已經有一段時間冇去過海港城，估唔到又有一間韓國過江龍喺度開咗Cafe🤩Sips;;Iban餐牌設計好靚，有炸雞、飯卷、甜品以及刨冰食，Menu選擇多，擺盤又吸精，見到好多人都一家大細嚟食😝 半半炸雞（初雪芝士及甜辣）🍗 無骨炸雞入口鬆脆，入邊仲有啖啖肉汁，芝士粉以及甜辣醬味道恰到好處，配合特製嘅醬汁，好惹味呀🫶🏻 烤牛肉紫菜包飯 每次去食韓國嘢都會嗌，紫菜包飯味道正宗，非常足料，份量比想像中大，兩個人食到好飽，差啲食唔落甜品😝 軟綿綿粟米蛋糕🌽 蛋糕底部鋪有酥脆的粟米脆片，提供了不同的口感層次，三種不同的粟米味道完美融合，可以感受到粟米嘅清新甜味，非常有特色👍🏻 伯爵茶布甸牛角包窩夫🧇 兩塊牛角包窩夫夾着香滑忌廉，配上伯爵茶布甸及焦糖脆片，更加配搭了牛乳雪糕、伯爵茶蕨餅以及伯爵茶醬，茶味很濃，一個價錢多種享受，必試！ 濟州柑橘梳打🍊 柑橘梳打非常打卡，味道酸甜清新🌿 櫻花鮮奶咖啡配牛角包🥐 香甜的花味結合鮮奶咖啡，配搭很好，牛角包沾上咖啡香氣四溢，可以當作甜品食用，有驚喜！ Sips;;Iban創意與味道十足，兼具傳統料理文化同新派創意，食完好想去韓國行一轉，希望有更多過江龍嚟香港開店，滿足下我地Cafe愛好者！

前幾日去北角同朋友食飯，偶然發現一間新派拉麵小店，店鋪空間不大，坐喺吧檯可以見到廚師用心烹調美食，大廚貫徹五種味道、五種顏色、五種烹調方法及五種態度嘅理念，打造出非同凡響嘅日式美食，包括拉麵、丼飯、居酒屋小食等～ 大蜆雪酒拉麵🍜 拉麵湯底用咗雞湯配搭日本清酒酒釀，加入蜆水一起熬製，味道鮮甜，並帶有陣陣發酵香氣。大蜆非常新鮮，配菜有各式日本蔬菜以及意大利黃瓜，拉麵都好彈牙，不知不覺已經飲晒成個湯底，好正！ 三色刺身丼🐠 除咗刺身新鮮之外，廚師特意用上酒粕酢代替傳統赤醋壽司飯，飯粒分明，配合刺身食幾多都唔夠！ 燒螢光魷魚乾🦑 螢光魷魚乾非常薄，燒到脆口，入口甘香，口感好特別，令人印象深刻！ 二十道嘅烹飪理念雖然簡單，但係要創造出平衡、好食又有新鮮感嘅日本料理一啲都唔容易，希望大家經過北角都可以支持吓小店！

畢業咗幾年，估唔到港大附近又開咗間好食嘅泰國嘢，呢間小店雖然格局精細，但裝修有格調，食物非常正宗，價錢仲好實惠添！ 椰子雞湯 🍲 $68 質地濃稠，椰子味嘅雞湯有淡淡冬陰功味道，酸酸辣辣，開胃得黎唔會太重口味😝 炸軟殼蟹咖喱 🦀 $158 炸軟殼蟹配上滑蛋，淋上咖喱汁，比較甜厚，炸軟殼蟹咖喱滑蛋配搭好有份量，適合送飯👍🏻 豬肉生菜包 🥬 $88 泰國九層塔帶出炒豬肉嘅香味，加上新鮮嘅生菜，小小辣，好泰式嘅感覺！ 泰式燒雞 🐔 $98 半隻燒雞配上兩種雞醬，一種係傳統酸甜醬，另外一種係有梅子味嘅蒜香醬油，雞翼燒得好脆好香，而且仲有肉汁，配上醬汁好惹味😚 呢間餐廳係西環為數不多嘅泰國菜，餸菜份量都好足夠，適合同朋友放學一齊食個飯，或者lunch time過嚟體驗吓泰國風情

