🔥八木橋日式燒肉🥩 天氣凍冰冰就好想燒肉啦 去完旺中行街之後就去左TOP食八木橋 因為呢排佢地做緊三週年套餐優惠 任食生蠔A4和牛特盛放題 勁抵！ 提提你要早3日經online網上訂座先可以享受到3週年限定優惠 仲可升級至4小時用餐時間添💖 （星期五、六和日＋$20） 💎 任食日本A4五品和牛 💎 任食刺身級生蠔(熟食） 💎 任飲Asahi啤酒 💎 任食Haagen Dazs 餐廳裝修偏日系 座位坐得好舒服 可以同朋友舒舒服服咁樣坐低食野傾計 一定係All In A4黑毛和牛 呢個plan仲可以試曬唔同部位 三角腩/肩胛肉/肉眼蓋/五花腩等等 最鍾意食A4黑毛和牛三角腩 油脂分佈均衡 望落係網狀油花 一入口啲和牛味出曬黎 超正 啲刺身級生蠔好大隻 比目魚西京燒都好食 魚肉好滑又無骨 叫埋味淋魚干 配啤酒飲就最正

坡椰坡囉咪 🧙🏻 坡椰坡囉咪‼️好得意既舖頭名🤣 同朋友係灣仔行完街就諗起呢間星馬菜 🥘 娘惹喇沙配羊扒 $73 揀左摻摻 鐘意佢一半米粉一半油麵 食落有雙重口感 湯底椰漿味濃 勁掛湯 啲魚片彈牙 豆卜吸曬啲汁 食落好濃郁 有幾款小食可以揀黎配餐 加左$16 就有兩塊羊扒 勁抵 咬落厚肉又juicy 煎到外皮有少少脆 而個羊味好香 🐮 咖喱牛腩 $78 揀左新加坡咖喱 咖喱香濃惹味 辣度岩岩好 而牛腩份量都好多 用咖喱餸飯幾時都係咁開胃 🫔 小食拼盤 $198 岩曬有選擇困難症嘅我 唔使揀一次過試曬咁多款小食 有春卷 咖喱角 蒜香雞翼 蝦餅 全部黎到都係熱辣辣 食落好香口又足料 🍵 凍爆泡拉茶 (套餐+$15) 好大杯 仲要啲泡湧曬出黎 造型好特別 啱曬我打卡 飲落杯拉茶好濃好香滑 正 想飛番一轉星馬🤤 仲送左老火湯 好正

🥩 牛気 🍲

知道希慎間牛気終於裝修完即刻去食下先
個裝修真係幾靚 坐得又舒服

一入門口左邊有雪糕&飲品自助區
右邊一大個甜品櫃 & 熟食區
中間就有丸類同新鮮蔬菜等
再入小小有醬料自助區
真係超多選擇呀

有Lv 1-6嘅餐可以揀 選擇困難症又發作😆
最後揀咗Lv 5澳洲極上和牛+海鮮放題$438
揀完之後店員拎咗兩隻得意達摩公仔嚟
原來頭200個book位有得送
超lucky🍀 讚好埋社交平台仲送埋御守添🥰

分店限定嘅北海道海鮮湯配松葉蟹腳拼盤
一嚟到梗係試飲咗個湯底先
湯底勁正 仲好有層次
除咗赤味噌外 完完全全感受海鮮嘅鮮味👍🏻上料果陣真係嘩一聲
兩個大木盤圍住個爐 夠曬華麗
打卡呃like一流🫶🏻 仲有日本和牛送🥳
木盤上面有澳洲和牛/安格斯/牛舌/雞頸肉/雕魚片/牛骨髓同鮑魚
兩種和牛各有各好食
澳洲和牛就比較重牛味
而日本和牛就夠曬油花味😋 私心推介埋個希慎限定嘅日本特選牛肩胛肉眼 油花均勻 入口即化 🤤
值得一提個雞頸肉 出面好少見到會有雞頸肉 雞頸肉超好咬口
另外 烏雞卷都好出色

海鮮拼盤（蝦/鮑魚/松葉蟹腳/螺/帆立貝/青口/鮮魚片）
大大隻嘅松葉蟹腳食到 lam lam脷👅
螺同鮑魚又夠彈牙
鮮魚片絕對夠曬新鮮 一啲都唔腥 魚味濃郁最最最最後 當然唔少得甜品放題
除咗自助區行幾轉拎北海道蜜瓜卷/大福/雪糕等
仲叫埋店舖限定十勝紅豆豆乳冰豆花同奶蓋白肉丸子
滿滿嘅日本北海道feel
一次過滿足曬甜品胃

