呢間餐廳以藍色為主調，英倫復古懷舊風的裝修，中間仲有一盞水晶吊燈，相當浪漫有情調🥰 我們各叫了2份套餐（$398/1)，包括： 前菜： 凱撒沙拉配烤雞肉 清爽開胃的沙律作前菜，酸甜的沙律醬，加上烤雞肉和麵包粒，口感和層次豐富。 水牛芝士車厘茄沙律 濃郁軟滑的水牛芝士，新鮮的車厘茄和火箭菜，配以沙律醋，酸甜平衡，刺激味蕾，相當開胃🤩 湯： 頂級牛肝菌忌廉湯-香氣十足的牛肝菌忌廉湯，有切粒牛肝菌，口感細滑和濃稠。配上酥脆柔軟的自家製牛骨牛油麵包，香口而且與湯的味道非常相襯。 主菜： 烤龍蝦尾意粉配西班牙紅蝦汁 (+$38) 大大隻的烤龍蝦尾🤩肉質香嫩彈牙，西班牙紅蝦汁味道濃郁，每一啖意粉都吸收蝦的精華，海鮮風味濃濃，層次分明，每一口都很滿足。 英式傳統布袋牛柳 (+$38) 很有創意的牛柳！ 🤩外層包住了香脆的煙肉，而牛柳裡面則釀入了鵝肝和生蠔，讓牛柳的味道更加豐富和多元。牛柳搭配了焗蒜頭及惹味醬汁，不但增加了牛柳的香氣和鮮味，也讓牛柳的口感更加多變。 另外值得一提的是黑松露薯條，薯條炸得非常香脆，薯條外層較薄而內層充滿薯香，配合黑松露蛋黃醬或茄汁，讓薯條的口感更加滑潤。值得推介啊！🫶🏻 另外，我地仲加配$28嘅白酒，為今餐畫上完美句號🥰

最近見到大埔新開咗間火鍋店，見前排打完個風，天氣都開始入秋了，又是一個打邊爐嘅季節！ 首先湯底方面，我選擇了花膠雞湯鍋，火鍋散發出濃郁的雞湯香氣，湯底呈黃金色清澈透明，喝起來鮮美滋味，再加上大大件嘅花膠，真係極足料，而雞肉嫩滑多汁，讓人回味無窮。 伊比利亞橡果豬 必點食物之一，豬肉質地鮮嫩，帶有橡果的香氣，入口即融。豬肉經過特殊的飼養和處理，每一啖都充滿了肉汁和豐富的口感，值得一試。 大滾友雜菜拼盤 包含了粟米、生菜、金菇菜、娃娃菜、油墨菜、蕃茄等等，相當豐富 自家製足料竹蔗茅根 用中式茶壺承載住的竹蔗茅根，味道清甜帶清新口感，好適合打邊爐順面下一下火。 大滾友牛肉拼盤 鐘意食牛嘅一定唔可以錯過啦！拼盤包含了本地手切牛頸脊、安格斯牛小排、牛展、牛舌花、牛黃喉、牛肉粒和頂級雪花肥牛。每一種牛肉都經過精心挑選和處理，肉質鮮嫩多汁，口感細膩。不同部位的牛肉帶來了豐富的口感和獨特的風味，係幾正嘅！ 新鮮鮑魚 上碟時仲見到鮑魚仲識郁，可見真係非常新鮮。鮑魚入口鮮嫩彈牙，為火鍋增添了一份奢華感。 手打蟹子鮮蝦丸 鮮蝦丸上充滿粒粒的蟹籽，口感彈牙鮮甜可口，蟹籽更帶來了濃郁的海鮮風味 火焰焦糖豆腐花 店員在豆腐花上灑上黃糖再點火，為豆腐花增添了焦香。 豆腐花綿密細軟，口感滑順，而上面的焦糖裹著一層金黃色的焦糖，增添了一份獨特的口感和香甜。

