相信對於成日黎深水埗搵食既人黎講文記車仔麵呢個名絕不陌生 每次晚餐時間黎到，３間分店門外都係人山人海
為既就係一碗車仔麵
最近蕃茄先生有Ｄ作病，叫佢食粥又唔肯
佢話清清地想食車仔麵，所以就話食文記（請問邊度清？）
星期五晚大約七點半黎到，等左成４５分鐘，幸好先生都陪我等今次都係被安排到單邊座位 抬頭一睇就會見到層板上放滿唔同種類既調味料
我諗你講得出既都有，岩唒重口味人士，任落唔嬲豬！ 雞中翼雞腎米粉（小辣加腩汁）$32 呢度其中一味好出色既就係雞中翼
我呢個雞后緊係必點啦，雞中翼肥美得黎，炆得好入味
入味之餘Ｄ皮又唔會爛唒，Ｄ肉仲係彈牙咖，真係好出出出出出色啊！ 難怪見到Ｄ人會一碟碟當小食咁叫啦。
而雞腎我就第一次叫，反而一般般，雖然入味，但偏咸
同埋有Ｄ硬，老人家應該食得好辛苦，哈哈。 呢度既小辣我覺得唔係勁辣
所以我每次都會另加檯面上放係度既辣菜脯 菜脯唔會死辣同死咸，會有少少甜味，不錯不錯 呢碗就係蕃茄先生既 酸齋魚皮餃通菜米粉（腩汁）$37 望落去酸齋份量都幾多
平時大食積既蕃茄先生唔知係咪因為病
竟然連呢碗粉都食唔唒囉
我好後悔比佢叫左罐汽水飲
結果成個weekend都係床度吽病，嗚嗚

首先祝大家情人節快樂喔

從唔主張2月14日正日去食昂貴情人節套餐既蕃茄小姐
今次就跟埋蕃茄黎到呢間<吉列牛忌廉烏冬專門店>搵食 (睇下我幾幫你慳荷包)
大約7點半多D到達，人龍唔算長，而且門口有幾張長木凳比食客邊坐邊等（加分！）
等左１５分鐘就已經入得！座位唔算好寬敞，但都算坐得舒適，黑色牆身加埋加木檯，黑色鐵凳，銅色吊燈，裝飾帶點工業風！
而且每張檯上面已經預先放左燒吉列牛用既爐

黎到當然必點２款主打食物

牛肉咖哩忌廉烏冬($78)
就咁睇張相，以為係果Ｄ勁漏勁heavy既忌廉底
食落口第一啖有種bling bling的感覺
原來忌廉配咖哩係何其的夾，忌廉令烏冬更滑更彈牙
又能帶出濃郁既咖哩味，咖哩不辣，大人細路個個岩食
見到蕃茄先生食到 shu shu聲就知有幾好味吉列牛定食($148)
基本上每檯食客必點既食物！呢個吉列牛用平時一般日式餐廳既食法有Ｄ唔同
以為都係炸好唒全熟上檯，呢個吉列牛係原本沾了少少木槺粉再炸了一炸
所以上檯時仲係呈生既狀態，樂趣之一就係利用檯上既爐自己慢慢燒熟為止＊本人覺得要燒到全熟先好食，因為初初燒左幾下，當佢牛扒５成熟咁食，會好un＊
燒到全熟放入口就超juicy！
每個定食跟左一杯飯／湯／芝麻醬冷豆腐／車厘茄／兩個點牛肉食既醬
呢個價錢真係好合理！韓式甜辣醬單骨雞翼($65)
呢個就不過不失，甜辣醬好開胃
而且雞翼炸得剛好，唔會好硬，不過我覺得可以再咸少少會好味Ｄ

