蘇杭冰室之下午茶 帶埋bb 去食下午茶，入到去坐低，啲姐姐好nice，喺甘撩bb😄 講返野食，一睇餐牌就覺得花多眼亂，實在太多選題。最後揀左雞扒包配薯條。 個雞扒包大大個，雞扒亦煎得好香，但薯條就失色了，林晒，有少少凍。

喺尖沙咀搵食實在太花多眼亂，今次想食中式野，誤打誤撞搵到依間。 佢的套餐價錢合理，有茶有飯有湯。 食左兩個飯餐，籠仔鳳爪排骨飯杯椰子燉雞湯，另來係籠仔金針雲耳蒸雞花甲粉絲湯。個籠仔飯一啲都唔細，真係可以食到好滿足。湯同埋點心都做得唔錯👍🏻

如名題，真係好多人去買。 食店開6pm, 我6:30pm去到，佢已經講話清緊what’s app d單，宜一刻落order最快8pm先拎得。但我見既然甘多人食，我點都要試下，所以都照落order。 因為店主唔識睇中文，所以門外會有張紙仔俾你落單，只需寫上食物編號及聯絡電話，再交給店主，佢哋就會幫你排單，到煮好咗之後佢會打俾你叫你拎得，唔使自己企喺度呆等👍🏻 店外面，有啲枱仔同膠凳，有啲人會選擇開枱，喺嗰度門口食飯，而我就決定外賣。 我叫咗兩個炒飯，加一個炒菜加一個炸蠔餅，全部味道都中上。雖然冇特別嘅擺盤，只係用外賣盒裝住，但都食得出原汁原味嘅泰國菜👍🏻重點係佢嘅價錢十分平民，絕對冇獅子開大口👍🏻

去左康城的outback食下午茶，可能我地太晏去成四點幾先去，場內無客😂得我地一枱。 食物質素一貫outback水準，不過想講同想讚既係佢地的服務唔錯，落單快手，上菜又快手。整個用餐體驗良好👍🏻

無意中發現呢間越南野，居然搵到寶👍🏻👍🏻 揀左蟹膏蕃茄湯檬，真係無揀錯👅好味。個湯底好香濃，小小酸，加上啲配料，係好味，最尾我係成碗湯飲晒👍🏻 佢杯特飲芒果沙冰又係好香，入口唔似一般沙冰甘。反而我覺得好有多芒小丸子果杯的味道👍🏻👍🏻 叫多個越式香茅雞翼，又係好味，首先係煎得香，其次係佢本身醃得好入味，雞翼本身的味，加埋醃入骨的香茅味，我諗林雪一定好岩食👍🏻👍🏻 我一定會返兜🌟

今舖真係街口個大口強都一啖咬唔晒系列。個包沙煲甘大個，菠蘿+雞柳+再配埋個BBQ醬，真係好味。 一邊食，啲汁一邊喺嘴角流出黎，甘先係享受家嘛。 食完個包，加埋薯條同飲品，飽晒👏🏻

上菜速度都幾快手，個吉列豬扒去到面前都仲係出緊煙 我覺得最好味係佢配左既醬，真係有諗過。 下次再去，就想食下佢個豬扒包，我見有幾枱人都食緊佢。 環境方面無咩特別，正正常常茶餐廳。

近$100左近一個午餐，都算係中價價位，不過佢的食物質素，上菜速度，完全對得起呢個價錢👍🏻 由落單至上餐，只係大概5mins左右。 同行兩人，分別食左虎蝦意粉同埋鱈魚意粉，佢啲忌廉汁好入味，虎蝦同鱈魚都好足夠份量👍🏻

又係日本野無得輸系列。 今次下午茶時間去左APM food court搵食。都有唔少食肆選擇。但一見到蛋包飯，立即唔洗再考慮，肯定就是你呀😄 制作時間5分鐘左右。 豚肉同蛋包飯比例一比一，夠晒誠意啦。味道唔錯，啲豚肉配上燒汁好香口，口水都流呀。

如標題所講，我的最愛公司繪意粉。 懶得落街，又想食公司會意粉，呢一間茶餐廳做得到。 佢哋可以買滿$100就會送外賣送上門，啱晒嗰啲懶人。 爆滿茄汁酸酸地，再加埋雜錦餸，好味😋