隨着酸菜魚嘅熱潮，香港越来越多酸菜魚專門店，呢間酸菜魚環境舒適，魚都唔錯☺️ ✅元元酸菜魚 魚嘅份量非常多，魚肉比較厚身彈牙 配菜有豆腐卜同萵筍😍底部仲有寬粉，兩個人share都夠飽 ✅雞絲粉皮 呢個雞絲粉皮嘅麻醬似係特別調製過，好食到停唔到口 ✅紅糖糍粑 糍粑口感煙靭，外層好脆，如多啲黑糖醬就好😆 ✅手打檸檬茶 用咗鴨屎香烏龍茶配香水檸檬，香水檸檬獨特嘅香氣配酸菜魚好夾🍋 💛好味指數:4.6/5💛
💜回頭指數:4.6/5💜 📍元元酸菜魚 (鑽石山) 鑽石山龍蟠街3號荷里活廣場1樓173B-174號舖

之前行街經過附近，已經俾門口嘅奶奶麻糬廣告相吸引咗🤩 ✅奶奶花生麻糬 因為呢個係主角所以優先介紹🥰估唔到食物同廣告相可以整到一樣，打卡非常滿意 又玩得又食得😋仲好重牛奶香🥛 ✅蜂蜜苦瓜汁 係台灣風味嘅蜂蜜苦瓜汁，好驚喜💕（不自覺諗起台灣好hit 個間苦瓜汁！還原度好高） ✅宇治抹茶牛乳 特濃宇治抹茶，唔會太甜，仲有漸層，抹茶控表示很滿意👍🏻🍵不過呢度有苦瓜汁真係搞到我選擇困難症😮‍💨 ✅小食 蒜香三色台腸、三色鹽酥雞、酸辣雲耳蓮藕 選咗幾款小食同朋友share，台灣腸非常香口，食唔停口 鹽酥雞配三種醬汁，雞肉夠大件🐔 ✅松露玉米起司蛋餅 朋友第一次試蛋餅，一試就愛上，餡料豐富，黑松露味突出 要留意呢度嘅蛋餅係餅夾住蛋，唔係蛋整成嘅餅🥚朋友喜歡前者，個人喜歡後者🤣 ✅招牌魯肉飯 滷肉飯分量唔算好多，勝在有溏心蛋同好味嘅滷肉🍚！ ✅招牌牛肉麵 藥膳味好濃郁，配料係蟲草乾，未泡入湯前脆脆地，口感幾唔錯，入湯後另一番風味，有得揀刀削麵/粉絲，粉絲相當入味🍜 💛好味指數:4.8/5 💜回頭指數:4.7/5 📍臺北棧 (世貿中心) (銅鑼灣) 銅鑼灣告士打道280號世貿中心4樓7號舖

想去好耐嘅墨西哥餐廳🍴除咗牛油果做主題🥑仲有樹懶佈置同仙人掌盆栽區🪴全部都係我鍾意嘅嘢😌 ✅牛油果蘑菇芝士奄列 奄列包住慢慢嘅蘑菇餡料，雖然係一個簡單嘅料理，但係調味都唔錯，旁邊個番茄同洋蔥好甜 ✅慢煮墨西哥式牛尾 牛尾非常腍，而且醬汁調配得好好食😋雖然價錢貴咗少少，但係比佢份量好多，味道都值✔️同埋配嘅白飯都係有調味，粒粒分明好乾身 ✅Avocado Smoothie 口感綿密，用新鮮牛油果調製🥑 ✅Horchata 肉桂味嘅牛奶，肉桂味突出，味道偏甜小小，可配合食物balance翻 ✅AVOCADO ICE-CREAM 主要係為咗食呢個甜品而黎😆無論係造型定係口感都非常似牛油果🥑雪糕口感smooth 💛好味指數:4.7/5 💜回頭指數:4.2/5 📍Verde MAR (西環) 西環西營盤水街41號地舖

去尖沙咀行街，行到攰見到大廚張錦祥嘅介紹，所以想試下 ✅鴛鴦叉燒煎蛋飯 五花腩太多人揀好快就賣曬，轉咗叉燒配煎蛋，叉燒肥瘦均勻，唔食煎蛋仲可以轉太陽蛋/溫泉蛋🥚 ✅澳洲西冷牛扒· 黑椒汁 西冷牛扒揀咗三成熟，牛味濃郁，仲有配料薯角同番茄🍅 ✅雪糕紅豆冰&雙檸檸檬茶🍋 食西餐配紅豆冰，上面仲有雪糕🍦 💛好味指數:4.4/5 💜回頭指數:4.2/5 📍祥仔 (K11購物藝術館) (尖沙咀) 尖沙咀河內道18號K11購物藝術館B2樓B233A號鋪

