今日途經尖沙咀工作，見到Arte by Padaria係K11 Art Mall開左新店，之前食過佢哋嘅牛角波，非常好食😋最近仲推出左新產品，新出咗好多水果撻同曲奇，即刻買嚟支持吓先🫰🏻😆 ✨今次選咗以下食品✨ 🌟藍莓🫐杏仁慕絲撻 🌟士多啤梨🍓杏仁慕絲撻 面層鋪滿大大粒又數量多的藍莓🫐及士多啤梨🍓，撻的中間用左慕絲蛋糕，外層用上藍莓味及士多啤梨🍓味嘅朱古力，最後用左杏仁做餅底，清新又口感層次豐富，滋味滿分💯

今日收工途經旺角中心，見到一間專賣韓式tiramisu切餅的專賣店排晒長龍，店裏面的每一款tiramisu切餅擺盤同裝飾都好靚，而且份量好大件，佢哋所有蛋糕都係0️⃣零卡糖製造，大人小朋友同注重健康嘅人都啱食，所以我就即刻買返去俾最愛蛋糕🍰的Mina試吓先😆 ✨今次選咗以下食品✨ 🌟和風開心果莓莓白玉tiramisu 面層鋪上1串酸酸甜甜的士多啤梨同煙煙韌韌白玉，再配上果仁味重嘅開心果醬，味道口感層次有驚喜👅 🌟繽紛樂焦糖脆脆tiramisu 用咗一粒繽紛樂做裝飾，香濃朱古力🍫味，中間夾雜住焦糖脆餅，口感層次豐富，Mina姐最愛的口味🥰 🌟芒果🥭糯米飯tiramisu 充滿着泰國風味嘅芒果糯米飯tiramisu，甜甜嘅芒果鋪面，蛋糕中間夾住滿滿的糯米，滋味滿分💯 🌟tiramisu朱古力🍫脆皮杯$68 用黑朱古力🍫造成咖啡杯嘅造型，杯蓋做到幾可亂真😆朱古力脆皮外層裏面包住嘅係tiramisu蛋糕、咖啡☕️液同手指餅，每一口都有好香濃嘅朱古力同Tiramisu味，完全衝擊咗視覺同味覺，好睇又好食😋

復活節假期的其中一個節目，就係帶mina去搵食😚，今日我就選左位於旺角朗豪坊頂樓的～Bistro Bloom，食返個Semi Buffet Dinner先！ Bistro Bloom環境好Chill又舒適，地方寬敞，坐得舒適，服務員對小朋友態度友善，岩晒一家大細嚟食飯🥰 今次點左以下食品： 🌟爐燒嫩滑春雞 春雞燒得皮脆香口，雞肉多汁又嫩滑，廚師燒到成功鎖住肉汁，唔會覺得乾👍 份量大大份，岩晒鐘意食雞肉的Mina😋 🌟安格斯牛柳伴大蝦 安格斯牛柳 5成熟，口感鮮嫩又牛肉味道濃郁，扒身好厚又大大塊，大蝦鮮味重，口感彈牙，滋味滿分💯 加配Semi Buffet Dinner： 🥗沙律吧 大量新鮮水果同新鮮蔬菜沙律 🦐冷盤 有蝦、青口及蜆 🍰甜品 芝士餅、朱古力撻、啫喱糖、奶凍及各款西餅 🍹飲品吧 菠蘿汁、蘋果汁、湯

今日收工遲左，Mina爸等我收工，見咁夜喇，我哋唯有自己出去自私食啦😂我哋今次就去試位於尖沙咀諾士佛台，最近好多人都推介嘅～燒烤堂，呢度晚上6:00營業到零晨12:00，去食下串燒傾下計，慰勞下平時辛勞嘅大家😆 每一款都即叫即燒，但效率又超快，等一陣就所有嘢食都到齊，可見店員都受過非常專業的訓練😆而且款式選擇多，但又做到水準🫰🏻 ✨今次選咗以下食品✨ 🌟燒蒜蓉茄子🍆 $36 面層鋪滿蒜蓉，燒得好香又唔會太乾，每一啖都食到蒜蓉同埋茄子 🌟牛油蒜蓉焗金菇$32 香味濃郁的牛油🧈，配埋新鮮嘅金菇菜一齊焗，突顯咗兩者嘅味道 🌟明太子雞腿肉$28 表面鋪滿香濃的明太子醬，雞腿肉烤得外脆內軟，明太子愛好者唔好錯過 🌟雞皮墨魚🦑滑$38 雞皮烤得香脆，中間包住爽口彈牙的墨魚滑，新穎又好味嘅配搭 🌟鹽燒雞中翼2隻$20 燒雞翼～～真係自細就鍾意食，燒得皮脆肉滑，咬落去雞翼汁流出 🌟蒜蓉燒廣島蠔2隻$44/2隻 廣島蠔肥美油鮮甜，燒到甘香，再加上蒜蓉，鍾意食蠔嘅人一定要試 🌟焦糖青蘋果🍏鵝肝多士$108 鵝肝的油脂分佈均勻，中間夾住酸酸甜甜青蘋果 🍏，中和鵝肝的油膩感，鵝肝入口即溶，超完美嘅配搭，必食之選 🌟焦糖鰻魚玉子燒$28 面層塗上焦糖的光玉子，中間夾雜着鰻魚，1鹹1甜味道好夾 🌟鹽燒A4宮崎和牛 $58 A4宮崎和牛油脂分佈平均，燒到成功鎖住肉汁，入口即溶化 🌟手釣墨魚🦑 鬚$22 墨魚鬚咬感彈牙，有咬感 🌟新鮮百香果梳打$28 食完咁多熱辣辣嘅串燒，當然要飲番杯，味道清新嘅百香果梳打解泄啦😆 🌟爆打香水檸檬茶$32 食飽飽，飲返杯清新香甜的爆打香水檸檬茶，滿足感滿滿😌