再訪燒烤堂，一直都對佢嘅焦糖鰻魚芝士玉子燒念念不忘🤤，今次同朋友去左中環分店，行日式居酒屋風格，乾淨企理，而且空間大，幾適合朋友聚餐，以下重點介紹幾款我哋覺得必試嘅串燒！ 焦糖鰻魚芝士玉子燒🥚 燒烤糖最有名的串燒，面層有焦糖，滑嫩玉子燒，卷着鰻魚及半溶化芝士，層次豐富🥰 焦糖青蘋果鵝肝多士🍏 鵝肝配多士的組合不能挑剔，多士內填滿芝士粒，加上酸酸甜甜青蘋果，口感豐富。 鹽燒豚肉荔枝卷🐷 燒烤堂很喜歡以水果結合肉類，創造新口感，清甜的荔枝咬下去很像油脂，令人想一吃再吃！ 手釣墨魚鬚 墨魚鬚彈牙新鮮，每人叫幾條都不過分，可以encore👍🏻 汁燒免治雞肉釀冬菇 冬菇燒完以後仍然保留了豐富水汁，加一點椒鹽粉，帶有台灣鹽酥風味，幾特別😊 燒烤堂很貼心，除了有清晰易懂的菜單，還在每一個串燒名字後，加上不同風味的資料，包括川、港、浜、日、堂（自家製）等等，讓不同的朋友可以嘗試自己喜愛的味道👅

馬鞍山嘅朋友一早已經同我推介過呢間漢堡店，竟然喺銅鑼灣開咗新店喎，咁就要試吓啦！中午時間去到已經有一班人等緊位，都幾旺場，好期待呀！ 撚手牛肉漢堡🍔 牛肉好多汁新鮮，而且所有配料融合程度好高，醬汁亦都好夾，加上煎蛋嘅香氣，以及培根脆脆嘅口感，我覺得係我食過嘅香港漢堡店頭三👍🏻 雞肉漢堡🐓 大大份嘅炸雞，配上香蔥以及生菜，仲用咗特制Masala醬。我哋加咗個炒蛋，成個漢堡好大份，啖啖肉加蛋，超級滿足🙈！ 黑啤蔥油洋蔥圈 口感有啲似鹹味嘅台灣地瓜球，有少少煙靭嘅感覺，食到最後就會食到洋蔥嘅清甜，都幾特別！ 孜然一口炸雞 孜然粉唔會一味係味精同鹹味，加咗少少海苔更加令到呢個炸雞好食🤤 Oval & Choco 奶昔 奶昔甜度啱啱好，阿華田味濃郁，奶昔中加咗少許果仁/脆片，令到口感冇咁單一，都值得一試！ 總括嚟講都係一個幾值得一試嘅漢堡店，店主有用心融合各種食材，以及調製醬汁配合口味，最推介嘅係撚手牛肉漢堡，經過銅鑼灣可以試吓🫶🏻

最近幾日，我和一群朋友前往銅鑼灣品嚐火鍋，選擇了一家充滿香港特色且提供新鮮食材的火鍋店「同撈同煲」，位於鵝頸橋附近，地理位置一流。 火焰雞煲🔥 這款煲有兩種食用方式，我們先享用雞煲，然後再加入湯底轉為火鍋。雞煲可選擇辣度，微微麻辣，香氣撲鼻，帶有香噴噴鍋香。 特級本地牛肉、手打牛肉丸、牛舌🐮 每種食材都呈現鮮紅的色澤，很新鮮，並且無冷藏味道，不會滲水，明顯是優質食材。本地牛肉的油脂和牛肉味道平衡恰到好處，牛舌口感乾淨爽口，牛肉丸則結實有彈性。 脆鯇魚片、招牌老友鬼鬼（油炸鬼墨魚滑） 魚片同樣新鮮宜人，老友鬼鬼獨具特色，墨魚滑富有彈性，油炸鬼鬆脆，絕對值得一試。 品嚐完火鍋後，店家還提供了啫喱甜品和金魚造型糖不甩，非常適合拍照。

