燒烤堂嘅串燒選擇夠多，價錢合理，而且啤酒做緊買一送一勁抵👍🏻最適合同一班朋友飲酒+串燒+傾偈 ✅味醂魚乾 通常飲酒都會叫啲佐酒小食，如果烤得好香仲切開咗一條條 ✅鹽燒A4宮崎和牛 必點推薦☺️口感香嫩，牛味十足 ✅中切鹽燒牛舌芯 牛舌芯彈牙有口感，都幾高質 ✅桂花蜜糖本地冷蕃茄 一片片嘅蕃茄浸桂花蜜糖汁，香甜開胃🍅 ✅鹽燒淮山 淮山好爽口，燒得啱啱好，加埋調味料，忍唔住食完一粒又一粒😆 ✅牛油芝士焗金菇 串燒最中意食淮山，淮山爽口嘅感覺再加以調味，真係好吸引💕其他蔬菜都好唔錯 ✅鰻魚炒飯 份量勁多最適合share食，炒飯飯粒分明 👍🏻 ✅酒類 點咗獺祭清酒，呢度嘅酒水同其他餐廳比較上，定價比較平，仲有300ml size 啤酒買一送一勁吸引🌟 💛好味指數:4.6/5 💜回頭指數:4.6/5 📍燒烤堂 (銅鑼灣) 銅鑼灣登龍街28號永光中心3樓

日本過江龍麻辣湯拉麵 店內有好多鬼怪公仔佈置👺 最標誌性嘅就係門口嘅鬼金棒😆 呢度最出名就係麻辣湯底 仲有專為芫荽控而設嘅芫荽拉麵 ✅芫荽辣麻味噌拉麵 揀咗小辣，唔算真係好辣，平時食開10小辣都食到😄另外追加咗味玉，流心效果好邪惡 ✅增量叉燒辣麻味噌拉麵 食肉嘅朋友可以試下增量叉燒，叉燒成舊東坡肉咁，超大件🤣拉麵係粗麵款，比較有口感 💛好味指數:4.4/5 💜回頭指數:4.1/5 📍鬼金棒 (旺角) 旺角西洋菜南街2J-2Q號地舖

襯週末假期享受韓牛盛宴🥩🐂餐廳無論環境氣氛都非常舒適，廚師仲會即時表演切牛同專人燒肉服務 ✅韓牛精割品味體驗 TASTE OF HANWOO BUTCHERY 大家要留意呢個套餐係星期六日晚市先會供應，唔好睇錯時間吖 🔸韓國酒 一開始會有三款精選韓國酒，有我最中意嘅清酒🥰 清酒：入口甘甜、容易入口 米酒：米味濃郁、帶微氣泡🫧 桑酒：酸酸甜甜、好濃桑莓味 🔸韓國前菜 酒配前菜就最適合不過，有幾款常見的韓式小食，當然唔少得泡菜 🔸稀少韓牛部位 板腱肉、翼板肉、沙巴當、肩胛里肌、特級牛小排 五款稀有部位嘅韓牛，另外有卡仔介紹每一款肉質的特點，先食牛味最濃再到油脂最豐富的，每款各有特色，最鍾意沙巴當，油香同牛味最突出🐂而整體牛肉比較厚身，咬落有口感 🔸韓式小食拼盤 小食拼盤帶子同八爪魚🐙幾有驚喜，配搭嘅醬汁我鍾意嘅口味😋 🔸 韓牛脂飯 韓牛加上石鍋飯，充滿牛脂的油香味，飯粒分明 🔸蜂蜜雪糕 最後係蜂蜜雪糕，仲有蜂巢同香甜的蜂蜜味🍯 @maekjeok 💛好味指數:4.6/5 💜回頭指數:4.5/5 📍貊炙 MEAK JEOK 灣仔港灣道30號新鴻基中心一樓104A，105A,106-108

