八時神仙草
呢間來自台灣既人氣甜品店
主打係各款仙草甜品
我同朋友試左兩款甜品都好滿意!~

1.抹茶焙茶奶蓋雪花仙草盛  $98 八時神仙草既雪花冰同坊間既唔一樣
每一啖冰都會食到仙草絲
口感十特別!
奶蓋好濃茶味而且甜度適中
另外冰底仲有一層仙草 配埋雪花冰一齊食好夾
雪花冰仲會有埋好多配料:芋圓,水晶,紅豆
可惜芋圓就麻麻地 食到中間有d粉粉地
而且唔夠煙韌 2.圓仔芒果嫩仙草盛盤 $58
佢地既仙草係天然無鹼製作
食落真係好嫩滑
滑到成日用匙羹舀都Sir走左
另外各樣配料份量都好足
整體味道都唔錯!

太平館(尖沙咀店)

小編最近有移左民既朋友番泥香港放假
一於同佢試下呢間老字號懷舊港式西餐廳
相信大家都聽過太平館既巨型梳乎厘
原來除左梳乎厘    太平館其他主菜都同樣出色! 店內環境好靚好有氣氛
啱哂同朋友傾計聚會 我地就係晚市時段試左以下幾款招牌菜:

1.太平館瑞士雞翼  $198／8隻 餐廳介紹呢道菜係佢地最具代表性既名菜
雞翼生浸在由自家秘製既瑞士汁
用文火浸熟至入味   所以都要預留20分鐘左右既製作時間
雞翼即叫即浸  食落嫩滑多汁同埋好入味!!
好想叫碗白飯撈汁食~ 2.太平館瑞士汁炒牛河  $138  餐廳用新鮮牛冧肉配河粉
再加上秘製瑞士汁
味道十分之夾
河粉夠香滑 牛肉又好嫩唔會過老
不愧係經典菜式!
 不過菜名叫炒牛河 其實上菜後係要自己撈勻
唔明點解佢叫炒河而唔係撈河 3.岑味牛脷飯  $140 岑味Salmis係一種法國醬汁
主要用牛油及雞肝、酒煮成
味道都好特別
而牛脷有3片厚切
質感好軟熟!   軟稔中帶點彈性
牛脷水準極高
連配菜都好食 4. 太平館焗梳乎厘   $160 講起梳乎厘一家會諗起太平館  梳乎厘係全人手即叫即做  焗到金黃色 呢份巨無霸梳乎厘空氣感重
口感軟綿綿~又有濃郁蛋白香。 我地今餐都好滿意
下次會想試埋其他經典菜式!

Little Cove Espresso
早排長假期留港消費
我地就入左西貢望下山望下海
而呢間Little Cove 都好出名
每次經過都見到大排長龍
居然比我地撞到冇咩人排隊
Cafe分室外及室內座位
如果帶寵物既就只可以選擇室外
我地今次就叫左兩款早餐:

1. Smoked Salmon on Sourdough Rye $130   叫到附近好多人都係叫呢個
賣相十分吸引!! 有勁多塊煙三文魚
再配埋百里香、火箭菜同Sour Cream
完全中和左煙三文魚既油膩感
而且又令到成個味道更豐富
好好味🤤
可惜既係Sourdough冇烘過  如果脆口D會更好食
2. Pulled Pork Benedict $145
手撕豬份量好多而且好惹味!
豬肉既香配流心蛋、菠菜、青蘋果條同Hollandaise
整體味道唔錯! 健康得泥又好食
  3. Dirty $42
另外仲叫左杯Dirty
咖啡就一般般
唔算特別好飲

如果入到西頁玩又想食得Light d
Little Cove絕對係好選擇!