日本料理中的第一次鐵板燒體驗，我獻給了位於銅鑼灣的板神鐵板燒餐廳。這家餐廳擁有近一萬尺的寬敞空間，內設八個包廂，讓客人能在更私密的環境中享受完整的用餐體驗。這次我選擇了富士見一人前美國牛肉套餐，除了包含美味的牛扒外，還有龍蝦、北寄貝和多種精緻料理，一次滿足各種願望。 開場的三道前菜及季節沙律，儘管只是開始的小點，卻毫不馬虎。前菜包括了螢光魷魚蛋凍、海藻面和鳥結芝士糕，每道菜的味道都非常獨特，並運用了日本當季的食材。 接著是三款新鮮的刺身和火焰北寄貝。帶子鮮甜可口，油甘魚和中拖羅則脂肪豐富，入口即化。火焰北寄貝搭配特製的海藻汁，鮮味十足，而且師傅會現場點燃火焰，為這道菜增添了一份視覺享受。 龍蝦在鐵板上煮熟的前一刻仍然保持生猛，可見其新鮮程度。此外，還有特製的Salty 7雞尾酒，杯中覆蓋著綿密的蝶豆花泡沫，味道宛如鹹柑桔，與龍蝦相得益彰，別具特色。 接下來是季節煮物、和牛清湯和美國牛肉厚燒。在享用完海鮮後，我們以日本珍珠洋蔥、南瓜和辣椒淋上蟹肉生薑芡，中和了之前的口感，為享受牛肉的味道做好準備。師傅會在燒牛肉之前確認每個人對於牛肉的熟度要求，美國牛肉份量十足，充滿濃郁的牛肉香味，每一口都讓人感到滿足。 之後，師傅會用牛肉粒炒飯搭配日本香蔥，滋味十足。最後當然少不了甜品，師傅會以焦糖多士，配上即調的草莓牛油汁以及香草雪糕🍨酸酸甜甜，冷熱交融，為這一餐畫上完美的句號！

朋友最近喺南昌租樓，今日嚟參觀佢嘅屋企，順便睇吓附近有咩happy hour選擇，發現附近有間DIO Cafe Bar。DIO原本係開中環嘅，主打創新港式雞尾酒，間中都會有唔同嘅主題。而南昌呢一間DIO，坐落新鴻基服務式公寓「本舍」大堂，走朝啡夕酒路線，雞尾酒主打亞洲風情，有台灣、新加坡、日本等多個城市口味。 糯米飯🥭 呢個Cocktail用咗黑糯米酒、加入芒果果蓉，上面用咗椰汁奶泡，望落似倒轉版嘅Dirty🍸入口好濃厚，椰子奶泡口感綿滑，最後灑上嘅芒果粉好有熱帶風情，幾有泰國特色🇹🇭 番石榴梅子高球🥃 呢杯酒加入咗番石榴汁及梳打水，非常易入口，而且杯邊附有三種不同嘅粉末，包括梅子粉、辣椒粉及曬乾九層塔，每一啖都有唔同嘅風味，結合台灣小食嘅特色，酒味唔濃，果汁味突出，非常易入口，好快就已經飲晒成杯👍🏻 苦瓜菠蘿旋風🍍 飲之前冇諗過苦瓜同埋酒可以咁夾，黑糖及苦瓜結合帶有醬香味，而當中嘅菠蘿汁、青檸汁增加左清新感，一啲都冇苦瓜嘅苦澀感，有啲似味噌味嘅甜茶，好有驚喜😋 整體嚟講每一個口味嘅雞尾酒都好易入口，而且都好有亞洲特色。「本舍」嘅環境好舒適，靜靜地嘆番杯雞尾酒，得閒同朋友一聚，好寫意呀🫶🏻