位於圓方嘅韓國高級餐廳🇰🇷裝修有格調，適合同朋友慶祝節日/情侶約會 ✅韓式炸雞 炸雞又多種口味選擇，口感內脆軟軟，雞肉都幾嫩滑👍🏻 揀咗芝士同柑橘味，個人比較喜歡柑橘味🍊酸甜嘅味道同炸雞特別夾 ✅韓牛大蔥卷 韓牛包住香嫩嘅大蔥🥩減少韓牛本身嘅油膩感，配泡菜炒飯加埋牛肉嘅油脂，飯香加倍🍚實在令人垂涎欲滴🤤🤤 ✅ 鮮八爪魚帶子釜飯 釜飯相對泡菜炒飯味道淡啲，正好同濃味嘅炸雞同牛肉balance翻，而且釜飯加咗好多配料，就咁食都唔錯 ✅Honey makgeolli 韓國嘅米酒永遠都唔會令我失望😌蜂蜜獨特嘅香甜味，配上米酒層次更豐富🍯仲要有蜂巢係入面，好搞笑🤣 @surasang_hk 💛好味指數:4.7/5 💜回頭指數:4.7/5 📍Surasang 수라상 尖沙咀柯士甸道西1號ELEMENTS圓方水區1樓1028B號舖

無論是與家人共聚一堂，定係好友聚會，都可以考慮嚇出名食海鮮的富寶會所私房菜 ✅生煎鹹魚肉餅 肉餅外焦里嫩，充滿住兒時的味道，平時單食肉餅已經忍唔住食一碗飯，夾埋鹹魚的咸香味，層次再豐富，拌飯最適合不過🍚 ✅清蒸雙老鼠斑 老鼠斑冇乜細骨，可以啖啖肉，油香滿滿，肉質滑溜，簡單調味已經好足夠 ✅清蒸東昇斑 細嫩多汁的東昇斑，蒸煮得剛剛好，保留了魚肉的原汁原味，每一口都散髮出濃郁的鮮香🐟 📍富寶會所私房菜 (九龍城) 九龍城衙前圍道39號金‧御門1-2樓

韓國小清新橘子主題Cafe🍊環境小清新🌿連店員頂帽都有造型好可愛😆 ✅酥脆雞胸軟骨 小食好香脆，唔會太難咬開，雞胸軟骨係一條條，口感好正 ✅韓國螄蚶拌飯 螄蚶唔係間間餐廳都有得食，平時食越南餐見得多，配韓式拌飯別有一番風味，最中意夾住紫菜同飯一齊食，如果俾多啲紫菜就好 ✅炸大魷魚伴炸醬麵 炸醬麵口感煙靭，味道甜甜地好開胃，好中意嘅醬😋魷魚大份又香脆 ✅柑橘窩夫伴雪糕 甜品擺盤好靚😍柑橘香甜唔會好酸，窩夫焗得好鬆軟 ✅濟州柑橘乳酪 原個柑橘放係度，賣相夠吸引，打卡好睇又好飲，乳酪味濃郁，柑橘味清新😌 ✅熱情金菠蘿沙冰 原粒迷你菠蘿勁可愛😍味道清新好飲

之前已經聽同事講燒肉LIKE性價比高又好食😋最近見到推出咗近江牛套餐，睇相已經好吸引，重點人均一百鬆啲就食到，絕對係超抵食高質日本近江牛😍 ✅近江牛套餐 包括近江牛肩肉、赤身、胸腹同美國牛五花，特選部位都係平時坊間燒肉店少見嘅稀有部位，牛肉軟嫩，雪花分佈平均，肉香同油脂完美配搭，一路食一路滿足😌另外燒肉LIKE所配搭嘅醬汁非常美味🤤特別喜歡蒜香醬油，同燒肉嘅味道好夾，又甜甜地咁；如果想保留肉質鮮味，其實加少少鹽已經好好味😜 另外我仲額外加咗木魚絲紫菜蛋飯，夾埋牛肉一齊食層次更豐富😋 聽講佢地係不惜工本由日本購入16 隻近江牛🐂以震撼燒肉界嘅價格為大家帶嚟可遇不可求嘅和牛聖品🈹 而且「燒肉 LIKE」進口嘅每頭近江牛🐂都得到認定證書，列明產地、等級同養殖場，絕對係信心保證💖 🐻總結 性價比真係非常高，啲牛好味到係咁餸飯食，本身諗住保守啲叫200g飯，點知原來好味到要添飯，低估咗自己🤣 一人一爐，萬一真係想自己一個燒肉癮起，想食燒肉都唔怕尷尬🥩🥩🥩 💛好味指數:4.7/5 💜回頭指數:4.8/5 📍燒肉LIKE（葵芳新都會） 葵芳新都會廣場L1層112號舖

