[ 南越南咖啡廳 ] 旺角呢間餐廳以越南🇻🇳南部新派Fusion菜為主題，食物及飲料都好有南越特色。 沙律🥗 ✿ 越式發酵茶葉沙律 $54 發酵後嘅茶葉混合金不換、辣椒🌶、青檸、魚露等香料，甜甜辣辣惹味開胃。 小食 ✿ 南越蟹肉醬 配脆球餅 $68 🦀 自行將不同份量蟹肉醬釀入脆球餅，脆球餅口感夠脆，蟹肉醬味道咸香。 ✿ 惹火上身鹹檸豬頸肉 $70 🐷 上菜時店員會係豬頸肉上面點火🔥，既打卡又增添豬頸肉焦香。豬頸肉嫩滑，加入鹹檸檬再配醬汁酸甜減膩。 主食 ✿ 烤蔞葉雞配青蘋果條 $90 🐔🍏 烤雞份量有半隻，都幾多肉，外皮香而薄脆，雞肉軟嫩有油香而唔肥膩。而且蔞葉有少少胡椒香氣，帶出肉香。 青蘋果條聞落有濃郁蝦味，味道鹹辣，平衡本身酸甜嘅蘋果。 ✿ 越式咖哩牛肋條配斑蘭椰香飯 $88 🐮 飯粒有顆粒感，斑蘭椰香味香濃。有牛肋條及牛筋，咖哩係帶小辣🌶、椰香味嘅黃咖哩，撈飯食更惹味。 飲品🍹 ✿ 香茅青蘋果茶(冷) $25/樽 ✿ 柑桔檸檬綠茶(冷) $25/樽 自家製樽仔凍飲，解辣解膩，夏天飲仲好解渴。 總結🫦 餐廳菜式有越南風味且多元化，更有越南湯粉、越式法包、越南滴漏咖啡等，加上位置方便，係聚會嘅其中一個選擇。 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ 南越南咖啡廳
地址：旺角彌敦道726號1樓
電話：2311 9333
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ 秋田鐵板燒刺身專門店 ] 每逢大節日都會搵吓邊間餐廳適合慶祝，尖沙咀呢間日式鐵板燒及爐端燒餐廳，師傅會係鐵板上繪出✍️祝福字句，非常之有心思同誠意。 ✿ 秋田二人前套餐 $950/位 套餐有前菜、以鐵板製作嘅茶碗蒸、海鮮、肉類、龍蝦清湯、炒野菜、炒飯同埋甜品。 前菜 有季節沙律🥗配芝麻醬，同埋味淋魚乾。魚乾用鐵板加熱，口感較軟身，無咁乾柴。 魚子鵝肝蒸蛋🥚 做法比較特別，師傅用鐵板製作茶碗蒸，蒸蛋夠嫩滑，鵝肝入口即化。 鮮活龍蝦🦞 原隻龍蝦放上鐵板時仍然非常生猛。師傅將龍蝦頭留作煮湯用，再將龍蝦起肉後加牛油🧈煎香，龍蝦肉嫩爽彈，鮮味濃郁👍。 原隻鮮活南非鮑魚 鮑魚放上鐵板時仍然非常生猛，師傅將鮑魚去殼𠝹花切成數片，鮑魚肉質嫩滑彈牙有質感👍。配忌廉海草醬，味道溫和無搶走鮑魚鮮味。 季節時令海鮮 師傅話海鮮每期不同，有北寄貝、蟶子皇等。而今次係鱈場蟹腳🦀，蟹腳好粗好厚肉，煎至半熟左右師傅係表面加蟹膏，再用火槍燒熟，蟹肉好嫩滑，蟹膏味道濃郁。 香煎頂級鵝肝 師傅將鵝肝煎至8-9成熟，未食已聞到香氣🤤。再係表面加魚子醬，鵝肝爆汁juicy。 香煎北海道帆立貝 帆立貝煎至表面金黃焦香，內裡軟嫩鮮甜多汁。配埋魚子醬及脆脆紫菜，層次豐富。 鹿兒島霜降和牛薄燒卷 (轉厚燒+$200) 🇯🇵🐮🥩 薄燒和牛：用炸蒜片夾住燒，牛味濃厚帶有蒜香。 厚燒和牛：師傅將原塊和牛扒煎至所選生熟度再切成數片，和牛油脂豐富，肉質軟嫩🤤。配海鹽、鹽昆布或日式芥末調味及減低油膩感。 龍蝦清湯🦞🥣 鮮活龍蝦頭加埋海藻等煮成清澈嘅湯。 炒野菜🥬 秋田炒飯🍚 加入櫻花蝦、雞蛋、蔥粒等材料炒飯，粒粒分明，每口飯都有蛋香及櫻花蝦軟殼口感。 精選甜品 鐵板即製紅豆銅鑼燒🫘🥞配雪糕🍨。 總結🫦 日式鐵板燒套餐菜式豐富，師傅會係鐵板上繪出✍️字句，中文或英文都可以！另外店員會沖曬一張即影即有相片📸俾食客，真係好啱慶祝節日🥰！ ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ 秋田鐵板燒刺身專門店
地址：尖沙咀天文台圍8號1樓
電話：2316 2727
