.#foodie #hk #hkfoodie #HTB美食推介 【葵芳泰式外賣店｜主打香蕉煎餅及袋裝飲品🫓🍌】 葵芳出名都多唔同隱世小店，所以方便、細細份、可以拎住行住食嘅，絕對係大多數人嘅選擇！哩間泰式鋪頭細細間，但佢嘅裝修好有泰式風味，成功吸引咗小編過去試下👀 . 🐨法式焦糖香蕉煎餅 $40 推薦度：⭐️⭐️⭐️⭐️⭐ 係香港好少地方可以食到泰式香蕉煎餅，呢一間即叫即整，熱辣辣加晒分！煎餅係以半煎炸方式，煎到外皮薄脆～ 法式焦糖口味更加係佢哋首創嘅添！又點可以唔試吓呢？外面加咗焦糖，令到外皮變得更加脆口，但又可以保留到本身餅嘅酥脆口感，設計認真花過心思～ 內餡同外面都分別有香蕉片，份量豐富所以食到濃濃香蕉嘅香同甜味，口感同焦糖都好配合👍 行過嘅朋友，不妨可以試吓！份量都非常之多兩個share食都唔過分🫶🏻 . 🐨炸饅頭（2件） $15 推薦度：⭐️⭐️⭐️⭐ 炸饅頭同樣都係即叫即炸，外面炸到啱啱好金黃色，唔會令到個饅頭好乾或者好硬～ 保持到本身饅頭應有嘅鬆軟度。另外喺表面輕輕唧咗少少煉奶，唔會太甜，份量同味道都啱啱好！ . 🐨泰式奶綠 $20 推薦度：⭐️⭐️⭐️⭐️ 平時慣咗喺香港都會係膠杯裝，見到佢圖顯示係用袋裝，睇黎想還原返泰國嘅感覺😂 不過小編之後要做嘢，所以都有問店員可唔可以唔用袋裝...... 店員好好，轉咗個熊仔樽俾我，既得意又實用🫶🏻 味道方面，飲落都好順滑，奶味好出，後勁就有淡淡綠茶，神還原泰味道！ ——☼——☼——☼——☼——☼—— 蕉積妹 📍地址：葵芳葵富路7-11號葵涌廣場3樓301E號舖 🐨推薦度：😋😋😋😋/5 💰人均價格：$50-100 🪸環境：👾👾👾👾 🗣️服務：👍🏻👍🏻👍🏻👍🏻👍🏻 📸食物打卡度：💡💡💡💡 🛠️分類：#HTB葵芳 #HTB泰式 . #葵芳美食 #葵芳 #泰式 #小食 #煎餅 #袋裝飲品 #外賣 #美食推介

.#foodie #hk #hkfoodie #HTB美食推介 【大埔舊式冬菇亭｜踩完單車嘆港式下午茶🚴‍♀️】 冬菇亭嘅特色就係你可以選擇坐戶外嘅地方，感受吓大自然🌥️☀️不過小編呢啲咁怕曬嘅人當然都係揀返室內有冷氣嘅地方啦！冬菇亭特色就係好有人情味，好多食客都係街坊，一入黎就有傾有講～嗰日仲有對孖仔同小編say hi, 勁得意👋🏻 . 🐨花生醬西多士 $20 推薦度：⭐️⭐️⭐️⭐️⭐ 一上枱所有兒時回憶返晒黎🤣因為佢係計埋一支糖漿上枱任你落，比起好多連鎖店嘅一包真係好太多！！！小編當然都係糖漿控啦～滿滿糖漿加埋厚厚嘅牛油佈滿方包面，一切開見到夾住花生醬，好邪惡但開心～味道就唔會有咩特別驚喜㗎啦...不過😍😍外面炸到薄脆，加埋方包嘅軟，正正就係西多應有嘅口感，簡單做出不凡！ . 🐨生炸雞髀配薯條 $41 推薦度：⭐️⭐️⭐️⭐️ 生炸雞髀原隻拎去炸，即叫即炸，等左10分鐘熱辣辣上枱！雞髀預先醃過食到有少少辣椒香，但又唔會好搶味，反而降低咗生炸嘅油膩感，唔會食到好飽飽滯滯～雞肉都保持到鮮嫩有肉汁，配埋港式粗薯條脆卜卜，勁滿足～ ——☼——☼——☼——☼——☼—— 富記驛站 📍地址：大埔寶湖道28號廣福商場地下廣福街市CFS1-4號舖 🐨推薦度：😋😋😋😋/5 💰人均價格：$50-100 🪸環境：👾👾👾👾 🗣️服務：👍🏻👍🏻👍🏻👍🏻 📸食物打卡度：💡💡💡💡 🛠️分類：#HTB大埔 #HTB港式 #HTB茶餐廳 . #大埔美食 #大埔 #港式 #茶餐廳 #雞髀 #西多士 #下午茶 #冬菇亭 #美食推介 #competition #食店 #富記驛站

