📍 The Frequency 尖沙咀山林道22號瓊林閣地下A號舖 . 🤢Seared Tiger Prawn & Crab Meat Spaghetti w/ Butter Cream Sauce 牛油煎虎蝦蟹肉忌廉意粉 💰$158 (w/ soup + drinks) . 🤓Salmon Steak & Smashed Potatos w/ Hollandaise 三文魚扒伴鮮薯蓉(荷蘭汁) 💰$168 (w/ soup + drinks) . 🤓Signature Lemonade 招牌檸檬汽水 . 🤓Sparkling Apple Juice 蘋果汽水 . 首先 裝修靚 好文青 好打卡able . 個湯幾特別 睇落中湯咁 成日覺得西湯要好creamy先得 但呢碗疑似洋蔥湯嘅物體又幾好飲 . 碟意粉 我係食唔到蟹肉嘅 Butter cream sauce都唔係好覺 都幾乾身下 淨係好重蒜味 . 三文魚扒不過不失 啲肉有啲實 側邊啲伴菜 翠玉瓜同黃色嘅翠玉瓜 都幾好食 . 其實飲品係上先 見到嗰2杯飲品都深知不妙 Lemonade竟然係粉紅色漸層 整色整水即係又係打卡嘢啦😂 飲落正常嘅 咪汽水囉

📍 Acquasala 中環蘇豪伊利近街13號地下及閣樓 . Lunch Menu 💰$158 . 🤓Starter - Red Wine Beef Carpaccio . 🤓Main - Roast Beef Japanese Rice . 🤤Dessert - Tiramisù 💰+$20 . Starter我以為係coldcut嗰類 點知又係沙律💀 啲肉下面就全部係菜 仲有婊子勁唔鍾意嘅火箭菜 成日覺得 用菜墊高扮多份量 一定係女人發明 #升球大戰 個牛好食 入味 啲菜個調味都好食 酸酸甜甜 加埋佔咗半隻碟嘅黑醋醬(?) 呢碟starter都幾高質 平時唔食沙律嘅我都食咗大半 . 特登黎呢間就係為咗呢個ig成日見嘅signature dish main諗都唔駛諗就揀咗roast beef japanese rice 放側邊嗰1/4cup 初頭以為佢係蛋液😂 同飯比 啲肉睇落好少 但其實都放咗ok多塊 只係好薄 你卷埋佢黎食真係幾啖食晒 攤返開黎食就好夠食 牛肉本身無乜味 調味主要靠個sauce 個sauce係真係咸 唔係用嚟撈飯 真係用黎點牛肉 好食係好食 但如果個樣有10分 食落就得8分 佢個igable嘅外表拉高咗我對佢嘅期望值 重申 真係好食嘅 但有落差囉 . Tiramisù 一上枱聞到好大浸吉百利朱古力粉味 外表平平 對佢無乜期待 仲暗自心諗係咪蝕咗廿蚊 點知 有！反！轉！ 食落好得 cream夠滑 入面蛋糕位酒味好香好出 勁鍾意佢❤️ . 整體黎講 食物嘅presentation係好靚好吸引 高質好食但唔驚豔 環境舒服闊落 唔會將啲枱排到好逼 但定價太高 本身2-course已經$158加一 加埋個甜品叫價$200 O V E R P R I C E D.

📍 四季常餐 中環德輔道中88號地舖 . 🤓叉燒炒蛋飯配秘製豉油汁 💰60 (w/ hot drinks) . 的起心肝去排四季 都等咗20分鐘 . 叉燒偏瘦 又薄 覺得有啲呃秤 蛋唔算特別滑 唯獨個汁係真係好食 蔥油加豉油 正 . 食物質素 正常普通過得去 但排咁耐隊就真係唔值 要排咁耐嘅話真係寧願食返尚樓