今次泥到將軍澳就試左呢間意Six Cafe 餐廳中間有一條走廊分隔開堂食位置同收銀, 廚房   開放式既設計令到餐廳更加有空間感 坐都坐得舒服D  意Six Cafe位於The Parkside地舖  呢間小店十分之抵食   晚餐都係大約$60幾就有齊主食同野飲  而且食物質數都相當唔錯～  
我地就試左以下幾款  
1. 蜆肉煙三文魚炒扁意粉配丹麥多士（白酒忌廉汁） $62  意粉煮得好彈牙同埋炒得夠乾身！忌廉汁既味已經融入哂係個意粉到
 而且蜆肉煙三文魚份量十分豐富! 呢個價錢估唔到可以咁足料！大滿足！  我地仲另外加左＄2轉香草芝士多士 ～十分之惹味香口！
如果有餐湯點埋就更加Perfect池！    2.大蝦海鮮炒炒扁意粉配丹麥多 （意式蕃茄醬）$60  配料都係一樣咁豐富！意式蕃茄醬酸酸甜甜好開胃～  成個意粉大大份麵只係$60蚊！ 真係好抵食   3. 香香炸雞（墨西哥式芝士醬）$38  炸雞好脆口！肉質都好嫩滑Juicy  點埋芝士醬一齊食十分滿足   4. 酥炸魷魚鬚（韓式甜辣醬）$38  魷魚鬚炸到好香口！炸粉又唔會太厚  好味！   總括泥講係將軍澳用$60蚊就食到咁豐富既晚餐 性價比真係好高！大家快D泥試下啦！ 

元朗燒賣皇后
我直入元朗~
話說早排去開元朗
咁啱口痕想食D小食
見到燒賣皇后就想試下
個名成日都聽到但係就未食過
但係應該係最後一次食佢！

我本身係燒賣控
個個星期最少食一次
呢間元朗燒賣皇后就令到我相當失望!
去到見到佢有招牌白魚蛋同香菇豬肉燒賣
兩款都想試食咁就梗係叫個孖寶啦  我第一次食就落單時問店蹟孖寶係用普通魚蛋定白魚蛋
點知佢一下就反我白眼話我地魚蛋得一款 另外我本身都算食得辣
但係佢地既辣椒油係多到差唔多浸住D燒賣!!
辣椒油勁辣但唔算香口
後期辣到我食唔到D魚蛋燒賣咩味
仲要辣到我係咁肚痛 再講番個香菇豬肉燒賣
蒸到過哂龍變形又淋身
豬肉味欠奉 一D都唔香唔彃牙
另外個白魚蛋又係冇魚味
唯一好處佢口感係彈牙既
但係孖寶都成$30蚊
呢個價錢性價比極差
食劣食我寧願食番龍津算

今日又泥到九龍城覓食啦!
好近地鐵站! 行幾分鐘就到
居酒屋內部係日式裝修 位置都舒服好坐
餐廳環境都好靜 唔算多客
好啱同朋友傾下計食下野
今日我就泥試下個
我揀個個有齊沙律、茶碗蒸、湯、主食
沙律唔錯  菜夠新鮮 茶碗蒸正常發揮 主食方面就叫左角切什錦魚生丼 $118 賣相都唔錯 都比好多魚生
魚生都好鮮甜足料
飯又煮得啱啱好 配埋一齊食好滋味
當日居酒屋仲按人頭送左幾粒芝麻雪糕比我地做甜品  芝麻味好香 好好食
整體泥講都唔錯  可以要番啅!

今次我地黎到呢間Kokoro Tokyo Mazesoba
相信大家食拉麵多數都係湯或者沾麵  日式撈麵就比較少見  餐廳室內都有好大句slogan
強調佢地唔係拉麵、唔係沾麵、而係東京撈麵! 撈麵靠麵既豐富既口感同配料既配答  帶出唔同既層次同風味
另外一大賣點就係餐廳自家新鮮手製麵條
麵條採用日本配方  以優質全麥麵粉製作 令到個麵有淡淡既麥香味 口感滑溜得泥彈牙!
我地就試左其中兩款日式撈麵

1.正宗全料東京撈麵 （$109）
全料東京撈麵有齊12種新鮮食材
包括日式慢燉叉燒、肉燥、鯖魚粉、生蛋黄、
紫菜、蔥、韭菜、竹筍同蒜末  十分足料! 撈埋一齊食好滿足~ 2.明太子忌廉撈麵 （$99）
呢款配菜有明太子、豬腩肉、生蛋黄、蔥、紫菜碎、水菜、唐辛子絲、蒜末同魚粉
麵質真係好彈牙 但可惜明太子忌廉味道唔太出  個汁亦都比較少 食落會清淡D
但好欣賞撈麵加水菜  令到個麵多左一種清新既感覺~ 撈麵有幾個食法
首先係試原味  食到1/3 加即磨黑椒粒 之後再加秘製香醋 加黑椒粒令到個麵更加香!唔錯
但係我個人覺得加醋後會蓋過左本身撈麵既汁
好似明太子忌廉咁加左少量醋就會得番酸味
醋個人覺得可以skip
最後可以同餐廳要番個迷你白飯撈番d汁食 不過可惜本身撈麵汁真係唔多
撈白飯效果一般 Menu:

