見唔洗等位又肚餓就即刻入左去食～ ABURI-EN豚肉丼🍚 呢碗店內人氣NO.1嘅丼飯！一上枱就見到又大又燒得好靚嘅5塊豚肉鋪左係上層🤤豚肉真係鬆軟又香濃，每一塊肉配上一大啖飯，真係好正！ 火炙牛舌🐂 本身唔好太好牛舌，但呢碟牛舌燒得真係好好食😍炙烤嘅外皮微微脆🔥但內裡肉質又唔會太軟，有啲啲咬口，無左我唔中意嘅奇怪質感，真心推介！

📍Le Chefeteria (銅鑼灣) 銅鑼灣新會道4號4樓 峇里指數：❤️❤️❤️❤️ 復活節假期當然要好好慶祝一下啦🥳今日同朋友去左銅鑼灣呢間高級私房菜🤗嚐一嚐法國菜❤️而今次既菜單主題係Bali Holiday～法國菜crossover東南亞風味🥰真係好特別啊❣️而且餐廳設計擺設非常高級優雅✨又融入Bali Holiday既風味☀️好令人放鬆心情享受一餐啊😎 -Amuse bouche: Ceviche🐠 前菜係酸酸甜甜既酸魚🐟魚肉係新鮮鱸魚🐟上面搭配左酸甜蕃茄醬🍅另外混合左胡椒、薄荷葉同魚子醬作為底層醬汁🍾加埋一齊食 作為前菜真係好開胃😻😻 -1st course : Tomato confit with burrata🍅 第一道菜係清新嘅芝士蕃茄配特色醬💁🏻‍♀️將中間一大個burrata cheese🧀 切成一小嚿 再加上底層嘅蕃茄仔🍅然後再塗上旁邊嘅青綠色羅勒醬🍾一啖食落口 真係好夾好fresh啊😍而且芝士唔同平時食開嘅芝士，食落好軟好輕身😆唔會好膩 十分推介大家🥰 -2nd course: I love crab🦀 由於大廚係峇里島人☺️所以整法國菜式既同時 都加入左啲東南亞風元素❤️‍🔥而呢個蟹湯🦀大廚透過龍蝦湯得要靈感😇將泰國泥蟹替代龍蝦🤣而白酒濃湯亦加入左牛油果🥑同埋檸檬🍋所以味道比較light 無咁油膩😚 -Pan-seared scallop"green namjin sauce"🤍 小編最愛呢碟菜😍大大粒北海道扇貝望落去已經相當吸引🤍而且仲經牛奶🥛同檸檬🍋浸24小時 相當入味🤩而旁邊嘅合掌瓜都非常爽口🥒不過就唔似平時食開嘅合掌瓜味 有啲類似韓式醃蘿蔔 都好好食😋 -3rd course: Duck risotto🐦 鴨肉係大廚用法國鴨胸肉🦆經由55度慢煮方式烹調4個鐘頭而成♨️肉質十分柔軟 再配搭黃咖喱汁 係東南亞既風味啊💛而旁邊既海鮮risotto🍚由慢炸既越南春卷皮盛載🫓春卷皮油而不膩 十分脆口😆 🍽 4th course: Coconut Shell smoked scotch fillet🐃 大廚係我地面前用噴槍炙燒椰子殼🥥同燒肉眼排 畫面已經好吸引🔥聞落去好香濃 未食已經垂涎三尺🤤而大大塊既肉眼排又厚 肉質更鮮嫩多汁🥩真係好好食😋😋另外 旁邊既配菜薯蓉🥔好creamy 細細啖非常過癮🤪 -Optional Add-on Dessert : Banana roti🫔 食完咁多濃味又飽肚嘅main course都好想食番樣甜而不膩嘅dessert中和一下😙呢度既Banana roti🍌🫔配上其home made既whiskey’s ice cream🥃🍦相當有特色 味道仲好夾添🥳作為最後一道菜 好圓滿啊😍 好食指數：❤️❤️❤️❤️ 餐廳服務一流💕每一道菜都會有大廚過黎講解❣️而且餐包🥯同飲品🍵都唔錯😋係性價比高嘅私房菜啊🥰

係門口已經見到有兩枱狗狗家人食飯了，見到咁可愛嘅狗狗，點可以唔入去試下呢間cafe嘅味道呢？😝 -慢煮羊架配泰式蟹肉米飯餅 中意食羊架嘅朋友仔，真心推介呢道菜！呢碟慢煮羊架真係煮得好好，羊肉外香脆內柔軟，而且唔太膻😆而且仲有脆脆嘅蟹肉米飯餅🦀同埋焦糖味爆谷配搭，幾得意！ - 法式焦糖卡士達梳乎厘班戟🥞 呢個梳乎厘班戟外貌已經好吸引，質感上又啊會太空氣感，中意佢有些少咬口，而且焦糖嘅香甜味真係好好食啊😋

