今日同友人在旺角尋找美食，發現一間隱世的樓上cafe餐廳，環境舒服，適合打卡閒聊，味道仲喜出望外，高水準之作，推介俾大家試試👍 特別推介： 蜜糖雞翼 雞翼煎得外脆肉嫩，面頭佈滿蜜糖，一口落去脆卜卜的聲，又帶着甜甜的蜜糖味，嫩滑的雞肉，味道濃郁，十分滿足 西班牙海蝦辣肉腸燴飯 呢個飯十分推介，酸酸甜甜帶點微辣的蕃茄醬，超開胃，每粒飯都好入味，配埋辣肉腸，海蝦，口感十足，有驚喜 卡邦尼煙肉雜菌意粉 意粉煙煙韌韌，口感不錯，而且醬汁夠濃郁，又夠多汁，水準之作

今日朋友想食酸菜魚，但又唔想去到深圳食，我即時想起尖沙咀海港城有間唔錯的酸菜魚餐廳，環境唔錯，以藍色海洋為設計，係我在香港目前試過最好味的酸菜魚，我立刻帶朋友去試試 呢間酸菜魚特色可以一鍋兩食，所以我們叫左個姚姚酸菜魚拼水煮牛肉，招牌酸菜魚魚肉爽口，香味十足，酸菜味濃，試完想再試的感覺，十分惹味，而水煮牛肉肉質嫩滑，辣道十足，十分過癮，加上份量十足，大大一鍋，性質比十分高 彩虹烏龍冰粉 含有多種材料，口感豐富，剛食完重口味食物食碗冰粉可清濟解膩，而且甜度適中，一款唔錯的甜品

星期五放假前夕，當然要約一班好朋友痛快食一餐，我們在旺角朗豪坊頂層找左一間任食的日式火鍋，特色係一人一鍋，大家唔使爭，仲有星空夢幻的夜景，環境就滿分，食物的款式就選擇不多，味道還可，喜歡靚景而坐得舒服的朋友就可以試試呢度 湯底我就選擇了日式壽喜燒湯底，簿切牛肉本身已經有少少牛味，再用甜甜地的壽喜燒湯底碌熟，牛肉即刻變得嫩滑，十分好味 環境就滿分，在星空下享受美食，感覺十分爽，食物就選擇不多，多蔬菜選擇，肉類較少，味道還可，整體上不過不失

今日一家人過新年，搵左間任食的雞煲加打邊爐，仲要一口價任食，性價比特高，呢間位於沙田的二鍋頭當之無愧，食得飽之餘又可以有足夠時間給你同家人相聚，十分推介 首先品嘗雞煲 有辣有唔辣，任君選擇，重要係無限加添，光吃雞煲都能飽，我們先品嘗了少辣雞煲，用料好足，有半隻雞份量，麻辣味好夠好惹味，雞肉嫩口，食完一件又一件，停唔到口，接着又試了唔辣的，感覺還是辣的先惹味，先似雞煲 雞煲完我們轉打邊爐，款式都多，肥牛，雞肉，菜，青口等等，飲品都是任飲，啱晒大食的朋友 最後當然要試試呢度的雪糕，簡左隻沖繩鹽雪糕，味道鹹鹹地幾特別，今餐可說是飽肚而歸

這間位於沙田的人氣馬來西亞餐廳一直都想嘗試，難得今日我同友人都有空，所以齊齊出動，試試此餐廳水準 推介： 細雜錦肉骨茶 可以說係呢間店的招牌菜，肉骨茶採用大骨肉，藥材熬煮而成，加上其他配料：枝竹，雞腳，豬肚，豆卜等等材料，所熬煮的濃湯口味十足，滋補養顏，一字骨吸收濃湯的精彩，咬口十足，肉質鮮嫩，配上油炸鬼一起食，令人食指大動 椰香咖喱叻沙 非常足料，份量多，有魷魚圈，蝦仁，豆卜，魚肉卷等等，叻沙味濃，少辣但十分惹味，搭配各樣材料一齊食，好食到停唔到口 怡保雞絲湯河粉 先來一啖雞湯，鮮甜清香，配料有蝦，魚片，雞絲等等，味道都唔錯，想食清淡的朋友可以嘗試下 椰香卷 甜品來講算唔錯，陣陣椰香味，又不會太甜，味道做到剛剛好，可以一試

天氣開始轉凍，食返過暖笠笠的火鍋確實爽，今日同友人經過旺角美食之區，火鍋選擇都包羅萬有，但屬人氣之選，當然唔少得呢間台灣人氣火鍋店：牛大人台灣火鍋，今晚就試試佢 首先簡湯底，佢都有幾多選擇，因為我同友人都想食清淡些，所以最後簡左台灣鳳梨雞窩 用料好足，有成隻雞份量，湯底好香，以鳳梨，雞肉，蔬菜等熬製而成，幾具特色 精選推介： 澳洲M9和牛牛丸 牛丸彈牙爽口，入口充滿牛脂和肉汁，牛味濃郁 各式牛款式 一間食牛的火鍋店，牛的款式太多了，各有特色，味道唔錯的，我同友人食了30多碟牛，幸福飽肚離開😂

今日午餐時間突然想吃雞，腦海中第一時間就想起KFC的狂野香燒雞，這款雞的做法可說是我吃過最好味的雞，燒出來的雞嫩口多汁，少少辣味十分惹味，加上啖啖肉，令人食指大動，回味無窮

開工前嘆返個晨醒早餐，經過佐敦一間茶餐廳，見到裝修新穎，乾淨企理，便入去試試水準，叫左個招牌沙嗲牛麵，味道唔錯，沙嗲味濃郁，公仔麵彈牙，牛肉嫩口，而且性價比高，值得推介👍 招牌沙嗲牛麵（$39）

今日與友人在沙田購物，經過一間吃蛇的餐廳，餐廳設計風格幾有特色，感覺幾特別的，所以決定試一試，確實有驚喜，值得推介俾大家 推介的菜式： 招牌雙色蟹膏撈麵 很大一碗，蟹膏用料新鮮，充滿鮮蟹味，而且份量十足，兩人share食都無問題，好味到你食指大動 燕窩蛇湯海鮮節瓜盅套餐 餐廳主打的養生菜式，蛇湯清甜滋補，火候十足，配上臘味肉蛋白炒飯，滋味十足 流心蛋海南雞扒煲仔丼 做得很出色，雞扒嫩滑，流心蛋味道濃郁，滋味十足

適逢假日同家人們逛逛尖沙咀K11 Musea，感受全港最美商場外，還想試試商場餐廳美食，今次挑選了一間中菜館王家沙，因為家人喜歡喝茶，入去環境十分不錯，時尚裝修風格，美食價錢都尚可，可以一試 招牌蟹粉小籠包 必定要趁熱食，一啖吸入滿口濃郁小籠包湯汁，回味無窮，不過蟹粉份量略少，未有太突出蟹粉味，整體還好 上海擔擔麵 麻醬味濃郁，花生香味夠香，麵條彈牙，口感不錯 四川麻辣水煮牛肉 份量十足，微微辣，突出麻辣香味，牛肉彈牙爽口，配上蕃薯粉，雙重彈口