.#foodie #hk #hkfoodie #HTB美食推介 【顯徑自家製小店｜🍰用心烹調每日限量蛋糕】 鋪頭細細但係賣野嘅類別都唔少，有特色意粉、自家制麵包、芝士蛋糕同咖啡☕️ 近排仲新推出咗韓式下午茶，梗係要黎試試佢～但係小店經營人手少啲，所以會慢少少，不過小編表示絕對值得等！！！！ . 🐨午餐肉厚蛋芝士韓式三文治 $50 推薦度：⭐️⭐️⭐️⭐️ 韓式三文治入面材料非常豐富，有午餐肉、椰菜炒蛋、芝士、蜜糖芥末醬，一上枱厚度同份量都好驚人，勁足料、勁吸睛！唔係嗰啲切開得中間有料嘅三文治，而係啖啖都食到每款食材😎麵包好鬆軟外面輕輕烘脆咗，午餐肉同芝士味最出鹹鹹地嘅，炒蛋最特別嘅就係椰菜，一黎飽肚感上升，二黎令到個三文治更加健康，最緊要就係，椰菜大大粒口感好豐富，哩個配搭好明智！ . 🐨柚子醬雞鎚 $28 推薦度：⭐️⭐️⭐️⭐⭐ 見有小食就加埋黎試下，雞鎚炸得好脆，保持到雞肉肉汁，唔會好乾～ 柚子醬酸酸地，去除到雞鎚嘅油膩感🍖好抵食！！ . 🐨巴斯克芝士蛋糕 $42 推薦度：⭐️⭐️⭐️⭐️⭐ 追趕潮流尾端嘅小編，當然要試埋佢哋每日新鮮整嘅芝士蛋糕啦🍰賣完即止！大家想試特別味道就要早啲啦～ 今次試咗原味，如果好飽都可以入黎食芝士蛋糕，因為真係好好好好好食🩷🩷芝士味超級濃郁，而且一切落去好順滑～份量岩岩好，唔怕食到膩～ . 🐨熱朱古力咖啡 跟餐$20 推薦度：⭐️⭐️⭐️⭐️⭐ 熱朱古力咖啡一上枱就聞到咖啡香味，入口順滑～咖啡飲到有堅果味嘅餘韻，好特別，朱古力味又唔會太濃，反而帶到咖啡味更出... 飲得出係好有心做咖啡嘅小店，如果有埋拉花就一流啦🌹 ——☼——☼——☼——☼——☼—— Mama 📍地址：大圍上徑口村15號地舖 🐨推薦度：😋😋😋😋😋/5 💰人均價格：$100-150 🪸環境：👾👾👾👾👾 🗣️服務：👍🏻👍🏻👍🏻👍🏻 📸食物打卡度：💡💡💡💡💡 🛠️分類：#HTB大圍 #HTB西式 . #大圍美食 #大圍 #西式 #蛋糕 #意粉 #三文治 #麵包 #韓式 #美食推介