呢間既性價比真係幾高，食完蕃茄夫婦都異口同聲大讚會再返轉頭幫襯
下次要帶埋支熊寶寶，食完噴一噴個身啊，好大油煙味

原來小丸子對上一篇食評已經係6年前 即係小丸子已經老左6歲（好可怕既數字） 人大左記性都差左，係時候好好記低一下自己食左Ｄ咩落肚 亦想記錄一下蕃茄夫婦既美食地圖，第時老左可以回味一番 好彩去之前openrice一下原來之前去既西營盤分店已經搬左黎堅尼地城
如果唔係就白行一趟兼且蕃茄太太可能會變左炆薑

新分店既拎位方式由從前既人手寫飛仔，變左做自動化機器
星期二約７點幾去到，大約等左４０分鐘入得
門面大左，所以掛多左燈牌仔，令台灣夜市風味更加濃郁

店內裝修亦不失古早味，有唔多唔少既舊玩具，鐵皮掛牌作為裝飾品
暗暗既黃燈令食客彷如罝身於夜市，不過略嫌位置有Ｄ迫，同其他食客好close咁
但夜市就係咁啦(我唔好咁高要求好無) 最正既係店內有一檔檔"魯肉飯" "麵線" "珍珠奶茶" 檔口
令我諗起最鐘意去既師大夜市

二人order左2碗飯,2個小食同一杯野飲鹽酥雞$35 份量正常，但椒鹽味唔太夠，好彩夠熱新鮮炸起，不過不失，過下口癮可以試試 肉鬆起司蛋餅 $30 蛋餅皮夠軟身，肉鬆份量唔算姑寒，加左溶溶地既芝士
重點係我食到好似有美乃滋？令成件事更加夾
但蕃茄先生就話覺得蛋餅無咩味，我又唔覺喎 上：阿元魯肉飯$39 ，下：魯肉飯$29
兩份價值相差$10，分別在於有半隻鹵蛋＆2條菜心同埋飯份量多Ｄ
所以男士應該食阿元魯肉飯先會夠飽喔
台灣珍珠米索唒Ｄ肉汁，撈勻後加下２塊酸酸蘿蔔　好開胃而魯肉同平時係台灣食果Ｄ有唔同 呢度係比較粒粒分明，肥瘦肉平均，而且份量唔少（夾左好多比蕃茄先生）
台灣果Ｄ係一pat pat，口感濕Ｄ　
不過點有得比丫，台灣個價錢都平好多

珍珠奶茶 $23 正正常常，珍珠可以再煙韌D會好D

總括野食味道你話好好好出眾就唔係
但正常野食加個氣氛好地道，都足以令我再幫襯啦係咪先

從前中學時期，維記總是我地常到的飯堂之一
lunch hour只有一個鐘，所以一打鐘就以9秒9跑去維記食lunch

畢業後都再無光顧過，所以今日重臨此地，有種好親切的感覺

黎到豬潤老店，當然要食招牌豬潤米啦
物價上漲，售價也故之然上升啦，不過以$27一碗，也不貴店內姐姐仍是以高八度的聲音尖叫「潤米！！！」
相信這把聲音大家都不會感到陌生吧

豬潤米水準沒有倒退！（感動中）
熟了的豬潤一般都會有腥味，所以少不免用薑去中和味道
豬潤很爽不老，而且嫩滑
湯底亦是重點，湯面浮了很多「豬潤泡泡」
味道不辣且鮮甜。

連友人也把湯咕嚕咕嚕喝下去（她常說到外面吃麵時不可飲湯，都是沒益的）
那碗神湯的多麼神奇啊咖央西多亦是鎮店之寶，不過怕肥，所以點了咖央純多士($11)
這個友人咬了一口，便放棄了
蛋黃味道偏重，蓋過椰子味，幸好不甜

結果整件多士都給我吃下了


現在打食評時看到豬潤米照片
口水分泌倍增了

上個月去左泰國的greyhound cafe
已經試過「招牌脆炸單骨雞翼」，但感覺麻麻
雞翼炸過久，變得太硬，不能鎖住肉汁
所以以後都不會再order了

香港的greyhound 裝潢設計跟泰國的都差不多
以灰黑色為主，牆上更畫左好多好可愛插畫
地方寬敞，坐得好舒適lunch set menu自農曆新年後好似轉左
以前的set lunch是包括coconut／banana cake等等的甜品
而價錢則大約一百多元