每次經過豆乳狂人都會俾個包裝吸引到🤩包裝設計可愛，尤其係個盒嘅設計，攞返屋企完全唔驚會倒瀉🫗 ✅滋潤之選 芋泥+桃膠+西米+三色芋圓＋特調椰奶+黑糖 咁多款入面最鐘意嘅😍仲係店員推薦👍🏻👍🏻👍🏻配料豐富之餘，仲有我最喜愛嘅芋圓， 煙韌芋圓配椰奶西米真係充滿幸福感💕即刻覺得心情好好😌 ✅黑糖桃膠豆花 豆腐花好滑溜，連黑糖桃膠一齊食口感都幾夾😆 ✅多芒楊枝甘露 鮮芒果+西米+芒果汁+特調椰奶+西柚 ✅多芒小丸子 鮮芒果+西米+芒果汁+特調椰奶+小丸子 配料豐富，芒果新鮮🥭芒果類糖水基本上點整都好好食😝芒果好甜即使係楊枝甘露定配小丸子一樣好食😋 ✅鮮芋泥豆乳 人氣鮮芋泥豆乳，口感綿滑 豆乳偏向健康，係無糖豆乳，如果有得選甜度更好，比較適合少糖/走糖嘅人 💛好味指數:4.6/5 💜回頭指數:4.7/5 📍地址 荃灣大河道100號海之戀商場2樓2036號舖 樂富聯合道198號樂富廣場 ZoneA 1樓 1168 -1170號舖 沙田大涌橋路20-30號河畔花園地下28號舖 黃大仙中心南館地下G10A-G10B號舖 將軍澳唐德街9號將軍澳中心G樓G01及G02號舖

無論係裝潢定係食物都俾人一種高雅同精緻嘅感覺，咁啱當日餐廳好多外國人聚餐，有種去咗旅行嘅感覺 ✅Pissaladière自製佛卡夏麵包 焦糖洋蔥、鯷魚和橄欖 麵包口感鬆軟，焦糖洋蔥配上鹹鮮嘅鯷魚，幾特別 ✅Haricots verts sautes炒高苣 脆青豆沙拉配 堅果、香蔥和蘑菇片 脆口感爽脆，清新開胃 ✅Salade de Poulpe章魚沙拉 章魚沙拉，鷹嘴豆泥、櫻桃番茄和火箭沙拉 章魚切開一粒粒mix做沙律食，輕盈健康 ✅Rigatoni parmesan, jambon de pays, truffe 帕瑪森起司通心粉、義大利燻火腿和松露奶油 通心粉掛滿汁，充滿黑松露香 ✅Tarte au citron meringuee香櫞蛋塔 檸檬塔，焦糖蛋白霜 充滿空氣感，味道偏酸 💛好味指數:4.3/5 💜回頭指數:4.2/5 📍 Nissa la Bella (差館上街) (上環) 上環差館上街10-14號地舖

襯住放假去咗一間令人放鬆嘅Cafe，昭和日系風格，仲有榻榻米座位🎎重點係一出地鐵站就到完全唔使驚蕩失路🤣 ✅松葉蟹膏甲羅燒飯 三文魚子配蟹肉蟹膏，鮮甜十足🦀因為太好味勁快清咗，所以略嫌份量唔夠喉🤣 ✅壽喜燒汁慢煮牛柳 慢煮牛柳口感軟嫩，Mix 埋蛋同壽喜燒汁，又係一道美食😌 兩款主食都有日本蛋，蛋味相當濃郁🥚 另外午市套餐有跟小食毛豆同茶碗蒸，整體嘅食物質素非常高質，即使係附送嘅小食都毫不馬虎，茶碗蒸好滑溜，毛豆有調味過🫛 ✅Americano 咖啡酸度適中，容易入口☕️ ✅Matcha Latte Latte嘅圖案畫得好靚又有心思，望住呢杯藝術品，真係唔捨得飲咁快🍵 抹茶控認證，好飲💛 ✅開心果巴斯克蛋糕 見到有咁特別嘅開心果芝士蛋糕🍰梗係要試下喇！一食已經覺得好出色，尤其係夾埋面頭嘅奶蓋，夾埋一齊食幸福感滿滿🥰 💛好味指數:4.9/5 💜回頭指數:5/5 📍 稍息 (上環) 上環永樂街77號OVEST地下1號舖

