Deer Coffee (西貢) 📍G/F, 25 See Cheung Street, Sai Kung 放假同屋企人去西貢chill下，見到呢間cafe靚靚地同寵物friendly🐶🐱，就入去試下啦！店員好nice，入面有幾pairs（前衛）老人家，見佢地有講有笑，係一間好有人情味的小店🥰☺️ 🤍牛油果炒蛋多士 $62 Hot Americano $5 屋企人揀左個牛油果炒蛋多士做早餐，🥑牛油果好靚好新鮮，炒蛋又非常滑，配返個Americano，真係一個good morning！ 🤍蜜汁雞扒反蛋多士 $80 Hot Rose Latte $23 我自己比較大食，就叫左個蜜汁雞扒早餐。雞扒煎得好香口，加埋蜜汁甜甜地好開胃。蛋可揀炒蛋、太陽蛋同反蛋，我想食半生熟所以揀咗反蛋，夾埋多士食，好滿足☺️另外早餐可半價叫野飲，我就叫左杯熱的Rose Latte😋淡淡的玫瑰香唔會搶走咖啡味，推薦！ 🤍白汁蟹肉意粉 $88 Apply Juice $14 由於環境好舒服，我地坐下傾下偈又到lunchtime了🤭見有少少餓，再試埋佢個意粉，蟹肉好足料🦀，白汁香濃，唔錯唔錯。午餐我地都半價叫左杯apple juice，refresh下喉嚨同心情🍹 / 味道 🌟🌟🌟🌟🌟 環境 🌟🌟🌟🌟🌟 服務 🌟🌟🌟🌟🌟 衛生 🌟🌟🌟🌟🌟 抵食 🌟🌟🌟🌟🌟

哦吧 OPPA & POCHA (Yuen Long) 📍元朗鳳攸南街9號好順利大廈地下74-76號舖 🤍開胃前菜 一嚟就嚟咗六款前菜☺️好開心啊！分別係韓國魚片糕，薯仔蘿蔔絲，炸翠玉瓜，魚仔，菠菜同泡菜，老闆娘介紹可以分別點配咩醬好食，好細心👏🏻！開胃前菜亦為之後的主菜開咗個靚頭。 🤍韓牛牛肉眼 $450 一見到呢塊牛排我同朋友已經心心眼了😍真係好厚好大塊。而下一秒我地就開始擔心自己識唔識燒😢，出乎意料，原來老闆娘同侍應係會問您需唔需要幫手燒的，我地當然話好！佢地燒得好細心，會留意油脂分布咁剪開，煎好左又會放喺鐵板上的小小鐵架上保溫☺️肉質上盛，煎得非常香，仲鎖到啲肉汁！ 🤍韓豚調味豚排骨 $220 另外呢個秘製的調味豚排骨份量又係同樣驚人，除此以外，我同朋友仔都好鍾意佢醃到甜甜地的味道，提升咗豚肉的味道層次🤗天氣凍凍地食熱辣辣的高質燒肉真係好幸福啊！值得下次Encore🥳 🤍豆腐蘑菇煲 $268(S) 食肉獸都要食下健康野嘅，呢個豆腐蘑菇煲啖湯好鮮甜，一解油膩😁入面仲有少少蔬菜，都係好清甜啊，材料非常match🙌🏻 🍺啤酒Terra 食燒肉一定要配啤酒，呢款韓國啤酒又幾好飲！ 🍈蜜瓜 最後，老闆娘仲好貼心送咗碟蜜瓜畀我們做飯後果，甜甜的，好圓滿！ / 味道 🌟🌟🌟🌟 環境 🌟🌟🌟🌟🌟 服務 🌟🌟🌟🌟🌟 衛生 🌟🌟🌟🌟🌟 抵食 🌟🌟🌟🌟

