夜晚大概8點去已經係全院滿座啊😂，地方唔算大，但已經坐滿哂人，去食之前一定要book左位先🤪。小店好有特色，店內既裝飾同擺設都好適合打卡。 ⭐️焗多汁豬仔骨配薯條 $128 肉質嫩滑好juicy，個bbq醬汁同豬仔骨好match 😍，薯條好香脆🍟，就算放耐左少少都仲脆脆地🤪，份量都幾多下 ⭐️黑松露牛肝菌卡邦尼意粉 $98 一上枱個陣已經有陣好香濃既黑松露味道🥰，意粉個汁好creamy，味道好香濃，會有食上癮既feel🙈，中意味道濃郁既朋友一定要試😝，真心推介👍🏻 ⭐️原條燒吊筒$68 口感彈牙，又唔會太韌，連埋照燒汁食仲好味🤓 ⭐️海鹽櫻花奶昔 $47 面層有cream好邪惡😋，飲落有陣好香既櫻花香味🌸，但海鹽味就唔太飲得出，味道偏甜 ⭐️曲奇馬上瘋 $47 面層有cream好邪惡😋，如果中意飲甜野既朋友呢杯一定岩你地😂，入面有啲Oreo既碎冰，Oreo味都濃👍🏻 ⭐️整體黎講 好中意主食上面啲伴菜😍 地方唔算大，環境乾淨一般般😩 價錢都唔算貴🙈 食物質素良好😋 飲品幾有特色🥤

⭐️滑一滑番茄濃湯麵 期待左佢個番茄湯底好耐，果然無令我失望😛，個湯底幾濃郁飲落去都幾好飲😂，個湯唔酸有少少甜甜地既味，唔覺得有落味精。 騸牯牛肉既牛味唔太出但唔韌，無咩驚喜🧐，不過個炒蛋係幾有蛋香味同好滑🤪。 份量都幾多下，好飽肚😋 中午個陣都多人去食，大概等左15分鐘 不過店員幾好，會拎定餐牌比等緊既人睇👍 有機會都想試埋其他野食😍

估唔到馬灣都有間異國風情既土耳其咖啡店🇹🇷，一入去就好似去左土耳其咁，無論係裝飾，用具同個環境都好有當地既感覺好有特色😍。本身想試玩埋試沖熱沙咖啡，不過個日有啲忙人手安排唔到😩如果想玩可以預先打去問下。 ⭐️土耳其招牌烤雞（半隻）$178 肉質滑嫩唔韌，雖然係烤但食落唔會好乾身😍，酸酸既乳酪醬連同雞肉一齊食，食落唔會覺得怪反而好好味😋，而且雞下面有飯，食落幾香口。 ⭐️秘製雞肉烤餅 $178 烤餅個皮既厚度唔厚唔薄，又唔會太乾，整得好好👍。雞肉好嫩滑，而且份量好多😝，就咁食已經好好味😋，入面仲有千島醬同菜，連埋一齊食整體口感更加豐富。 ⭐️沙律好新鮮🥗（菜，番茄，青瓜，生洋蔥，粟米，蘿蔔絲）味道微辣，好爽口同開胃👍 ⭐️土耳其熱沙咖啡 跟餐加$30 呢款咖啡幾容易入口，唔會太苦，味道酸酸地，飲落又唔會太苦澀，聞落好香既咖啡味☕️，仲可以refill 一次，可能因為細杯😂 ⭐️土耳其紅石榴茶 跟餐加$20 如果唔中意飲咖啡既朋友，呢款茶幾易入口味道酸酸地😛 ⭐️開心果酥餅 $58 個酥餅幾甜下，口感軟身，底層係開心果粒餅底，個雪糕唔會好甜，一齊食可以中和返無咁甜😂雖然甜但唔會有甜得滯既感覺 臨差不多收鋪個陣，個咖啡師送左杯野飲比我，真係飲唔出係香港既鴛鴦😂，整得好好味。

⭐️Cold drip 冰滴 $30 味道幾清新，有少少苦澀同酸酸地，好適合天氣熱個陣飲 ⭐️Cafe latte 拿鐵 $25 原來orange dish 係間越南餐廳黎，latte 係用越南咖啡黎沖，再加上鮮奶 ⭐️Orange dish有同唔同嘅小店合作，有多款唔同美食（bagel, macaron, cookies 等等），而且價錢比較便宜😋 ⭐️Orange dish有個open area，個環境好舒服，可以同朋友去享受一下，絕對係一個好地方放鬆傾下計，係度打卡影下相都好靚🥳

