餐廳主打福建閩南菜，餐廳經常有季節限定食材菜式，不時不食，今期限定食材係海蟶季節菜，餐廳選材採用高質食材，有多款海蟶菜式供客人選擇。 餐廳位於港島香港國際金融中心二期商場2樓，裝修簡約以米色和木系為主調，座位寬敞坐得舒適，侍應招呼殷勤友善。 福建金湯佛跳牆$268 福建金湯佛跳牆配有麵線，金湯內有花膠、鮑魚、海參、竹笙、瑤柱、雞肉、鵪鶉蛋，湯底入口好有骨膠原又鮮甜潤喉。麵線與金湯混合撈勻，每條麵線都掛滿金湯醬汁，連麵線都有骨膠原的口感。小菜咸香酥炸黃花魚，炸至連魚骨都鬆脆香口。飲品桂圓檸檬烏龍茶，烏龍茶酸酸地甜甜地，顺喉清爽。 沙煲豆醬焗黃魚$198 黃魚沙煲上桌，香氣撲鼻，黃魚經廚師巧手用豆醬、蒜粒、洋葱和香茜作配料，煮到香噴噴，魚肉入口嫩滑。 滋補野生紅菇紅菇蟶湯$148 海蟶季節菜其中一款菜式，整個湯都係粉紅色，都幾耀眼。海蟶鮮甜，有新鮮海水味，湯底清澈，滋陰補氣。 姬松茸竹笙排骨湯$58 排骨湯入口有好香濃嘅姬松茸味，湯底清甜不膩，潤喉，熱辣辣上桌好飲。 枇杷凍$48 有薄荷葉作點綴，枇杷凍入口清新，微甜，呢款甜品唔錯。

相約友人去將軍澳食台式牛肉滷水，餐廳主打台式牛肉麵和台式特飲。餐廳裝修簡約帶有田園文青風格，座位寬敞坐得舒服。餐廳以自助落單付款形式，服務員好快會捧餐到你枱前。 紅燒三寶牛肉定食(牛筋,牛腩,牛肚)上湯浸時菜 紅燒牛三寶配有生菜和一碗白飯，牛三寶廚師煮得夠淋和不膩，白飯入口軟糯，仲配有一碗上湯浸時菜，呢個定食甚為豐富。 鹵水蛋牛腩滷肉飯 牛腩配有生菜、紅蘿蔔和白蘿蔔，牛腩煮得夠淋有味，鹵水蛋入口彈牙，滷肉多汁不太鹹，配飯食唔錯。 現成煎餃子(4隻) 餃子有四隻，配有椰菜絲和醬醋汁。餃子煎得焦香，點埋醋汁食更為好味。 夏日水漾鮮果茶(凍)(微甜少冰) 水果有檸檬、西柚、士多啤梨和藍莓，飲落酸酸甜甜，入口清涼。 芝士奶蓋阿華田(凍)(微甜少冰) 上層芝士奶咸香，下層濃郁阿華田香甜。

好耐冇食過吉野家， 得知馬鞍山MOSTown商場開咗新分店， 特設「吉會線」小火車自動送餐服務， 非常好奇， 決定去體驗一下。 餐廳人流暢旺， 有堂食嘅 ，亦有等外賣嘅。等位時候用上佢個AI新科技識別人口密度座位區域，以及分析顧客喜好安排座位配置，感覺方便又貼心。 入座後手機掃code點餐，同然後就等待「吉會線」小火車將餐飲自動送到面前。送餐列車貫穿各個座位，我邊食飯邊望住小火車喺面前不停來回穿梭，真的有趣。 吉野家的雞肉，依舊是皮脆肉嫩滑，味道跟以往一樣。在場亦見到和風牛肉飯依然有不少捧場客，亦有很多食客點了冬天最受歡迎的火鍋套餐。 其實吉野家會定期推出減價優惠及期間限定產品，我發現喺吉野家app登記做會員，只需用$8.8買張 「吉賞卡」就可以有多項即買即用折扣優惠。而三月中旬亦會推出新產品，我挺好奇會是什麼新驚喜呢。