野川拉麵の深燒食堂 📍元朗又新街40-48號榮豐大廈地下B號舖 知道想食日本野但係心大心細，冷熱盤都想食，所以試左呢間深燒食堂😙菜式方面嘅選擇包羅萬有，由刺身到鍋物都有得食，啱曬選擇困難症一族🤓環境都坐得舒服，適合約埋三五知己飲住sake傾下計👯‍♀️ 🤍厚燒牛舌串x2 $68 好厚肉同軟熟，牛味都好濃唔肥膩🐮 🤍香草羊仔架x2 $84 肉多得黎肥瘦剛剛好，無騷味，好食😆 🤍甲羅燒伴燒鱘魚干x2 $176 特別鍾意呢份甲羅燒除左蟹膏好香，佢另外都加左秘制嘅醬汁，配上香脆嘅鱘魚干剛剛好～ 🤍油甘魚壽司x4 $36 鮮甜厚肉，唔會過肥🐟 🤍火焰三文魚壽司x4 $32 欣賞佢燒到入口即化，好食！ 🤍鮮帶子壽司 x4 $32 厚切而且鮮甜，食到濃濃嘅帶子味😆 🤍大頭蝦 x2 $32 蝦肉鮮甜而肉質保持到，唔會燒到乾柴，可以大啖大啖肉咁食👍🏻 🤍牛油蒜蓉焗蜆 $40 鍾意佢好入味，每隻都有滿滿嘅蒜蓉味，而且無沙好厚肉，連埋湯汁食好滿足😋 🍰芝士蛋糕+3.6牛乳雪糕 $39 雪糕同蛋糕都唔算太甜，一次過滿足兩個願望 🥝奇異果芝士奶蓋500mL $29 一見到佢嘅時候已經比驚人嘅份量嚇親，咁大杯好怕飲唔曬😂酸酸甜甜嘅乳酪味配上鹹鹹啲嘅芝士又幾開胃，上面仲有啲爆珠增添一份口感，不知不覺最後都飲得曬🤩 🍺BLACK PREMIUM 700mL $46 黑啤大大杯，都係$46，真係好抵飲，超值！ / 味道 🌟🌟🌟🌟 環境 🌟🌟🌟🌟🌟 服務 🌟🌟🌟🌟🌟 衛生 🌟🌟🌟🌟 抵食 🌟🌟🌟🌟🌟

黑門水產すいさん (銅鑼灣) 📍銅鑼灣加寧街5-7號Fashion Walk地下C及D號舖 🤍深海池魚薄切刺身 $268 師傅刀功好好，深海池魚切得非常薄身，肉質好新鮮鮮甜，正🩷 🤍三文魚腩刺身（4切） $118 三文魚腩界開左十字花，油脂感好重好香👍🏻幸福幸福☺️ 🤍極上大漁貝燒 $138 🤍蟹油蒜燒帆立貝 $98 同朋友一人嗌左一款不同口味去試試，極上大漁貝燒岩晒貪心的我，好豐盛，大大隻帆立貝配上蝦、蠔、海膽、魚籽！賣相都一流🤩另一款就有好香的蟹油同重蒜🥰加上野菌👏🏻好味好味！ 🤍黑門令蟹味噌甲羅燒 x2 $196 呢款係我同朋友的最愛，每次食水產都少不了佢！味道好濃郁，每一啖都令成個口腔充滿著白氣，食到後段配上脆口餅乾，會無咁膩加上有不同口感☺️ 🤍磯燒烏賊 $98 烏賊燒得好香🦑唔會太乾保持到水份，又有咬口。 🤍磯燒白蛤6本 $78 白蛤比我們想像中大隻，而且處理得好好，肉質好滑嫩😋 🤍黑門令龍蝦湯煮海鮮 $108 最後個湯真係甜到一個點，天氣凍凍地配返個湯好溫暖，海鮮都是很足料的啊！ / 味道 🌟🌟🌟🌟 環境 🌟🌟🌟🌟🌟 服務 🌟🌟🌟🌟🌟 衛生 🌟🌟🌟🌟🌟 抵食 🌟🌟🌟🌟

