【旺角創意中式糖水舖🍬仁芝初】 - 如果大家係旺角行街行到攰想搵個地方坐下🤭小編推薦可以去『仁芝初』食返碗糖水😋有三十幾款糖水任君選擇，仲有得兩拼添😝 - 😋法式紫米露🥥 $42 呢個法式紫米露幾特別🤩佢有三層，分別係椰汁、紫米露同埋法式燉蛋，顏色豐富賣相好吸引😍最上個層椰汁打成泡沫🫧入口相當綿密配埋紫米食幾夾🤣食完都有啲飽～燉蛋充滿蛋香，面頭仲有啲啫喱糖🤤 好味指數：🌕🌕🌕🌕🌘 - 😋古法養顏燉桃膠 $42 呢碗係非常滋潤嘅糖水，入面有桃膠、桂圓、杞子同埋紅棗😍非常足料～糖水可以揀熱或者凍，甜度適中👍🏻 好味指數：🌕🌕🌕🌕🌑 - 😋芋圓（8粒）$12 芋圓可以加配落糖水又或者另上😝另上嘅話就會配埋黑糖薑汁🤤飲落超暖胃，芋圓有咬口煙煙韌韌😍幾好食 好味指數：🌕🌕🌕🌕🌑 - 📍 仁芝初 (旺角) 旺角通菜街2Q-2Z號鴻輝大廈地下6號舖 💸人均消費：$48

【尖沙咀人氣韓式燒烤🍖喜來稀肉】 - 『喜來稀肉』係韓國過江龍😝裝修十足十韓國嘅燒肉店，仲有Oppa坐鎮幾有氣氛～價錢相宜，泡菜同埋生菜都係自助😗仲有圍爐芝士煎蛋🫕幾啱約埋一班朋友聚會😍 - 😋蟹籽紫菜飯團🍙 $50+1 飯團成個波咁樣造型好得意😙入邊有蟹籽同紫菜，外邊煎得焦香，灑上一啲芝麻，味道唔錯👍🏻 好味指數：🌕🌕🌕🌕🌑 - 😋牛護心肉🥩 $160+1 牛護心肉係牛嘅橫隔膜，係非常稀有矜貴嘅部位。肉質軟腍😛肉味濃郁，帶點油脂的甘香，好啱用嚟燒肉😍 好味指數：🌕🌕🌕🌕🌗 - 😋海鮮拉麵🍜 $65+1 價錢唔貴但入邊有大蝦又有青口相當足料🤩拉麵比較粗身有咬口😙個湯底辣得來有幾惹味🌶️ 好味指數：🌕🌕🌕🌕🌑 - 😋喜來韓豚五花肉🥓 $180+1 五花肉油脂豐富，燒完之後金黃色，加埋泡菜同生菜一齊食，好夾😏而且份量都幾多下 好味指數：🌕🌕🌕🌕🌑 - 📍喜來稀肉 (尖沙咀) 尖沙咀金巴利道79-81號金栢閣地舖及1樓 💸人均消費：$250

【佐敦靚靚木系Cafe🤎𝓟𝓸𝓽𝓵𝓾𝓬𝓴 𝓔𝓪𝓽𝓮𝓻𝔂】
-
今日同大家介紹呢間位於佐敦嘅呢一間木系Cafe😌✨𝓟𝓸𝓽𝓵𝓾𝓬𝓴 𝓔𝓪𝓽𝓮𝓻𝔂✨空間開揚又充滿文青氣息，入面有壁畫同小木凳打卡位，比人一個唞氣放鬆嘅地方🖼️

-
食物方面，小編同朋友晚餐去食😝一人嗌咗一個主食，味道都唔錯尤其係個『鮮蠔汁意大利飯』😋我地仲加左$40升級做dinner set，包餐湯、蒜蓉包、餐飲同甜品～餐飲有奶茶咖啡或者可以加錢嗌特飲🍸小編揀咗英式奶茶☕️熱茶附上一杯充滿奶泡嘅牛奶幾特別🥛甜品有雪糕同紐約芝士蛋糕🍨味道中規中矩～買單每人三百蚊左右，定價有少少偏高💰不過環境同食物都唔錯的👍🏻可以一試～

-
😋牛油香煎帶子鮮蠔汁意大利飯🦪 $258+1
鍾意食蠔嘅你真係唔可以錯過呢個意大利飯😍蠔嘅鮮味滲透每粒飯😌仲有啲蠔肉粒😗啲飯嘅硬度啱啱好～帶子有三粒，口感嫩滑，不過如果可以兩面煎得再金黃啲就好啦🤤

