋心聚餐呢個係另外加嘅生蠔，不過就比較細隻， $40有五隻，不過不失成兩三年冇食過鍋心，佢嗰啲海鮮都係新鮮嘅，因為種類多，我哋人數又多，有時覺得出去食又會較為方便，每個人都係百零$200都幾合理另外我哋book位嗰陣時就要求要加呢一個龍蝦套餐，每人多$50，每人有半隻澳龍。Size就好像手板一樣長度。佢食落去都算啖啖肉嘅，呢個值得一試至於呢個聖子我哋都係即場另外加單嘅，$10一隻食落去都算新鮮我哋五個人魚嘅份量就有一條，呢個多寶魚又滑無咩骨，食落又覺得佢洗得好乾淨仲有帶子同鮑魚，呢啲就正正常常冇咩特別，都係新鮮嘢啦蝦本身佢俾咗個碗我哋裝，仲要攞個碟擒住，因為啲蝦係勁新鮮驚跳咗出嚟咁滯至於蟹就我每人半隻嘅份量上枱，一個字形容鮮

自從疫情放緩，我同男朋友一齊出去食放題都放心啲打去book位佢話多咗好多款新嘅嘢食，咁就去試吓啦一去到第一時間我哋食放題多數都會食生嘢先，咁就嗌咗個刺身拼盤，基本有三文魚，蝦同油甘魚刺身，最大隻嗰款蝦就好好食嘅有個鮮甜，細隻少少嗰款甜蝦你都可以不過就唔好大隻咁好食手卷都有海膽食，今次叫左海膽同吞拿魚用手卷，個海膽今次都算係幾新鮮至於壽司方便就每樣一件嚟試吓，新鮮程度到幾高呢個吞拿魚係第一次大喜屋食到，食落去都唔錯幾厚身。食完啲刺身之後，就開始主攻熟食。呢個係新款嘅膳，我哋都會一試，不過就個味道就怪怪地，個肉質就不過不失。呢個帆立貝就比較細隻，食落去都冇乜甜味都建議大家可以唔使去試。最後食完一輪嘅生熟食物之後，就開始食甜品最後嗰part，我就揀咗呢個乳酪，個味道都唔錯，又有啲士多啤梨果肉。埋單每人平均二百零蚊都可以接受。

我朋友之前試過呢間午餐，話幾好食專登搭的士入嚟帶我嚟試。佢呢個飯熱辣辣，果汁有幾夜魅，不過啲飯食落去就有小小硬，整體嚟講都算唔錯至於我叫呢個闊條麵係白汁底，不過個面就冇個飯咁熱，熱量一半，因為意粉要熱先好食，我落咗芝士粉落去都唔唔算好用溶到，係呢方便我就比較覺得麻麻地我哋兩個都嗌咗呢個凍嘅即磨咖啡，不過飲落去就唔係好重味，而且仲好甜，不過呢間嘢聽朋友講話成日爆滿，我哋都要喺午餐較早前入座先有位，到我哋食完嘅時候已經有部份人等緊位整體來講都對得到個價錢但係就唔會再特登去食