上網見到呢間餐廳吉列千層豚肉好吸引，芝士流哂出黎好正，我地去到就叫左個三重芝士既吉列千層豚肉，呢個好出色！稻亭烏冬都有驚喜，和牛好味但價錢略高，下次想試下其他炸物，見到評價都高呀，環境坐得舒服，比較暗如果影人就難小小，但食物值得再黎食呀！😍 🐷吉列千層豚肉 (三重芝士) $238 吉列豬扒食得多，呢款入面係疊左幾塊五花肉同大量芝士，食落特別鬆軟！炸粉好薄超脆好味，必食！ 🥚薘松玉子 $108 玉子好長偏薄，但味道非常好，入面仲有芝士，蛋好滑，配埋類似小丸子既醬汁係面好夾好好食 🍜冷稻亭烏冬 $78 超級凍既冷烏冬，烏冬係幼身，夠凍令口感更好 🐮申子海膽和牛燒 $378 成餐飯既重頭戲，今晚想食好小小，叫左個和牛食，雪花好靚，和牛有小小厚度，上桌再燒，入面有蛋黃同飯，配埋醬汁好正，和牛味濃又香，如果價錢再親民D就正啦

睇完韓劇好想試下韓國粥！上網見呢間係韓國廚師感覺會好地道同正宗，果然冇簡錯，試左3款野食，推介大家試下韓國粥同餃子，就算夏天食韓國粥都一樣好好味呀！😍😍下次想試下其他煎餃🤤豚肉都好吸引呀🤤 🍛釜山特色泡菜粥 $118 粥底同港式好唔一樣，好軟綿綿，入面仲有好多配料，有翠玉瓜，泡菜，章魚，有泡菜味道提升左成個粥，食完成個勁飽 🥟煎韓牛餃子 $82 餃子煎得好香脆！入面超足料，啖啖牛肉，牛味香濃入面仲有肉汁，真係想叫多碟好好味呀！ 🍜韓式牛肉烏冬 $118 牛肉好惹味，如果鍾意食清淡朋友仔未必岩，烏冬唔錯！

呢間一直好想試但成日經過都冇位，今次預先book左位，終於食到啦！見幾乎個個都叫蛋漿熔岩炒飯，我地想試左真係好濃芝士好正，仲有openrice好多人介紹炸雞好味，蜜糖牛油味甜甜地好味，炸雞又炸得好食，呢個值得再回頭，同埋份量好大，其實叫兩樣野食都夠3個人食哈哈！但真係記住要book位呀！😚 🧀雞肉蛋漿熔岩炒飯 $188 滿滿既芝士勁吸引，店員係我地面前再用火槍燒香芝士同蛋漿，撈左個飯超好食，好濃芝士味，2-3個人食唔會咁易膩，見好多人叫泡菜味，可能仲好味！ 🐥蜜糖牛油炸雞 $228 超大盤炸雞，炸雞大大件好香脆，我地叫左有骨，成日覺得有骨更有肉味更好食，入面有雞翼，雞鎚，啖啖肉又好juicy，炸雞下面仲有超多薯條，粗薯條好好食，呢個價錢咁大份真係抵食！下次試下蒜蓉味先

