🐟築間酸菜魚 🇹🇼 全香港首家台式酸菜魚開咗係銅鑼灣！ 媽媽最愛食酸菜魚就同左佢黎食啦 成個裝修都好有動漫風格 幾有趣 一邊食酸菜魚 一邊睇落地玻璃窗外既風景 都幾有Feel 🐠總長酸菜魚 $148 以鮮嫩烏鯉切薄片做酸菜魚 魚片食落無骨而滑嫩 仲有酸菜 炸蒜 蘿蔔 金菇等配料 令成個酸菜魚好豐富 忍唔住加左 $30 要個牛五花 配酸菜魚湯都好好食 雖然冇得揀辣度 但湯底酸酸微辣 愈食愈開胃 重點係食完無口渴！ 🐟嘉義沙鍋魚 $128 用上秘製沙茶醬整成嘅嘉義砂鍋魚 濃濃嘅沙茶香味 係比較重口味 主要係用鱸魚魚尾 鍾意啜骨嘅朋友就啱曬 魚肉都好滑 再加上鵪鶉蛋、腐竹、金菇 仲有薯粉索曬個汁 🍖復刻炸排骨 $45 每日限量發售 大大枝豬肋骨 外層酥脆 內層嫩滑 仲有幾件細排骨係無骨啖啖肉架 🐤 浪子鹹酥雞 $35 熱辣辣嘅鹹酥雞已經加分不少 咬落中間雞肉都幾嫩 仲有炸九層塔 好似去左台灣食咁 🍵 冬瓜檸檬茶 $18 次次去台灣都會似 黎到都係必叫！$18好大杯 仲可止辣同下火添

🇫🇷Little Fresh Cafe & Bar🍝 呢間小店不嬲都好食 擺盤又靚 所以今次帶左媽媽去旺角分店食個法式Lunch set 前菜可揀湯或沙律 仲包埋每人一杯飲品 我地揀咗凍檸茶同凍咖啡 🫕 法式洋蔥湯 炒香既洋蔥再加入牛骨湯等等材料而成既湯 飲落好清甜 仲食到腍曬既洋蔥 配埋烘過既蒜蓉多士🤤 🥗 沙律 酸酸甜甜嘅沙律菜配上切粒蕃茄 食落好開胃 🐟吉列龍脷柳配法式白醬 $98 龍脷柳超大塊 真係大過我塊面 外層炸皮唔算厚 而中間既龍脷柳又厚又滑身 我媽媽都大讚好食 仲可加啲檸檬汁 食落更refreshing 而法式白醬好襯吉列龍脷柳 撈飯都正 🐽煙燻豬豚肉燴意大利麵 $88 擺盤好有心思 用綠色點綴茄汁意粉 仲灑上少少芝士粉 令人食慾大增 豚肉食落好有豬味 仲好腍添 每條意粉都勁掛汁

十和田總本店🍣🍱 好掛住十和田既赤醋飯同刺身呀 尋日特登同媽媽去左食 真係大滿足呀 🍱 三文魚親子丼 $148 厚厚既三文魚粒同大大粒既三文魚籽 鋪滿咗成個碗面 不愧係新鮮直送既食材 食落好新鮮呀 而啲三文魚籽一咬落去就爆汁 好鮮甜既味道 再配埋赤醋飯食一流 🍣軍艦三味壽司 $138 蟹肉蟹膏軍艦+海膽軍艦+三文魚籽軍艦 蟹肉蟹膏味都勁濃 食一件唔夠止口癮 海膽超鮮甜 三文魚籽大粒又爆汁 配埋舊赤醋飯食 🤤🤤 🍣松葉蟹三味壽司 $128 蟹肉蟹膏軍艦+松葉蟹腳+蟹棒 最吸引係原隻松葉蟹腳 食落啖啖肉 蟹棒都幾好食 🦐牡丹蝦刺身（隻） $78 好大隻仲要剝埋殼既牡丹蝦刺身 肉質彈牙 味道鮮甜 好正 🐟三文魚刺身（三件） $52 極厚身既三文魚刺身 不愧係新鮮直送 好新鮮