.#foodie #hk #hkfoodie #HTB美食推介 【旺角家居感Cafe｜🎲一班人Gathering聚腳點】 餐廳環境寧靜，座位以梳化為主，好闊落、好舒服！仲有提供到唔同類型嘅board games俾客人，好似係DiXit、牛頭王等大路嘅遊戲都有，等緊嘢食都唔怕悶啦～所有野都係即叫即整，上枱熱辣辣🔥🔥 . 🐨烤雞蘑菇闊條麵 $138 推薦度：⭐️⭐️⭐️⭐️ 顧名思義有烤雞、蘑菇同闊條麵，仲有忌廉、洋蔥同青椒添... 闊條麵好掛汁，食落偏硬身有咬口！烤雞煮得都腍，洋蔥有助增加甜味，而青椒就增加咗爽口度，配搭得好好🩷 . 🐨蜜糖雞翼 $55 推薦度：⭐️⭐️⭐️⭐ 一份雞翼嘅小食有四隻，每隻雞翼都沾到足夠嘅蜜糖，雞肉保持到鮮嫩，外面烤到好香脆！每一隻雞翼都唔係太甜，令人食唔停口🙈 . 🐨手沖冰波奶茶 跟餐+$23 推薦度：⭐️⭐️⭐️⭐️⭐ 奶茶控必試，一上枱震撼咗我！佢係有一粒好大粒嘅奶茶冰，放喺杯入邊🧊再加一支無冰嘅凍奶茶，倒出黎大約一杯左右，有奶茶冰即使放耐咗都唔駛驚粒冰會溝淡奶茶嘅味道👍茶底好香濃，唔會澀～而且唔會好甜，順滑好飲... ——☼——☼——☼——☼——☼—— 部屋咖啡室 📍地址：旺角登打士街43H號登打士廣場12樓 🐨推薦度：😋😋😋😋/5 💰人均價格：$150-200 🪸環境：👾👾👾👾👾 🗣️服務：👍🏻👍🏻👍🏻👍🏻 📸食物打卡度：💡💡💡💡 🛠️分類：#HTB旺角 #HTB西式 . #旺角美食 #旺角 #西式 #漢堡 #薄餅 #意粉 #特飲 #奶茶 #美食推介

.#foodie #hk #hkfoodie #HTB美食推介 【油麻地夜茶點心｜環境企理一人都可以飲茶🍵】 🐨金沙脆皮銀蘿腸 $29 推薦度：⭐️⭐️⭐️⭐️⭐ 一共有兩條切開成六件，腸粉入邊包有炸皮、芹菜及蘿蔔粒。芹菜爽口、蘿蔔好甜，亦係腸粉主要味道嘅來源～ 中間炸皮好薄，味道上無咩存在感，但就令到入口有脆脆感覺，令口感更佳👍👍不過始終係俾腸粉包住，所以建議大家趁熱食😛 . 🐨蝦餃2粒 $16 推薦度：⭐️⭐️⭐️⭐️ 小編見到有得叫兩粒蝦餃，勁開心❤️❤️成日一個人食飯都好怕叫咗四粒就食唔到其他嘢呢到就唔會有呢個問題啦！係蝦餃皮夠薄身唔會好黐牙，入邊有兩大粒蝦，所以食落好爽口彈牙！ . 🐨燒賣 2粒 $16 推薦度：⭐️⭐️⭐️⭐️ 燒賣絕對係小編嘅至愛，一上枱上面隻蝦係好大隻原整一隻、蟹籽份量都唔少～同樣的燒賣皮都係好薄身，入邊嘅肉以豬肉為主，肥豬肉部份比較少，相對地屬於實淨嘅款式☺️ . 🐨醬皇金錢肚 $28 推薦度：⭐️⭐️⭐️⭐️ 大約有5大件金錢肚，下面有四粒蘿蔔粒，另外有紅青椒作點綴～佢冇坊間茶樓嘅金錢肚咁辣，而係偏醬汁醃得好入味，煮到好腍身好易咬開！ . 🐨山竹牛肉 $23 推薦度：⭐️⭐️⭐️⭐️⭐ 山竹牛肉喼汁係另上嘅，咁就唔使驚店員會落得太多或太少👍牛肉球本身有少量嘅蔥同埋馬蹄，食落去唔覺得好大浸粉味，算係高質！底下嘅腐皮好大片而且好索汁，對於鍾意食喼汁嘅小編嚟講就更加加分啦～ ——☼——☼——☼——☼——☼—— 點心到 📍地址：油麻地彌敦道484號鴻星大廈地舖 🐨推薦度：😋😋😋😋/5 💰人均價格：$50-100 🪸環境：👾👾👾👾 🗣️服務：👍🏻👍🏻👍🏻👍🏻👍🏻 📸食物打卡度：💡💡💡💡 🛠️分類：#HTB油麻地 #HTB港式 . #油麻地美食 #油麻地 #港式 #點心 #燒賣 #蝦餃 #牛肉 #山竹牛肉 #金錢肚 #腸粉 #美食推介