假日就是要食好啲，如果唔咪朋友推介都唔知大埔竟然有呢類廚師發辦嘅鐵板燒餐廳，所以一早book 咗嚟試，我地除咗選擇咗入門八道菜廚師發辦套餐 $688 之外，仲見到咁岩做緊跟餐 $5/隻法國生蠔，正價要$228 半打㗎，所以唔嗌就走寶喇🤩 生蠔口感爽嫩，入口帶淡淡海水味，配上微量檸檬汁和蕃茄醬更顯清新。 除此之外啤酒是必然的， 我地叫咗 KIRIN同埋 RED HORSE 分別$88。 沙律 煙三文魚片包覆住了色彩繽紛的沙律菜，煙三文魚口感鮮嫩配上脆脆沙律菜更顯清新。廚師將黑醋打成泡，再將煙三文魚卷放入泡泡當中，畫面帶點浪漫感，而配上黑醋泡泡的煙三文魚卷更顯開胃，作為前菜完全饗足了口腹之欲。 前菜 乳酪巴拿馬火腿配菠蘿 呢道前菜精緻得如藝術品一樣，綿軟的巴拿馬火腿上包住乳酪，上面放上鮮嫩帶脆的蟹籽。巴拿馬火腿淡淡的咸香化成微酸的乳酪口感，再配上清新菠蘿粒和柚子蓉，各種口感和風味交相輝映，個人幾鐘意呢一味前菜😋 鐵板海鮮兩品 南非孔雀鮑魚、北寄貝 北寄貝爽口彈牙，鮑魚厚肉鮮美，配搭蒜蓉香氣十足，好味！ 黑松露扇貝、白鱔 鱔肉肥美表面賦予焦香口感，入口肉質鮮嫩。 板燒後扇貝肉更顯滑嫩，配搭黑松露風味層次更顯分明，好香口 鐵板肉類一品 宮崎厚切黑豚扒 肉質緊實帶彈性，油脂細緻勻淺，配上特製豚肉醬汁提升香氣不膩 , 完美提昇黑豚風味 澳洲牛柳 點了五成熟，見到呈粉色色的肉感覺岩岩好😍而且充滿肉汁，配上竹炭鹽、微辣的山葵刺激味蕾和香脆蒜片一併食用，更顯香口美味，最後食用蘑菇造型的蘿蔔清一清味蕾，再期待下一味菜式 甜品 吉士紅豆可麗餅 師傅即席在鐵板上煎可麗餅皮，可麗餅口感煙韌，再配上紅豆餡和吉士，紅豆粒粒分明，甜而不膩，為餐點的最後一道菜畫上句號。

遠睇到餐廳入面有棵大大嘅柑橘樹，而且店員都戴住柑橘造型的帽，已經覺得間鋪頭好得意，平時返工經過見到間鋪仲要排隊添，所以真係心郁郁想試好耐 🌝韓國蜆肉紫蘇飯 一上碟見到分咗一半係炒飯，一半係蜆肉紫蘇葉，炒飯底配上韓式辣醬炒的蜆肉，真係好惹味！份量十足，蜆肉又大隻又多，充滿韓國風味。 🌝醬油五花肉飯卷 食韓國嘢又點可以唔叫飯卷，充滿芝麻香的飯卷包上燒得香脆嘅黑毛豬五花肉，再淋上特製嘅醬油汁，肉香四溢，口感豐富，真係值得推介。 🌝水果忌廉三文治 呢個水果想試好耐三文治，三文治包覆住厚厚嘅cream, cream 內有紫薯、提子同埋奇異果，望落去有三種不同的顏色，配合軟綿綿嘅麵包片，食落清新甜而不膩，好適合係炎炎夏日食。 🌝綠油油蜜瓜窩夫 綠油油蜜瓜窩夫係招牌甜品之一，窩夫外脆內軟，加入新鮮嘅蜜瓜同店內招牌的柑橘，清新又多汁！而且在滿滿的忌廉上灑上開心果碎，口感非常豐富。 🌝濟州柑橘乳酪 呢個係必點項目！一見到成杯飲品都係柑橘造型真係俾佢攻陷，乳酪用上韓國濟州島出產嘅柑橘汁同乳酪混合而成，飲落酸甜可口，帶有淡淡嘅清新柑橘香氣，值得推介。 🌝凍洋甘菊桂花茶 呢杯茶以洋甘菊同桂花為主要材料，清香怡人，有助減壓，更配有一片柑橘乾，飲完心情都靚啲

