每次去啲遠嘅地方嘅Cafe度，都係諗住打個靚卡就算，野食呢d其次☕️ 不過呢間真係好有驚喜，一d都唔hea，打卡之餘好食，最估唔到d意粉係自家手工製，感覺好有心機👍🏻 - 流心雲朵配竹炭多士☁️ 望落勁吸引，咬開厚竹炭多士每一啖都有綿滑嘅雲朵蛋、醬汁同餡料中間夾住新鮮牛油果🥑如果多士烘一烘會再正d🤣 - 蜆肉配特製喇沙醬手工意粉🍝 蜆肉咬開好鮮甜Juicy，應該落咗酒因為食到有少少酒味去吊一吊個味，喇沙醬辣辣地好開胃，手工意粉口感貼近義大利口感，好煙韌有咬口！ - 蝦蝦蝦蝦🦐 係呀個名就叫4個蝦😂 用咗阿根廷紅蝦、櫻花蝦、龍蝦汁同蝦籽去整，未食已經聞到好香好香，佢唔算好多調味，靠個濃蝦汁吊味，手工意粉索曬個蝦汁，正👍🏻 - 斑斕味雞蛋仔配雪糕🩵 呢個雞蛋仔比出面嗰啲更加脆身，中間係鮮綠色斑斕味，沖繩海鹽雪糕又鹹又甜我愛🩵 - 自家製茶味戚風蛋糕🍰 食海綿蛋糕我最驚係又乾又唔夠回彈，係個暫時食過最恰到好處夠spongy之餘係夠濕潤🤪 台灣茉莉香片 個茶味係aftertaste會出d，味道係淡淡幽香，抹茶🍵 個茶味就濃d，feel到個蛋糕比其他落少好多糖，值得讚下👍🏻 - 御茗寧茶🥂 用香檳酒杯裝住好靚，茶味好出～ - 抹茶拿鐵抹茶🍵 抹茶飲得出唔係用cheap抹茶粉，抹茶夠甘香！ - 印度香料拿鐵☕️ 好得意嘅狗仔圖案，配合返主題😎 好香chai tea隻異國香料味，加埋奶又幾夾wor🥛 - 📍Cafe Pawsitive (西貢) 西貢西貢大街41-42號吉祥樓地舖

Rustico, a Spanish restaurant located in D2 Place, has introduced an 8-course menu called "Chef Javier's Tasting Menu" for the holiday season. The menu offers traditional Spanish flavors and a cozy ambiance. The menu includes: 1. Spanish Ibérico Ham with Caramelized Sheep Milk Cheese Skewer. 2. Strawberry and Basil Spanish Shoot Soup. 3. Spanish Winter Traditional Ibérico Ham and Chickpea Soup. 4. Tuna Tataki with Japanese Egg Yolk and Crispy Toast. 5. Pan-Seared Sashimi-Grade Scallop with Slow-Cooked Beef Cheek, Blood Sausage Cream Ball, Ibérico Ham, Baby Carrot, and Beetroot Purée. 6. Australian Deep-Sea Lobster and Fragrant Garlic Spanish Rice. 7. Chocolate Orange Delight. 8. Manchego Cheese Foam with Rosemary Ice Cream and "Rioja" Red Wine Sauce. The dishes showcase authentic Spanish flavors and are enjoyed in a cozy Spanish restaurant setting.