.#foodie #hk #hkfoodie #HTB美食推介 【荃灣工業風泰菜｜🥘就連ViuTV都介紹過】 連續兩日去到荃灣搵食，上OpenRice見到呢一間有好多好評，一於就試吓啦😋入去先知道原來呢間舖頭有兩層，上到2樓滿滿嘅工業風裝修得好靚🌟午餐有好多選擇仲可以加配小食同嘢飲添～ . 🐨泰式豬肉濃湯船麵 $68 推薦度：⭐️⭐️⭐️⭐️ 呢款船麵呢有啲似滲滲，有米粉同粿條兩款麵質，配埋六至七片嘅豬肉片大量嘅炸豬皮，以及係三粒貢丸，份量認真豐富！絕對冇花冇假濃湯，令到兩款麵都非常之掛汁，食落非常之濃味！炸豬皮都炸到卜卜脆，令到船麵更有口感～ . 🐨蒜香炸雞翼 跟餐+$8 推薦度：⭐️⭐️⭐️⭐️⭐️ 炸雞翼一共有三隻，不過好細心咁切左單骨六件，唔會食到好狼狽～雞翼係預先醃咗再加麵包糠攞去炸，有酥脆口感！少少嘅蒜味唔會太搶～仲有少量椰菜墊底，有助吸油所以雞翼即使係炸都唔會好油膩～ . 🐨蜜桃冰茶 跟餐+$0 推薦度：⭐️⭐️⭐️⭐️ 提提大家記得撈勻先飲😂因為小編一開始覺得得茶味，之後發現原來係未撈勻...蜜桃糖漿沉咗底🙈🙈撈勻左之後蜜桃味好出，少少甜有紅茶香，蜜桃味充斥係口腔好fresh! ——☼——☼——☼——☼——☼—— 泰玖 📍地址：荃灣曹公坊5號地舖 🐨推薦度：😋😋😋😋/5 💰人均價格：$50-100 🪸環境：👾👾👾👾 🗣️服務：👍🏻👍🏻👍🏻👍🏻 📸食物打卡度：💡💡💡💡 🛠️分類：#HTB荃灣 #HTB泰式 . #荃灣美食 #荃灣 #泰式 #泰國菜 #荃灣必食 #荃灣餐廳 #荃灣好去處 #荃灣美食地圖 #餐廳推介 #假日好去處 #美食推介

.#foodie #hk #hkfoodie #HTB美食推介 【荃灣木系咖啡店｜餐廳情調飲品拉花超吸睛☕️】 一間兩層高好有情調嘅木系咖啡店，可以揀住坐榻榻米、木枱或者係靠窗嘅高枱，無論一人、情侶抑或一大班人都岩✨小編今次一個人黎，就想望下風景，所以揀左窗邊～因為係橫街唔會好多車，反而見住啲人慢慢行，靜靜地好舒服～ . 🐨慢煮美國安格斯牛肩肉眼 $228 推薦度：⭐️⭐️⭐️⭐️⭐️ 8oz無咩概念姐係幾多，只可以話女仔去食絕對夠飽😂牛肉可能因為慢煮嘅關係，所以肉質好鮮嫩、有咬口🫶🏻配埋少少鹽已經突顯到牛原有嘅鮮味～就咁食已經好滿足！鍾意重口味嘅朋友，就可以連埋配菜一齊食，菜嘅爽口加上蒜頭嘅香，令牛肉更有層次🙈 雖然價錢睇落比其他菜式貴少少，但係食落又真係哩個價錢嘅心思菜👍 . 🐨伯爵朱古力鮮奶（熱） $47 推薦度：⭐️⭐️⭐️⭐️⭐️ 完全無諗過鮮奶都會有拉花，仲要勁神似☕️搞到我有少少唔捨得飲...... 飲落去先有朱古力味，細味之下會飲到伯爵茶嘅香，最後就係鮮奶包底，層次好分明！最鍾意就係伯爵味唔會好搶，同朱古力好夾，有驚喜～ 最重要係成杯飲完都唔會覺得好甜，而且好順滑，值得encore... ——☼——☼——☼——☼——☼—— HIKARI 📍地址：荃灣大壩街21號地舖 🐨推薦度：😋😋😋😋😋/5 💰人均價格：$200-250 🪸環境：👾👾👾👾👾 🗣️服務：👍🏻👍🏻👍🏻👍🏻👍🏻 📸食物打卡度：💡💡💡💡 🛠️分類：#HTB荃灣 #HTB西式 . #荃灣必食 #荃灣餐廳 #荃灣好去處 #荃灣美食地圖 #餐廳推介#假日好去處 #美食推介