知道呢間餐廳周末食Brunch 同行兒童有免費兒童餐食 就通知屋企人約埋黎食啦 係牛頭角港鐵站行去海濱匯大約十五分鐘 星期六日既觀塘特別寧靜 不過餐廳都有唔少人幫襯 Brunch有多款主菜同薄餅選擇 又可以按喜好升級餐湯沙律特飲甜品 +$15 蘑菇湯好綿滑 蟹肉巴馬臣芝士蕃茄忌廉通粉 $138 呢個人氣通粉足料又好味 每啖通粉都沾滿香甜濃郁既醬汁同蟹肉 8安士紐西蘭肉眼扒配薯條 $188 外脆內軟 有炭燒既香味 牛扒肉厚多汁 +$35 藍莓芝士蛋糕 House made 既芝士蛋糕好香 芝士味濃 兒童餐包一杯果汁 揀左卡邦尼扁意粉 份量剛好一個小朋友食哂 蘑菇同煙肉都幾多 做埋會員叫A la carte 有8折 呢間餐廳性價比都幾高

🍲 潮藝館 🍲 朋友話想食呢間高級潮州菜 餐廳裝修設計雅緻寬敞 有吧台位置又有獨立房間 先叫左杯白酒加小食 後來再點了花茶 鴨屎香單叢茶 甘醇味濃 茶壺有蠟燭的熱力保持溫度好貼心 🐽 韭菜豬紅 呢道菜係必叫打冷之一 這個醬汁味道豐富 微辣 豬紅軟腍入味唔會腥 好快就清曬 🍲 紅燒潮州翅 燉湯碗好精美 底部有火力加熱 食到最後都係熱辣辣 好正 紅燒潮州翅的湯熬煮數小時 濃稠而且綿滑 入口啖啖魚翅真係好正 🪿 獅頭鵝片鵝腸 又係必叫打冷之一 滷水汁味香唔太咸 鵝片夠厚肉 而鵝腸爽口彈牙 🦴 意大利黑醋骨 選用意大利黑醋黎做醬汁 酸味較甜味重 食落好開胃 排骨炸到外皮脆 肉質仍然軟稔 🧁 桂花糕 兩朵花旁邊有花瓣 打卡啱曬 顏色都好靚 食落涼涼的 好香桂花味 完滿的晚餐

🔥牛一哥韓式燒烤放題🇰🇷 聽講旺角新開咗一間由正宗韓國廚師主理既韓國燒烤放題 性價比幾高 $168 食兩個鐘！ 韓式燒烤放題（午市）$168 (11:30-15:30) 限時120分鐘 去到門口已經比佢個橙色同木色裝修吸引左 睇落簡潔舒服 而且個裝修都幾闊落 好多空間 一入門口右邊有飲品櫃任君選擇 想飲熱嘢隔離就有養生紅棗茶同大麥茶 再行入小小就有雪櫃同自助配菜區 有大量自家泡菜選擇 旁邊亦有前菜同熟食 如沙律、雜菜、炸物同韓式煎餅等 樣樣賣相都唔錯 望到已經好想食 🥩 肉類九宮格 入面有安格斯肥牛、美國LA牛仔骨、奧米加青衣柳、五花腩同蒜香雞翼等 肉類總括嚟講都好新鮮而且無雪藏味 大推韓式醃製豬牛雞羊都好入味 吸曬醬汁夠曬juicy 如果整韓式生菜包肉就記得加埋個包飯醬 無得頂呀🤭 🦑海鮮方面都好新鮮 Encore左個辣魷魚同青衣柳好多次 落單點肉仲見到可散叫正宗韓國菜品 韓式蛋拌生牛肉絲、醬酒蟹、韓國鰻魚同韓牛肉眼扒等 如果人多加餸真係一流 🍦甜品 最後最後當然唔少得甜品啦 最吸引係有個任拎嘅雪糕 入面全部都係香港製造雪糕牌子叫CoCoBerry 啲口味好特別 好想試曬佢啲味呀 例如富貴黃金果,玄米茶,菠蘿椰子等等 係呢到可以實現雪糕自由啦😍

🥔薯仔屋電影餐廳 🎥 呢間餐廳個名好得意呀 原來係聯同Cinema City開設以電影為主題既餐廳 外面養左鸚鵡同彩色雀仔 仲有夾公仔機同玩具角俾細路玩 🥬 鐵板黑椒汁肉眼扒配薯菜 肉眼扒都幾大塊 外層煎到少少金黃色 食落肉質滑嫩 識食一定鐵板上 倒黑椒汁時滋滋聲好好吸引呀 薯條係我鐘意既粗薯連皮 份量都幾多 點埋茄汁同黑椒汁好食 🍔 美國安格斯牛肉雙層芝士蘑菇汁漢堡配薯條 中間安格斯牛肉好厚身 咬落好Juicy好有肉味 配上雙層車打芝士加蘑菇汁 呢份粗薯仲有熱溶芝士係上面 真係食到停唔到口呀 🍹 韓國柚子雜果梳打 天氣咁熱飲柚子梳打就最啱啦 柚子梳打唔會太甜又夠凍 清爽消暑 同埋有啲雜果肉食下 幾正 🍨 西班牙雪糕咖啡 第一次飲雪糕咖啡 咖啡味都幾香 仲可食到軟滑香濃既雪糕 等雪糕溶左同咖啡一齊飲又得

