感覺完全違反商品說明條例，咩“置身鬧市，感受露營燒烤”。。我從來未試過露營燒烤，keep住有人同你報時幾點鐘要走⏰️⏰️。。係要追deadline食嘢，啲嘢係嚟得快，但係個爐唔係大，都要畀時間人燒架。2個鐘dinner時間，過咗一個鐘已經開始狂remind， “用餐時間兩個鐘”...“用餐時間兩個鐘”...“用餐時間兩個鐘”... 無限輪迴N次，不如直接播出黎當洗腦歌🎼🎵🎶。去到around 1.5個鐘就開始每五分鐘報時一次... “你仲有用餐時間25分鐘⏱️” at the way 到“你仲有用餐時間5分鐘🕛”。。。 食餐dinner仲癲過返工比老闆追deadline，享受被虐多於享受環境氣氛同食物。 總結：基本上你要預咗只有叫嘢食，埋單，影相打卡就好走啦🙂🙂

我好日唔發市，發市有驚喜！！！ 今日無聊睇上網search睇下附近有咩好食，竟然終於比我揾到個新飯堂！！ 好耐無食過一餐噤滿意，暫時試咗呢4款，全部100分滿足感滿分，準備制霸佢個menu試哂全部 紅燒牛肉麵 - 厚切、筋肉分明，好淋身同入味。。 重點湯底濃而不咸， 飲哂都無油膩感 蟹肉炒新竹米粉 - 炒得乾身又鬆身，而且唔油，多蟹肉及有蟹肉味 澎湖花枝蝦排 - 蝦膠加蝦仁同花枝粒好有口感，配以一個小小酸嘅唔知咩汁， 減低油膩感 夜市地瓜條 - 因為厚切， 中間又一啲都唔乾身，所以口感做到外脆內軟，感覺唔係hea炸上枱，有迫哂的油出黎， 一啲都唔油膩，配埋酸梅粉一流 p.s. 估唔到佢個冰瑤焦糖咖啡(自己走冰)都好好飲， 要等熱啲先試水果茶

1行7人去K11 hea 行完求其揾左間食下tea. sweet potato cake - 能夠做到蛋糕無味道，cream無味道，真心高手👍👍👍 strawberries scone - scone 好夠脆有香味， 配料反而減分🫠🫠🫠 apple pie - 蘋果批有蘋果味，但無批嘅口感，叫蘋果cake 會貼切少少😗😗😗 strawberries 唔知咩咩 yogurt - 正常操作帶酸味嘅yogurt, 冇驚喜冇驚嚇, 算係噤 最後主角！！ 士多啤梨果茶 - 由有色無茶味嘅水加幾片士多啤梨薄片，配以士多啤梨jam溝水糖水，口感同味道自己FF下 overall 我個tea set 收費HK208， 鍾意畀錢買難受自殘， 多錢冇地方洗嘅朋友不防go ahead😇😇😇

lee間又係另一間食咗幾次都覺得仲係好好食嘅炸雞，基本上一個月食兩次！ 我都覺得so far係全元朗最好食, 同意其中一個comment話形點NeNe係難食，仲要又少又貴到無朋友 炸雞好夠醬汁， 雖然好多醬汁，但拎到返屋企都仲係脆卜卜！ 唯一缺點亦都非常趕客係： D店員係唔聽電話㗎，由大欖隧道keep住打電話去到形點巴士站諗住落單但都冇人聽，死死氣行到去門口，見兩個店員分別都企係counter玩電話，我即場同佢confirm我打個電話係啱架，可能生意好唔憂做啦

我都算係食場小氣寶，唔好食嘅一般都要會寫出嚟呻下，好食嘅一般都係記得先寫 呢間嘢已經食咗無數次，真心今日先記得出post，重點係到今時今日嘅水準都冇變過，依然咁好味 之前汁左無得食，重開後我已經進展到一個月要食幾次，每次最少叫32粒(2人前）係最少！最少！最少！（ 重點要講三次），also...算係我食過最好食嘅章魚小丸子。 Overall佢好食嘅原因係： 1. 佢個小丸子有一陣好香嘅炭燒味 2. 每一粒小丸子都好挺身， 咬落去好軟身好moist， 完全唔似出面好似食麵包，粉球感覺。 3. 木魚絲佢擺喺章魚燒隔離， 又多又美觀，夾落下食好方便 4. 每一隻味嘅醬汁都好足， 特別係芝士味係芝士超爆多 必食推介：有芝士味，黑松露味，蜜糖芥末，青芥末，芫茜味(其他仲未叫過) p.s. 因為好多人買，佢又即叫即整，所以必須要等， 就算早落單，你人未到，佢唔會落定醬放出嚟等你拎，佢會喺門口叫號碼，有人應佢先落醬出貨， 唔想等太耐建議電話先落單

