本來對折左400幾蚊既自助餐不抱期望，覺得正常就算，無expect要點樣好食法。 今日為左慶祝男朋友轉工成功，所以揀左百樂酒店自助餐黎慶祝，點知一試係翻唔到轉頭😂😂😂首先講凍海鮮，麵包蟹係隻隻都爆曬膏，即刻秒殺左2隻，共4舊。通常長腳蟹都係最驚係過鹹同縮水無肉，但哩間野最令人震驚既係。。。。。點解每一隻蟹腳都可以鮮甜到癲左😨肉質同味道都係無得輸，好食到上左天堂🤣🤣於是，我又1個人食左3大碟👍👍👍👍d蟹殼疊到勁高，連d職員都望住我地😂😂😂 如果係唔太中意食凍野既都唔緊要，仲有以花膠同燕窩做主題既熟食，有鮑魚燕窩蒸蛋同埋鮑魚燉花膠🥰當中我覺得最吸引既係花膠蟲草花湯，一黎夠暖，二黎係食材既原味唔會過鹹，推薦👍👍👍 甜品的款式都算幾多，全部都唔係hea你。以海綿蛋糕做基底既款式好好食，個蛋糕好有層次。另外，櫻花益力多慕絲蛋糕酸酸甜甜又令，望得又食得，打卡一流❤ 整體黎講，cp極高，470蚊有出面6，700蚊既質素。但扣分位係牛排過熟，雖然有牛味但唔吸引。另外，片皮鴨都唔太特別。可能係海鮮同甜品太高質，相比之下熟食比較失色。

叫左薏米同紅豆豆腐花2碗，一碗只需3蚊，平到咁去邊到搵？講真，哩個價錢，我真係唔要要求太高，本身預正常水平。但紅豆同豆腐花異常地夾，唔洗落糖已經好好味個豆腐花好滑三蚊渣！如果我屋企樓下有，我一定日日食，真係好抵，cp值爆燈 之前係東張西望個到已經知亞玉豆腐花同隔離店鬥平賣豆腐花。3蚊一碗真係唔知有無賺，見到隔離豆腐花好多人買。但各位手足請留意，此為良心香港人店，雖然年輕一輩未必成日食豆腐花，但都希望可以幫襯下請多多支持良心小店！

夜晚8點幾仲見到人龍就知ceo既影響力有幾大啦入面坐滿曬，員工都係印度人。 知道最出名係咖哩,下次會再試。行完山叫左個烤雞卡巴外賣，勁正！本身都考慮緊要印度烤雞定土耳其，不過哩間店係正宗印度菜，就叫印式。知道哩個既特色係印度嘢食，所以叫印式卡巴，烤雞係真係有烤過，食得出落好多香料。一開始覺得價錢好貴，但真係一分錢一分貨個雞好香，其實雜菜好夾，個醬都好香個沙律都係同卡巴同一個醬，發揮到蔬菜的香味。下次黎會再食蔬菜新鮮，醬好夾。

一行到過黎見無人排隊，覺得有慘。一望個餐牌哇左出聲一杯大既水果茶要45蚊??！！我以為我眼花，跟住就同男朋友商量要杯中size算，純粹抱住支持黃店既心態去試。當我買收銀大杯size有幾大既時候我即刻明白點解咁貴。。。哩個唔係叫大杯，係叫king size建議老闆真係放係當眼位置，等d人唔好見到個價錢就卻步，因為真係唔試好浪費 好啦，叫左杯菠蘿蜜桃茶，得一個要求，只要唔好膠味就得。作為水果茶既fans真係，真係中國好多次伏，一係無水果味，一係膠味，尤其蜜桃好容易好膠。點知，重點黎啦！～一飲，真係估唔到，菠蘿同蜜桃可以夾到咁天衣無縫，隻味完全唔膠，d水果好甜，好出色！真係飲過最好飲既水果茶，大推！

可以由開店坐到走都唔會有人趕 lunch好抵食，70幾蚊一個餐(包自助沙律同茶任飲) 自助沙律區有好多新鮮既生果同蔬菜，好健康。連醬料都有不同款式，迎合唔同人既口味！就算第一次食，唔知加邊d，亂咁撈一通都好好味如果係出邊cafe食沙律，都要40-50一個，仲要只係好細，但哩到係比你裝一大兜無錯，係一大兜啊！！！ 本身對個粉唔係話好大期望，霖住70幾蚊有沙律又有野飲，會唔會主食好頹？答案係唔會！叫左個醬燒雞肉長通粉，真係好好味，肉汁好香。唔知係咪個沙律太開胃，窩一口氣食曬成個通粉，一d都唔覺得好(漏) 當我地食完野，店員仲主動過黎倒茶比我地，好有禮貌。當走既時候，店員不停同我地講多謝良心小店仲要歡迎dse學生全日齋坐唔趕

