朋友帶左我去佐敦官湧巿政大廈度搵食😋 🐓炸子雞 皮脆肉嫩，仲有旁邊嘅蝦片應該好多人同我一樣都會好鍾意 🦀椒鹽軟殼蟹 椒鹽香口，軟殼蟹厚肉有膏 🦐沙嗲粉絲大蝦煲 粉絲索曬沙嗲汁好入味，蝦肉都算彈牙 新肥泉海鮮大排檔(佐敦) 地址:佐敦寶靈街17號官湧市政大廈2樓熟食中心

同小朋友一齊其實食辣嘢好難，去完荃灣廣場玩，出門口就有間烤魚雞煲，另外仲有魚湯米線啱小朋友食，所以就入咗去食 大人叫咗個鮑汁雞煲，雞煲有唔同辣度同口味選擇，我地叫咗香辣味小辣，雞煲嚟到香噴噴，雞肉亦都好入味，冇錯，我就係要呢種味道喇😋 配菜我就揀咗薯粉同油麥菜，食完雞煲有個雞湯俾你打邊爐，薯粉索晒啲雞汁好惹味😋 小朋友我哋就叫左魚湯米線，另外再加咗雲吞同牛丸份量都好多，每款四粒，兩個小朋友都夠食🤨 同埋環境方面裝修係比較清新，座位都寬敞坐得幾舒服㗎😌

假期唔想煮飯，呢度一個拉麵套餐仲有埋小食非常之抵，而且我超鍾意佢個豬骨湯底超級濃郁，個麵嘅質地又啱啱好叉燒仲要好淋，仲有鰻魚飯同炸雞飯，今日帶住三個小朋友去食得好滿足😋😋

環境裝修清新舒適，而且定價都係街坊價，性價比好高👍🏼 🐮蕃茄牛肉麵 湯底酸甜，牛肉軟腍唔韌，麵條係手工面，小小煙靭口感好好 🐷滷豬手藥燉湯麵 我自己就十分鍾意藥膳嘅湯底，呢個湯底都算濃郁好啱我口味，豬手夠入味，有少少爽彈唔會太淋 🍛古早滷肉飯 滷肉肥瘦適中，加埋滷水蛋食一粒米都唔會剩😋 🫓吞拿魚薯餅蛋餅 蛋餅配上特色醬汁好惹味 🧋珍珠奶茶+🥤柑桔綠茶 珍珠奶茶茶味都香濃，亦都唔會太甜 金橘綠茶清新解渴

最鍾意食炸雞🍗朋友話我知我附近有間好好食嘅韓國餐廳,成間粉紅色好靚啊🎀 🍗炸雞即叫即炸外皮香脆，雞肉多汁嫩滑，仲叫咗豬軟骨飯同紫菜飯卷，個味真係好似飛咗去韓國咁🤤 超鐘意個人氣牛角窩夫🧇，我哋叫咗白雪草莓同檸檬吉士兩個都好好食😋擺盤好靚好啱打卡，三個等唔到搶住食😂 無骨炸雞 ，原味紫菜飯卷🍗 韓國豬骨伴鵪鶉蛋飯🍲 白雪草莓/檸檬吉士窩夫🧇

早兩日同朋友食lunch，喺荃灣曹公坊嗰度就見到一間裝潢好有特色泰菜小店🇹🇭 🍲🐮泰式牛肉濃湯船麵 湯底非常濃郁惹味，而材料亦都好豐富，有牛肉、牛肉丸、炸豬皮 🦐🦑泰式招牌海鮮炒金邊粉 醬汁酸甜，而且帶有少少辣，好開胃，海鮮亦都新鮮，有大蝦同大魷魚圈 🐓蒜香炸雞翼 脆卜卜，而且仲係單骨雞翼，嘴仔細嘅女士都可以一口一件 🥬泰式蒜蓉炒通菜 通菜新鮮唔老，面頭加咗啲卜卜脆嘅熟蒜，一齊食好香口 🍋🥤檸檬梳打 啖啖檸檬配梳打，清新好入口 🍊🥤鮮橙冰茶 帶有橙味嘅冰茶，解渴一流 📍泰玖 Thai Nine （荃灣） 荃灣曹公坊5號地舖