在周五返工之際，尋找一個雅緻的地方放鬆身心是必要的。上週五，我便與朋友前往公司附近的一家酒吧Lounge relax，那就是位於都爹利街的P Lounge by Plaisance。這裡以海洋為主題🌊，一踏入門口，就被一盞宛如波浪形的水晶吊燈所吸引，充滿著奢華的氛圍。 P Lounge每天都有Live Band或DJ現場演出🎸，營造出輕鬆愉悅的氛圍。在優美的音樂中，品味著以七大洋為靈感的獨特雞尾酒，絕對是舒緩壓力的好去處。 P Lounge的服務非常出色，Bartender熱情周到，對於他們的調酒充滿熱情。值得一提的是，多款雞尾酒均提供無酒精版本的Mocktail，所以無論您是雞尾酒愛好者還是只是想尋找一個獨特而愉快的小聚場所，P Lounge絕對是您的不二之選。 Mediterranean Sea🥃 以Italian Gin, Masala Wine & Pastis為基酒，並加入了蜜糖、棗子、牛扎糖、杏仁糖漿和檸檬汁等成分，令它的口感清新，不會過於甜膩，非常清爽。此外，倒入貝殼內的藍色海藻漿作為裝飾，藍色漸變效果令人印象深刻！ Indian Ocean🍸 這杯cocktail以芒果糯米飯為靈感，用上威士忌為基酒，並融入了椰奶、菠蘿、芒果、檸檬草、花生和yogurt精心調製，呈現出通透的冰藍色調，極具吸引力。其味道偏甜，較易入口，不經不覺就完成了一整杯。 Tacos by the Sea 🌮 Tacos有三款風味海鮮，包括芫荽蟶子、咖哩虎蝦及泡菜章魚，造型精緻，一口一個非常過癮。 Cold cut Platter w/ Toasted Bread 🦞 包含火腿，辣肉腸，自家製龍蝦開心果片、酸瓜和薄切吐司，作為配酒小吃一流。

去完韓國旅行之後，一直對韓牛念念不忘，所以周不時都會睇吓韓牛餐廳推介，原來香港都有啲咁好食嘅韓牛喎。呢間係灣仔嘅貊炙，係星期六日晚市推出「韓牛精割品味體驗」套餐，$720就可以食到精選五款韓牛，加埋韓式小菜、小食同韓牛脂飯，就算冇去到韓國一樣咁滿足😋 韓國酒🍶 一開始侍應會拿出三款不同嘅韓國酒供選擇，包括係燒酒、柚子燒灼和紅糙米酒。我哋揀咗柚子燒灼同紅醋米酒，前者柚子味香濃易入口，後者特別得黎好地道！ 韓式前菜🍽️ 套餐提供咗四款可以無限添加嘅傳統韓式小菜，有泡菜、海帶絲、辣蘿蔔、菠菜，加上一碗韓式豆芽，都係傳統韓國餐廳嘅做法，我哋都refill咗菠菜幾次🥬 韓牛切割及燒烤🍖🔥 之後就會有專業切割師傅，推住韓牛餐車親自展示切割韓牛，每個部位都有其口感、味道嘅詳細介紹。今日我哋試咗板腱肉、翼板肉、沙巴當、肩胛里肌及特級牛小排，全部都係韓牛1++級(等同和牛A5級）。其中最令我印象深刻嘅係牛肉味道濃厚嘅板腱肉，以及最肥瘦適中嘅沙巴當，入口即溶，口感似和牛，但係牛味更濃郁，食完好有滿足感。燒烤嘅時候亦會燒菠蘿及雞髀菇，雞髀菇意外好食，多汁爽口。 韓式小食拼盤🥢 拼盤有兩款韓式醃製海鮮，包括切片八爪魚和醬油帶子。我以前未食過醬油帶子，覺得口感好新奇，切片八爪魚可圈可點🐙 主食🍚 韓牛脂飯係加入小韓牛塊嘅石鍋飯，有牛油脂香味但唔會油膩，而且韓牛塊都好大舊，去到呢度已經食到好飽。 甜品🍯 加$38就有蜂蜜雪糕作為飯後甜品。雪糕份量好大，加上兩舊蜂蜜塊以及蜂蜜淋面，係圓滿嘅結束。 呢個體驗好適合慶祝或者約會，因為師傅切割韓牛嘅體驗好獨特，可以見到韓牛由廚房到烹飪嘅過程，相信喺香港餐廳好少有嘅安排。而且韓牛獨有嘅濃郁風味，與和牛大相逕庭，值得一試。如果未試過食韓牛嘅話，可以weekend嚟試吓呢個套餐，欣賞韓牛切割及韓式美食。