大哥雞原來除咗海南雞，都仲有其他好味的選擇，咖喱牛腩都唔錯，份量多，味道夠濃郁，另外海南雞亦都相當唔錯，雞肉份量夠！油飯好味道，下次可以試吓食其他嘢，我叫豬頸肉都不錯，一間不錯的小店

叫兩個炸髀意粉，唔同汁，因為我見到轉意粉先有汁選擇，再叫個瑞士汁雞翼飯，等唔緊要，其實都肚餓，佢一送黎兩個都係飯，已經講左要意粉，個寫單既應該係聽唔清楚啦，跟住佢地都好好叫廚房換，又等左10分鐘，但期間我見啱啱坐底既客人居然有得食（都係炸髀），有無攪錯。。黎到已經無胃口，跟住見到隔離枱叫炸髀飯，佢竟然比豬扒飯，重話係個客叫豬扒飯，佢無聽錯，甘個客就照食啦。佢地間鋪又唔係大，3個樓面，但就成日錯，唔會再幫襯，bye bye

呢間野真心難食，唔知係咪因為外賣，所以俾埋啲勁凍嘅家鄉雞，外賣都要俾錢㗎，可唔可以做得好啲呢，天水圍有咁多間分店大家千祈唔好去呢間，都唔會食呀掉咗佢 ，好難食口呀真係

今日5:30食晚飯，話full booking ,只可食到7:00，都無咩問題，叫左7樣野，全部都好快送到，唔夠熱又難食，唯獨得杯茶係好飲，點解會甘多人食，full booking,3大一細埋單700幾，好食既，物有所值無問題，但呢間野真係好難食

今日同埋一個兩歲小朋友及工人姐姐一齊食lunch，喺門口同一個應該係高級啲嘅侍應對話，我話三位，佢講完一句入去啦，跟住我問佢邊度掃安心出行，佢完全冇反應，跟住入到去，我話要BB櫈，佢真係攞咗過嚟但係就咁擺喺側邊，我自己搬開張原先既座椅，原來係勁重嘅，咁我自己搬埋一邊都算啦，跟住落單，又係同一個侍應，佢勁唔耐煩，問多句都嫌費事，最後佢竟然落錯晒啲單，雞扒飯變意粉，滴漏咖啡變朱古力咖啡，我本身係叫朱古力咖啡後尾再補一句轉滴漏咖啡，好明顯佢落單勁求其，我都費事再換，我堅覺得呢間舖頭唔應該收服務費因為完全冇服務可言。補充一句，一入到去見到地下有隻曱甴都已經唔開胃。 間舖頭其他侍應都幾好，唯獨呢個黑口黑面嘅待應真係應該要檢討吓，完全係趕客🤯🤯

話說我黎到餐廳，好守規矩甘㩒飛，本身3大1小，有架BB車，甘我好有耐性甘等，見到佢執緊張卡位，跟住有位女士無㩒飛，就甘同職員講佢2位，個職員竟然直接叫佢坐卡位，跟住我同佢講我地黎先，個職員態度好似好唔耐煩，跟住話：得得得，我而加安排間房比你，我想講介意係無跟程序，如果甘，㩒飛黎做咩🙄，唔覺得自己有問題，差既體驗

話說我之前係元朗yoho食左個月見豬腩肉丼，賣相同味道都好好，今日經過v city 間分店，於是滿心期待甘入去叫番同一個餐，嘩，一放上黎，真係圖文不符，豬肉燒得差，無咩用汁燒，又細塊，同Yoho果間差得遠，見到都唔想食，因為已經無哂心機，所以無影相，其實一個飯連加一都要成$100，分店之間可以分別甘大，Vcity 呢間我唔會再去，因為真係唔。好。食😡

環境好。但食物質素差差差。食半自助餐。4款主菜。3款無味。雞又鞋、魚又醒、牛又UN,配菜好食過佢。重差過出面茶餐廳，一間酒店出品黎講主菜真係差。但讚下佢冷盤都幾好。有螺頭、青口,整體黎講40分啦。
環境方面：地方乾淨，服務員都很好。會主動協助，除冷盆外。有沙律及中西湯、雪糕。麵包任食、全部都比主菜好。建議真的要在主菜方面著手，主菜太差。令人唔想再試第二次。希望可以改進，否則真係唔會有下次。唔會再幫襯。
糕場

見人話好食。就去試下。有驚喜。食物份量大服務好。有戶外雅座。揸車出面有泊位超方便。會再黎食！有好多唔同選擇但份量大2個人食得唔多。息合大班人去食。下次要食埋甜品！確係唔錯唔錯

落雨天。見新開張就入去試下。環境幾好。落地玻璃。可以望到少少海。我無試咖啡。反而試左佢地既咖啡酒！有驚喜！好好味。。重有加分點就係個咖啡師幾靚仔🤭！下次可以試下咖啡！唔錯