好味指數：🌕🌕🌕🌕🌘

-
😋鵝肝牛肝菌扁意大利粉 $198+1
呢碟都係好足料🤭基本上每啖意粉都會食到牛肝菌😜好香嘅菇菇味🍄意粉加咗sour cheese食起上黎無咁滯（但都好飽）美中不足就係塊鵝肝煎得唔夠香脆😔


好味指數：🌕🌕🌕🌕🌑

-
😋火辣水牛城雞翼🌶️$69+1
呢碟味道就比較冇咁特別👅個醬係番茄醬同辣醬嘅混合版，無上面個兩款咁推薦～

好味指數：🌕🌕🌕🌗🌑

-
📍𝓟𝓸𝓽𝓵𝓾𝓬𝓴 𝓔𝓪𝓽𝓮𝓻𝔂 (尖沙咀)
尖沙咀柯士甸道136-138號金門商業大廈地舖
💸人均消費：$333

【旺角出色手工薄餅🍕Lucky Ristorante】 - 旺角行街除咗有旺中同朗豪坊，今日比小編發現一個新地方！就係「上海街618」‼️佢係百年戰前唐樓活化嘅商場，進駐了不少本地特色小店同埋餐廳😗而Lucky Ristorante就係其中一間😜 - 餐廳環境舒適，裝修充滿歐陸風味，仲有露天位置😙～Brunch Menu有薄餅、主菜、漢堡包以及意粉等等，包括茶或咖啡，定價都合理😌 - 😋水牛芝士蕃茄薄餅🍕$148+1 薄餅係即叫即整，上枱嘅時候熱辣辣😝以薄脆嘅餅皮作為基底，再鋪上充滿奶香嘅水牛芝士同埋濃郁嘅蕃茄🥫加上羅勒葉嘅點綴😌味道非常豐富，有驚喜！ 好味指數：🌕🌕🌕🌕🌗 - 😋花之戀班尼迪蛋🍳$138+1 呢碟嘅賣相相當討好😍有啲花瓣裝飾😝煙三文魚捲成一朵玫瑰花🌹花芯有啲三文魚籽😚配埋流心嘅班尼迪蛋食🥰係幸福嘅滋味～不過如果個麵包可以軟熟少少就好啦😗 好味指數：🌕🌕🌕🌕🌘 - 📍 Lucky Ristorante (旺角) 旺角上海街618號3樓301B號舖 💸人均消費：$157

【銅鑼灣隱世樓上cafe☕️Groovy】 - 今日要介紹嘅係呢間係銅鑼灣富明街嘅樓上Cafe😗佢係希慎廣場附近嘅舊樓非常隱世😯如果唔係朋友介紹真係唔會發掘到呢間寶藏餐廳🏆佢嘅封門柳同意粉全部都水準之上😋值得一試👍🏻 - 晚市有單點/Dinner Set，小編同朋友就叫咗套餐😝包沙律🥗、餐湯、飲品以及甜品🍮沙律嘅菜夠新鮮同爽脆幾開胃🤤是日餐湯係忌廉湯非常濃稠，至於飲品除咗基本嘅咖啡檸茶，仲可以加錢升級特飲🍶小編叫咗杯熱嘅Hojicha latte（+$10），味道香濃個拉花仲好靚🥰朋友就叫凍朱古力🍫（+$15）佢嘅主食同甜品都有驚喜🤩感受到廚師嘅用心製作❤️‍🔥 - 😋慢煮安格斯封門柳配阿根庭青醬&炸薯條🥩$299+1 呢個真係必食‼️肉質非常粉嫩💓食落軟腍，但帶有啲嚼勁，每一口都充滿肉汁💦而佢嘅青醬微酸又帶點辣，為呢道菜增添咗嘅活力，同時中和咗肉嘅油膩感😝就連配菜嘅炸薯條都相當出色🤩金黃香脆🍟不知不覺就己經清盤😏 好味指數：🌕🌕🌕🌕🌗 - 😋炙燒北海道帶子配蒜香明太子扁意粉🍝$202+1 呢碟意粉都好有睇頭🤩因為佢係成條明太子任你撈😍所以啖啖意粉都係掛滿晒明太子🥳超正！而且佢嘅帶子亦都好太粒😝食落嫩滑又帶點炙燒嘅焦香，味道唔錯👍🏻 好味指數：🌕🌕🌕🌕🌘 - 😋意式奶凍佐雪糕🍨 今日嘅奶凍係伯爵茶味😝奶凍質地柔滑，散發淡淡嘅伯爵茶香味😍加埋雲呢拿雪糕真係天作之合😗不過如果奶香味可以再濃啲就更加好啦～ 好味指數：🌕🌕🌕🌕🌘 - 😋焦糖巴斯克蛋糕🍰+$20 蛋糕口感濕潤而且綿密，仲帶有焦糖嘅香甜同埋微微嘅焦糖苦味😚甜度恰到好處😝但如果芝士味再出啲咁就perfect啦 好味指數：🌕🌕🌕🌕🌘 - 食完餐飯樣樣都清盤🤣朋友問我地係咪大食咗😋我諗係因為啲嘢好食啫😜呢間餐廳絕對會再訪👍🏻 - 📍Groovy (銅鑼灣) 銅鑼灣富明街2-6號寶明大廈3樓C室 💸人均消費：$300