可能今日星期日，無散餅賣， 所以一炮過試下其他嘢🧐🧐 木糠布丁 -1分 真心。。。 嗰個係負號 兩個人食都食唔曬，兩啖已經有個想嘔嘅感覺， 奶味夠重我ok, 但 D cream太多， 鍾意食cream嘅人應該會比滿分。。。 應該係除非唔係。。 焙茶布丁 1分 嗰1分係豪比佢因為有D焙茶味， 乳膠粉太多， 口感好鞋得嚟，有D似乒乓波拍膠面，作為布丁甜味不足， 你～唔合格！ 凍奶布丁 4分 因為試完頭兩杯各一淡已經收了我的表皮。 喺我提交呢份嘢之前， 心血來潮try左一羹， 有少少驚喜(compare to 其他布丁), 口感滑少少，有奶味， 不過奶味唔太香，應該係牛奶牌子問題 蛋糕仔 3分 雞蛋味重， 但係偏乾身， 食完兩粒已經卡住喉嚨， 一啲都唔moist 芒果糯米糍 3分 好彩佢芒果肉夠少， 酸到媽媽聲， 但係糯米糍部分我鍾意， 贏番幾分 有唔好，當然有好啦！ 今日唔使排隊- 滿分 價錢問題- 滿分 舖頭選色- 滿分 另外， 切餅嗰方面反而冇comment， 因為未試到，mayb next time..... just mayb

試業已經book枱30號同同事食lunch... 門面靚，餐具table set，裝修一流，打卡還可以， 但位置比較迫同食物差到一個點。。。 呢個食物質素價錢非常貴， 半自助式頭盤沙津生果甜品任食，但成7~8碟嘢放喺張細枱度比人拎，個位置超細，未行到去張枱基本已經無哂， 排隊排到出門口，無言😑。。。 主菜塊豬扒乾過柴皮，完全冇肉汁， seasoning又唔夠，難食😰！ 西班牙海鮮飯，飯同海鮮似係分開煮， 海鮮似白烚，差🤢！ 全餐係得最後杯咖啡好味， 好重果香，讚！👍 另外。。。。 我地今次食有隻餐具係污糟的（ 咖啡匙羹上面有滴乾左嘅汁😱），所以食嗰陣時要睇清楚啲餐具先好用。 2021年最後一齊出街食lunch咁就被佢KO咗, 呢個價錢附近大把選擇，可以永久blacklist了～～完！

懶人包： 景同、飲野同打卡 ～ 一流 食物 ～ 原價錢50%off可試 甜品 ～ 送都唔食 service ～ 無 店內環境 ～ 睇彩數，我去果日嘈到似街市 同朋友慶祝生日，朋友隨便揀嘅餐廳。 成個場10枱有9枱係慶祝，多數都係生日。我諗lee個價錢點都無死啦，咪都唔諗就叫golden ticket menu，係一個5 course dinner set。一開始黎2杯cocktail（另外單叫15x 1杯），好飲味道特別同有酒味，心諗lee餐應該冇死。 沙律 ~ 個水牛芝士超好食，好香同滑，仲有少少流心。。。 但係其他啲伴碟菜就好一般， Parma Ham似超市68蚊包果D 生蠔同刺身 ~ 一般，不是特別鮮甜，除左蝦刺身同帶子碎壽司較為好食 煎豬肉餃子 ~ 無肉汁, 少鞋口 Risotto ~ 應該加咗炒香咗嘅蝦膏去做，好食但沒太大特別 homemade意粉 ~ 似手工意粉，黑松露魚子醬被芝士汁完全蓋過變得可有可無，不如簡單啲煎釀粒帶子or 兩條蘆筍bb， 效果更佳 石燒牛肉 ～ 一流！𣺉滑香牛味，自己燒。。。不過如果過熟同燒燶左就恭喜你了 甜品(2人total加176) ~ 檸檬雪葩真心好食，其他嗰啲真心垃圾，同3星酒店buffet甜品區一樣 Service ~ 食過同一價錢嘅餐廳，每道菜係你食一碟先會再上，佢呢度就似茶記， 同你全上，石燒牛肉就等成2x分鐘都無上(8塊生牛咋wo)。 D 侍應人手明顯不足， 好急，比碟又甩手，埋單同拎drinks menu都要叫幾次。。。 最爆係，隔離枱埋單走嗰陣時，人哋同佢講佢漏單無畀支紅酒，佢即刻就入去攞支紅酒比個客照charge個客 ( 好似仲即刻開咗添)... 呢個係乜嘢玩法? 個客勁無奈， 逼住留支酒喺度。 總結： 我呢餐埋單$2683, 呢個價錢可以有更好嘅景，食物質素，service 真係多多都有。可一不可再，錢多唔信伏可以trytry