埋單發現原來1730前各套餐仲可以減$40
仲可以download app儲分拎coupon
CP值極高😍

Station 3️⃣☕️ 我男友話搵左間有boardgame玩既靚Cafe Station 3 裝修以白色為主 座位坐得好舒服 燈光又夠 而且張枱夠曬大 堅岩玩Boardgame 勁岩一大班朋友一齊黎玩 🍝 煙三文魚忌廉蕃茄醬扁意粉 $132 擺盤好靚 用煙三文魚砌左個玫瑰花出黎 拆開左之後 啲煙三文魚都好大塊 配埋意粉食勁夾 而扁意粉硬度適中 忌廉番茄醬濃稠度岩岩好 勁掛汁 食落酸酸甜甜 好開胃 💎 黑松露帶子鮮菌燴意大利飯 $128 意大利飯都煮得幾好 外面腍得黎入面又有少少咬口 黑松露味好出 配埋少少芝士既咸香 帶子雖細細粒但有好多粒 +$38仲包埋沙律同蛋糕添 🍰藍莓芝士蛋糕 芝士蛋糕好挺身 食落都幾香芝士味 🍰法國朱古力芝士蛋糕 仲吱左啲朱古力醬做裝飾 蛋糕層次分明 朱古力味好濃 🍹水蜜桃乳酪 飲落酸酸甜甜 幾refresh 🧉死神 可樂 ＋朱古力雪糕 好懷舊既飲品😍 簡直係重拾童年回憶～ 以前細個好鍾意篤個雪糕落去 就會有啲泡泡出黎 再食啲泡泡就會甜甜地🤣

朱敏記桑拿菜 土瓜灣最近新開左間主打鑊氣小炒既朱敏記 餐廳裝修都幾懷舊 同好色彩繽紛 地方都幾闊落 可以成班friend一齊嚟叫餸食飯 清湯羊肉煲 $498 最近天氣轉涼🥶 梗係要食啲食完成個人會暖笠笠既食物啦 一大煲羊肉煲岩曬同朋友share食 羊肉煮得好入味 大件又連埋骨 岩曬鍾意吮骨既朋友 仲有幾個唔同部位 好似食左成隻羊落肚咁 中間果個係新疆地區好出名嘅羊肚包 我都係第一次食 感覺好新奇 因為香港好似都冇乜地方食到呢樣嘢 下次再叫其他朋友過嚟試埋其他特色菜先

今日放假帶咗媽子去popcorn睇戲 睇完戲就當然要去搵食啦 比我見到呢度新開咗牛大人 梗係入去吃到飽啦😋 新店裝修採用木系裝修 睇落寛敞簡潔 坐得幾舒服 我地點咗澳洲極上和牛吃到飽套餐（$328/人） 🍍 台灣鳳梨雞鍋 揀佢係因為覺得呢個湯底幾特別 湯底裏面有菠蘿、苦瓜、魚乾、蜆同雞 仲配埋吸曬湯底既津白及薑片 超豐富 湯滾起梗係第一時間試湯頭 飲落好有層次 有淡淡嘅菠蘿香又甘甘地 用呢個湯底打邊爐都幾健康 又食到食材本身既味道 🥩 SRF 美國黑牛後腿肉（期間限定） 超正！牛味好濃，肉質軟韌度剛剛好 🥩安格斯牛小排 切到薄薄的 易咬岩曬媽子食呀 一放落去幾秒就熟 即刻食得 🥩封門柳 切到比較厚身 食落有𡁻口 牛味更重 🐮 澳洲M9和牛牛丸 每人包左2粒牛丸 口感彈牙仲好Juicy 🥬 🦐 其他食材 啲海鮮都唔錯 夠新鮮 特別係隻蝦 大大隻 一咬落去肉質彈牙 蔬菜、飲品、丸類都有好多選擇 井井有條咁放曬係自助區 🧃飲品自助區 大推自家製冷泡茶 特別係白桃烏龍 茶味好香 🍨 甜品 每人一份甜品 可揀芋圓/雪糕 媽子點咗黑白配（仙草凍加豆腐花） 唔太甜啱晒佢老人家 我就梗係食最愛嘅士多啤梨味雪糕啦 BTW職員服務殷勤有禮，多次主動問我地要唔要加湯💕