話說葵廣好多小食店賣川味撈麵，但有日loop ig見到呢間小食店竟然係葵廣賣真材實料湯麵？！趁假期同個掃開街嘅朋友特登去trytry🤪 老細見我地揀緊食咩，同我地傾計有講個湯底係用魚熬足6個鐘，又估唔到一間小店咁有心機wor！ - 宇治鯛魚濃湯粉絲🐟 $50 熱辣辣熬左咁多個鐘嘅魚湯底飲落好c服🥹 個湯有d奶香，加左辣醬味道有d似喇沙湯， 至於上面鋪住嘅大大塊鯛魚片， 唔鞋但又唔會滑到散曬冇質感，啱啱好👍🏻 佢微微地辣得黎又一d都唔會油，食得出係有用心研究過👍🏻 - 宇治櫻花蝦·蝦濃湯粉絲🦐 $55 上面幾隻蝦好飽滿彈牙，蝦肉新鮮唔會霉， 而且啖啖都有櫻花蝦同豆腐， 粉絲索曬湯汁好jenggg♨️😭 - 宇治酸辣醬涼拌魚皮🐟 $50 佢個酸辣醬研發左好多年，個魚皮係食過咁多間最大塊，口感夠脆，大大塊擺落口好正🥹 食到裡面有蒜頭、指天椒、菜脯、番茄、酸菜等配料，唔會辣到好辛苦，好開胃！👅 - 宇治櫻花蝦涼拌海蜇🪼 $35 呢個味道相對冇咁濃味，海蜇爽口中帶點滑溜，撈埋d醬同櫻花蝦🦐，酸甜開胃又有d脆脆地嘅櫻花蝦口感。

呢間麻辣風雲，佢哋嘅菜式一向勁有創意，聽講野食都好唔錯，呢日終於第一次同朋友試下！🤪 荔枝蝦球 $68 《原價$108》 一上菜嘅時候真係震撼到我，係一棵勁大棵嘅樹上面掛住啲荔枝造型嘅炸蝦球😂冒晒煙，仙氣飄飄好似仙境咁，想食嘅話就喺樹上拎落嚟勁搞鬼😂 食落質感外脆裏面彈牙，好香蝦味，好味👍🏻 - 酸菜魚 $268 真係好大兜，魚片滑嫩得黎有質感，個底仲有豆芽萵筍同薯粉，三五成群一齊share都幾有feel🤪 - 黑糖脆炸糍粑 $58 外面脆裏面夠軟糯，黑糖味越咬越香👍🏻 - 菊花蜜 $48 用個酒壺裝住，成件事即刻特別好多，菊味幾濃郁清甜🌼

之前成日覺得食呢d韓式炸雞真係好奢侈，兩百幾得幾件，最近網上見到呢間價錢平到離地嘅外帶炸雞店，肚餓去試試佢😂 見到長沙灣店仲要零差評，放工過去買返屋企食先🤪，個餐除左有3大塊韓式炸雞🍗，仲跟紫菜飯🍚+野飲🥤 完全估唔到$50蚊咁好質素，真係好味過d連鎖快餐店👍🏻 - 蒜香醬油炸雞餐/甜辣炸雞餐🐔 $50 👉🏻甜辣炸雞係大家成日食開嘅正宗甜辣炸雞味，又甜又辣真係好開胃好正🤤 👉🏻蒜香醬油外面撒有烤香嘅芝麻， 蒜味同芝麻味好好好香🧄， 兩款都沾滿濃稠嘅醬， 全部炸雞都好大舊之餘，撕開裡面雞肉好juicy好嫩🥹🫶🏻 - 皇牌芝士炸雞餐🧀 $51 炸年糕 (+$12/6條) 外面係甜甜鹹鹹嘅芝士粉，而且外皮夠脆，好邪惡好正🤪必食必食！ 炸年糕同樣外面撒滿芝士粉同夠脆，裡面非常煙韌，真係食完一舊又一舊！ - 粟米濃湯脆薯條🍟 +$21 外面有粟米濃湯粉，勁香，不過口感算微脆。

