13-10-2023 （星期五晚） ， 一行3人處理完私事搵飯食， 其中朋友提議去依間食店， 因為係後面街， 咁無所謂啦， 去到晚上7點半到， 等左3分鐘就有位， 店內係比較迫， 小店都預左， 食物質素唔差， 份量夠晒大， 杯超大杯檸水 可以share 兩份飲 😅😅 黑豆腐好好食， 酸菜魚夠大碟， 味道中上， 係個生菜包一般 。其他都可以可以 。

2-10-2023 （星期日） 諗住去馬仔打邊爐， 6點幾去到一如既往更係排隊得位啦， 等左30分鐘。真係好肚餓， 見金船話有位， 就改左去食泰菜， 之前未去過依間， 認住咁既時間仲有位 會唔會中伏呢， 唔理啦， 一於去試左先算 咁我地一行4人就即刻坐低叫野食， 點知佢第一個泰式鳳爪已經覺得好好食， 味道剛剛好， 又夠凍， 又多料， d鳳爪爽口。正👍， 我都仲叫左 生蝦 ， 冬陰公， 炸蝦餅， 炒菜， 生菜包， Pad Thai , 燒雞全翼 同燒豬頸肉， 仲有4杯冰凍沙冰， 除左個Pad Thai 比較濕（個人喜好） 外， 其他都有8-9分 （10分滿分） ， 埋單都係7百幾， 低食， 最起碼大家食完無投訴，仲話會再黎