.#foodie #hk #hkfoodie #HTB美食推介 【觀塘工廠台灣菜｜隱世小店滋味又抵食🍭】 🐨炸排骨便當 $62 推薦度：⭐️⭐️⭐️⭐️⭐ 揸排骨便當一上菜就有驚喜！原來係滷肉飯加炸排骨咁上，份量好豐富～ 逐一介紹下先，滷肉鋪滿成個飯，滷肉半肥瘦，用咗好多唔同香料滷得好入味😋 淨係個滷肉飯都已經好滿足，仲配埋半隻滷蛋，即使係蛋白都夠晒味！炸排骨係一大塊拎去炸之後切成七小件，排骨好厚身，絕對超過一厘米！排骨炸得好酥脆，唔會好乾，係台式將啲調味粉灑喺表面嘅嗰一款！如果大家覺得唔夠味，每張枱都會有粉，可以自己調製自己嘅口味添～ . 🐨肉鬆蛋捲餅 $39 推薦度：⭐️⭐️⭐️⭐️⭐️ 捲餅份量唔算多，不過兩個人當小食share絕對夠晒～手抓餅煎到好脆，襯熱食口感最好，蛋係佈滿成個面，唔會得一細塊咁～ 大約捲到3-4圈左右，中間夾滿肉鬆，增加咗鹹香味！如果大家係芝士愛好者，有另一款貴$1就可以食埋㗎啦🧀 . 🐨凍金桔檸檬綠茶 跟餐+$12 推薦度：⭐️⭐️⭐️⭐️ 一上枱杯野飲有啲嚇親，佢真係平時珍珠奶茶鋪長身版嗰款杯，好大杯🧋金桔香、檸檬酸配埋綠茶甘，好融合～ 酸酸地好開胃！小編叫左少甜少冰，就岩晒口味啦～ ——☼——☼——☼——☼——☼—— 日月堂 @sunmoon_402c 📍地址：觀塘興業街14號永興工業大廈4樓C2室 🐨推薦度：😋😋😋😋😋/5 💰人均價格：$50-100 🪸環境：👾👾👾👾 🗣️服務：👍🏻👍🏻👍🏻👍🏻 📸食物打卡度：💡💡💡💡 🛠️分類：#HTB觀塘 #HTB台式 . #觀塘美食 #觀塘 #台式 #台灣菜 #觀塘必食 #美食推介

【深水埗樽仔奶茶｜招牌西多炸髀椒鹽豬🐖】
差唔多成個社交平台洗版介紹哩間餐廳都係叫佢嘅榛子醬西多士、避風塘炸髀、椒鹽豬扒飯同埋樽仔奶茶，小編嗰日自己一個去就試唔晒啦，不過都試咗其中三款俾大家睇吓，一試究竟！！🤗

.
🐨始祖椒鹽豬扒飯（炒底） $72
推薦度：⭐️⭐️⭐️⭐️
主角嘅椒鹽豬扒，係無炸皮半煎炸嗰款，所以絕對唔怕個皮好硬、好厚～炒飯底值得加分，就咁食已經食到微微嘅蛋香，而且炒得好乾身唔會黐立立👍🏻加上連埋紅青椒、紫洋蔥一齊炒，好香好惹味～不過整體偏辣，如果唔食得辣嘅朋友就要注意🚨辣辣地都幾醒胃㗎～

.
🐨榛子醬西多士 $32
推薦度：⭐️⭐️⭐️⭐️
西多士熱辣辣送到，相信係即叫即整嘅！西多士唔會炸得好燶，反而有滿滿嘅金黃色，加埋中間嘅牛油，賣相已經引起食慾～入邊夾嘅就係榛子醬，雖然未做到流心嘅效果，不過榛子醬甜甜地咁，就比一般花生醬西多更加有層次啦！值得一試㗎😉佢每張枱枱面都有紙巾，落糖漿落到成手糖都唔駛擔心😆宜家啲餐廳唔收你$2包，已經買少見少...