今天的set lunch只有劃一價$98（平了）
更delete了甜品一項（但可加錢，加cheese cake)
飲品也是要加錢的。
最後選了煙肉和牛芝士漢堡setappetizer有是日精選沙律
有沙律菜加上麵包粒／炸煙肉片，最後淋上沙律醋
是很開胃！而且不heavymain course是煙肉和牛芝士漢堡
同行還有我最愛的粗炸薯條（很有薯味，我在說什麼！）
份量真的是十足burger是很厚的那種，不是m字快餐的貨色！
麵包是用了芝麻軟包

重點是那塊和牛漢堡！看看，芝士跟和牛是最好的朋友！
和牛肉汁豐富，幸好還有生菜和蕃茄來中和肥膩感

吃完整個set後，忘記肚餓是什麼感覺
足滿動力去工作，heehee

＊由於burger很厚，咀巴小的朋友可以先把burger輕輕按壓一下才吃！

脂肪是這樣鍊成的啦。

見到「菇旁」有做SML的團購優惠
加上係買現金劵（可以自己揀食咩啊嘛)立即買2張試試
前兩日book位都無full，可以安心去試

店內裝修都以木色為主
有一張好長的木桌，但感覺有d似food court
waitress 安排我地坐二人座位，唔駛同人迫

二人共點了4樣食物凱撤沙律（M size)
沙律主要有夠新鮮的羅馬生菜，
精髓在於沙律汁.麵包粒同芝士既配搭
豐富左生菜既口感煎鱸魚柳配香草汁 （M size)

M size有兩件，肉質有點鞋口，可能煎耐左
魚柳油脂不算多，配上香草汁 ，無咩特別白酒蜆肉扁意粉 （M size)
同事都有推介呢個pasta,不過就令我失望
份量係足夠二人，但蜆肉唔新鮮，白酒味道淡，扁意粉太硬
似一個清湯意粉多d ,完全無任何鮮味鐵板墨西哥牛腹肉 （M size)
呢個係見到好多人都有order,好香好吸引，所以我地都order
原來牛腹肉會配埋5種配料同薄餅
配料分別有牛油果醬，芝士，沙律汁，蕃茄醬，青辣椒

鐵板墨牛腹肉上台夠熱，不過牛腹肉好快就會勁焦
所以要趁熱食，略嫌太油。哈哈哈

整體係service 好，其他真係好一般
應該就無下次喇
原價$447，用左coupon後＄245
呢個價可以吃到更好的。

已經差不多一年沒在openrice打食評
但由於2012年最後的一餐，食得太不愉快，所以小丸子決定重出江湖

今日溫度只得8度，想吃辣野暖一暖胃，就想起「泡菜」
韓國餐廳？第一時間想起金巴利街，在openrice見到莊園韓國料理食評不錯
當晚大約 ７點幾，但等位人數已經好多
所以唯有去過第二間，誤打誤撞情況下，就到了「亞之媽」
坐底後，openrice一下，就知今次中招了

店內座位超迫，與友人被安排到四人座位搭枱
二人共order了：辣炒年糕，泡菜煎餅，燒牛仔骨
然後我們就說：「嗌住咁多先」
侍應說話：「無得加單，要一次過嗌，食用時間40分鐘」

　　　　　　　　
咩話！坐低叫完野食先話有限時？仲要得40分鐘
未食已經一肚火

先來前菜三小碟，（以前去過的韓國餐廳，最少都四碟啦）泡菜：不夠辣又不夠酸，連超市貨色都不如，其實泡菜好難唔好食！
水果沙律：有薯仔，蘋果等等，沙律醬稀如水
菠菜：淡到無味，是白灼嗎？辣炒年糕 ($60)
份量不太多，年糕無口感，食落一條麵粉
辣汁不辣，得個甜字，有兩片超薄魚片，好咸
除了兩片魚片，仲有幾條數得到的椰菜絲
講真呢個質素，真係同超市買既一包包DIY韓式炒年糕無分別燒牛仔骨 ($90)
份量都夠足，牛仔骨味道夠濃，
可惜肉質有點un,食完痴牙泡菜煎餅 ($60)
上碟時夠熱，幸好是即煎的
不過表皮煎得不夠脆，食到有麵糊感覺
泡菜酸酸，中和油膩感

