人生去過態度最差嘅餐廳 沒有之一‼️ 入到餐廳啱啱坐低 個店員已經勁唔welcome咁話 「提提你啦 嚟度人頭$70 限時90分鐘 謝！絕！開電腦」真係得你呢間餐廳咁威會講到明係「謝絕」開電腦 ok你係老闆 你喜啦😀 之後落order嘅時候 本身我哋諗住落咗主食先啦 之後先落甜品啦 然後個侍應就話 「要人頭$70喎 你哋知㗎何？」 駛唔駛啊 邊有一間餐廳咁樣無間斷地提住最低消費 隔咗唔夠5分鐘 另一個店員就走過嚟話 「我哋呢度係人頭$70 唔係人均$70喎 即係你唔可以一個人嗌兩杯嘢飲」 ??? 對唔住 我見識淺薄 真係第一次見一間餐廳set最低消費可以做到咁樣衰 淨係一路話我哋4個人 嗌2個主食 一定要加一杯正價嘢飲 唔可以跟餐 咁你可唔可以講吓人頭同人均嘅分別？ 我唔知係佢間舖得兩檯客所以佢係咁bea住我哋啦 定係佢針對 但佢係全程 無錯係全程都bea住我哋嗰檯 再喺我坐低嘅第85分鐘準時比張單我哋 成個customer experience差到貼地 去到嘢食啦 嗌咗個burger啦 唔熱唔凍咁 之後嗌咗兩個佢間餐廳最出名？嘅甜品 咪就係無餡+麵包皮厚少少嘅泡芙+ 一啲凍嘅cream喺面 老闆其實你呢間餐廳啲嘢食係熱食定凍食㗎 另外嗌咗個溫泉蛋明太子烏冬 umm 個烏冬個麵質係ok嘅 但係得蛋味同cream味 明太子呢？ 呢個份量$92😅 呢間嘢食物又麻麻地 仲要態度咁差 真係比錢買難受😀

今次嚟試連續5年登上米芝連嘅增輝廚藝🤓 訂咗8:15pm位 等咗7、8分鐘就入座 今次揀啲餸菜唔會喺屋企特登整😆 舖頭滿座 雖然本身話要等30-40分鐘 不過最後等咗15分鐘就開始上菜😃 🫘椒盬豆腐 $78 豆腐切得大片 椒盬蒜味淡 要襯喼汁先有啲味😕 一般酒樓嘅椒盬豆腐粒比較好🫢 🐖鎮江金沙骨 $128 肉好淋 間唔中有油脂 不過唔會太肥👍🏻 可惜汁唔夠醋味🥲 🥬啫啫白菜 $83 呢個比較普通 唔夠鑊氣🙃 原本諗住叫啫啫通菜 不過無唒… 🐽脆皮炸大腸 $128 薄脆皮🔥 油脂分佈較多 有罨味 菠蘿墊底 唔酸但甜 可以解膩😙 🐟砵仔焗魚腸 $88 最推薦呢道菜😋 油炸鬼面 好脆 魚腸份量多 唔腥🫰🏻 啲蛋焗得啱啱好 🐚油鹽水花甲 $118 花甲每隻都開 無沙粒 幾新鮮😯 粉絲唔硬 吸咗花甲啲鮮味 湯底清唔會太鹹

之前係見到有人推介呢間茶樓嘅酸菜魚😆 今次嚟到科學園試吓🫶🏻 - 樓面好大 平日中午12:45到達都唔需要等位 餐廳職員服務好周到 好快就開咗茶比我哋👍🏾 不過落單後 過咗20分鐘之後都未上菜🥴 雖然係咁 我哋同佢反映後 經理都好上心 五分鐘內就將所有餸送到😂 服務態度係挺不錯的🙌🏻 - 🥟原隻蝦餃皇 特點 蝦餃飽滿挺立 好大隻同足料😋 咬落充滿肉汁🥹 略嫌蝦餃皮少少太厚/ 硬如果更薄/ 彈牙就更好🤍 - 😋蟹籽燒賣皇 大點 燒賣好大粒!! 頂嗰層好多冬菇🫶🏻 燒賣餡保持充滿肉汁👍🏾👍🏾 不錯不錯 - 🐟酸菜魚!!!! 打大佬了😂😂😂首先好足料 好多芽菜 有超多魚 每舊魚唔算大舊 但真係超冧好滑🥹🥹 到水昌粉 其實煮得唔太熟 有部分水晶粉超硬🥴不過大部分都ok的😂 到個湯底!!! 通常酸菜魚嘅湯底都偏鹹 但佢個湯唔單止鹹 食到最後覺得自己成口味精🤢 同埋個湯唔算酸 一定要連埋啲酸菜一齊食先夠酸味🤔 所以我對呢個酸菜魚印象普通 應該唔會encore了🫠 - 發現好多餐廳入面 酸菜魚嘅湯都係由味精湯包煮成🫠 所以湯底麻麻同感覺唔太抵 以後出街應該唔會再隨便叫酸菜魚🫠🫠

