其實 Airside 真係好多野食，同一層有另一間韓燒同類似 food court 既餐廳 餐廳位置在角落，出面有電梯，距離扶手梯有一定距離，旁邊有洗手間，唔知點解鋪頭入面地下好 “痴淋淋”，食完飯出黎發覺對鞋好痴 食物方面，屬於中規中矩，上菜速度屬正常，年糕放左大約半個鐘都仲夠熱，挑味燒酒朋友話味道正常，唔似藥水味 訂位6：30，早左15分鐘都可以入去，到8點都未坐滿，亦唔算多人，環境適合傾計，唔會催你走（可能因為係星期三）

同媽媽慶祝生日，所以去左試呢間自助餐，媽媽之前睇 youtube 有人介紹過，知道星期五，六，日會多啲野食，但平日就冇，不過因為星期一至四係官網訂位會有75折，所以揀左係佢正日呢日去試 其實都有少少失望，海鮮全部插係冰入面，拎左埋位之前大約5分鐘就開始有啲腥，有個白汁點海鮮就幾好食，但係7點左右就唔再 refill 龍蝦鉗 刺身方面就好乾身，口感唔太好，賣相一般 熟食方面，酸菜魚淨係酸，唔辣，鮑魚同花膠都係任食，比起罐頭鮑魚好少少，蒸石班好搶手，可能當日老人家多，比較鐘意食魚，但去到7點半左右既魚已經好似有啲唔熟，有少少“痴”骨 燒味同粉麵都冇試，因為完全冇興趣，羊架唔淋，燒牛肉好咸，燒雞好燶 甜品大部分都唔吸引，有即制窩夫同pancake, 不過唔多人拎，雪糕唔知咩牌子，但可以叫師傅即刻整一個黑森林雪糕杯，都幾特別 最值得一贊就係服務好，加水同收碟都好勤力，職員好好禮貌

自費食架，唔係受邀請，冇收任何優惠！ 星期日同朋友交收，約係沙田食午餐，見呢間餐廳可以用 open rice 訂位就試下，訂左12點，11點半左右打黎溫馨提示，唔錯～ 餐廳唔算好大，就算坐左8成，都唔會好嘈，檯雖然比較密，但坐得都幾舒服 部份侍應中文唔太好，雖要英文幫手溝通下，另外人手有少少唔夠，叫埋單果時都等左一陣，催左一次先黎埋單 叫左兩個午餐 set,每 set 大約138 另外加左一份小食同甜品，食物質素都唔錯，薯條好食，牛油果三文治麵包好脆，牛油果好香，豬肉唔鞋，朋友叫左牛扒，最初有啲擔心會過熟，但叫5成熟真係5成熟，冇過份既調味，現場見到都幾多人叫 但係加既小食-吞拿魚就麻麻，醬汁有啲怪，魚肉都有啲硬最後個甜品都唔錯，香蕉有烤過，可麗餅幾香

同兩個朋友加一個小朋友，共4人聚餐，食物合適小朋友食，份量都夠 炸豆腐同炸薯條好食，黑松露醬都幾香，上菜速度算快，唯一意外係牛扒，叫5成熟，黎到變全熟，同職員反映，換左一份7成比我地，職員睇到我地切開之後都搖搖頭，講左句唔好意思 另外職員唔會主動比水，但飲品又偏貴，所以有種迫你叫野飲既感覺 用餐時間90分鐘，最初食完野都冇過黎收檯，但突然之間好快咁黎收晒啲野 但現場仲有位，出面又冇人等位，我地其實都未夠鐘所以我地就急急腳咁出去埋單