📍Monteverdi Restaurant and Bar 中環威靈頓街33號The Loop7樓 . Set Lunch 💰$218 . 🤓SOUP OF THE DAY . 🤢GRILLED RIB-EYE STEAK SERVED W/ GRILLED VEG W/ CHOICE OF SAUCE (RED WINE) . 🤢DESSERT OF THE DAY . The Loop係成幢樓都係餐廳嗰類 Lunch hour等lift嘅人都ok多 building出面排晒隊 我懵盛盛 入咗lift就企到最入玩電話 唔記得出lift 結果被遊咗次lift河 途中見到有對女仔係洗樓式咁搵餐廳 姐係其實成幢嘅餐廳都幾full . 其實去之前睇過openrice啲差評 話佢塊steak又薄又韌 似茶餐廳牛扒 但都抱住我不入地獄誰入地獄嘅勇氣 試咗再講 凡事都比一次機會！ . 上菜好有效率 落完order之後 冚冚聲就上晒麵包 湯 同main 係 無錯 係飲咗兩啖湯之後 個main已經出現喺枱面 . 除咗睇差評 我都有睇好評 其中一個好評明明就讚 店員會留意用餐進程黎上菜 ????? 張枱本身都唔大 仲要放咁多嘢 真係側住身咁飲湯 腰骨都痛埋👵🏼 望住佈滿成枱嘅碗碗碟碟 我心諗：點樣呀依家 多啲碟 影相豐富啲？ 喂大佬呀就算唔係留意住客人 都唔會無常識到一上完starter就上main啦 . 服務唔得 忍佢 睇埋食物 . 個湯偏水 報稱係南瓜湯 但我飲落去淨係飲到粟米蓉 . 塊steak睇落啲格紋係燒得幾靚 但overcooked 我地話要medium 佢比咗medium well 其實根本就亂咁煮 唔好話生熟度 一開始上菜連個sauce都搞錯 然後隨即就換到另一塊過黎 代表咩？根本唔係客人要幾成生熟就煮幾多 而係劃一佢想煮幾熟就幾熟 理得你 . 是日甜品 cube cake上面淋朱古力 死實實 仲垃圾過超市買嗰啲蛋糕仔 食咗2啖就停 1st:初嚐 2nd:為咗食啲朱古力醬 . 有朋友試過呢幢樓嘅另一間餐廳 話好難食 我有理由相信 The Loop係中環版兆萬 88 never revisit

📍Blossom 西環西營盤般咸道63B-F興漢大厦地下2號舖 . 🤢Crab Meat Linguni (係 張餐牌串錯字) 💰$108 . 🤢Dirty 💰+$30 . 天陰陰 心情鬱悶 就諗住放飯去搵cafe坐下 然後山長水遠搭咗2個站去西營盤再行咗5分鐘去到Blossom . 落雨坐窗邊吧枱 其實幾好feel 朦朦朧朧 大家都睇唔清對方 隔住一塊玻璃就另一個世界 啲小擺設排得靚靚地 旁邊仲有幾盆植物 但長期都有隻蟻喺到爬 我真係好困擾 . Menu選擇唔多 揀咗pasta+coffee嘅組合 . 一路食一路懷疑呢碟係咪crab meat linguini 佢係咪比錯mushroom linguini我？ 我淨係見到菇 都淨係食到菇 Where is the 蟹肉？ 放大鏡都搞唔掂 我搵緊呢個🔬 食食下先食到啲殼定骨嘅嘢 先知佢無上錯菜 講返主菜阿菇 啲菇又硬又乾 就好似將杯麵啲抽乾晒水嘅配料 再重新浸水發返漲 試圖盡力營救 但手術失敗病人彌留狀態 thanks . 杯dirty黎到 我load咗好一陣 到底我order咗啲乜嘢？🤷🏾‍♀️ 呢杯嘢 點睇都唔係dirty 奶呢？分層呢？ 我真係好想請教下沖呢杯嘢嗰位仁兄咩叫dirty 唔係將啲料一齊上枱就叫完成 仲要有中間handle食材嘅technique 滑蛋蝦仁同蝦仁炒蛋都唔同嘢黎啦大佬呀 勁呀 飲落無奶味㗎 我都唔知我飲緊咩 真係好犀利 又睇唔到又飲唔到 高技巧呀 . 比咗張相2個fd估我食咗咩 一個憑眼色估dirty+carbonara 一個亂估熱奶茶+白汁蘑菇意粉 咁唔係我問題啦下嘛 3條友都睇唔透呢兩份係乜 . 世 界 級 ～ 食物同飲品都做得咁差 真係唔容易呀