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ 貓抓烤肉 ] 旺角呢間烤肉店🔥🍖匯聚重慶、日式及韓式風味烤肉，係新加坡、上海、廣州等地有分店。烤肉店以貓咪🐱為主題，從店內裝飾到食物都有貓貓元素，超可愛啱哂貓迷呀！ ✿ 二人套餐 $348 (兩位) 套餐有小食、肉類、主食、配菜、飲品及甜品，種類同埋份量都好多。 涼拌小食 川味小皮蛋🥚 小皮蛋以鵪鶉蛋製成，細細粒質感Q彈。 燒烤肉類🔥🍖 （1）貓抓全明星拼盤 約20安士肉(570克)，一次過食到7種口味嘅肉：雪花牛肉、藤椒牛舌、現拌牛肉、秘制牛五花🐮、炭燒黑豬梅花肉、蒜香豬五花🐷、貓抓藤椒雞🐔。 各款肉都預先醃味，當中藤椒口味最為特別，使用青花椒與四川胡辣椒🌶，辣得過癮。烤肉選用美國牛肉、丹麥豬肉，肉味濃郁。而且烤爐火力十足🔥，肉類烤得juicy香口。 （2）雞脆骨 / 口蘑蝦滑 [選1項] 雞軟骨份量都幾多，烤得有肉汁脆卜卜。 配菜 （1）烤茄子 / 鐵板豆腐 [選1項] 重慶燒烤又點少得烤茄子🍆。茄子鋪滿生蒜、辣椒及孜然等香料，茄子肉烤得超多汁，麻麻辣辣夠惹味。 （2）小瓜雙拼 / 生菜 [選1項] 小瓜雙拼有翠肉瓜🥒及紅蘿蔔🥕。 主食 貓抓拌飯(2份) 🍚 紫菜加燒肉汁，加埋烤肉油香，拌飯味道昇華。 飲品🍹 貓草茶 / 貓檸檬茶 [選2杯] 貓草茶加入奇異果及椰果，口感清爽，解膩解辣，而且飲品杯係貓貓🐱主題，好有特式可以打卡😝。 甜品 貓爪焦糖布丁 / 貓抓黑糖豆花 [選2份] 焦糖布丁🍮配上脆脆焦糖，嫩滑入口Q 彈，更係貓抓🐾造型，賣相Q爆😍。 ✿ 貓抓泡椒肥牛 $68/份 額外單點呢款招牌菜，牛肉🐮以泡椒醃製，酸辣麻香，烤得非常入味，肉質鮮嫩。 總結🫦 烤肉店環境舒適，滿佈可愛貓咪🐱裝飾打卡位，而且有貓精品俾會員儲分換領。二人套餐價錢相宜，人均唔使二百蚊食到飽！ ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ 貓抓烤肉 地址：旺角豉油街104號XX Arcade東翼1樓 電話：3795 7885 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ Odelice! ] 法國菜俾人印象都係比較貴嘅菜式，前排同朋友係沙田行街搵到呢間法國菜🇫🇷餐廳，環境感覺似巴黎大街小巷嘅小酒館，二人套餐價錢合理。 ✿ 晚市雙人套餐 $528/2位 每日下午5時至晚上9:15分供應。套餐有2個餐湯、1份頭盤、2款主菜、1個甜品。 餐湯🥣🥖 南瓜湯，配小法包。 頭盤 法式點心拼盤 +$30 款式豐富，有吞拿魚他他、煙三文魚蘸醬、迷你蛋批、炸黑松露蘑菇球同埋西班牙火腿，味道咸香開胃。 主菜 （1）盲糟魚海鮮鍋 🐟 海鮮有盲糟魚、黑青口及蜆，另外有燒薯粒。醬汁係龍蝦番茄汁，夠濃郁掛汁。 （2）阿根廷安格斯肉眼牛排 +$35 🇦🇷🐮🥩 肉眼牛排煎至表面焦香，配黑松露紅酒醬汁，肉味濃郁。配料有脆脆炸薯條🍟。 甜品 朱古力心太軟🍫 用法國朱古力製成，朱古力超濃郁有流心放果。另外配上雲呢拿雪糕🍦，一暖一凍口感有層次。 總結🫦 餐廳走巴黎小酒館風格，另外有生蠔🦪、葡萄酒等選擇，菜式多元化。 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ Odelice! 地址：沙田沙田正街18-19號新城市廣場一期6樓628號舖
電話：2520 2266