餐廳位於港島香港仔中心地鋪，餐廳裝修簡約，以木系為主，牆身掛滿麵尊車仔麵各種食物和飲品名。枱與枱之間都算闊落，環境乾淨。 餐廳主打香港地道車仔麵、特色銷魂咖哩，還有自家製嘅麻辣及咖哩醬提供客人購買。餐廳食物份量都算多，而且食物價錢仲性價比高。 我自選了咖哩魷魚、五香牛腩、豬頸肉和蘿蔔。4個餸淨食無麵底，但已經一大碗！咖哩魷魚食落彈牙，好香咖喱味。五香牛腩煮得好夠淋，肉量好多。豬頸肉大大片，有口感。蘿蔔又淋又甜，索滿湯汁。 另選飲品豆漿，好有豆漿味，微甜。 #麵尊 #車仔麵 #香港車仔麵 #新店速遞 #香港仔美食 #銅鑼灣美食 #咖喱魚蛋 #港式 #港式美食 #香港美食

餐廳位於北角和富商場地下，餐廳裝修簡約帶有泰國風情味，天花佈置很多綠色植物，設有半圓形卡座位。 餐廳主打泰國菜和泰式特飲，服務員招呼到位。 泰式明爐烏頭魚 $179 魚形嘅碟承載烏頭魚，碟下面有明爐燃點著，泰式配料甚多，魚湯酸酸甜甜鹹鹹地，越食越開胃。 泰式拼盤 $158 拼盤內有魚餅、蝦餅、春捲、香葉包雞和酸瓜，配有泰式醬汁。魚餅蝦餅彈牙，春捲脆卜卜，香葉包雞香口。 超級芒果狂熱 $68 有芒果雪糕、芒果布丁、新鮮芒果、芒果忌廉和芒果糯米飯，配有椰醬和芒果醬，全部芒果甜品係我嘅至愛。 芒果至尊特飲 $52 至尊特飲內有芒果雪糕、芒果布丁和新鮮芒果，凍飲清新香甜。 Mango Choco $49 下半杯係朱古力，上半杯係芒果，一杯凍飲有2種口味，芒果配朱古力原來咁夾味。

約咗朋友飯聚去上環食阿根廷菜，餐廳位於中環雲咸街嘉兆商業大廈，餐廳裝修以南美洲阿根廷色彩為主調，餐廳燈光柔和，環境好有情調，餐廳每一角落都有佈置聖誕節的裝飾。 餐廳主打阿根廷菜，有多種扒類和海鮮供客人撰擇,服務員招呼殷勤。 Grilled octopus salad $168 沙律菜有車厘茄、青瓜、藜麥、紅洋蔥和雜菜，食落清新爽口，八爪魚唔會靭，煮得夠淋又鮮甜。 Hokkido Scallep Crudo $168 配有自家製醬汁，酸酸地甜甜地，薄切的北海道帶子刺身新鮮，入口清新鮮美，越食越開胃。 Chefs Seasonal Daily Soup$78 是日餐湯係甘筍忌廉湯，仲好有香濃的甘筍味，飲落好creamy順滑。 Empanda de came crilla $75 配有蕃茄莎莎醬，餡內有牛肉碎和洋葱的餡餅似角仔，餡餅鬆脆，牛肉少辣又甘香。 Ribeye300g $418 配有六種醬汁，要左medium，用鐵板上桌，牛柳煎到外面焦香，內粉紅色的牛柳入口嫩滑，肉味香濃又有油香。 Langostino Pastas $228 龍蝦扁麵廚師煮得剛剛好，軟硬道適中兼彈牙，每條麵身掛滿醬汁特別鮮美，龍蝦肉夠鮮甜。 Burnt Cheesecake $128 配有熱情果和芒果粒的芝士蛋糕，不太甜，兩種生果酸酸甜甜與芝士蛋糕又幾夾。 飲品 CamomileTea $45 Cappuccino $52 Cranberry Juice $48

餐廳裝修以月亮和星星作日式居酒屋裝飾，座位亦坐得舒適。餐廳主打日式清酒和燒烤，餐廳現時做緊優惠，下午九時前入座八折，九時後入座五折。 牛油果蟹籽沙律 $68 蟹子份量都不少，牛油果入口綿滑，青瓜絲清爽鮮甜。 天婦羅紅蝦 $28 紅蝦都幾大隻，醬皮不會厚，食落彈牙爽口。 信州味噌燒蠔 $38 味噌醬汁與蠔非常夾，幾惹味。 清酒煮蜆 $88 海蜆份量都不少，每隻海蜆又大又肥美。 鹽燒白鰻串$68 鹽燒白鰻燒得外皮脆脆地，白鰻肉汁仍保持鮮味，彈牙香口。 豆腐$32 豆腐燒到外皮脆香，內裏嫩滑，廚師燒完淋上醬汁和香葱，有意想不到的好味。 鹽燒安格斯肉眼扒$248 配料有醬汁、檸檬、炸蒜片、香蔥和芥茉，安格斯肉眼扒香牛味，點埋配料更好味。 阿波美雞翼$32 雞翼燒得好香口，食落好嫩滑。 熱玄米茶$28 熱辣辣的玄米茶，冬天飲落順喉解膩。