之前去過尖沙咀Pici試過佢嘅Tiramisu好好食🥰 所以今次再嚟到沙田Pici再回味😌

沙田同尖沙咀有同一樣裝修 但係比起尖沙咀更加大 座位亦更加寬闊😯

Lunch set有3款餐包可以免費添加😍 每一袋有5片 包皮尚不硬 麵包芯鬆軟😙 除咗蘸橄欖油同黑醋之外 餐包可以蘸蘑菇湯同秘製肉丸嘅蕃茄醬汁🫡🍄蘑菇湯（素）
有大量蘑菇蓉 湯裏面仲有好多野生蘑菇同麵包粒🍞 好足料 所以味道非常濃郁☄️秘製肉丸（2粒）
肉丸好鬆軟 唔鬆散 蕃茄醬味濃 好開胃😋Pici嘅意粉係手工製造 口感彈牙 亦好掛汁👍🏻

🐟煙三文魚忌廉汁扁麵 $148
忌廉汁香濃 配搭煙三文魚粒一流 蒔蘿帶少香味 配料有蒜頭粒 車厘茄 辣椒 好香口🤩🍝蕃紅花意大利香腸扁麵 $158
意大利香腸切成粒狀程現 菊苣絲做陪襯😯 蕃紅花忌廉汁好creamy 十分惹味唯一要批評嘅地方係兩碟意粉嘅份量不一😮‍💨

🍮Tiramisu層次分明 口感軟滑 咖啡味同酒味分量恰好 唔會太強烈👍🏻每道菜式都好足料 而且醬汁濃郁 所以食到好飽😌
以呢個價錢嚟講 平日Lunch set好抵食🤩

上次睇完Mill Milk嘅片慕名而嚟試一試正宗拿坡里Pizza 覺得不錯 今次再嚟試吓其他菜式🫡🥗 Salmone Affumicato e Ricotta di Bufalo $148
份量有啲少🥲 Ricotta芝士似粉質 感覺有啲似薄荷味☘️ 芝士味淡 味道奇怪🤨🍝 Lasagna alla Bolognese $178
脆面焗千層麵鋪滿芝士粉❤️‍🔥 層層分明 麵皮彈牙 Parmesan+Ricotta呈現香濃芝士味😍 肉醬份量適中 唔會水汪汪😙🍕 Calzone $208
半月形嘅Pizza好新穎🌙 Pizza皮厚身但仍然焦脆 中間有一層鋪滿salami☄️ Mozzarella+Ricotta令pizza可以拉絲拉得勁長🧀 啲芝士味勁濃郁 陣味去到依家都記憶猶新🤫

ULURU離地鐵大概4-5分鐘路程 我哋平日大概12:10到 仲有好多空位 不過遲啲就好多打工仔嚟🥲 可能要等一陣位 另外佢樓底比較矮 所以比較嘈 如果要傾計 要比平時講得更大聲 間餐廳裝修好有格調🥹 仲有棵超靚嘅聖誕樹😍 lunch set價錢合理😌 選擇都唔少👌🏻 - 餐湯 南瓜湯 餐包細細塊 烘到好脆 個南瓜湯都好creamy👍🏻 - 韓式大醬海鮮燴天使麵 $108 少少甜辣 幾惹味 幾有特色😋 啲天使麵偏淋🥲 有魷魚 蜆 蝦等 另外都有紫菜 洋葱等 都幾足料 - 蜜餞煙鴨胸伴藏紅花忌廉汁意大利飯 $118 鴨胸嫩滑 夠肉汁 有好香嘅煙薰味 份量都足夠🥰 個意大利飯夠硬身 個忌廉汁食落有啲似葡汁😗 幾好食不過都算漏 - ☕️mocha +23 未見過咁大杯咖啡🫡 個拉花仲要咁靚😌 甜度啱啱好 夠咖啡味👍🏻 - 另外都有啲嘢飲唔洗加錢 都嗌咗杯檸檬茶 都好大杯😂😂