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ 心一 · 影 ] 灣仔呢間餐廳集Omakase、割烹、炭火串燒等日式料理於一身。 最近餐廳推出清酒🍶優惠，只需$48-$68就有一杯約100ml日本清酒，款式有十多種。在場有唎酒師🤵‍♂️，可以按自己口味揀選唔同款式清酒或者唎酒師推介💁🏻‍♀️。另外配搭不同小食佐酒，有前菜、揚物、串燒等。 前菜 ✿ 炸甘海老🦐🦐 $88 ✿ 炸雞軟骨 $88 ✿ 味醂魚乾 $98 炸物炸得香口。炸甘海老原隻蝦炸香，入口仍保留蝦肉口感，不會過乾；而魚乾係雞泡魚乾，沾美乃滋醬增添風味😋。 揚物 ✿ 野菜天婦羅 $108 款式有粟米芯、茄子、南瓜、冬菇、秋葵，炸得皮薄香脆。 串燒 ✿ 雞腿肉 $48 ✿ 黑豚腩肉 $48 ✿ 冬菇 $28 ✿ 茄子 $28 ✿ 銀杏 $48 串燒種類有海鮮、肉類、蔬菜等，即點即燒夠哂滋味。 總結🫦 餐廳地方寬敞，有吧枱位、廂房等。另外餐廳有不同日式套餐，如果叫套餐+$238就可以2小時無限暢飲清酒、啤酒、玫瑰酒、紅酒或白酒，啱哂中意飲酒嘅朋友嚟Happy Hour👍。 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ 心一 · 影 地址：灣仔軒尼詩道318號永倫立方1樓
電話：2121 5199
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ Le Menu ] 近排有唔少酒店自助餐做推廣優惠，當中有灣仔呢間超過90年歷史嘅六國酒店。佢地自助晚餐種類多元化，包括任食片皮鵝、爐端燒、冰鎮海鮮、烤肉、熱葷、甜點等，再加每人一份堂弄原隻鮑魚。 ✿ 華麗盛宴自助晚餐 – 扣鮑魚‧片皮鵝·爐端燒 日期：即日起至2024年5月31日 時間：晚上6時至晚上10時15分 堂弄原隻鮑魚（每人一份） 鮑汁鴨掌扣原隻鮑魚，鮑魚口感煙韌，吸收鮑汁精華，肉質鮮美，而且有即場烹飪👨‍🍳示範，極具娛樂性👍。 片皮鵝🔪🦆 師傅會係食客面前即場片鵝，放在餅皮後由食客按個人喜好加配料及醬汁。燒鵝外皮酥脆鬆化，肉嫩多汁😍。 爐端燒🔥🍡 廚師即席即燒原件鴨肝多士、虎蝦、燒雞翼、雞胸軟骨串、多春魚等，火喉控制得剛好，炭燒風味獨特。 冰鎮海鮮區🦞🦀🐚🦐 任食波士頓龍蝦、加拿大雪花蟹腳、麵包蟹、翡翠螺、紐西蘭青口及熟蝦，海鮮補充速度理想👍。 和風料理🍣 即點即切刺身有三文魚、吞拿魚、北寄貝等，另外比較特別有雜錦角切魚生丼。 烤肉區 除咗片皮鵝，仲有美國特級肉眼牛扒🇺🇸🐮🥩，肉眼即點即切，肉嫩多汁。 熱葷區🥘 任食多款中西式熟食。海鮮類有鮑汁燴花膠、芝士蘑菇焗蟹蓋、芝士白汁焗龍蝦鉗、酥炸生蠔、蒜蓉粉絲蒸扇貝、清蒸石斑片、鮮茄紫蘇葉炒大蝦等，款式豐富。另外有海南雞、紅燒獅子頭、印度咖哩配薄餅等熟食。 湯類🥣 中湯有竹絲雞螺頭燉豬展湯，好足料且味道鮮甜，而西湯有干邑龍蝦湯。 甜品區🍰 款式繁多，有白桃烏龍茶慕絲蛋糕、法式蜂蜜檸檬蛋糕配海膽忌廉、檸檬乳酪忌廉馬德蓮蛋糕、士多啤梨西瓜蛋糕、德國芝士蛋糕、綠茶拿破崙、杏仁茶燉蛋白等。此外有即製香脆窩夫🧇及任食杯裝Häagen-Dazs雪糕🍨。 而且有即席懷舊雪糕甜品「火焰雪山」表演👨‍🍳。雪糕先用蛋糕包住，店員將酒加熱淋上表面，燃起藍色火焰🔥，非常之打卡。甜品外暖內凍，口感獨特。 總結🫦 自助晚餐食物種類多元化，有堂弄原隻鮑魚及火焰雪山甜品表演👨‍🍳，令用餐體驗更有氣氛👍。 價錢💰： 星期一至五 ▶️第一輪 (晚上6時至8時)、第二輪 (晚上6時30分至8時30分) 成人$638/位、小童$348/位 ▶️全時段 (晚上6時至10時15分) 成人$738/位、小童$448/位 星期六、日、公眾假期及其前夕 ▶️第一輪 (晚上6時至8時)、第二輪 (晚上8時15分至10時15分) 成人$668/位、小童$378/位 ▶️全時段 (晚上6時至10時15分) 成人$768/位、小童$478/位 經Openrice網上訂位有優惠，成人星期一至五每位$499、星期六日及公眾假期每位$549，而且可以食足3小時😋。 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ Le Menu 地址：灣仔告士打道72號六國酒店1樓