焱丸水產 (尖沙咀) 📍尖沙咀棉登徑23號華楓大廈地下5&6號舖 🍾用餐體驗 整體用餐體驗都非常良好🥰除左職員服務好貼心之外，餐廳環境都好舒服，適合度過一個休閒嘅晚上。特別鍾意餐廳嘅裝修，周圍都充斥住日本嘅味道，猶如置身於日式居酒屋一樣，好cozy🎏🏮 🧡蟹味噌甲羅燒 呢個係我個人最愛👍🏻佢將蟹肉、蟹糕、魚籽、鵪鶉蛋、蔥花等配料放喺蟹蓋𥚃 面，賣相好吸引至於味道都好豐富惹味🥰細心嘅職員會幫你放上爐到燒，睇住慢慢用火燒至香濃。配埋青瓜絲一齊食剛剛好可可以中和左蟹膏嘅鹹味，好夾！ 🧡活北寄貝刺身、三文魚腩 啲刺身非常厚肉同有鮮味，口感十足！ 🧡帶子、鮑魚、烏賊磯燒 細心嘅職員會幫忙燒海鮮，帶子、鮑魚、同烏賊都好鮮甜。燒緊嘅時候已經聞到好香，燒完都無縮水，依然多汁有肉👍🏻 🧡麻醬蕃加豆腐沙律 番茄同沙律菜都好新鮮，裡面仲有粟米片脆脆地，口感豐富！豆腐撈埋香滑麻醬，light得黎又開胃，係前菜嘅不二之選😆 🧡溫泉蛋天婦羅 平時天婦羅多數都係食海鮮或者蔬菜，溫泉蛋真係第一次食！出奇地溫泉蛋嘅流質配上香脆嘅炸粉，外脆內軟好好食！ 🧡冰菠蘿燒酎 一上菜見到咁大條菠蘿有少少嚇親🤣有一條原條冰菠蘿放喺飲品裡面，除左賣 相一流，同時亦令杯酒帶住香甜嘅果味🍍最後食完成餐飯可以食埋條菠蘿做飯後果，非常解膩😋

鐵板燒海賀 (尖沙咀) 📍尖沙咀彌敦道100號The ONE 19樓 鉄板燒口刁又久一御膳二人前 $1380 Teppanyaki Lobster for Two 鐵板龍蝦二人套餐 🤍沙律、前菜 🤍刺身三點 刺身三點係帶子、三文魚同油金魚，味道由鮮味到濃郁，高質食材🥰 🤍南非鮑魚 鐵板燒處理南非鮑魚真係處理得好好，師傅亦都好細心咁鮑魚切成四份，將保持到肉質嘅彈性，加埋佢個海苔蠔汁真係絕配！！令鮑魚的鮮味提升到另一個層次，呢個大推🥹🥹 🤍西澳龍蝦 西澳龍蝦師傅用返龍蝦本身嘅蝦膏煎香😍師傅起左龍蝦肉在碟上，好方便就食到啖啖肉，好彈牙好好味，蝦膏亦都好香，色香味俱全💞可以話係一大享受啊！ 🤍美國牛柳 牛柳我地叫左5成熟，岩晒我地口味，牛柳好高質，有好香的牛味，而且鎖到啲肉汁好Juicy🙌🏻 🤍炒飯（和牛/櫻花蝦） 其實食到呢到已經有啲飽🤭我同朋友叫左兩款試下，和牛牛味濃唔使講，櫻花蝦都好足料、香甜！大食的朋友都絕對食到你飽！ 🤍味噌湯、漬物 🤍甜品 甜品係抹荼芝士蛋糕🥰濃濃的抹荼味，細細舊咁，係一個好perfect嘅ending🫶🏻 🤍咖啡 Cappuccino + Latte 🍸"Sorrenro" Limited Edition $138 呢款檸檬味好fresh好清新，好岩配合食比較濃味的鐵板燒👍🏻 🍸Roku Gin (Sakura Floral) $138 Gin酒入面有Gin的果子，侍應有溫馨提示我地可以咬開果子再飲一啖，好好感受Gin的味道🥰 / 味道 🌟🌟🌟🌟🌟 環境 🌟🌟🌟🌟🌟 服務 🌟🌟🌟🌟🌟 衛生 🌟🌟🌟🌟🌟 抵食 🌟🌟🌟