今日中午同Mina爸經開太古康怡行街，順便搵下呢度有咩好嘢食，行過見到來自北海道十勝帶的豚丼專賣店Butahagehk，見到佢又出新嘢喎，入去坐低試吓先😁 Butahagehk座位寬敞坐得舒服，刺身丼擺盤非常靚，性價比高，啱晒鍾意食日本丼飯的大家。 ✨今次選咗以下食品✨ 🌟 極上八重海鮮刺身重 新上市，由8款海鮮組成，包括：油甘魚、赤海蝦、三文魚、赤身、帆立貝、螺片、墨魚同埋三文魚籽，每款海鮮都好鮮味又大大件，滿足到大家八種要求，食完非常滿足💪🏻 🌟 北海道帆立貝大赤蝦丼 大大隻又鮮甜嘅赤蝦刺身，配埋晶瑩剔透嘅北海道帆立貝，配埋用左上乘日本珍珠米煮成的飯底，一試難忘😌 ⭐️依家購買任何定食，只要加$33就可以，改做以下套餐： 飲品🍸、甜品、沙律及茶碗蒸

今日Mina返學，我同Mina爸放假，我哋又要自己去搵嘢食，掃OpenRice時見到尖沙咀海港城，有間好靚的泰國菜餐廳_ Nara Thai Cuisine，見好多好評佢哋嘅食物同服務質素好高，環境又舒適，今次就去試吓🥰 Nara Thai Cusine連續10年被曼谷當地雜誌Thailand Tatlet票選為泰國最佳食府，地點位於尖沙咀海港城，部分座位有海景，裝修用奢華的紫色為主要顏色，地方好寬敞，坐得舒服，環境好Chill，成班朋友或者一家人嚟聚餐都好岩。 ✨今次選咗以下食品✨ 🌟黃咖喱煙鴨胸意大利飯 煙鴨胸煎得啱啱好，肉質鮮嫩，意大利飯煮得粒粒分明好爽口，配埋熬製得好濃稠的黃咖喱汁，非常好味😋 🌟海南雞飯 雞肉好嫩滑，雞油飯夠軟熟，口感層次佳但又不油膩，整體清新又鮮美。 🌟泰式生蝦 生蝦味道新鮮，口感爽口又彈，配埋酸辣汁一齊食，味道更加提升!

今日同Mina去完荃灣探婆婆，夜晚就接住留係荃灣搵嘢食啦，我哋去咗荃灣嘅美食天地大鴻輝中心，成幢大廈都係餐廳，Mina 爸話想食烤魚🐟🐠，所以我哋選左位於6樓的漁樂場🐟🐠 漁樂場的裝修成間賭場咁😆，裝修又Chill又有氣派，比較創新的烤魚店，座位寬敞坐得舒服，晚上仲會有live Band駐場唱歌表演🎤呢度的每一位員工服務態度超好，呢度仲可以睇波、聽歌、飲酒🍻，消遣食飯嘅好去處😌 ✨今次選咗以下食品✨ 🌟秘製醬香烤魚 因為今日同Mina一齊嚟，所以我哋點咗唔辣嘅秘製醬香烤魚，醬汁味道好濃，烤魚啖啖肉，肉多骨少，份量好大條味道好鮮味😋 🌟 孜然濕辣牛肉 孜然咪好香，濕牛肉醃得好入味，用嚟送啤酒🍻，滋味滿分💯 🌟燒大大茄子 同名一樣，真係好大大條的茄子🍆，面層鋪滿蒜蓉，燒得好香，又唔會太乾，每一啖都食到蒜蓉同埋茄子，好好味😋 🌟差點失傳的豆腐串 將豆腐烤得外脆內軟，一邊燒一邊搽上配上秘製醬料，非常惹味 🌟Stella 啤酒 食烤魚同串燒，點可以唔飲返杯透心涼的啤酒🍻架 🌟水果茶 食完熱辣辣嘅烤魚同串燒，再飲番杯冰凍又甜甜嘅水果茶，清新又爽快😌