📍 慢煮屋 觀塘成業街15-17號成運工業大廈1樓3號舖 . 🤤慢煮火炙牛腹扒丼 💰$88 . 🤓慢煮火炙牛腹扒配蕎麥麵 💰$88 . bookmarked好耐 但中環人又點會無啦啦入觀塘 有日響屋企睇睇下嘢食 睇到好餓 的起心肝爬咗出去 終於食到 . 佢有兩間分店 我睇圖揀咗大啲舒服啲嗰間 上到去 係茶記格局溝酒樓枱櫈 無法理解店家對啲傢俬嘅選擇 佢啲食物擺盤整得好靚好igable 但睇黎室內設計真係完全無天分 #唔係鬧佢#純粹吐糟 初初上到去 完全無人 嚇死我 幾驚有伏 但食食下開始多人滿座 個心先定返 . 個丼真係好鬼靚好鬼啱打卡 火炙牛腹燒到啲色勁靚勁粉嫩👅睇落勁開胃 但個扒字係完全唔關事 係牛腹片黎 慢煮冧身易咬 調味唔錯 但唔覺好重牛味 蛋係aqueous狀態 再加埋個丼啲汁 撈飯一流 飯影唔到 係用珍珠米 好綿 . 整體而言係好食 但你講唔出佢有咩特別 佢個靚一靚嘅外表幫佢加咗好多分 呢個價 觀塘黎講 其實算貴 打卡打一次夠了

📍 瑞記咖啡 上環皇后大道中345號上環市政大廈2樓熟食中心17號舖 . 🤤西多士 French Toast 💰$27 . 🤓樽仔凍奶茶 Bottled Iced Milk Tea 💰$17 . 聞名不如見面之好耐以前已經聽過瑞記嘅大名 但佢出名啲包類嘢 好似適合早餐多啲 上環距離公司太遠 要預多啲時間返去就要再早啲起身 於是就遲遲無機會早餐食佢 . 今次幫襯都唔係早餐時段 而係午餐 事緣係婊子嗰日著住條貼身短裙 要靚就要捱餓 唯有揀啲small portion啲嘅嘢食 就衝咗去瑞記啦 . 叫咗最出名嘅西多士 佢嘅西多出名在於用煎唔用炸 用煉奶唔用糖漿 但食落同一般西多士係差唔多味 真係唔講唔覺無炸過 仲有蛋香味好重 蛋控婊表示好正 高質！ 唯一有啲失望係 西多士入面無餡 真係就咁煎兩塊包有啲寡 . 樽仔凍奶茶 覺得似gimmick多過真係好飲 佢啲玻璃樽真係random收集 我地叫咗兩樽 一樽用somersby 一樽用blue girl 件事幾搞笑 拎酒樽飲奶茶 唔知係唔慣飲凍港式奶茶定咩 覺得佢好甜同偏淡 同事都話個茶底係淡咗 . 同事仲叫咗個蛋牛包 無影到 不過作為蛋牛治關注組嘅成員 都咬咗啖試下：咸牛肉味好出！ . 我地黎嘅時候等咗一陣先有位 走嗰陣已經係大排長龍 長龍到我一定會直接轉彎幫襯隔離啲碟頭飯 想繁忙時間黎食嘅要有心理準備 等位+搭枱走唔甩 . 呢間可以再戰 唯一唔夾我八字嘅位就係太遠 但為咗食好西 可以克服 唔怕！

📍Flaming Frango 中環蘇豪伊利近街55號地舖 . 🤓Set Lunch - 1/4 Chicken 💰$138 (w/ soup + drink) . 又係婊子想食個間無位然後亂入嘅餐廳 . 星期一lunch hour 坐喺間bar到 望住張吧枱 但我淨係可以飲熱檸水 真係哭左 . 1/4 Chicken配薯條同飯 其實我淨係想食薯條 飯都只係食咗2啖 舊四分一雞得好少骨位 成舊都係肉 大過我個拳頭 面頭有啲鞋 入少少就ok了 但另一個問題出現了 入少少就無乜味 得面頭個層有 一百萬問題 點揀好？ . 薯條係粗薯條 唔算香脆 麻麻 . 每枱都有4支醬 3支有label 1支無名 其實我唔知佢地用黎點咩 雞定薯條？ 我全部都試咗一滴 全部都唔啱口味 隻ginger and lime直頭係有啲護膚品味咁 抗老系列落啲薑同中藥個啲呢 . 佢啲熱檸水竟然係咁樣切檸檬落去 幾特別！ 特別難操作 係吉唔到嘅 我放棄了🙂 有時覺得 放棄得快 係好事黎 無謂嘅堅持 只係可惜了自己 . chullschick都有1/4 chicken 個人鍾意chullschick多啲 同埋chullschick性價比高好多