.
🐨樽仔奶茶 $15
推薦度：⭐️⭐️⭐️⭐️
樽仔奶茶飲落奶嘅比例比茶味多，所以唔會有茶嘅苦澀味，入口都非常之順滑～最重要係用樽仔將奶茶雪凍，咁就唔怕因為冰令到奶茶味變淡啦！

——☼——☼——☼——☼——☼——
雪山冰廳
📍地址：深水埗青山道62D號地舖
🐨推薦度：😋😋😋😋/5
💰人均價格：$100-150
🪸環境：👾👾👾👾
🗣️服務：👍🏻👍🏻👍🏻👍🏻
📸食物打卡度：💡💡💡💡

.#foodie #hk #hkfoodie #HTB美食推介 【石門清湯腩專家｜📸港式懷舊冰室打卡熱點】 一入餐廳有驚喜，本身以為係普通茶餐廳嚟嘅，點知無論侍應外套、地下、外牆抑或餐枱都好有老香港嘅風味🤣睇住外牆嘅霓虹燈，即刻掛住昔日嘅旺角夜景😢♥️印有東南西北嘅麻雀枱，認真吸睛，勁想約friend打返幾圈🀄️ . 🐨清湯牛筋腩河 $59 推薦度：⭐️⭐️⭐️⭐️⭐ 講番野食啦🙈清湯腩果然係餐廳招牌菜，湯底清甜，牛筋牛腩份量都好多，平均都係7,8塊，仲有一嚿蘿蔔添！牛腩肥瘦均勻牛味好重，牛筋就好腍，蘿蔔仲要無渣👍🏻👍🏻絕對係高質湯河～ . 🐨秘製香茅豬扒飯 $56 推薦度：⭐️⭐️⭐️⭐️⭐ 秘製香茅豬扒有預先醃過，唔會好鹹，炒到外皮好乾身，食到炸蒜香味，而且保持到豬扒嘅肉汁唔會好嚡！份量都非常之多，接近有15塊～切到大細適中，一啖一塊岩岩好🤣配埋蕃茄加青瓜，感覺好似無咁大罪惡感🙈🙈 . 🐨酥皮斑斕撻 $11 推薦度：⭐️⭐️⭐️⭐️⭐️ 見到餐廳有綠色蛋撻😂😂😂八卦之下，問咗店員原來係斑斕撻即刻叫咗個試吓😮酥皮香脆鬆化，唔會好油！食落斑斕味濃，唔會好甜，創意味道都值得加分😋小編仲發現原來每日限量發售100個，先到先得，想試嘅朋友就要做啲去啦～ . 🐨牛油皮蛋撻 $9 推薦度：⭐️⭐️⭐️⭐️ 牛油皮蛋撻絕對係小編嘅童年回憶🥧嚟到呢啲懷舊茶餐廳當然要試吓啦！牛油味香濃，外皮唔會好厚，屬於薄脆～而且蛋漿都好滑溜！ ——☼——☼——☼——☼——☼—— 沙田友．丸記清湯腩王 @shatinbuddies.yuenkee 📍地址：沙田石門安群街3號京瑞廣場1期地下G29號舖 🐨推薦度：😋😋😋😋😋/5 💰人均價格：$50-100 🪸環境：👾👾👾👾👾 🗣️服務：👍🏻👍🏻👍🏻👍🏻 📸食物打卡度：💡💡💡💡 🛠️分類：#HTB沙田 #HTB港式 . #沙田美食 #沙田 #石門美食 #石門 #港式 #港式茶餐廳 #新派 #懷舊茶餐廳 #麻雀枱 #美食推介