又發現咗間好出色嘅中菜館😍一定要同大家介紹吓！ ✅招牌紅燒乳鴿王 呢度最出名就係燒乳鴿，實在太好食🤤乳鴿唔單止皮脆肉嫩，乳鴿仲好多肉，$88超抵食😋 ✅蝦多士 用新鮮蝦整，多士唔單止夠脆，仲非常香口🦐 ✅欖角冰梅骨 味道酸酸甜甜，拌飯食係停唔到口🤪暫時食過最出色嘅欖角冰梅骨 ✅杏汁花膠燉白肺 滋潤養生，燉湯恰到好處，杏汁味道唔會太濃 ✅燕窩雞茸羹 啖啖燕窩好足料😙好似食翅咁，調味做得好好 💛好味指數:4.9/5 💜回頭指數:5/5 📍楓林小館 (銅鑼灣) 銅鑼灣謝菲道379-389號特麗樓1樓及地下5號舖

店入其名真係好正❤️呢間餐廳係我朋友最喜愛餐廳之一，成日提起🤣心諗有無咁誇張，結果我食完啲反應誇張過佢地！睇完記得Share俾朋友知💕 餐廳主要食fusion菜為主，睇名係完全想像唔到咩味🤣但係每一款菜式都會有新驚喜😎佢地仲會不時換menu同限定菜式，今次食完下次又有其他新款式🤣 ✅北海道刺身級帶子薄切配蟲草花金蒜欖油辣椒龍口粉絲 食嘅時候有種被驚艷嘅感覺‼️寫得有啲浮誇但係真係好正😂酸醋同辣味嘅配搭充滿新鮮感，粉絲吸灑啲味，辣味後勁好強，係喺口腔入面慢慢散開🌶️原來帶子同粉絲可以有咁嘅配搭，好神奇 ✅24小時頂級澳洲M6牛小排叉燒， 配蒸石磨陳村粉，炒西蘭花苗，黑蒜肉汁 呢款係期間限定，唔係成日有㗎～用原幅牛肋骨經過24小時慢烤後去骨，再切成3-5cm連同筋膜一齊食🥩肉質鬆化，而筋膜則慢烤至炆淋左既狀態 明明食緊牛肉，又似叉燒嘅味道🤣陳村粉，口感滑溜配黑蒜肉汁又幾夾 ✅何蘭正式菠蘿冰，冰糖燉雪耳 配冧酒菠蘿沙冰，香濃椰子雪糕 本身以為係平時食開嘅沙冰造型🍧，點知勁似中式嘅羹，估唔到味道幾有驚喜☺️雪耳、丸子同菠蘿沙冰勁夾 ✅芒椰奶西 香港本土限量版手工釀製啤酒，採取印度香芒與美國芒果蓉釀造而成🥭 聞到陣陣芒果香，飲落就唔係特別覺，但係好好飲，飲咗兩啖已經sreach緊邊度有得賣🤣 ✅蜜糖桂花 想飲杯甜甜地易入口嘅Cocktail，呢個絕對係最好嘅選擇🍯每飲一啖都諗起桂花糕🤣

呢間茶餐廳嘅外貌吸引咗，入面掛滿貓貓畫，真係好可愛🐈貓貓化身成茶記職員同客人，可愛畫風令人賞心悅目 而且姐姐仲非常有禮貌，令我記憶特別深刻✅特濃蕃茄湯午餐肉粒通粉 配鮮牛油厚多士4.3牛奶炒日本滑蛋 ✅自家製叉燒日本滑蛋飯 配旺記秘製甜豉油，呢個甜豉油簡直係畫龍點睛～滑蛋飯真係極力推介！盡顯廚師功力，雞蛋滑溜重蛋香 💛好味指數:4.8/5 💜回頭指數:4.8/5 📍旺記冰室 (九龍中心大廈) (尖沙咀) 尖沙咀亞士厘道29-39號九龍中心大廈地舖