⭐️紐西蘭雪魚柳芝士漢堡配薯條🍟 $75 魚柳大塊有厚度🤪外脆內軟，好香好濃魚味，連埋配菜一齊食味道好夾👍 ⭐️新奧爾良炸雞漢堡配薯條🍟 $75 雞漢堡普普通通無咩特別，炸雞夠脆，不過肉質唔太滑🙂 ⭐️手工牛肉漢堡配薯條🍟 $128 🍔厚度十足，食落就知係高質牛肉，肉多汁又juicy，唔會太乾身，配上蕃茄，洋蔥圈，生菜芝士等，口感幾fresh😍 ⭐️慢煮麻辣雞胸飯 溫泉蛋 羽衣甘藍 $75 雞肉肉質唔韌，肉質保留水份，食落唔會好乾，麻辣味好好食😋，唔太辣，食開辣嘅朋友應該都幾中意👍 ⭐️整體黎講 價錢好親民，午餐包飲品同小食🤩 薯條份量多又好味 食物質素唔差 😋 店員好有禮貌😝 環境舒服😚

充滿阿仙奴風格既餐廳，紅色同白色係阿仙奴傳統主場波衫既顏色😍，地下有草地，周圍有波衫同poster，真係有少少足球場既feel🤪，作為阿仙奴既球迷，一定要去感受下😂 午市套餐有餐湯，蒜蓉包，咖啡或茶 ⭐️南瓜湯🎃 & 蒜蓉包 南瓜湯濃郁之餘，仲可以食到南瓜蓉🎃 蒜蓉包好香口，外脆內軟，每一都食到香濃既牛油同蒜蓉味😋 ⭐️芝士流心溫泉蛋大啡菇 $78 一切開啲蛋汁就流哂出黎，要快啲食啊🤪，面層比芝士包住哂，中間有羽衣甘藍🥬，大啡菇好香口，全部一齊食好juicy😋 ⭐️法式鵝肝牛肝菌意大利燴飯 $158 鵝肝入口即溶化😍，每粒飯都沾有忌廉汁👍，食落好creamy，唔會好乾，而且有好多雜菌🤪，份量好多，好飽肚😂 ⭐️低卡芝士黑松露焗黑毛豬蛋炒飯 $65 低卡芝士好香濃，仲有個黑松露汁，撈埋蛋炒飯一齊食，口感好豐富芝士味好突出🧀，黑毛豬好食份量多但有少少乾身🤫 ⭐️即製梳乎厘班戟 $88 好鬆軟有濃濃既蛋香香味，入口即溶，時間控制得好好👍，唔落煉奶甜醬更加食到蛋香味😝 ⭐️整體黎講 店員服務態度超好👍，好有禮貌☺️ 餐廳既冷氣有啲凍😂，建議要帶返件外套 餐具好有特色都係圍繞住同足球有關⚽️ 性價比好高，食材高質🤩，價錢又算貴，午餐真係好抵食😋 老闆仲送左一道小甜品手指泡芙好開心🥳

Tea time個陣去唔算多人，好適合同朋友一齊食下野傾下計🤫，出面仲有露天座位，估唔到係尖沙咀有個咁舒服既地方可以享受下🤓，室內個環境裝飾得好有特色，有潮流模型，畫同霓虹燈😍。 ⭐️Four cheese pizza 🍕 $98 Pizza 薄薄地同脆脆地，用左Parmesan, Gorgonzola, Taleggio & Feta 呢四隻芝士，芝士味相當香濃🧀，味道夾得黎又唔會好咸👍🏻 ⭐️Crab Risotto 🦀 $168 個意大利飯好creamy食落一啲都膩😋，個risotto 入面有蟹肉，洋蔥，荀，菇，瓜，令整個口感更加豐富🤩，而且份量都好多下好足料😝，相當有水準👍🏻 ⭐️Grilled Octopus with Garlic Herbs & Bango Sauce 🐙 $118 個Bango Sauce味道係酸酸甜甜，有少少似蕃茄既味道🍅，一塊一塊既八爪魚好有咬口感覺好好fresh，不過有少少韌。仲有其他既配菜味道好夾🤪，好食之外仲好開胃😋 ⭐️整體黎講 環境整潔地方舒服😌 有個露天area 感覺好chill 😌 食物質素良好😋 有時會有新既menu，好想試埋其他野食🥰

身為港島人都唔知柴灣有間咁正既cafe🤩，係一間新開既小店，作為港島人都覺得地方有少少難搵😂。cafe 位於工業城入面，一入到去既感覺係好舒服好自然，無諗過係工業城附近都有間咁舒服既cafe😌。 ⭐️63度蛋卡邦尼意粉 $82 個汁好好味😋，好creamy 食完唔會覺得溜🤓，煙肉碎好香口😝 ⭐️Angus cheese burger $85 厚度十足🍔 食落一啲都唔乾身，肉嫩多汁好juicy😋，成pat cheese係上面好邪惡😍，薯條都好香脆。而且每日係有限量。真心推介👍🏻 ⭐️Latte & milk tea Latte 飲得出好香濃既咖啡香😍 Milk tea 就比較清淡既感覺😗 ⭐️整體黎講 環境清靜好舒服，仲可以享受下個海景😌 價錢係柴灣區相當貴少少，但食物質素一定唔會差👍🏻