近排就去左深水埗買年貨
去開深水埗梗係要順手試埋附近既特色美食
行經呢間粉制良品比佢門口個部河粉模型吸引到 睇番介紹原來呢個手工筲箕河粉係用陳年梯田糙米石
石磨成米漿後再用筲箕即蒸即切整成河粉
好似幾吸引!
試左兩款河粉

1.手撕雞筲箕河粉 $36
個河粉超級滑而且有淡淡既米香
口感係比較似涼皮個種質地
手撕雞都比得多 唔會話食到尾冇哂餸食!
個汁都好食!唔錯! 2.牛三寶筲箕河粉 $48
牛三寶有齊牛腩、牛肚、牛筋
個腩汁好重五香味好正~
牛三寶每樣都好入味好淋
唯一可惜既係每款牛三寶都切得好細件同碎
如果可以多大舊D就好啦 咁食落先有滿足感
另外立食台面附有酸菜同脆豆可以比你自己加
提提大家落單個時仲可以加辣
有D辣味個河粉會再惹味D! 餐廳可以whatsapp落單
如果大家想食可以提早order定
咁就可以慳番d時間啦~

近排天氣凍左 成日好想食D熱喇喇又有湯飲既野~
拉麵都係一個唔錯既選擇!
而呢間大丸長期都好多人排隊 餐廳係日本人主理
每樣細節都好用心
Feel到滿滿既日本味!
當日仲見到唔少外國遊客
大丸12點開  入面坐位比較少  我地11:55分先去到就要等下一輪先入得啦 不過都好快有人埋單 差唔多12:17就入到
餐廳都好有效率
排緊隊既時候已經落定單   入座之後好快就已經有得食~ 同埋負責門面個位職員都幾nice
見有小朋友排隊叫凍就主動比D暖包佢地
餐廳提供有蒜泥、七味粉、芝麻、黑椒 等你食到咁上下可以轉下口味
另外仲可以問店員拎圍裙同橡筋紮頭髮   都幾細心 講番食物先
我地就分別試左
蝦味貝丸  兩款拉麵我地都揀左粗麵 麵質好彈牙 食落好有口感
每個麵都跟叉燒、木耳絲、糖心蛋半隻
叉燒有3大塊薄切  肉質係出乎意料既軟熟 糖心蛋熟度啱啱好
湯底又好濃好好味
而且仲可以揀油量
啱哂怕肥既人
同埋貝丸既蜆全部都大大隻好厚肉又鮮甜
成碗拉麵都好完美
另外醬油味貝丸
湯底比蝦味貝丸較為清淡
但係加左蒜泥之後又豐富番!
都好好食
配料就同蝦味貝丸一樣
好味!

青蔥沙律醬餃子
算係比較少見既組合
餃子皮好薄  煎到脆脆地再配埋大量既蔥同沙律醬
勁好食! 又香又煙韌
推介大家一定要試呀! 又係好滿足既一餐!  食完心情好好
會再Encore!

呢期牛角做緊優惠
1月16號至1月31日期間(星期一至五)
牛角所屬集團旗下品牌推出多個熱能互動情緒宣洩餐
二人價只係需要$288！
(詳情可到牛角社交平台了解~)
今次我地就去左奧運既牛角食べ放題実施店
二人價$288 可以食到90分鐘既SS1 34品燒肉放題
野食種類唔算多 

但係呢個價錢食到燒肉放題都唔錯!~
上菜速度都算快 而且落單既份量大部份都泥足!
可惜SS1呢個餐唔包甜品
放題冇杯雪糕收尾係差咁D
牛雞豬肉質都唔錯 
係雞翼燒出泥冇咩味



而且無論係燒汁/鹽味/辛味既肉
燒完都係冇咩分別
因為感覺上佢係每款原味肉面上淋唔名既汁就係唔同口味
而唔係用唔同味既汁醃肉
所以出泥各款味道唔算出  都係靠台面上附有既醬汁調味
另外90分鐘都食得幾急 隻手冇停過係咁燒
而且食左一個鍾就會Last Order
Last Order個轉野食都要等比較耐既時間先上到菜
整體每款野食都唔錯
我就特別鍾意食佢個紫菜凍豆腐同牛角飯! 
忍唔住都Encore左!~