賣單$210，呢個價錢去食Hungry Korean好過，起碼坐得舒服d
真係連快餐店都不如

估唔到2012年最後一餐係食得咁唔開心
所以最後倒數前食返杯yomama補數,開心返哂

經驗話我知，下次搵野食前，都係openrice一下好d

6:30pm黎到 成為第一台食客
唔想諗食乜 於是點了一個二人套餐 $238

食物包括
1 : 沙律一客
2 : 木魚湯兩碗
3 : 小食一客
4 : 串燒兩款(各兩串)
5 : 超級噹噹燒燒餅
6 : 甜品兩件

望落好似好豐富
其實份量都唔多

1:沙律一客(可選龍蝦沙律／北寄貝沙律)龍蝦沙律 份量細得可憐
應該係得一人份量
沙律以椰菜絲為主
所謂既龍蝦 其實係蟹柳絲

2:木魚湯兩碗
呢個真係好過份
同清水無分別 清澈見底 得幾豆碎豆腐

3:小食一客(可選燒煙鴨胸／走地炸雞／京都炸豆腐)走地炸雞 一客四小件
食得出係冰鮮雞 幸好係新鮮炸起
不過多油到死

4:串燒兩款(可選雞軟骨串／芝士雞串／金菇牛肉卷／八爪魚足等等)豬頸肉串 無乜特別 芝士雞串 呢個似返少少樣
雞肉有燒汁加上芝士 好香口

5 : 主角超級噹噹燒燒餅menu上寫住材料豐富，包括鮑魚、扇貝、瑤柱、蝦、粟米
無錯的確係有呢幾樣材料
不過全部都係碎粒見到既都係椰菜
而且燒餅麵糊好似未熟喎　
入口仲一pat pat既

6 : 甜品兩件兩得揀 得紅豆和果子
無特別

食物無特別之餘
價錢唔平
加上入面有個女服務員長期黑面
唔會有下次

提起五代同糖
只知道馳名的「雞蛋布丁」

是日黎到 竟然沽清
咁唯有試下其他甜品啦

order左一個焦糖燉蛋$30同芒果腸粉$26賣相的確唔錯
不過士多啤梨得一半 士多啤梨好貴咩　
面頭有一層薄薄既脆焦糖 一點都唔苦
下面係滑滑既燉蛋
加上有雲尼拿籽提升味道
不過甜左少少腸粉皮應該係用椰汁做 椰子味道不明顯
但芒果肉得好少
令腸粉賣相好唔飽滿
而且有dee酸
幸好淋芒果糖漿 挽回丁點分數

兩款甜點都無乜特別
唔值呢個價錢

在三色台飲食節目介紹的以前
門外排隊買腸粉的人龍都很長
當小儀金剛試食過後
人氣更加急升 雖然是平日人龍 亦不出期地長又長

在狹小的店鋪內找位更不容易
等位都花上一段時間
坐下立即點一份聞名的腸粉

原來腸粉有分大，中，小，三種
決定跟友人分享一份大 : $10 / 9條腸粉送上時只落了麻醬同豉油
麻醬比較水汪汪 似豬油
每張桌上都放了甜醬，芝麻，辣醬
自行加配 芝麻炒得好香
結果的不停地加辣醬同芝麻

腸粉形狀比起出面食到的較幼細
而且剪得比較長 食得有點狼狽
不過幸好質感結實 不易散開

把第一條腸粉放入口
果然沒有令我失望 滑到不得了
一條又一條放入口 好快就食哂喇

其實腸粉咁滑係因為加左麻醬同豬油嗎？

不過好開心又搵到一間會返轉頭再食既小食店