呢排個個都食蟹，搞到我都忍唔住想食返餐蟹宴，就平平地係附近呢間夏麵館試下啦～ -蟹粉鮮肉小籠包 蟹粉鮮肉小籠包真係好好食！皮夠簿，內裡湯汁都好多，食落好juicy～但如果蟹粉份量再多啲，咁就更好啦！ -烏金蟹粉伴麵 雖然上菜時見到大量蟹肉蟹粉係上面，但食落去又唔太重蟹味，比想像中差啲～ -鮮蟹粉黃魚片麵 一到枱面已經聞到好香嘅魚味，魚肉鮮甜，而且今次湯底真係有蟹嘅味道，雖然蟹粉唔多，但食落去比烏金蟹粉伴麵好食！ 另外，仲食左口水雞同紅油抄手，呢道嘅口水雞香辣又鮮嫩，幾好食！不過紅油抄手就偏甜同埋皮有啲厚，中意食辣嘅多啲～

懶人必食指數：❤️❤️❤️❤️❤️ 呢一間串Grill真係岩哂我地啲懶惰嘅貪吃鬼🙋🏻‍♀️自助式燒烤除左係指好似放題咁隨便叫隨便食嘅自助餐外🙆🏻‍♀️更係指有部燒烤機自助幫你燒💁🏻‍♀️只要定期加啲店內嘅秘製醬汁🍾基本上唔洗你點用手去燒 而且食材相當多🤗食到停唔到口❤️‍🔥 特別好食嘅係： -M6和牛牛柳🥩 牛味非常香濃 唔洗點醬汁 已經好好食😋 -荷蘭豬五花🐽 五花肉並不油膩 燒完後更有些微外脆內軟😙 -多春魚🐟 燒到勁香 而且小編已經好耐無食過多春魚 好好食😆 -魚肉年糕🍢 其實嘜丸嘜丸都好食啦 但呢款內裡有年糕嘅煙韌外面又有魚旦嘅彈牙 正呀🤩 -棉花糖🤍 BBQ點少得棉花糖呢 又脆又香甜😚不過建議燒10-20秒好啦 燒太耐 好快溶😝 -雞蛋仔🥧 估唔到雞蛋仔呢度都有得燒黎食🤣係呢度最大嘅特色呀 燒到脆卜卜咁 好好食 最推介🥳

值得一去指數：❤️❤️❤️❤️ 其實黎到呢間餐廳時 原本以為裡面係色彩光猛格調嘅 但原來係木系色澤 感覺好舒服好寬闊 就連洗手間都好特別嘅裝修！ - 牛肝菌雜菌意大利飯🍚 如果中意菇菇嘅你 一定要食！好好食 雖然同絕大部分嘅risotto外型都差唔多 但呢度嘅飯身比較有咬口 煙韌嘅米飯加黏滑嘅忌廉汁 perfect!!! 😍 - 美國封門柳🥩 唔好以為美國牛會好韌 佢呢個雖然無日本和牛咁入口即溶 但絕對唔係硬到牙酸軟 而且好有牛味 值得一食！🤩 另外都叫左意大利蕃茄大蜆意粉🍝同甜品蘋果脆脆 🍎雖然冇前兩者咁吸引 但都唔錯格～店卜知道我朋友生日 都即時放一個Happy Birthday牌仔🎂 好有愛呀 不慚是大叔的愛哦～👨‍❤️‍💋‍👨

菜式名好有趣指數：❤️❤️❤️❤️❤️ - 有蟹GO又有蟹肉的蟹蟹蟹意大利扁麵 🍝 小編最中意食呢碟蟹肉意粉🤩因為每一啖意大利扁麵都包含住鮮甜嘅蟹肉🦀再加上微微咸香嘅蟹膏😋同埋飛魚籽卜卜嘅口感🥳太正呀🤤 - 牛油帶子青醬意大利飯🍚配是日濃湯 忌廉湯一到已經聞到好香濃嘅味道🍵而當意大利飯一送上😙望到大大粒嘅牛油帶子 賣相已經相當吸引🤩咬一啖真係十分之厚實鮮甜 好中意食帶子😍再配上一啖忌廉意大利飯 好好食🥰 - 求奇士但乜都炸啲啦🔥 十分豐富嘅炸物拼盤 包括香脆嘅炸蝦🦐同炸魷魚🦑清甜嘅脆炸洋蔥圈🧅粗粗實實嘅炸薯條🍟同埋香煎嘅蜜糖雞翼🐔男女老幼都岩食啊🤟🏿 - 好邪惡既咸蛋牛油果蟹肉比薩⋯咩叫減肥🍕 小編中意食牛油果🥑都中意食pizza🍕咸蛋配牛油果pizza意外的夾✔️但如果蟹肉係滿滿嘅無殼蟹肉碎🦀就更正啦☺️呢碟有蟹鉗候賣相嘅pizza雖然打卡一流📸但我中意食多多嘅鮮甜蟹肉蟹多啲🤪 - 豆腐豆腐豆腐咖啡☕️ 好好飲 上面有豆腐雪糕🍦豆腐味嘅雪糕真係好中意食 好清甜😻雖然無咖啡咁香濃 但如果一淡豆腐雪糕一啖咖啡🤗咖啡都會透出淡淡豆腐嘅清香🤍好好飲🤎 - 你今日飲左益力多柚子沙冰未呀？🍹 以往成日飲到啲伏味嘅沙冰🧐但呢杯沙冰估唔到又幾好飲🤣柚子配益力多味意外的合拍🥳好清新嘅味道😊岩哂食完上面嘅煎炸熱氣野食後 再飲返啖清涼一下🍃 好食指數：❤️❤️❤️❤️