放假約左朋友去尖沙咀食北京填鴨，古琴雅苑位於尖沙咀北京道太子集團中心15樓，餐廳裝修簡約典雅帶點兒中國色彩，落地大玻璃將尖沙咀街景進入眼簾，座位寬敞坐得舒適。 餐廳主打烤北京填鴨，廚師選用上乘食材和配料入饌，服務員招呼到位。 烤北京填鴨半隻 $218 餐廳廚師選用上乘的北京填鴨, 用北京傳統掛爐烤製，配料有京蔥、青瓜、哈蜜瓜、京醬、秘製的蜂蜜黃梅醬和煙韌的餅皮。肥瘦均勻的烤鴨皮脆肉嫩，夾著爽口又甜酸的配料，層次感好滿足。 南翔小籠包 $82/6件 配有薑絲浙醋，小籠包入口爆汁，皮薄餡內肉質鮮嫩。 風味松子魚$258 鮮紅色松子魚上桌非常耀眼，內有洋葱、西椒、蕃茄、葱花和松子。松子魚炸到皮脆，魚肉沾滿醬汁，酸酸甜甜，越食越開胃。 暖冬窩心 蟹粉扒豆苗 $178 豆苗被蟹粉蓋滿，豆苗新鮮嫩滑無渣，蟹粉食落鮮甜。 高力豆沙香蕉 $72 甜品高力豆沙香蕉內有豆沙餡料，微甜，入口好鬆軟。

去左一間位於將軍澳唐賢街藍塘傲地下又向海的餐廳Urban Coffee Roaster食晚飯，坐在餐廳欣賞跨灣大橋海景。 餐廳裝修簡約以工業風為主，餐廳入口對面擺設一架仿古雪糕車，售賣Gelato意大利雪糕，仲有售買T恤和咖啡豆。 青春的服務員招呼夠細心，經常替客人加水。 燒虎蝦帶子田園沙律配檸檬油醋汁 $128 虎蝦和帶子夠新鮮又大隻，沙律菜和車厘茄份量都不少，檸檬油醋汁配田園沙律酸酸甜甜，食落胃口大開。 牛油果吞拿魚蓉酸種多士 $118 新鮮嫩滑的吞拿魚蓉和清新嫩滑的牛油果，脆卜卜的酸種多士，食落有二種豐富的口感。 蒜香柚子雞翼 $88 雞翼炸到金黃色，雞翼食落有蒜香味和甜甜地的柚子味，越食越開胃。 1 Scoop -Gelato Douple Chocolate Waffle Cone $58 意大利雙重朱古力雪糕窩夫微甜，好有濃郁朱古力味，窩夫又脆脆地。 Coffee Waffle Cone$58 意大利咖啡雪糕窩夫不太甜，有香濃的啡味。 Hot Americano $40 好香濃的咖啡，入口唔會苦澀，好順喉。 Ice 85% Chocolate$54 85%凍朱古力唔太甜，好香濃朱古力的凍飲。

餐廳位於將軍澳廣場，主打地道台灣菜和台式特飲。餐廳裝修帶有台灣文青氣息的田園風格為主，座位寬闊，坐得舒服。餐廳以自助落單形式付款，服務員會很快地捧餐到你面前，餐廳食物性價比高。服務員招呼到位。 古早味鴨腿湯麵 $68 好香濃鹵水味的鴨腿，煮得好淋又甘香，食落唔會黐牙。麵條軟硬適中，每條麵都沾滿了古早鴨肉味。 原盅燉湯湯時菜紅燒三寶牛肉定食(牛筋,牛腩,牛肚) $102 原盅滋潤燉湯好足料，清甜不肥膩，還配有一個上湯浸時菜，係清甜的娃娃菜，而牛三寶廚師炆得好夠淋，夠入味，好有骨膠原，呢個定食套餐真係十分滿意。 鹽酥花枝丸(3粒) $28 炸到金黃色的鹽酥花之丸，爽口兼彈牙，好香口，啖啖都係鹽酥花之丸肉。 飲品夏日水漾鮮果茶(凍)(微甜) 飲品仙氣芒果茶(凍)(微甜)