【尖沙咀抵食自助餐$❶❾❽任食雪場蟹🍴茴香Fennel】 - 黎緊白色情人節唔洗諗食咩啦💘❗️任食雪場蟹自助晚餐都係$❶❾❽😝有海鮮🦐、薄餅🍕、鑊氣小炒、意粉🍝甜品同炒飯❤️‍🔥想食豪啲仲可以加錢升級主食😋💌快啲Bookmark咗佢啦‼️ - 😋自助餐Buffet ｜星期一至四: $198 ｜星期五六日及公眾假期: $228 ｜小童半價👧🏻 海鮮有青口、凍蝦、長腳蟹可以揀🦀全部都幾新鮮，味道唔錯👍🏻蟹腳好鮮甜，海水味重😋特別推薦佢嘅鑊氣小炒😍必夾『豉椒魚』，佢嘅賣相雖然有啲普通，但係味道幾出色，煮得好香🫶🏻『雞煲』都好惹味🍗同出面嘅雞煲有得揮😛仲有佢嘅『茄汁蝦』蝦肉好彈牙，醬汁都夠曬味，食左成碟先夠喉🦐 是日甜品係『伯爵茶奶凍』同『法式焦糖燉蛋🍮』前者口感綿滑而且好香伯爵茶味，小編忍唔住食左三個😝燉蛋有好多雲呢拿籽，仲有焦糖脆面 ，好好食😋除此之外，仲有意粉🍝炒飯、pizza都係任食，就算唔加錢嗌主食都可以食得飽😋 - 小編另外加咗兩個主食、飲品吧同埋甜品😝 😋西班牙紅蝦手作意粉🍝+$188 推薦‼️ 主菜必點這道阿根廷紅蝦扁意粉配青檸紅蝦他他😗紅蝦他他甘甜彈牙，手工意粉夠咬口，再沾滿加入蝦膏而成嘅醬汁🍝味道濃郁，仲帶少少微微辣勁，值得一試。 好味指數：🌕🌕🌕🌕🌗 - 😋澳洲M6和牛牛板腱配紅酒燒汁🥩+$188 和牛揀左五成熟 熟度啱啱好 牛肉淋得黎又好重牛味 紅酒燒汁都好香🍷同牛排好夾 配菜有薯角🥔同埋蘆筍 都整得好香口 令成碟餸更加豐富 好味指數：🌕🌕🌕🌕🌘 - 😋Oreo可可毛巾卷+$88 毛巾卷好有層次，個皮幾煙韌，入面仲夾雜住Oreo碎🍪令到口感更豐富😋 好味指數：🌕🌕🌕🌕🌑 - 😋升級飲品任飲+$68 以下飲品都係任飲😛🍸 【泰式奶茶｜超級水果茶|紅西柚蜜糖紅茶|檸茶/檸水｜芒果百香果梳打|菠蘿梳打｜各款汽水| 各款咖啡】 小編揀咗『超級水果茶』飲落都幾香，唔會死甜🍑🍎仲揀唔『經典泰式奶茶☕️』佢嘅冰粒係用紅茶製成，奶茶飲落口感順滑，茶味突出～ - 📍茴香 (尖沙咀) 尖沙咀山林道38號銀座38 17樓 紅磡：都會道6號置富都會8樓 💸人均消費：$500