最近我見之前經常幫襯嘅AW Patisserie，佢哋於尖沙咀K11開左Pop up Store ， 新鋪位置超級方便，地鐵站一出行3分鐘就到，Mina姐勁鐘意佢哋個瑪德蓮蛋糕，已回購多次，今次佢哋開新店，我哋當然要去支持啦💪🏻 AW Patisserie創辦人於法國🇫🇷藍帶畢業，所有甜品蛋糕經過店主精心設計，符合晒我又靚又好味嘅要求，身邊的人食過都對佢念念不忘🥰今日去到佢哋K11嘅新店見到，件件外型都非常漂亮嘅泡芙，今次我就想試下佢哋嘅泡芙系列！真係唔試由至可，一試就粒粒都爆醬😆所以我都買咗D泡芙同佢哋其他皇牌產品，返屋企俾Mina姐試吓🥰 🌟 芝麻湯圓泡芙$54 一啖咬落去，泡芙瞬間破裂，露出充滿黑芝麻湯圓香味的忌廉，黑芝麻味香氣濃郁，整體的口感層次豐富，食完想再食多粒🤭 🌟腐竹薏米泡芙$54 用咗傳統港式糖水味做忌廉，再配埋薏米腐竹碎粒，味道好特別又清新，好有驚喜🥰 🌟法式焦糖燉蛋泡芙$54 面層鋪上香甜的焦糖於鬆軟的泡芙，中間的燉蛋配上綿密的忌廉，好邪惡，又好味😈 🌟特濃意大利開心果麻糬泡芙$58 面層鋪滿意大利開心果碎，中間用咗開心果醬去做忌廉，夾住煙煙韌韌韌的麻糬，令口感層更豐富，視覺與味覺衝擊住大家嘅味蕾👅 🌟台式芋泥鹹蛋肉鬆麻糬泡芙$58 面層鋪上鹹蛋醬及肉鬆，裏面打得細滑的芋泥配上煙煙韌韌的麻糬，每一啖都有不同嘅口感同埋層次，濃厚的台式風味😋 🌟威士忌🥃比利時黑朱古力🍫脆脆泡芙$58 設計非常新穎，外面小膠樽，裝住威士忌🥃酒，可按個人喜好加入泡芙之中， 朱古力同威士忌🥃非常match，面層灑上比利時黑朱古力脆脆，豐富的味道與口感🥰 🌟70%比利時朱古力🍫脆脆蛋糕樽(期間限定）$68 超靚嘅玻璃樽包裝，面層鋪滿朱古力🍫脆脆，裏面夾住朱古力🍫醬及蛋糕，每一啖都充滿住超香濃嘅朱古力🍫味，滋味滿分💯鐘意朱古力🍫的朋友唔好錯過呀。 🌟香濃芝士🧀小泡芙$48 表面鋪滿香濃嘅芝士🧀粉，配上焗得脆卜卜嘅小泡芙，細細粒容易食，食到停唔到口😆 🌟法國珍珠糖小泡芙$48 面層落咗法國珍珠糖，焗得香脆可口，一啖一粒好滋味。

今日難得假期，又偷得浮生半日閒，同Mina爸去觀塘搵食先，我哋又去觀塘apm附近，搜尋下隱世小店，Mina爸話想去試下之前係彩虹邨，因清拆問題，而搬到而家新地址嘅Boon! 新店搬咗去觀塘巧明街的冠力工業大廈，新店座位寬敞，坐得舒服，裝修帶北歐文青風，繼續為大家提供優質的多國菜同寫意的環境🥰 ✨今次選咗以下食品✨ 🌟赤蝦他他 赤蝦味道鮮甜，配上酸酸甜甜嘅醬汁，開胃又醒神🥰 🌟大蝦海膽醬忌廉意大利麵 大蝦大大隻味道新鮮，忌廉汁煮得夠濃味，意大利粉質地好爽口彈牙又掛汁👍 🌟油封鴨腿 鴨腿肉肉質鮮嫩，外皮香脆，肉汁鎖得成功，推薦必試產品👍 🌟法式多士 份量好大份，將多士炸得外皮香脆，內裏軟冧冧，咬感層次豐富，點埋佢哋個忌廉一齊食，滋味滿分💯 🌟朱古力奶泡 香濃的朱古力味，配上香滑奶泡，飲完 滿滿的滋味感。 🌟開心果奶昔 用左真開心果去調製，好香開心果果仁味，配埋香滑奶昔，非常好飲👍

今日收工途經銅鑼灣的君蘭麵包廠， 見佢哋推出咗多款賣相超靚嘅牛角包，賣相超靚，即刻買啲返去俾Mina姐試吓🥰 ✨今次選咗以下食品✨ 🌟紅桑子小牛角包🥐 面層酸酸甜甜嘅紅桑子cream，牛角包外皮焗得香脆，牛油味香濃，滋味滿分💯Mina姐以為面層的cream係雪糕😂 🌟開心果小牛角包🥐 面層開心果cream，果仁味道香濃，配埋外皮焗得香脆嘅牛角包，整體味道唔太甜、口感清新👏🏻 🌟麻糬芝麻菠蘿包 中間有一片煙煙韌韌地麻糬，同埋味道香濃嘅芝麻醬，配上外皮鬆脆嘅菠蘿包，口感層次豐富，味道又好😋