同屋企人出街食成日諗唔到食咩好，今次發掘咗一間中式私房菜，近地鐵站之餘菜式又創新，以後又多一個選擇了💙 🌝自家甜酸齋 甜酸齋酸酸甜甜非常開胃，更有雲耳和百合，好適合作為前菜 🌝雙色墨魚仔+茶燻流心蛋伴黑魚子醬配炸厚切茄子+本地水耕沙律菜伴芝麻醬 墨魚仔非常Q彈，有兩款味道，一款帶有麻油香，而另一款則帶少許香辣味。茶燻流心蛋伴黑魚子醬配炸厚切茄子：這道菜的茶燻味道非常特別，加上流心蛋下的厚切茄子有一層脆脆口感，讓人一吃難忘。沙律菜清爽非常新鮮，有調和味蕾的作用。 🌝原盅嫩川見陳皮海底椰鱷魚肉湯 湯入口淡淡椰香，而味道清新，口感非常特別，鱷魚肉的鮮美加上川見陳皮和海底椰的香味，讓人感到非常滿足。 🌝原盅嫩哈密瓜螺頭黑毛豚肉湯 這款湯較上一款湯更清甜，味道非常鮮美，哈密瓜的清香和黑毛豚肉的鮮嫩更是讓人回味無窮。 🌝蝦球水芙蓉 蘆筍汁味道清新，配上嫩滑水蛋，與蝦球的鮮美非常搭配。 🌝油浸時令鮮魚 經過油炸的馬友魚外皮非常酥脆,肉質鮮嫩，配上醬汁真係大人小朋友都會鐘意食😋 🌝士多啤梨黑豚肉排骨 在黑豚肉排骨上灑上酸甜的士多啤梨醬汁，下層更配上脆米餅，口感非常豐富🫶🏻 🌝招牌茶王燻雞 不愧係招牌菜！茶燻的味道和燻雞肉的鮮美非常搭配，讓人回味無窮。 🌝米王有機時今鮮蔬 嫩滑的菠菜搭配清甜上湯，健康又美味 🌝糖心黑蒜炒飯 炒飯跟黑蒜的配搭非常夾，加上翠肉瓜粒和蛋絲的配料增加炒飯香氣，讓人一吃就愛上。 🌝薑汁芝麻湯圓 食得出手造的感覺，湯圓口感Q彈，加入薑汁後增加辛辣味道，整體味道不太甜，而芝麻味非常香濃，幾好味😋 榮哥廚房私房菜不單保留了傳統中菜風味，仲融入了創意元素，讓菜品更加豐富多彩，值得推介！

放假行去海港城準備睇定啲聖誕禮物，順面試埋一直Bookmark 咗好耐既餐廳 Lady Nara🥰， 嘆個靚High Tea又可以打卡，真係正💙 入座會有一份餐前小食- 泰式蝦片，大大塊又脆口，可摸耳食多碟🥹 🌝My Fair Lady Tea Set - $318 底層為鹹點 💙香脆雞肉棒 雞肉棒用免治雞肉加埋雞軟骨，好有口感，幾特別 💙冬蔭鮮蝦碎蛋卷 一層層嘅青瓜薄片包住鮮蝦和碎蛋沙律，食落好清新開胃 💙巴馬火腿芝士三文治 精緻既三文治，入面夾住巴馬火腿，芝士，番茄和生菜，材料新鮮 💙野菌松露忌廉撻 充滿牛油香嘅千層酥包住蘑菇碎，入口淡淡黑松露牛油香味 中層為甜點： 💙紐約芝士餅 濃郁芝士味，入口細緻滑溜，連埋鬆脆餅底一齊食，牛油味重但又唔會搶左芝士味，非常平衡 💙特濃抹茶卷蛋 抹茶蛋糕鬆軟，裏面包著幼滑既抹茶忌廉，抹茶味香濃又不會太甜，正！ 💙白朱古力覆盆子馬卡龍 外脆內軟，鬆脆口感再化成溏心滋味，充滿少女心 💙咖啡啫喱泰式奶茶慕絲 底層為焦糖Mousse，上面為切碎咗嘅咖啡啫喱，再加上忌廉，整體唔算太甜，食落充滿咖啡味，咖啡控一定要試下😋 💙上層為英式鬆餅： 兩款英式鬆餅分別係原味和班蘭味，香脆鬆化，配上特製果醬和奶油忌廉，果醬入面有菠蘿肉，食落都幾特別 💙芒果乳酪 芒果味非常濃郁，帶出乳酪嘅酸酸甜甜的味道 💙伯爵茶 食甜品點少得嘆返杯茶，伯爵茶散發淡淡佛手柑香氣，清香誘人 另外我地仲叫多個小食 🌝香脆蝦餅$68 冬甩造型好得意，呈金黃色，香脆又可口，肉質爽彈，蘸上泰式辣醬一齊食更惹味😋