最近大街市集嘅waffle由米奇老鼠個樣邊咗linabell個樣 所以今次嚟到試吓🫶🏻 顧客首先排隊落單 之後再到左手面等食物 成個過程5分鐘內完成👍🏾 後面有少量座位 不過通常都比人坐曬🥲 - 個waffle係設計得幾有心思 5塊waffle每塊都feature唔同卡通 duffy fans 應該幾鐘意❤️‍🔥 但重點嚟啦 個waffle唔係甜 係鹹嘅!!!😅 感覺有啲奇怪😂 另外個waffle好淋 食到個口有少少乾🥱 不過個cream+一啲酸嘅水果同士多啤梨醬係幾好食嘅🥲 - 感覺味道退步咗 下次應該會試其他小食

前幾日突然間好想食牛角包🥲 喺呢間bakery買咗個牛角包嚟食🥰 餐廳內都有唔少座位 坐得幾舒服🫡 🥐 croissant $20 個牛角包好大個 第一眼望落去好吸引🥹🥹 啲氣孔有大有細 焗得好靚 亦都有足夠嘅牛油香❤️‍🔥 可惜個包唔太酥脆 包嘅表面都係淋嘅 扣咗少少分 另外佢本身唔係新鮮出爐 如果熱辣辣會好食啲🫡 - 間餐廳有其他甜品 如creme brulee 或者其他特色牛角包 期待下次試吓

今次嗌咗最貴嘅頂級套餐 聲稱有最頂級牛肉同刺身🤨🤨 原來呢啲已經係最頂級🤢 除咗失望搵唔到第二個詞語形容我嘅感受😵‍💫 - 首先佢啲肉好多都無醃過 無乜肉味 啲肉切得勁差 同一塊肉 一邊薄到透明 一邊又勁厚🙄 牛舌又唔煙韌 同普通牛肉無乜分別🥴 亦都嗌咗金菇肥牛 不過塊牛真係幼細到睇唔到🫣 另外!!! 啲豬頸肉燒完仲硬過擦子膠 完全咬唔到唔知點食😅 - 佢個套餐有刺身😵‍💫 不過啲刺身勁多筋 好難咬 得三文魚係ok 不過我對間餐廳嘅整潔狀況/ 食材處理手法有所保留 都唔敢食太多🥲 另外佢啲wasabi都無乜味 假假哋 - 另外間餐廳都有好多熟食 嗌咗個牛肉石頭鍋拌飯 不過牛肉就得幾舊 仲要係乾到裂曬 乾到無得再乾🥴 另外都嗌咗個煎餃 餃子皮都幾厚 餡就唔係好多 無乜味🥴 - 啲嘢食差到唔會encore 第一次食放題唔係飽住咁走 下次一定唔會再嚟🫠

勝面係台灣過江龍餐廳 主打非一般嘅麻辣牛肉麵 餐牌都幾多選擇🫡 - 台式鹽酥雞滷肉飯 鹽酥雞都夠脆 好夠椒鹽味 幾滑😋 啲飯偏淋身 個滷肉汁唔會太過鹹👍🏻👍🏻 滷肉就正常 無話特別滑🫠 有細細粒冬菇 好淋同好滑😗 飯就唔算好多 不過有好多餸❤️‍🔥 - 招牌麻辣·牛三寶 $88 有得揀湯麵/ 拌刀削麵/ 湯飯 而湯麵有關廟麵/ 新竹米粉/ 手工刀削麵👍🏽 揀咗關廟麵 感覺似淋啲嘅拉麵😂 如果想啲麵淋啲/ 硬啲可以提早同侍應講👌🏻 麵就唔算多 但真係有好多餸😋 牛三寶分別係牛頸脊肉，牛頰肉同牛腱心 三款都好重牛香味 可以同時間試曬三款口感嘅牛肉🥰 辣度方面 少辣都算辣 偏油🥱 另外配有豆腐同鴨血 豆腐係嗰啲蜂巢豆腐 鴨血好滑同幾入味 充滿台灣風味❤️‍🔥 - 抹茶歐蕾熔岩 食完個麵要飲返啲嘢解膩😋 呢個飲品超重奶味 有好大舊布丁🍮 舊布丁幾滑 而啲綠茶味中和返布丁嘅甜味 雖然綠茶味可以再多啲 不過整體嚟講幾好飲👍🏽