💎富寶會所私房菜🍲 開左宋皇臺站之後都未去過果頭 今次我老豆話帶我一齊去九龍城探索下 咁我就book左同佢地食私房菜 Btw九龍城真係好有舊香港既Feel呀😍 仲有好多好西食添🤤 🐽冰鎮咕嚕肉 第一次食冰鎮既咕嚕肉感覺好得意 將熱辣辣嘅咕嚕肉放喺冰上面 食落外凍內熱 好似冰火兩重天 但記得快啲食先有呢個Feel 份量都幾大份 除咗菠蘿仲有蜜桃添 🐟清蒸海東斑 蒸得岩岩好 用蔥薑辟曬啲腥味 魚肉夠滑 好鮮味 我淨係食腩位😳 而魚頭魚尾慣例都係俾老豆食埋 因為佢要拎個意頭 好頭好尾 🥠潮式炸豆腐 以前細個我媽媽成日都會整 簡直係回憶中既味道 鹹鹹香香咁 食落外面脆脆地 而入面既豆腐嫩滑 鐘意既可以點埋韭菜鹽水 🦐白灼海蝦 雖然呢款海蝦唔算大隻 但食落蝦味好出 而且肉質彈牙 食私房菜嘅好處就係咁 可以提早預約 咁餐廳就可以提早準備 自己又食到最新鮮嘅食材🤤 自從疫情之後都冇係傳統酒樓同親戚食飯 依家有得聚番餐 呢間都幾岩同一大班親戚食飯 除左食物唔錯 呢度仲有麻雀枱 諗起都手痕呀 Btw我上網睇到有人話仲可以自訂句子 餐廳會放出去個大mon果到🤣 勁Firm

熊小館🐻 帶姨娚女去MEGA BOX睇戲之前先醫肚 係戲院同一層既熊小館都幾多座位 食物又多選擇 熊既公仔同擺設有好多 我地坐個張枱都有兩隻好可愛嘅熊仔 仲可以一邊食野一邊睇住人溜冰 🐷 蜂蜜味BBQ 燒豬仔骨配白飯 $87 豬仔骨有四條骨都幾多肉 肉質軟腍好易切開 蜜糖醬都唔少 甜甜地好開胃 配菜有栗米翠肉瓜 +$3 要凍奶茶 升級優惠有湯有甜品有小食 我+$9 要個雪糕球做甜品 👧🏻 兒童餐 肉醬意粉 芝士雞尾腸 牛油粟米 小熊啫喱 雪糕波波 $88 一次過滿足哂主菜小食甜品既要求 主菜既肉醬意粉份量都幾多 小熊啫喱最吸引 姨甥女第一時間食左 另外叫左杯橙汁熊熊 熊仔形狀既冰塊好舒服咁訓左係杯橙汁上面 好得意

☕️ Cafe Roma 🏖️ 放假梗係要去探索吓香港啦 今次係我第一次去馬灣😍 同啲細路去完挪亞方舟之後 就bookmark左要食呢間Cafe Roma 因為上網睇相 睇到間Cafe連埋個沙灘 仲有啲沙灘玩具俾啲小魔王玩 咁佢地就可以去放下電 我呢啲長輩又可以me time下 太好了 🍝 傳統意式肉醬意粉 我鐘意呢種食偏硬身既意粉 配埋香噴噴既牛肉醬伴自家製番茄汁 灑上大量嘅磨到勁幼細既巴馬臣芝士 好重芝士香味既肉醬意粉 好正 🐟 意式紙包焗海鱸魚 呢款焗海鮮好特別 用牛油紙封住黎煮 除左海鮮既味道唔會流失 仲令醬汁更易融入 除左有主菜鱸魚 仲有新鮮大蜆同澳洲新鮮青口 食落都好新鮮又大隻同最緊要無沙 🍵 甜心暖飲 - 龍眼杞子蜜 我家姐要飲啲養生野 叫左杯龍眼杞子蜜俾佢 龍眼既清甜出到黎 杞子又明目 飲完好潤☺️ ☕️ 熱朱古力咖啡 朱古力味好香 又帶啲咖啡味 一邊睇咁靚既風景 一邊歎杯Mocha 真係好舒服🤤