📍J.moon ( 旺角 ) 旺角西洋菜南街1A-1K號百寶利商業中心4樓10-11號舖 打卡指數：❤️❤️❤️ -Avocado and Smoked Salmon on Sourdough 牛油果熟透程度剛剛好，唔會太爛又唔會太硬，而煙三文魚又大大塊，連埋多士一齊食，頭盤都好飽肚啊🥑 -J. moon All-Day Breakfast 小編都幾中意食All day breakfast，雖然絕大部份All day breakfast都係有蛋、有煙三文魚、有多士等等好普通嘅菜式，但呢度仲有特大薯餅，咁大塊真係岩哂中意小朋友口味嘅朋友仔啊🤣 -Calamari with Honey Yuzu Sauce 呢碟炸魷魚一口咬落去真係十分香脆，但因為實在係太大盤，我同朋友食到最後都食唔晒🦑 -Chicken Nuggets with Teriyaki Mayo 細細嚿一口炸雞塊食落外脆內嫩，再點埋餐廳嘅祕製醬汁，相當juicy🐥 -J.moon Signature Cocktail -Aquarius Cocktail 好食指數：❤️❤️ 同其他餐廳相比，呢度嘅野食都性價比幾高，樣樣都好大碟，但食物味道上就較為普通🙈 不過必點嘅係J.moon Signature Cocktail，上面嘅波波型仿月亮模樣，除左好靚好岩打卡之外，味道都幾清新又易入口，好適合初嚐 Cocktail 既朋友仔，果然係J.moon Signature🍸

📍小漁村烤魚火鍋 (旺角) 旺角彌敦道726號19樓 多食指數：❤️❤️❤️❤️❤️ 壹食 - BBQ海鮮盤 一送到上枱，就知呢個盤嘅份量同餐單嘅模樣如出一轍，超大盤勁震撼！盤上有各款海鮮，包括扇貝、鮑魚、海蝦、生蠔、蟶子等，都好鮮味😆 貳食 - 烤魚二重奏 今次叫咗金湯酸菜海鱸魚，岩晒又鍾意食酸菜魚又鍾意食烤魚嘅各位～海鱸魚肉質好鮮嫩，真係好好食啊🤣 參食 - 任食火鍋配料 配料選擇都好多，有豬有牛、有菇有菜，食完魚再食其他以上配料，一啲都唔單調😝 肆食 - 限定優惠追加 影相出post仲會送上A5和牛一碟！果然同火鍋配料嘅牛肉唔同，真係入口即化嘅A5和牛🤤 好食指數：❤️❤️❤️❤️ 真係性價比高嘅晚餐放題～多樣性嘅食材任君選擇！好彩小編勁大胃～大家記得食得晒先至好嗌，食唔晒就唔好嘥！

📍 松藝館 (尖沙咀) 尖沙咀廣東道3-27號海港城海運大廈3樓OTE303號舖 高質指數：❤️❤️❤️❤️ Starter: L’ARTISAN 特色沙律·松露 Starter: 焗蟹肉千層酥皮·松露 Soup: 龍蝦濃湯·松露 Main Course: 意大利麵·魷魚·墨汁·辣椒·松露 Main Course: 西班牙黑毛豬小餛飩配野生蘑菇·馬沙拉酒汁·松露 Main Course: 烤澳洲羊扒·松露 Main Course: 烤澳洲M6和牛西冷·松露 Dessert: 檸檬芝士撻·焦糖醬汁 好食指數：❤️❤️❤️❤️ 估唔到松露係可以由前菜到湯再到主菜，道道菜都搭配得宜🤤最中龍係碟和牛西冷，厚肉得黎一啲都唔韌，淡淡嘅松露香更加強咁牛肉嘅濃味，太牛了🥩