🍝 Amitie Kitchen 🍷 不嬲都想食呢間尖沙咀樓上高質西餐廳 餐廳個設計好有氣氛 環境舒適 門口仲有個打卡位添 餐牌上都好多款食物揀添 🐚 法式香草牛油焗田螺 $128 田螺比平時食果啲大粒 仲好有咬口 加上香草醬同橄欖油令到更加好吃 底層仲有香滑既薯蓉加埋一齊食真係大滿足 🍝 晚市套餐 $258 餐包+前菜+餐湯+意大利飯 🥖 餐包有牛角包/麵包條同好特別嘅竹炭包，可配牛油/士多啤梨醬食 🥬 檸汁醃蝦 拌牛油果青瓜/紅椒/蝦/牛油果 賣相色彩繽粉 口感豐富 食落幾開胃 係覺得個洋蔥味對我黎講辣咗少少 🫕 餐湯 啲材料都打碎到好幼滑 係我鍾意嗰種好濃郁好creamy嘅味道 🍚 香煎北海道帆立貝伴蟹膏意大利飯 三粒大大粒帆立貝賣相勁吸引 帆立貝兩面有少少煎到黃金嘅顏色 中間竟然仲保留咗刺身級鮮味同口感 而蟹膏意大利飯加上芝士碎真係無得頂👍🏻 份量仲多兩個女仔分都夠食 🥤 宇治抹茶紅豆冰 $38 (跟餐+$20） 身為抹茶控忍唔住加錢叫咗杯宇治抹茶紅豆冰嚟飲 杯飲唔會有個陣假甜味 香濃抹茶加埋甜甜地紅豆 帶有自然甜甜地 又帶啲茶味 超夾!!! 🍘 甘栗紫薯餅 $48 濃郁嘅紫薯味 加上切成細細粒嘅栗子又增加左口感 個人覺得個栗子味多少少就再好食啲啦 呢間Overall真係好高質😍 拍拖同周年紀念都好適合喺度慶祝

👺鬼金棒🍜 呢間日本過江龍除咗門口用鬼怪主題為設計 餐廳入面都用咗好多日本鬼怪裝飾 好似去左日本咁呀 呢度可用QR CODE 自己落單 非常方便 而最正係麵既「麻」同「辣」嘅程度係可以分開揀 🍜 芫荽辣麻味噌拉麵 $115 身為一個芫茜愛好者見到成碗都鋪滿莞茜真係心心眼😍 湯底好香濃 仲有好香既麻油味 而個陣茜味 真係好香呀 食落每一啖都好勁莞荽香味 又辣又麻嘅味噌湯加上芽菜芫茜真係好夾 拉麵偏粗 口感彈牙 而叉燒好厚身又腍又入味 芫茜控必食芫荽辣麻味噌拉麵! 🍜 增量叉燒辣麻味噌拉麵 $120 食肉獸朋友第一眼就睇中呢款叉燒麵 超大條厚身叉燒真係睇到都“嘩”一聲🤩🤩 一咬落去成口juicy叉燒真係超滿足 唔好睇佢大大舊可能會好柴咁 肥瘦肉比例岩岩好 煮得入味 入口即化 食肉獸嘅浪漫!!👏🏻 🥟 煎餃(六隻) $45 餃子底煎得超脆 咬開入面好Juicy 外脆內嫩既餃子 再點埋個酸酸地醬汁 唔錯唔錯😋

🇹🇭 阿來泰式地道風味 🙏🏼 隔一排就會心思思想食泰菜🤤 今次同屋企人食呢間最近人氣爆棚 仲要開足兩層既泰菜試吓 個日去都真係好多人食 好彩地方大 等左一陣就有位啦 🥘 泰式鮮蝦冬陰功湯 (小) $78 屋企人唔係個個都食得辣 所以叫左個細冬陰功湯自私飲 睇到聞到已經流晒口水 最愛冬陰功湯😍 泰式獨有嘅辣味再加埋椰汁同香茅香味 食落啲菇吸曬冬陰功湯嘅香味 好Juicy 而且啲蝦好新鮮 肉質彈牙 味道鮮甜 🍤 泰式炸蝦餅 $88 食泰國嘢一定要食炸蝦餅 個蝦餅已經一開二 同屋企人share食好方便 熱辣辣既蝦餅食落幾彈牙 點埋個泰式甜酸醬 越食越開胃 🌋 泰式火山排骨 $118 賣相好吸引 唔怪之得好多枱都有叫 四舊排骨棟起 底層仲有啲肉 用芫荽同埋蔥作裝飾 仲有啲酸酸辣辣泰式醬淋上去 食落幾開胃 而啲肉又幾淋 岩曬鐘意噒骨既屋企人 🔥 泰式炒金邊粉 $68 唔知點解我覺得食泰國嘢一定要叫個炒金邊粉先完滿 師傅炒到條條分明 又夠鑊氣 配埋必撈既豆腐乾、花生碎同新鮮青檸汁 地道到感覺好似去咗泰國咁

🐰 Bunny Churros 🥨 聽講係由三位後生Hongkongers合力經營 好佩服依家啲年輕人自家創業 寓工作於娛樂 可以令興趣做埋份工 真令人羨慕呀 呢款由香港人改造過嘅西班牙小食 又真係幾岩我口味呀 路飛的下午茶 Luffy’s afternoon tea $55 啲churros好鬆脆 自家製的手工玄米茶味雪糕係雪芭口感 玄米茶味都幾出 配埋啲脆米、玄米茶凍、糯米糍 好好食呀 正所謂甜品係第三個胃食 就算食到好飽我都想食一個咁好嘅甜品滿足一下 依家呢個經營環境 大家都要多多支持小店呀