電話：2866 3808 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ Wanderlust ] 最近係ig見到銅鑼灣新開呢間西式fusion打卡餐廳，環境同埋食物佈置都佈滿花花及蝴蝶裝飾，用色鮮艷打卡好靚。 前菜/沙律 ✿ 布袋芝士沙律🥗 $129 布袋芝士係流心水牛芝士，奶味香濃，加入蕃茄及柚子醬配搭，口感creamy且味道酸甜。 主食 ✿ 冬陰功里科塔芝士菠菜意大利餃子🥟🌶️ $158 有別於中式餃子，意大利餃子餡料係芝士和菠菜，冬陰功醬汁酸酸辣辣夠惹味。 ✿ 紅菜頭忌廉藍青口寬帶麵 配香煎帶子 $258 以紅菜頭及忌廉煮成淡粉紅色嘅濃稠醬汁，味道帶甜，搭配藍青口和煎帶子，寬帶麵口感煙靭，掛汁力強。 飲品 ✿ 焦糖餅乾奶昔 $79 ✿ 繽紛樂朱吉力奶昔🥤 $79 奶昔味道濃郁而順滑，造型色彩繽紛。 甜品 ✿ 三層斑戟配自家製草莓醬🥞🍓 $168 甜品以羽毛托架盛載，並有皇冠、花瓣等做裝飾，相當華麗💖💖。斑戟即叫即整，蛋味濃郁，斑戟之間有士多啤梨果肉及士多啤梨醬，甜甜酸酸。 總結🫦 餐廳鄰近Sogo百貨，位置方便，環境及食物用色鮮艷打卡好靚，最尾仲會送一束乾花比你，為整餐飯作完美結束💐💐。 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ Wanderlust
地址：銅鑼灣謝斐道508號聯成商業中心7樓701室
電話：6094 1467 (WhatsApp)
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ 傷心酸辣粉 ] 講起重慶酸辣粉第一時間會諗到呢間餐廳，最近發現佢地有任飲任食放題，有幾款雞煲、烤魚或重慶麻辣火鍋選擇，再加任食配料、任飲汽水飲品，食足90分鐘成人每位最平只係$108😳😳。 任飲任食放題 ✿ 90分鐘雞煲/烤魚放題(2位起) 成人$108/位、小童$78/位 (2pm後入座及5:30pm前離座、9pm後入座) 或 成人$128/位、小童$88/位 (11am至2pm入座、5:30pm至9pm入座） 首先選一款煲類。雞煲🐔有重慶麻辣雞煲、香辣啤酒雞、胡椒豬肚雞煲、藥膳雞煲(當歸北芪)或滋潤雞煲(沙參玉竹)；烤魚🐟有招牌豆花味、鮮花椒味、金牌蒜香味、老壇酸菜味、秘製麻辣味或濃香蕃茄味。 鮮花椒味烤魚麻香味濃郁，辣得過癮😋。另外+$30加配一份卜卜花甲，份量都幾多，花甲吸收湯底精華，花甲鮮甜帶麻香味。 食完烤魚之後仲可以打邊爐，無限追加配料有蝦、肉類、丸類、蔬菜、寬粉等。 任飲飲品🧃有紙包或自家製樽裝飲料。 小食 ✿ 香酥軟骨 $39 ✿ 麻辣肥腸 $39 額外點咗兩款小食，香酥軟骨係炸雞軟骨，脆卜卜好香口；麻辣肥腸滷得好入味，而且有麻辣味，更加惹味😋。 總結🫦 逢星期一、二雞煲/烤魚放題4人同行1人免費🆓。 此外，逢星期一至四於新蒲崗、元朗、天水圍、粉嶺店每次堂食單一消費滿以下金額，即有獎賞： • $200或以上 送雙層玻璃保溫瓶(350毫升)1個 • $300或以上 送雙層玻璃保溫瓶(350毫升)1個 + 魚皮花生 • $400或以上 送雙層玻璃保溫瓶(350毫升)1個 + 魚皮花生 + 鍋巴 • $500或以上 送雙層玻璃保溫瓶(350毫升)1個 + 魚皮花生 + 鍋巴 + 雨傘+環保袋 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ 傷心酸辣粉