四年一次既世界杯又黎啦！緊係嗱嗱臨約埋啲FD 去酒吧睇波啦🤩 KIRIN ICHIBAN Osmanthus NH $96 食串燒又點可以唔配啤酒，呢杯係桂花味既啤酒，外形好似雲朵咁包圍住，一開始以為係泡，但原來係啤酒既冰，完全唔會溝淡左杯啤酒，仲非常透心涼，入口淡淡桂花嘅香味，好特別啊 Chicago Logo Beer NH $88/ Pint 味道好易入口，甜甜地🥰相信女仔都會鍾意飲，飲到底原來有片菠蘿乾，唔怪之得咁清新 串燒 一口和牛串（一串）$29 淡淡焦香，肉汁鮮甜，口感一流！ 安格斯牛肉蘆筍串（一串）$38 蘆筍爽脆多汁，中和左牛油脂，減低油膩感，勁夾 蜂蜜芥末鴨肉串（一串）$28 私心推介，鴨肉混合咗軟骨，增加唔少咬口，配埋我至愛既蜂蜜芥末，食唔停口 黑糖雞髀肉串（一串）$24 雞髀肉口感嫩滑，配上黑糖醬一齊燒，淡淡既焦糖味，都幾特別 燒土匪雞翼（兩隻）$25 燒得岩岩好，雞皮脆脆地，配合埋孜然味，風味十足 風味燒雞腎串（一串）$19 爽口有嚼勁，食得辣既朋友可以加多D辣，相信會更惹味 風味羊肉串（一串）$25 食落一D都唔羶，風味十足 牛油帆立貝（一串）$38 珍寶帆立貝再配上燒汁，燒到岩岩好，質地厚實，彈牙鮮甜，充滿醬油的鮮甜香味，非常滿足 原隻魷魚串（一串）$28 大大串，魷魚香味已經令人流曬口水，魷魚肉質彈牙可口配埋啤酒一流 炸厚串薯片（一串）$23 好邪惡啊，薯味十足，外脆內軟，好好味 招牌燒茄子（原條）$39 濃濃的孜然粉與蒜蓉，吸收醬汁後，軟糯味濃，味道令人一吃愛上！ 新鮮翠玉瓜（一串）$19 燒到岩岩好，爽脆多汁 主食 蒜香牛油龍蝦尾珍珠飯 $248 燒龍蝦尾再配上特製燒汁，而飯混合咗粟米粒，口感十足 小食 脆炸加拿大黑毛豬鞍 $88 吉列黑毛豬鞍，香脆外皮，肉質鬆軟，入口啖啖肉，但食落一D都唔油膩

呢間甜品店成日見人介紹，見到佢個樣咁打卡已經bookmark 咗好耐🤣 一直都想試 今次過開紅磡終於係機會喇！但因為好多人排隊🥲 所以我都係叫外賣算了 果蜜白桃粉雪冰 $54 粉雪冰既頂層一共鋪滿三種材料，包括：蜜桃果乾脆片、新鮮白桃肉同埋cream 尖尖既cream 係芝士忌廉，似平時飲廢水既奶蓋芝士味，而且較挺身。中間就係粉雪冰，而底層有白桃味布丁，呢種配搭又幾驚喜喎😮 總結：50 幾蚊嚟講 有果乾脆片同白桃肉，真係對得住個價錢，所以整體真係都唔錯，唔怪得咁多人食，可以再戰啊🤣