【旺角人氣火熱刺身丼飯🍱丼燃食堂🔥】 - 今日帶大家黎到旺角😋試呢間人氣火熱刺身丼飯🍱『丼燃食堂🔥』超大碗！必嗌佢嘅「金龍卷🍣」即場點火燒，視覺效果一流！ - 餐廳主打刺身丼飯🍣可以自選又或者嗌佢嘅set~仲有卷物同各式小食😋全部都幾高質！行過路過唔好錯過😙 - 😋九公丼🍱 $178+1 呢個陣容相當鼎盛😳有㊈種食材，分別係帶子、壽司薑、拖羅蓉、時令魚、蟹肉、牡丹蝦🦐、海膽、三文魚同埋三文魚籽🐟海膽好鮮甜，三文魚係腩位超刺身相當新鮮，落啲豉油同Wasabi，再加埋拖羅蓉軟綿綿嘅口感，將成碗飯昇華🤩好食！ 好味指數：🌕🌕🌕🌕🌗 - 😋乜蟹都有丼🦀 $138+1 呢個係限量供應 有齊曬蟹棒，蟹肉，蟹膏，蟹鉗，蟹籽，同埋蟹蓋😳超級足料😍😍 佢有四款醬汁可以自選，包括①海膽醬/② 明太子醬/③蜜糖芥辣醬/④芝士蟹籽醬～ 小編今次就揀咗芝士蟹籽醬，芝士醬好香好濃，同蟹丼超級夾🦀🦀 蟹膏都好香完全冇腥味，再加上勁足料嘅蟹肉同蟹籽。每一啖都成口蟹超級正😋 好味指數：🌕🌕🌕🌕🌗 - 😋爆蔥鵝肝多士 $68+1 鵝肝多士有兩件份量都唔少🪿鵝肝煎得好香好脆 又唔會太油膩🥰 多士亦都煎到好脆同鵝肝好夾 好味指數：🌕🌕🌕🌕🌖 - 😋金龍卷🍣$68+1 金龍卷好有驚喜🤩個combination 好特別，上面有炸鰻魚、蟹籽、蛋黃醬～醋飯入面有南瓜天婦羅🎃同埋青瓜絲🥒個配搭好令人意想不到 香脆之餘南瓜同青瓜又帶番啲清新😍 而且造型好特別 上碟時會點埋火 🔥好吸睛 好睇又好食😝 好味指數：🌕🌕🌕🌕🌘 - 📍丼燃食堂 (旺角) 旺角花園街3-5號鴻威大廈地下6號舖 💸人均消費：$250

【旺角愛心貓cafe☕️收養流浪貓💗貓啡🐈】 - 想吸貓？嚟『貓啡』就啱啦👍🏻貓啡位於旺角嘅高氏大廈，地鐵站行過去幾分鐘就到😝啲食物相當高質😙媲美得上啲打卡cafe～啲貓貓都好得意好親人🐈‍⬛同埋餐廳會收養流浪貓，有意領養仲直接向餐廳查詢🔍值得支持💪🏻 - 【Meow套餐🐱$139】 每人最低消費$100就可以同貓貓共聚歡樂時光😁小編嗌咗晚市套餐，包括飲品一杯同埋一份小食或者沙律🥗小食係炸薯角😋幾香脆～主食有幾款可以揀，有啲就要額外加錢😝另外仲收加一主子服務費🤣 - 🐈招牌蒜香蟹肉明太子闊條麵+$27 見佢係招牌所以嗌咗🤩果然冇介紹錯😙蟹肉充滿鮮味，個Sauce好濃郁好creamy😝闊條麵夠咬😍重點係有兩隻好可愛嘅貓腳印🐾推薦！ 好味指數：🌕🌕🌕🌕🌗 - 🐈Meow All-day Breakfast+$27 呢個all-day breakfast驚艷到我😍尤其是係個貓形狀嘅麵包🥖唔止得個樣食落仲外脆內軟🥹仲有滑蛋、捲成玫瑰花形狀嘅煙三文魚、燒蕃茄同埋沙律菜🥗仲有多汁好大啡菇 好味指數：🌕🌕🌕🌕🌗 - 🐈抹茶拿鐵 🍵 Matcha latte 又有個貓腳印😍成功俘虜咗小編，好可愛啊！飲落茶味香濃～ 好味指數：🌕🌕🌕🌕🌗 - 🐈巨峰提子梳打加$5 呢個就比較普通啲😗不過好多氣泡又唔會死甜～ 好味指數：🌕🌕🌕🌕🌘 - 總括嚟講🥰小編好推介呢間貓Cafe😝嘢食Igable又好味，價錢又唔會好貴👍🏻快啲去啦！ - 📍貓啡 (旺角) 旺角彌敦道577號高氏大樓3樓A室 💸人均消費：$185 #香港探店 #香港生活 #香港旅游攻略 #周末好去處 #旺角Cafe #香港咖啡店 #香港旺角 #旺角美食 #貓Cafe #貓奴