今晚同男朋友經過見到潮州野，打算試試，覺得頗有驚喜。 男朋友最愛鵝片飯，60幾蚊有10塊鵝片加飯，都算幾抵。鵝片片得薄，肥瘦均勻，入口好香，忍唔豬片都食埋。原本以為只係白飯，但原來有鹵水汁係面，好香八角味，睇得出係用心製作的鹵水汁，必試！ 另外，仲試左炒蜆同糖醋麵。雖然炒,蜆份量偏細，但炒得好香口，都可以一試。糖醋麵比較新式，相信係獨創既潮州菜，頗為有創意。可能因為鵝片飯實在太正，所以都係推薦鵝片飯，必食！！！！

已經係第二次食，一見到好多人推就想試。一入到去個裝飾好有韻味，好日本風，坐得又舒服，環境唔會好嘈雜。不時見到有人係到同三五知己食飯。 當中最好食同抵食係秋刀魚定食，60幾蚊就已經有一個set，仲要好飽。秋刀魚底有燒汁，店員會比個檸檬你加檸檬汁，又係另一翻風味。另外串燒都好抵食，如果7點前落單仲有特價。有唔少人都會叫玉子燒，係我食過最好味既玉子燒，果然無令人失望。當日我叫既係芝士蟹子玉子燒，性價比好高，40幾蚊已經令你食到飽，大件又好味。 另一個最多人叫既係蟹膏蟹肉煲，好足料，好抵食。陪鍋巴簡直係錦上添花。不過我個人都係中意食飯多d，如果有得揀我比較中意送飯。一個人大約100蚊既日本菜，唔洗加一，服務態度超好，咁既質素去邊到搵？

平心而論,其實比這裡的台灣菜好吃的地方也不少。但是這裡也有它的優點。環境不錯而且挺舒服。職員應該是台灣人,頗為熱情。當我們正在研究什麼是山賊肉(不太記得菜名),職員很認真地為我們介紹這道菜。職員怕我們誤會有魷魚,很細心地為我們講解這是什麼。我點了一個逢甲鹽酥雞肉燥便當和珍珠紅菜,而朋友也點了類似的東西。但有趣的是飲品和外面的不太相似,常見的珍珠奶茶不見了(在菜單上沒有,但原來可以點),換來的是珍珠紅茶。令我們最摸不著頭腦的是阿華田豆漿和豆漿紅茶等飲品。我們還真是第一次看到有這些飲品。朋友和我下單前都想像不到這會是什麼味道,但朋友後來説:「其實挺不錯的。」雖然我感到非常驚訝,但還是相信她。

上菜的時候才發現飯都比我想像中少,可能是因為碟太大吧?唯一一點可以肯定的是肉燥的確比其實店少很多。但鹽酥雞和豆卜的味道不錯,而且賣相不錯。珍珠紅茶比我想像中好喝得多,不會太甜(因為點了半糖)。雖然魯肉飯要大概50元一份,好像有點貴,但其實台灣菜一般都是這樣的價錢。還記得以往去過3間台灣餐廳,魯肉飯都大概是這優錢,但是如果要配飲品的話就必定比這裡貴最少10元。因此我覺得這價錢合理,只是比一般港式茶餐廳的食物貴。當我去廁所的時候,職員會為我開燈而且提醒我小心地滑,很細心。總括而言,環境不錯,職員很有禮貌且食物味道不錯,但希望肉燥飯可以有多點肉燥。始終太少肉燥還是會對味道有一點影響。

一入去見到冇咩野已經霖緊點解咁少人,唔通係伏?其實服務,野食都冇問題,最大問題係收費。本來霖住200元內,點知收錢嗰時見到茶芥要20元。我呆曬,姐係+1都算啦,好正常,宜家到到都有。問題係我由坐低到走都冇飲過茶但收茶錢?定係佢係要個客出聲話要水先會有?講真如果你話哩d係醬料錢,你寫到明我都覺得算。我真係r曬頭野其實好普通,唔係話特別好食,但真心貴,唔值哩個價囉。下次唔會再來,一個人250既話真係食放題好過。唯一覺得幾好既係環境,都幾大。

我應該都唔會再來。本身係見好多人話好食先霖住試下。首先,一入去見到咁多人,d位咁窄已經心知不妙。窄到一個點係,d人要位呢,d職員要成張枱抆出來先可以比人入到去。不過如果d野好食都唔係問題既。咁好啦,就叫左灌湯餃,蝦腸,竹筒飯,生菜同埋牛肉球啦。灌湯餃同個飯其實係唔錯既,最正常係哩两樣。
蝦腸其實都足料既,好多蝦,但係一食就覺得出事。點解呢?因為個腸粉係唔滑而且厚粉,一食成啖粉。講真,係我食過最厚粉既腸粉,仲衰過一般酒樓,但貴過一般酒樓。好啦,食牛肉球啦,個牛肉球都唔係咩難食,但死就死在d汁。我朋友本身對食冇咩要求都話:嘩,咩來嫁==
哩到所有野都係貴過酒樓,但唔係樣樣值咁既價錢。而且好焗又熱,食食下都有人叫員工開大d冷氣。但個員工就叫佢開門。。。。我呆曬。我唔知咩原因d冷氣會細到咁啦,但係其實真係焗。我都知香港地樣樣野都貴,但冇理由冷氣都唔開得大d掛==
所以我一食完就同朋友話以後都唔會來。