朋友要OT要係公司附近食，佢話呢個food court好正，咁岩見到呢間之前係將軍澳食過唔錯，呢個food court同平時好唔同，坐得好舒服，位置好闊！好乾淨，食完好快有人黎執野，朋友係呢附近返工好正，好多好野食，冬陰功湯麵同飲品最出色，要再黎食啦！🤤🤤 🍜Tom Yum Noodle Soup - Chicken $78 酸酸辣辣既冬陰功真係好正，呢碗唔會好辣，食得好過癮，金邊粉吸哂冬陰功既精華，真係好想再食多電，雞肉好滑份量多，好多啖麵都食到肉，食完仲飲埋個湯好正，呢個價錢又平，好推薦！ 🍚Thai Hainanese Chicken Rice $88 食完冬陰功呢個有D普通，雞肉份量多但有小小乾，大家都係試冬陰功啦！ 🐷Grilled Pork Neck $88 豬頸肉本身都好入味，就咁食都好好食，份量又多，呢個推薦！ 🦐Shrimp Cake (2pcs) +$38 蝦餅新鮮炸實好食！係價錢貴左小小 🥭Mango Sticky Rice +$48 芒果同上次係將軍澳食既一樣咁甜呀！勁好味，飯都好好味，做飯後甜品一流呀 🍹Thai Lemon Tea +$20 茶底真係有泰式味道，甜度好好似平日飲品既小甜 🍹Lime Soda +＄35 好好飲，有D似有氣既Lemonade，雖然價錢唔平，但咁大杯都抵呀！

任食既燒肉真係好正，呢間除左燒肉仲有好多台式小食，今次食豪D食最貴既澳洲M5和牛吃到飽 $418兩小時，第一輪叫左好多款牛肉，配特製黃金醬，呢款醬好香又唔搶走肉味，之後出面自助吧拎左飲品同拌飯，拌飯超級出色，飲品選擇都好多有無糖果茶同多款罐裝飲品，第二輪叫左好多小食同雞，仲有驚喜過牛肉！下次黎食會食最平套餐，二百幾蚊任食以下推仲既美食，除左牛舌芯哈哈，食到尾聲仲有每人一杯haagen dazs雪糕或者台式甜品🫶🏻 🐮牛舌芯 做優惠每人送兩條，勁好食，爽口牛味重，一咬就分開質素好好，如果呢款都係任食就正啦 🍚安平蝦拌飯 自己係自助吧整，有滷水汁，櫻花蝦，紫菜同蔥，超好食好夾，我地食左兩碗呀 🦐櫻花蝦乾伴手工麵 呢到櫻花蝦真係好香好好食，仲有肉碎拌手工麵真係好好味呀 🥬黃金泡菜 呢到既黃金醬好特別，同菜好夾，配埋肉一齊食超好味 🐥老虎雞翼 微辣惹味雞翼，值得食呀！ 🐥鹽蒜麻油雞腿肉 雞腿肉好滑，雞皮燒得香脆好食 🐟烤魚乾 魚乾輕輕燒熱好香，配沙律醬食好食

上次食過好好味，未去日本就黎呢到再食止下心癮先哈哈，入面有店員係講日文真係好似返左鄉下咁呀！拉麵同小食都出色，每個月都有做唔同既優惠，follow IG就會送指定小食！🤤 🍜黑龍豚骨拉麵 $100 加玉子 濃郁黑豚肉湯底，拉麵份量唔小，幼身麵但都好掛湯，因為湯底真係好濃郁呀！加埋溏心蛋就perfect啦！ 🍜牛筋black沾麵 $98 沾麵係粗身麵好好食，麵簡左凍，同熱湯一冷一熱咁好特別好食，牛筋好入味好淋 🥟餃子 $40 餃子味道唔濃，正常發揮但食拉麵成日都會想食餃子 🐥炸雞 $30 一定要食！超正外面好脆，入面勁滑好juicy仲有好多肉汁 🐙章魚燒 $30 一定要食！外脆內軟熱辣好好味 🦑燒魷魚一夜干 $50 今次既魷魚有小小un，但咬落好juicy好多汁

好鐘意一邊食一邊自己整既餐廳，有得食又有得玩好開心，上網見呢間漢堡扒好正，仲要坐得好舒服，抽風超好完全唔會有油煙味！我地叫左個二人套餐，除左有漢堡扒仲有丼飯同飲品，但下次再黎食會叫漢堡扒同小食，見格離食小食都好正咁！🤤 二人套餐 $359 🍗芝士蛋蒜和牛漢堡扒 (2份) 和牛漢堡扒好鬆軟！唔似平時食漢堡扒既口感，配埋芝士同蒜勁惹味好食，每次拎小量漢堡扒再推平，煎幾秒再反轉，熱石非常熱可以煎到外面超香脆，如果配白飯食都幾正呀 🐷韓式豬頸肉丼飯 丼飯比較普通，韓式醬汁好味偏濃，有幾塊肉唔夠淋有D可惜 🍹西柚特飲 套餐加$18 🍹巨峰特飲 套餐加$18 超大杯特飲，甜度適中又有氣，超夾食漢堡扒飲，推介西柚味酸酸甜甜仲好味呀