📍MEATS 中環蘇豪士丹頓街28-30號地下 . Set Lunch 💰$198 . 🤓Wagyu Carpaccio . 🤤Porchetta . 🤓Chocolate Brownie . 同同事喺soho亂行唔知食咩好 見到pirata group嘅呢間 就算唔好食 都無伏 係你啦！ . For small, 飛晒啲salad 揀咗carpaccio 其實我都唔知咩黎 google完見係beef tartare個類 應該無伏 食落都無伏 nduja汁少少辣 mustard seed增加口感 同事分別叫咗duck salad同tacos 三碟small嘅presentation都好靚 duck salad竟然係鴨肉加西瓜 睇落好正 早知無啲uncooked嘅菜 我應該會揀呢個做starter . 間餐廳叫meats 佢主打當然係肉啦 我揀咗pork belly 黎到見到細細一圈 心諗：嘩 飽唔飽㗎 好似唔多抵喎 但食晒就發現呢個portion絕對係啱啱好 不多不少 再多就好膩 知止不殆 外皮好crispy 食到尾都仲脆 但就有啲硬 硬到係用刀切 都有難度 最後直頭放棄 as long as塞到入口 就將淨低嘅責任交比親愛嘅牙齒 肉位反而好ok 肉質軟腍 好食過大把sell慢煮嘅鋪頭 皮同肉中間除咗肥膏 stuff咗啲綠色香草類嘅嘢 我估就係menu寫嘅capers powders pork belly唔駛預佢瘦 一定係有肥位 所以道菜更好食 一路知自己吞緊脂肪 但一路覺得好好食唔想停 ᴇᴀᴛ ɪᴤ ᴤᴛʀᴜɢɢʟᴇ! 整體係味道質感都非常唔錯 推薦！ . 上菜嗰時好odd 個waiter放低咗一盤薯條同三個main 我地已經覺得有啲怪 唔知嗰盤薯條係跟邊個餐 然後無耐 佢過黎 放低第二盤薯條 我地望住佢 佢又望住我地👀 大家都唔知大家jm 打和super！ 食到最後先估 間餐廳應該係unlimited supply of fries 佢應該係suppose我地share 咁當然我地都真係share 但其實我想一個人食晒嗰盤carbohydrate🤫 . 我第一個舉手揀咗brownie做甜品 然後另外兩個同事又跟機 不過不失啦作為lunch set甜品 細細舊brownie入面竟然仲可以有一大塊朱古力 樣靚 朱古力味濃 雪糕好食 唯略嫌有啲啲實 唔夠鬆軟 . Pirata group嘅餐廳果然係質素嘅保證👍🏿

📍 尚樓餐廳 中環威靈頓街97號地下I號舖 . 🤤海陸雙併滑蛋飯(叉燒併海老王子) 💰$68(w/ drinks) . 之前已經食過佢啲外賣 覺得不過不失蛋幾滑 成日都唔記得佢叫咩名 同啲同事提起 都會叫佢 賣蛋包飯個間 但其實佢啲外賣蛋包飯只係將隻炒滑蛋pat喺啲飯上面 唔係日式嗰種真係包住啲飯 . 本來我係想食四季常餐 但晏咗放飯去到實等到2047 但又想食叉蛋 就決定轉戰尚樓 #喺整理食物相嘅過程#發現咗自己原來係蛋控 . 堂食個樣靚仔好多 唔係淨係打卡 嗰樣靚啲 你想食佢嘅慾望係會大啲 #我講緊食物 蛋依然滑 我覺得呢間算整得好食 叉燒普通正常 唔算好香 偏瘦 蝦爽口 typical冰鮮蝦仁口感 個汁甜甜地 係嗰啲用黎送飯你會食得晒成碗飯嘅汁 . 覺得堂食抵過外賣 雖然外賣平少少 但擺盤都值錢呀 外賣就真係好頹一個叉蛋飯咁囉