成日食傳統中菜，今年做冬佢地話想試下新派中菜， 呢間Praya新新地，見到好多菜式出面都冇， 食得出全部都係功夫菜之餘又創新！ 雖然價錢唔平，不過每款都wawa聲有驚喜， 人均$7xx 4個人都食到好飽好飽🫄 - 🥬孜然羊肉生菜包 $188 羊肉配搭豆角、洋蔥、松子炒得好香好香，包落生菜度，好爽脆解膩🤪 - 魚湯粉皮炖魚頭 $888 個魚湯係奶白色！大大一煲，有粉皮、腐皮、煎香過嘅魚皮同魚，勁濃魚香勁重骨膠原😂 粉皮滑一滑～ - 澳洲龍蝦咖哩 $998 估唔到呢個龍蝦重點唔係龍蝦度，係個脆脆地勁香嘅薯仔🥔，龍蝦炒乾得黎表面沾滿咖哩粉，成件事好有鑊氣🔥 - 自家製臘肉津白 $168 佢係煮到軟淋曬，索曬濃濃湯汁冇牙都食到🥹 - 鬆糕包西多士 $136 全晚最surprise！西多士嘅外表淋滿奶醬，邪惡焦脆香甜集於一生，🥹切開竟然係spongy嘅鬆糕，配上濃濃花生醬cream，太好食你會忘記佢嘅甜同膩😂 - 🐚陳年花雕醉蜆 蜆肉充滿陳年花雕香氣，作為前菜小食一流！ - 💐Flower of Life $150 佢地dcocktail 好打卡able，其中呢個生命之花，用山楂、藍莓加蜜糖整，非常易入口🌼 -

去澳門咁多次都未嚟過Cafe打吓卡， 有個friend就推介我哋去呢間係大三巴附近嘅Cafe，佢好鐘意帶埋狗狗去坐，而且行加州風勁有feel香港都少有經過就去下！ 佢地仲有埋cocktail，埋單先知做緊Cocktail五點後第二杯半價😎🌟 Cafe來講食物質素好高！ - 搖搖海鮮袋(需預訂) $228 要食嘅話記得要提早一日預定呀！ 個汁用蒜蓉同牛油炒香，加入新鮮貴妃蚌、游水蝦、沙白、烤粟米、烤薯仔及香腸🦐🐚 貴妃蚌同沙白係咬落有啲彈牙爆汁嘅口感，完全估唔到係cafe食到呢種質素！ 除咗海鮮之外，薯仔同粟米有淡淡焦香！ 好惹味呀😍🤤 - 焗蝦芝士通心粉 $108 芝士控必食！🧀️ 用鑊仔去載住，熱辣辣到冒曬煙🔥 除咗面頭嘅芝士之外，通心粉畢起中間都係拉曬絲，真係落咗好多芝士， 煙韌通粉裡面有好多粒粒蝦肉，蝦肉好飽滿👍🏻 - 芝士蒜香雞翼 $55 芝士加蒜香真係無敵，雞翼夠脆夠香口， 面頭放有芝士碎，增加芝士濃度同口感🧀️ - 提拉米蘇巴斯克 $52 係佢哋自家製的，呈現半熟嘅完美口感🥹 而且好濃郁咖啡味道，就算食到好飽都唔會覺得好膩☕️ - Lychee Vodka Soda $55 去到一定要試吓呢個， 充滿荔枝嘅清香，一啲都唔會假甜， 果味比起酒味會更加濃🤤 好易入口好啱女性！

尖東夜晚比較靜，但經過半島中心， 你會發現有間好靚嘅文青泰國菜🤩 我地去到已經full曬house同出面好大反差🤣 可能因為呢個價位嘅泰菜， 好少有咁靚感覺又地道正宗👍🏻 - 老媽手打蝦餅 $88 聽講真係阿媽用手打嘅，蝦餅大大嚿，中間食到啲蝦肉同蝦嘅香味，佢嗰隻彈牙唔係用啲粉去整出嚟嘅彈，所以食落唔會話好似機整咁結實！ - 炸魚露漬豬頸肉 $88 豬頸肉炸到微脆， 而且有浸魚露散發出嘅咸香， 好有地道嘅泰式風味🇹🇭 - 泰式香煎帶子 $138 擺盤好靚！帶子輕輕煎過， 所以外面焦香之餘，裡面保留嫩滑口感😍 一定要點埋側邊嘅醬汁，加入左羅望子同辣椒膏，仲食得出有香茅等嘅香料，勁酸甜惹味。 - Asura's咖哩炒蟹 時價 如果同朋友黎食好建議試下呢個，然後嗌飯黎撈，首先個汁勁香勁濃，用蛋黎打個芡，有蛋香，送飯一流！蟹肉好飽滿而且啖啖肉🦀️ - 泰duck生菜包🥬 $118 食泰式生菜包，個泰式炒肉碎一定要夠鑊氣🔥 個炒肉碎夠鑊氣之餘，而且酸辣醒胃，個生菜爽脆包住d肉碎食好正🤤 - 班蘭可麗露 $48 估唔到泰國餐廳都有得食可麗露， 外皮脆，裡面係綠色而且班蘭味濃郁 係一粒好味嘅可麗露😎 - 西瓜沙冰 $48 用西瓜打出嚟嘅沙冰，唔使多講， 非常之消暑解渴，夏天飲一流🍉！ - 芒果熱情果沙冰 $55 有好多熱情果籽， 飲落芒果味果香好濃郁，酸酸甜甜好開胃！