觀塘多樓上cafe是常識吧，今次呢間cafe 成日見人推介，而我都Bookmark咗好耐，入面充滿乾花裝飾🌸感覺相當清雅。放假去食幾乎全場爆滿，可見真係幾受歡迎👏🏻 明太子薯條 $48 熱辣辣既薯條上面佈滿明太子醬，而且作為小食酸酸地好開胃，更灑上一絲絲紫菜，和風味十足 而且都冇咁有罪惡感，不知不覺就清晒了😋 北海道帶子松露醬意大利飯 $128 帶子經過煎香後加入一片片嘅芝士，至於意大利燴飯吸收咗黑松露香味而不失燴飯應有的咬口，食落creamy有層次 鰹魚熟成封門柳配薯蓉，昆布牛油汁 $158 係精緻嘅法式擺盤啊，當然要打個卡先，封門牛柳牛肉味特別香濃，軟林林好容易咬開，好味😋 至於薯蓉帶香濃牛油味，食落更邪惡，而配菜組合都幾有趣，除咗有蒟蒻同埋腐皮之外，更有日式野菜：菇、紅蘿蔔同埋粟米仔，本身野菜我就最驚就係太生帶草青味，但佢煮到好入味🤣 所以我真係連所有配菜都食哂 芒果乳酪沙冰 $58 啲沙冰仲高過個杯會唔會太誇張先🤣 芒果味勁香濃，而且入口綿綿順滑 雜莓乳酪沙冰 $58 包括士多啤梨、紅桑子等等嘅雜莓，感覺相當豐富，味道酸酸甜甜，好有誠意 法式多士 $48 配有蜜糖同埋蛋白霜，外層帶焦香，外脆內軟，入面嘅麵包口感濕潤，充滿空氣感，本身以為係普通嘅厚多士，入口有幾驚喜喎🥰

成日經過見到呢間餐廳有人排隊，門面棵楓樹充滿秋天浪漫氣息，感覺好文青🤣打卡一流啊！所以一直想試好耐，因為呢種復古日式餐廳實在少有！🥰 玉子蟹肉炒烏冬 $92 彈牙的烏冬混入先經炒香的洋蔥和菇作調味，拌入生蛋黃後令口感更黏立，蛋黃配合預先拆好嘅蟹肉，紫菜混合香濃醬汁後增加了不少日本風味 海鮮蕃茄醬蛋包飯 $138 蛋包飯旁邊有一隻大蝦、魷魚同埋青口，店員幫你切開蛋包飯後，嫩滑嘅蛋汁瞬間深入下層的蕃茄飯，值得一題係蕃茄飯混入野菜元素，除咗紅蘿蔔仲有洋蔥同翠玉瓜增加咬口，及後灑上日式咖喱汁食用，飯粒濕潤又香，唔怪枱枱都會叫一客蛋包飯啦😋 炸北海道大蝦配四元豚豬扒 $188 手掌咁長嘅炸大蝦真係好誇張啊😮，外層非常鬆脆，仍無損大蝦的鮮嫩肉質。至於豚肉豬扒肥瘦適中，食落去好軟熟，唔會過於油膩，配埋燒汁食更惹味，底層更有椰菜絲沙律配上沙律醬作為中和味蕾之用 和風布丁蛋糕 $51 蛋糕一共分咗三層，頂層為黑糖、中間為雞蛋布甸，而底層為日式芝士海綿蛋糕，口感綿密濕潤，非常平衡，好滿足啊！推介😋😋 岩燒芝士厚切多士 $68 多士烘香後鋪上大量嘅芝士，岩燒之後拉起有少許拉絲效果，再配合埋火腿食用，為多士增添一份咸香口感，更唔會太膩，唔錯👍 草莓沙冰 $48 俾復古嘅靚靚外表吸引🥰，草莓加上乳酪風味的沙冰，再加上Cream 和草莓作點綴，味道唔會過甜之餘，酸酸甜甜好清新 雲朵沙冰 $52 沙冰呈現白色和淡紫色，酸酸地為乳酪口味，唔錯啊🥰 總結： 無論食物定環境水準都幾好，唔怪得見到成日有人排隊，值得一試