一向都好鍾意食泰國嘢，知道觀塘新開咗一間🇹🇭泰式美食市集「Foodhall By Moon Thai」去試吓啦。 🍍菠蘿海鮮炒飯，配料都好豐富，蝦仁、魷魚、提子乾、菠蘿、肉鬆，呢個小朋友好啱食 🍛紅咖喱雞，呢個咖喱帶少少辣，好啱喜歡吃辣嘅朋友 🍢沙嗲豬肉串燒，串燒唔會燒到乾爭爭，豬肉裏便仲有少少Juicy 🍡泰式豬肉丸串，份量好多，一上台，嘩…咁多粒嘅，配泰式甜辣醬好開胃 🧋泰式奶茶，唔算太甜都啱香港人口味 🥤迷迭香檸檬梳打，清新解渴

平時好少機會食越南菜，無意中發現旺角開左間越南餐廳，味道都好正宗，因為佢係越南人開架，今次2個人黎只係叫左2樣野，味道都好有驚喜 越式香茅燒雞 / 半隻 聽店員推介叫左隻燒雞試下，上枱既時候外皮仲係好香脆，啖啖雞肉好嫩滑，而且仲係好juicy好好味! 值得一讚個香茅味好出，味道帶鹹香好惹味 越式燒豬頸肉飯 豬頸肉有好多塊，經烤過既豬頸肉外皮焦香，肉質嫩滑，配上醬汁酸酸甜甜好開胃，配飯味道一流 另外佢地仲有啲湯檬、炒飯同沙律，賣相都好似好吸引，下次再黎試下

同同朋友入開屯門搵野食，行開見倒有間糖水舖都幾多人食，睇menu好似唔錯決定要試，選擇都好齊，基本款椰皇凍、榴槤系列、河粉果啲都有，仲有即整既窩夫、心太軟好正！ 果然水準都幾好 有驚喜🤤 芒果牛奶布甸椰皇凍 入黎本身想食椰皇凍，水準好高，精選特級靚椰皇，加上清甜的椰汁和柔滑清爽的椰肉，牛奶布甸好滑，大滿足 芒果椰子涼粉 涼粉成日食，椰子涼粉第一次食，白雪雪口感同平時既涼粉一樣，不過多了重椰子香清清地幾特別，配上香甜芒果🥭好好食，芒果控必點之選

成日聽同事講銅鑼灣呢間餐廳性價比好高，果然冇推介錯👍 今次先試咗lunch set .. 環境好闊落，有service ! 食物質素爆燈，性價比極高❤️ 一坐低，侍應就serve 牛油同埋麵包，有牛角包同埋芝士忌廉包，都好好味，最驚喜嘅係原來可以無限refill 㗎😍😍😍我哋忍唔住都叫咗refill jor 1 round . 前菜： 日式燒鳥免治雞肉棒 有咬口，醬汁甜甜地，配埋薯仔沙律好開胃。 南瓜湯 呢個南瓜湯真係極重南瓜味，感覺得到佢哋落足料，啖啖南瓜蓉，超正！同埋佢哋個碟係熱碟，令到湯保持住水準，抵讚！ 主菜： 大蝦海膽醬意大利粉$198 呢個超creamy … d 蝦好大隻，配埋海膽醬，再配埋面頭嘅三文魚子，完全唔覺得漏，好好味❤️ 香煎比目魚配芥末忌廉汁$198 條魚勁大塊，最欣賞係煎得一啲都唔油膩，啲魚肉好林，配埋個醬同埋配菜食，完全係酒店級五星級享受❤️ 呢個價錢已經包埋前菜同埋餐飲，好抵。跟住原來我哋打過去訂座，有85折😱咁抵嘅情況下，我哋即時叫多2道菜🤣🤣🤣 加配：北海道帶子刺身薄片$78 呢個係我最鍾意食，超鮮甜！北海道帶子本身已經好鮮甜，再配埋三文魚子，合拍道爆登！呢個係我大愛❤︎ 法式生牛肉他他$85 超誇張，份量好大，又高質！性價比爆燈⭐️⭐️⭐️⭐️⭐️