地址：新蒲崗寧遠街3-23號越秀廣場地下G10-G11號舖
電話：2617 8038
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ 花色•天丼 ] 又嚟到荃新天地2期「一門町市場」食飯，今次食呢間天婦羅🔥🍤料理專門店，開放式廚房可以望到廚師即場製作料理。 ✿ 柚子微辛蕎麥麵(暖)&天婦羅拼盤套餐 $138 蕎麥麵🍜麵條彈牙，有柚子酸甜味道，口感清爽。拼盤有數種海鮮和蔬菜天婦羅：虎蝦、鰻魚、墨魚、蟹柳、粟米芯、南瓜及秋葵。 ✿ 軟殼蟹天婦羅定食套餐 $158 🦀 同樣有數種海鮮和蔬菜天婦羅，有軟殼蟹、虎蝦、鰻魚、粟米芯、茄子及南瓜，配日本米飯🇯🇵🍚一碗。原隻軟殼蟹食落啖啖肉，好滋味😋。 兩個定食嘅天婦羅都炸得酥脆金黃，外皮麵衣夠薄，食落唔會油膩。另外店內所有定食套餐都配日式沙律🥗及日式清湯🥣。 總結🫦 餐廳裝潢走日式木系風格，溫和舒適，更有席前吧枱座位可以睇到廚師製作天婦羅料理。 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ 花色•天丼 地址：荃灣楊屋道18號荃新天地2地下一門町市場J41-42號舖
電話：9265 5660
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ Pizza Maru ] 韓國人氣薄餅炸雞店Pizza Maru將於明天 (2024年4月26日) 起聯乘LINE FRIENDS推出期間限定「LINE FRIENDS meets Pizza Maru」餐牌，以黃色LINE FRIENDS SALLY🐥設計咗4款菜式😍。 ✿ 芒果芝士薄餅世界 $248 🍕🥭🧀 13吋手工薄餅，餡料有通粉、芝士、芒果、蕃薯慕絲、酸忌廉醬等，餅底柔軟有彈性，外層有厚厚芝士，鹹香味與甜酸芒果醬平衡，口感清新。 ✿ 香芒鮮蝦炸雞派對 $158 🔥🐔🥭🍤 6件韓式炸雞外皮薄脆，加入炸蝦、甜酸芒果肉、芒果醬及甜辣醬，味道層次豐富。 ✿ 黃金烤肉芝士意粉樂園 $193 🍝🎃🍖🧀 南瓜忌廉醬濃稠，扁身意粉煙韌夠掛汁，加上韓式烤肉及芝士，濃厚惹味。 ✿ 鮮蝦忌廉意大利飯小花園 $198 🍛🍤🧀 意大利飯粒配搭番紅花忌廉汁煮得煙韌彈牙，並有黑橄欖、彈牙大蝦及濃郁芝士。 飲品🍹 ✿ Peach Lime Iced Tea $48 ✿ Pineapple Flora Iced Tea $48 冰果紅茶配上唔同果肉，味道清新，解膩一流👍。 總結🫦 每款限定菜式都有LINE FRIENDS圖案裝飾，而且餐廳佈滿黃色🐥打卡位，連LINE FRIENDS BROWN、CONY、CHOCO、LEONARD及EDWARD都變身SALLY黃色🤣！ 推廣期內，惠顧任何「LINE FRIENDS meets Pizza Maru」餐牌內菜式一客即可換領限定版貼紙一張，或以推廣價換領💰帆布袋或不鏽鋼水樽(350ml)。另有特別版商品絨毛鑰匙扣、多用途袋換領。 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ Pizza Maru 地址：尖沙咀廣東道3-27號海港城海運大廈3樓LCX 34號舖
電話：2682 2030
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