【灣仔人氣性價比極高新加坡菜🇸🇬坡椰坡囉咪】 - 終於考完試📚有時間打食評啦🤩今日要介紹嘅係灣仔性價比極高新加坡菜✨『坡椰坡囉咪』✨午餐有肉骨茶、喇沙、海南雞飯、檳城椰漿飯同新加坡咖喱飯🍛全部都好吸引😍小編超推介佢嘅爆泡拉茶好絲滑😚有機會一定要試吓！ - 😋馬來肉骨茶套餐 $69 肉骨茶套餐有油條同白飯😍估唔到仲會有油菜🥬對於成日冇菜食嘅都市人真係福音🙏🏻肉骨茶飲落甘甜勁香藥材味👍🏻絕對足料😳啲白飯都煮得粒粒分明，湯撈飯軟硬剛好😛美中不足就係啲肉有啲柴～ 好味指數：🌕🌕🌕🌕🌗 - 😋爆泡拉茶🧋+$15 必嗌推薦‼️係飲品吧可以見到手沖奶茶嘅過程，奶茶由頭頂高度撞落腰間嘅杯到🤩重覆好幾次之後先完成呢杯絲滑香濃嘅奶茶☕️表面嘅奶泡好似火山爆發超澎湃🌋 打卡一流😍飲落去相當綿密👍🏻出色‼️ 好味指數：🌕🌕🌕🌕🌗 - 😋檳城椰漿飯🍱 $64 檳榔椰漿飯可以配厚切豬扒🐷/香茅雞扒🍗/爐燒豬頸肉或者加$16改做小印度羊扒🐑，套餐贈送例湯一碗～椰漿飯有好香嘅薑味，椰漿味就比較淡少少🤏🏻豬頸肉幾入味，點埋佢嘅沙嗲醬就仲正😍配菜有花生🥜、蛋🥚、魚仔乾🐟同埋豐富嘅雜菜～相當健康 好味指數：🌕🌕🌕🌕🌘 - 😋美祿恐龍🦖+$15 跟餐加$15就可以嗌到呢杯美祿恐龍🦖濃郁嘅美祿再倒滿成座山咁多嘅美祿😍入面仲有一粒粒嘅綿花糖🤪鍾意飲美祿嘅朋友一定要試吓❤️ 好味指數：🌕🌕🌕🌕🌘 - 😋班蘭咖央多士🥪 $33 最後當然唔少得咖央多士😍脆卜卜嘅麪包🍞搽滿香甜嘅咖央😳夾住半溶嘅牛油🧈超邪惡😈有邊個可以抗拒到！ 好味指數：🌕🌕🌕🌕🌗 - 推薦比大家呢間性價比同味道兼備嘅新加坡菜👅經開銅鑼灣或者灣仔都可以去幫襯下😏下午茶仲有『咖央豬扒包』😍超想試！ - 📍坡椰坡囉咪（灣仔） 灣仔天樂里6號 💸人均消費：$98

【銅鑼灣靚靚意大利餐廳🍴Mano】 - 呢間係銅鑼灣嘅意大利小餐館🇮🇹餐廳店名「MANO」，即係意大利文係「手」嘅意思✋🏻主打手工自製新鮮意大利麵食同埋薈萃意大利各區嘅地道主食😝加上型格嘅裝修，令人猶如置身於意大利嘅餐館～ - 😋白酒煮蜆配墨汁意大利飯🦑$228+1 白酒煮蜆係中間一字排開，賣相好精緻😍而且每隻蜆都有燒過🔥所以有好香嘅煙熏味🪵墨汁都好香濃好夠味，意大利飯都軟硬適中 ，唔會太硬😛 好味指數：🌕🌕🌕🌕🌘 - 😋香煎北海道帶子三文魚子龍蝦汁扁意大利麵🍝$238+1 帶子煎得好好😙熟度啱啱好唔會煎到熟曬😛食落好嫩滑 ～加左三魚子令到味道同口感都豐富咗好多👅手工製作嘅意大利麵好有咬口😗而且好掛汁配埋龍蝦汁就一流😋 好味指數：🌕🌕🌕🌕🌘 - 😋提拉米蘇 $78 Tiramisu加入咗大量嘅馬斯卡彭芝士，奶味好香好重🧀又唔會太濃蓋左香醇嘅咖啡味😛蛋糕食落醇厚細滑、質感綿密柔軟，唔會太濕😝係正宗嘅味道☕️ 好味指數：🌕🌕🌕🌕🌗 - 📍Mano 銅鑼灣：駱克道459-461號The L. Square 5樓 觀塘：海濱道77號海濱匯1樓4號舖 💸人均消費：$300