Nara Thai Cuisine (沙田) 📍沙田正街18號新城市廣場一期5樓507號舖 🍾用餐體驗 同朋友想食泰國嘢，就諗起呢間之前食過好高質的泰國餐廳，環境好舒服寬敞，服務都一流！ 🤍黃咖喱大蝦 $168 🤍印度薄餅 $35 我同朋友都唔食辣，佢Menu上寫着黃咖喱係唔辣嘅，我哋先試吓。黃金大蝦一上盤就聞到好香🥳而且見到隻隻蝦都好大隻，非常足料，而且食落咖喱好香，但真係唔辣！大蝦索晒黃咖喱嘅香味，又彈牙，真係食到好滿足呀。另外我哋見咖喱咁出色，於是唔想晒，嗌咗一碟印度薄餅，點解咖喱食，薄餅好煙韌，好好味，同咖喱非常match☺️🤭 🤍黃薑豬肉沙嗲 $88 另外食泰國嘢點少得串燒，我哋叫咗黃薑豬肉沙嗲😙估唔到都有成7串細細串，豬肉醃得好好，好高質🙌🏻 🤍泰式豬肉炒河粉 $98 最後叫返個主食填飽個肚，炒河粉好有鑊氣，調味非常好，豬肉份量亦好足🐷開心開心！ / 味道 🌟🌟🌟🌟 環境 🌟🌟🌟🌟🌟 服務 🌟🌟🌟🌟🌟 衛生 🌟🌟🌟🌟🌟 抵食 🌟🌟🌟🌟

花圖 (尖沙咀) 📍尖沙咀海港城海洋中心4樓401號舖 👶🏻脆皮和牛配香橙柚子醬 $288 頭盤比想像中大份，和牛入口即融，有好濃郁的牛味，酥脆嘅外皮炸得剛剛好☺️味道同香橙柚子醬非常match及可解膩，為呢餐飯開咗個好好嘅頭！ 👶🏻爵士湯 $228/位 爵士湯用龍蝦湯配上花膠、螺頭、蜜瓜等材料，非常鮮甜，暖笠笠好養生🥰擺盤亦好有睇頭，好岩打卡呀！ 👶🏻醬香泡騰鵝 $298 鵝肉好肥美亦有淡淡椒麻調味，配上青瓜醬好refreshing，兩個人食份量岩岩好😜唔使爭 👶🏻花膠麻婆豆腐 $188 食完咁多肉類，自然要食下蔬菜類清一清個味蕃！平時唔多食辣的朋友今晚居然主動話想試下花膠麻婆豆腐，我就當然奉陪啦！黎到好有驚喜，估唔到花膠吸晒麻婆豆腐的味道，好惹味呀😙仲要唔太辣，朋友非常滿意！ 👶🏻龍蝦膏海膽炒飯 一打開個碗就見到海膽平躺左喺炒飯身上，即刻食慾大增！龍蝦膏炒飯好香濃，炒飯亦夠乾身😆出色出色 👶🏻蜜瓜甘露 食到尾聲當然要以甜品作結啦，蜜瓜甘露好清新，仲有粒粒西米露做底🤗開心 🍸Bubble Colada $128 🍸Gambling Coins $128 兩杯cocktails賣相都好有特色，調酒師會細心解釋入面的成分同味道👍🏻好專業，服務一流 / 整體評分： 味道 🌟🌟🌟🌟 環境 🌟🌟🌟🌟🌟 服務 🌟🌟🌟🌟🌟 衛生 🌟🌟🌟🌟🌟 抵食 🌟🌟🌟🌟