門口見到刨冰做買一送一，就試下晚飯加甜品。餐廳位置唔多，幾多人食都要等下位，上菜好快又熱，主食唔錯但甜品係好好味。下次再黎想叫甜品外賣，唔洗等位就食到！❤️ 🦐香煎虎蝦蕃茄湯烏龍麵 $78 虎蝦煎得好香好好味，蕃茄湯濃郁，如果烏龍麵口感再好味D就好啦 🐙章魚大阪燒 $88 好大個大阪燒，每一啖都食到章魚，醬汁唔會過濃 🍧伯爵刨冰杯 $58 買一送一 未食過咁濃味既刨冰，平時刨冰好淡味，呢款刨冰好綿好濃伯爵茶味，刨冰面仲有伯爵茶Cream，刨冰食完都冇罪惡感，依家仲買一送一好抵食！推介 🍦乳酪雪糕 $58 鍾意食甜品既我地仲叫左個雪糕，簡左抹茶餅乾碎碎，抹茶蕨餅，小山園抹茶醬同朱古力餅乾條，小山園抹茶醬味道濃，乳酪雪糕酸酸甜甜勁好食，仲要大大杯兩個人share都夠食 🍹巨峰梳打 $19 🍹柚子梳打 $19 飲品偏甜，留返個胃食甜品仲正啦

好耐冇食燒肉啦🐮今晚食豐富啲叫咗牛肉拼盤！牛肉未到淨係小菜都已經好豐富，有六本，全部都可以無限追加😍調味好好，辣嘅沙律菜同埋醃製青瓜最好食！泡菜都好正，但係就偏辣夾埋肉食啱啱好！牛肉份量好多一個拼盤三個人share都可以！🤤肉眼最好味，其他有部份唔算好嫩滑，但係份量好足夠！套餐仲包咗大醬湯或者泡菜湯，兩個人食完真係大滿足！🤤 🐮牛肉拼盤 A $560 拼盤有牛肉眼，牛肋骨肉，肩胛肉，板鍵肉，全部大大塊好厚身，特別係牛肉眼真係超大塊最好味道，好有肉味又淋🤤 🥘大醬湯 平時都鍾意飲大醬湯，除咗少量蔬菜仲有蜆，食咗咁多肉飲下湯balance返😆

咖哩就成日食！但湯咖哩出面唔多機會食，呢到既咖哩烏冬好味，湯底好濃郁，烏冬好掛湯好味！芝士年糕好軟好香芝士味，跟餐加價錢唔貴，如果鐘意飲啤酒，食串燒套餐好抵，六串仲包啤酒飲😆仲有生啤買一送一🤤 🍜慢煮炙燒雞叉燒咖哩湯烏冬 $79 慢煮炙燒雞叉燒好軟滑，有淡淡炙燒香，仲有半熟溏心蛋，鳴門卷同紫菜，重點烏冬非常掛湯，咖哩湯好濃郁，吸哂湯汁味好正！推介 🍚飛驒和牛漢堡扒湯咖喱 $110 漢堡扒好有肉香但唔夠喉，如果大件啲就好啦！咖哩係自家熬製湯底，再配十款蔬菜，每款都好新鮮，特別南瓜係超甜，配白飯不過感覺配烏冬更好食 🧀芝士年糕 $26 跟餐 新鮮整，年糕軟軟好香芝士味 🍢串燒套餐 $100 有6串再送啤酒！雞翼最好食