成日聽人講大角咀多美食，今次去呢間係為咗朱古力奶而嚟嘅餐廳😆 ✅素帶子忌廉牛油果醬貓耳朵粉 貓耳朵粉的特別有咬口，掛滿牛油果醬，味道出眾🍝尤其係素帶子，原來係杏鮑菇扮嘅，又整得幾好味😋 ✅白酒蜆肉扁意粉 每次見到蜆肉意粉都忍唔住order，扁意粉微辣，口感幾好👍🏻 ✅提拉米蘇 呢度嘅tiramisu同市面上賣嘅細Size蛋糕差唔多，所以我覺得價錢上唔算好貴，而且勁好味🤤口感層次豐富，咖啡味好濃郁 ✅特濃宇治抹茶白朱古力奶 最出名嘅白朱古力奶，呢款係必試！濃郁嘅抹茶味一試愛上😍 ✅草莓奶昔 其他飲品都唔錯🍓草莓奶昔的口感綿密 💛好味指數:4.8/5 💜回頭指數:4.8/5 📍二世祖 (大角咀) 大角咀福全街18號地舖

大吃大喝轉咗新menu，又多咗啲新款三文治🥪 ✅士林台式香酥蛋餅 外皮酥脆帶有蔥香，選咗肉鬆同栗米餡，份量勁多，食嘅時候要小心啲😆好彩呢度用個碟仔裝住 ✅黑椒磨菇滑蛋三文治 大大份三文治，最鍾意呢款💕黑椒同滑蛋嘅香味簡直係完美配搭☺️ ✅招牌手撕雞飯 呢個手撕雞飯真係要試吓！又係另一個好中意嘅菜品，可以揀麻醬同秘制麻辣醬 ✅樽仔皇牌奶茶 茶香奶滑夠正宗 💛好味指數:4.7/5💛
💜回頭指數:4.7/5💜 📍大吃大喝 (油麻地) 油麻地彌敦道525-543號寶寜大廈地下525B號舖

值得推介嘅鐵板燒，大時大節同朋友慶祝就最適合不過，有個無敵大海景，環境清幽師傅專業👍🏻 ✅午市套餐$448 🔸豆池魚南蠻漬 第一次食呢款魚，味道酸甜好開胃🐟 🔸刺身 係赤身&真鯛，赤身好肥美，真鯛配淡雪鹽松露味道獨特 🔸壽司 深海池魚魚香，口感香軟 梳子魚油分重燒過特別香lni💕 🔸沙巴海蝦 沙巴嘅海蝦都好出名，鮮甜又大隻🦐連蝦殼都去埋尾 🔸香煎鵝肝伴藍莓醬 藍莓醬係自家製，可以降低鵝肝嘅油膩感，口感更滿足🤪 🔸 美國牛柳 厚燒/薄燒 同朋友一日叫一款兩款都試晒，我更鍾意薄嘅口感🤣因為入面夾著滿滿個蔥蒜，好香口 如果集中食牛肉嘅口感同味道就可以選厚燒 🔸鐵板炒飯配海帶面豉湯 鐵板燒最期待就係炒飯啦😍同朋友慶祝，師傅仲特登整多隻蛋俾佢，勁好味😋炒飯加埋爆香咗嘅櫻花蝦，櫻花蝦份量勁多，好香口之餘勁滿足😁 🔸炒雜菜 雜菜配咗秘製醬汁，將蔬菜嘅鮮甜更加提升 🔸甜品 加咗份甜品係抹茶布丁配蕨餅，茶味好濃郁，勁鍾意抹茶😍