Comfy by Chef's Stage (觀塘) 📍觀塘成業街7號東廣場地下25-31&59號舖 🤍炸意大利燒烤菇配松露蛋黄醬 $68 FRIED PORTOBELLO WITH TRUFFLE MAYO 薄薄一層炸粉包住juicy既大啡菇，加埋香濃既松露醬係perfect match! 係一個好吸引既小食，而且份量都多，好似食極都有咁🤣 🤍明太子海鮮薄餅 $138 MENTAIKO SEAFOOD PIZZA Mentaiko, Shrimp, Mussel, Crab Stick, Corn 配料超級豐富！有好厚既芝士，入面有明太子醬、魷魚、八爪魚、粟米、蟹子、蟹柳、貝類，數唔晒～上面有好多紫菜碎，調味好似大阪燒😋 份量一樣好多，但好味到我一個人都食左半個🤣 🤍煙肉及意大利豬肉腸花椒忌廉汁扁意粉 $118 SICHUAN PEPPER, BACON & BANGER SAUSAGE LINGUINE Bacon, Banger Sausage, Onion, Sichuan Pepper Cream Sauce 係fusion中式麻辣既西式意粉，好香而且唔會好重口味，唔會比人heavy既感覺👍🏻 而且配料都好足，除左煙肉、豬肉腸，仲有好多青瓜絲，令到整個意粉清新啲～ 🍹玫瑰西柚台灣阿里山金萱烏龍茶 $46 ROSE AND GRAPEFRUIT OOLONG TEA 呢杯野好有質感，好靚😍 八角型既杯擺住好幾片新鮮既西柚，上面仲有玫瑰花瓣點綴☺️ 味道好fresh好清爽，係炎熱既夏天有一杯冰凍既飲品正呀👍🏻 好怕啲果茶同飲品好甜，但佢絕對唔會👍🏻 仲要打卡able！ 🍵桂花烏龍茶鮮奶$42 OSMANTHUS OOLONG TEA LATTE 奶底可以揀全脂、脫脂、豆奶、燕麥奶，好多選擇👍🏻 我就揀左脫脂奶～桂花烏龍奶茶味道好清新☺️ 係我鍾意既口味☺️ 上面仲有啲桂花碎，飲落淡淡自然既花香，香滑既奶，食完唔同口味既食物再飲下啲清香既飲品，舒服既感覺☺️ / 整體評分： 味道 🌟🌟🌟🌟 環境 🌟🌟🌟🌟🌟 服務 🌟🌟🌟🌟🌟 衛生 🌟🌟🌟🌟🌟 抵食 🌟🌟🌟🌟

麻痺英（太和） 📍大埔仁興街59號地舖 已經好一陣子無食雞煲，係大埔見有雞煲邊爐任食就決定一試！以$188呢個價錢就有得食雞煲+火鍋連飲品放題實在好抵食。小店食物質素幾好之餘亦算坐得舒服，適合小伙子聚會一番👯‍♀️而且店員好貼心，會主動過黎幫我地開啤酒，幾好服務👍🏻 🤍濃家蔥香雞煲 $188x2位 食唔到辣嘅朋友仔就可以食呢款雞煲🙈份量多而且好惹味，就算唔辣都保留到雞煲嘅精髓🫶🏻肉質方面幾嫩滑剛剛好，唔會煮到好柴好老～ 🍲最後就到火鍋嘅部分了🥹火鍋配料選擇好豐富，肉類、海鮮、麵類等全部常見配料都有。而且會按人數分配份量，可以貪心地每樣都食少少☺️另外亦有涼拌系列，大餐過後食少少涼拌小菜都幾解膩～ 🧃汽水同紙包飲品都係免費任飲，加$18亦可以任飲青島啤酒🍺 / 整體評分： 味道 🌟🌟🌟🌟🌟 環境 🌟🌟🌟🌟 服務 🌟🌟🌟🌟🌟 衛生 🌟🌟🌟🌟 抵食 🌟🌟🌟🌟🌟