作為米線愛好者，食來食去都係個幾間都會悶， 見到新開呢間米線哥，有好多湯底同配菜選擇， 最重要係平價大碗抵食， 最近做緊第二碗半價優惠， $20幾蚊食到，聽落少癲wor🤣 佢地嘅米線type比較似正宗雲南個隻湯底比較少油，同一般川式米線有d分別，所以濃味人士未必啱， 值得一提米線口感夠煙韌～ - 巴蜀麻酸辣湯米線 $59 配料：魚腐、迴辣豬肚、腩肉 碗米線係好似堆積如山咁， 配料好多，有d驚喜🤩 巴蜀麻酸辣湯味道，有啲似譚仔嗰隻湖辣，呢個就有埋酸辣，配料份量多，特別係迴辣豬肚比較少地方有，醃得入味👍🏻 - 藥膳麻油雞米線 $52 呢個個碗再大d🤪 配料除左有大大塊雞脾肉，仲有蟲草花，紅棗桂圓同枸杞等，麻油味香濃之餘，仲有淡淡嘅藥膳味，雞脾肉夠嫩夠滑，唔想食咁重口味，可以揀吓呢個，因為唔係度度都有得食。 - 巴蜀豬腸 $17 (跟餐價) 呢個重口味人士一定一定要試 豬腸正到滴油，咬落去爆汁彈牙，加埋麻辣醬汁，邪惡到一個點🤭 豬大腸小食黎講價錢極抵！ - 6DEE雞 $18 (跟餐價) 有6件嘅單骨雞翼，外皮香口薄脆，外面撒滿孜然粉，好香！

呢排天氣熱辣辣🥵 都想買杯凍冰冰嘅野飲下🧊 去元朗見到呢間係千色廣場地下新開嘅茶飲店，發現有特大雙檸茶同豆乳系列飲品望落好正 同行朋友一人一杯👍🏻😎 - XXL百香果雙檸茶 $33 用個桶裝住🪣 佢仲有得揀齋雙檸茶都係$28咋！ 價錢好平但一D都唔hea，裡面有青檸同檸檬片，仲有百香果籽，果味好濃郁好清新，檸檬新鮮唔會苦澀！🍋 我加埋配料愛玉，勁大舊，口感滑捋捋～ 夏天行住街拎住成桶凍冰冰嘅野飲好正其實🤩 - 厚芝士奶蓋抹茶豆腐凍 $41 抹茶係用宇治抹茶飲得出好濃，用咗好多抹茶粉去整，所以飲落有甘甘地嘅味道，想講佢個奶蓋好厚好濃郁，有少少芝士嘅鹹味，整體奶味比較重，係高質嘅奶蓋，豆乳勁滑溜！🥰 - 綠豆豆乳豆腐凍 $32 綠豆沙糖水店見得多，不過茶飲店就真係第一次見，綠豆蓉加上豆乳同豆花，豆乳味比較濃郁， 豆花都係超滑溜，口感好正👍🏻