Openrice訂台有85折，兩個人埋單600幾蚊，串燒會用一塊熱既鐵板上菜，但覺得冇咩特別大保溫作用。 如果要推薦，覺得蒜蓉蠔係咁多野食之中比較好食的菜式，不腥而且都熱辣辣，芝士味燒蠔就有小小怪，另外叫左 -雞泡魚乾>>味道太甜 -燒雞皮>>乾到好似炸咁🙂勁失望完全唔係個樣野 -燒大蜆 -明太子雞翼 -燒牛舌>>感覺調味不太夠 -燒茄子ok👌🏻 整體來說講不出佢是想做日式定港式😅😅😅另外餐廳只有7味粉提供，個人平時喜歡點鹽同山椒粉多d

今日全日係冷氣地方個人好寒，想食d暖笠笠既野，所以想到韓式湯飯。 由入門口個下就覺得好似會俾人呃的感覺，未坐低就狂問食唔食「醬油蟹」，答左佢諗下先，第二個阿豬媽來俾餐具時又問，下一個來斟茶的又問要唔要食醬油蟹，已覺得好煩。岩岩先開始睇餐牌又叫人點套餐，我同朋友兩個人都食好少野，套餐根本唔會食得晒😅，本來想order一份烤肉，一個湯，佢又sell你揀個貴價肉，好啦，之後又叫你加生菜籃（原來唔送菜）仲要$70勁貴😨😨，生菜好大塊但紫蘇葉同蒜片就得幾塊，平時其他韓國餐廳湯都跟白飯，但呢到就要加錢，跟住又再問你飲唔飲野，order時有點似俾人當水魚咁，好似想你叫多d野食，感覺好差 食物方面，牛骨湯味道還原度都幾高，小菜也是韓國的味道，可惜食晒就不能refill。牛肩肉幾好食、但蜂巢五花腩就好失望，好普通同比想像中薄，同佢menu張相貨不對版。 如果店員不要太進取會感覺舒服d 晚餐性價比較低，建議可來食lunch

其實今次係第二次來，剛新開時來呢到試過pizza同龍蝦意粉，今次不如試下其他野，所以揀左佢special menu上既鴨胸意大利雲吞，上菜時真係o晒咀，就得三粒雲吞竟然收$298？醬汁味道超普通，類似肉醬意粉醬，最騎呢係呢個雲吞皮上下兩塊是完全冇痴埋一齊🤔🤔材料同塊皮分離，而且鴨胸切到好碎，似煲完湯的湯渣好「鞋」，我真係唔知點去形容呢碟野，究竟我食左d咩？我完全覺得勁呃錢！ 跟住份甜品都好難食，唯一只有Pizza是值得稱贊，餅底幾脆而且足料，價錢仲只係$178，對比返個雲吞，就覺得個碟雲吞真係好呃錢，之前新開來食的時候人頭湧湧，依家冇乜人食又不用等位😅就知佢咩料啦😂😂係尖沙咀食西餐真係有好多其他選擇架

5月開始熱，下午坐戶外都真係幾難頂（但沒辦法）環境雖美但幾曬，唔知算唔算叫坐係角落，但waiter成日睇我地唔到，落單、上菜同埋單都特別慢，明明我地呢台落左order先，隔離台遲入但飲品同食物都比我地先到，埋單又叫左幾次先俾到錢，出面又熱又曬淨係想食完快走，俾錢等到勁燥底，其間都聽到waiter佢地自己都話戶外好熱囉😅😅 講返野食，食物份量偏多，壞處就係兩個人叫唔到太多野，薄pizza底都幾脆，我地揀個款係有4種味道，得芝士個part好味，冇餡料同牛油果味有d dry🥲煎鵝肝牛肉蛋撈飯好一般，某旺角店好似比較仲好食，而鵝肝仲好似有點不太熟咁....

睇openrice book左夜晚9點，上到去話last order唔俾入😓唔知係邊個問題...anyway俾第二次機會，星期六4點上黎試下，無book枱成功入座。 朋友不喜歡咖啡，所以叫左綠茶，佢話超苦，可能因為無糖(?) 而我自己叫了espresso tonic，欣賞佢可以選有檸檬味或無檸檬味的、少冰多冰等等，tonic連玻璃樽上，靚是幾靚不過如過已經調好份量，再俾成支tonic水我又好似冇咩用🤔咖啡係偏苦的，岩不飲酸咖啡既人。 用餐時間雖然得70分鐘，但餐廳也沒趕人走👍🏻👍🏻也不設最低消費，可以飲杯野hea一陣，有個超靚既波希米亞風打卡位，有機會搵另一個時間到來打卡

食越南野一定係食pho，揀左店鋪推薦而又最多餸既火車頭牛肉粉，份量超多（建議二人share食再叫小食）有牛丸、札肉，生牛肉、牛腩，牛腩位置比較多筋膜，另外都會有杯青檸同芽菜俾你自己加落去，都不錯的。 因為想食香口野，無叫到米紙卷，揀左蒜蓉牛油蝦球同埋蒜蓉雞翼，份量都好大碟，但味道比我想像中有些出入，兩碟炸野都係就咁鋪左蒜蓉碎在上面，有點似超市現成買返來的味道，偏甜，不是太岩我口味，如果炸野的話中意食咸的。

因為是下午茶餐，所以份量較少，叫左海南雞飯，配3款醬汁及少量青瓜拌碟，雞肉口感雖然未去到好嫩滑，也不會鞋口，反而雞油飯就乾身左少少，但配埋杯野飲才50蚊價錢還合理。因為是late lunch , 食完飯唔係太有滿足感，再追加多一份雞翼，一客兩隻大大隻才11蚊😂😂 其實好抵食，新鮮現炸熱辣辣，而且夠晒咸香味，當小食也不錯👍🏻

大門口出面寫住「How’s your coffee today 」非常吸睛，不少人係到影返張相，傳聞話係用AI沖的咖啡，Espresso tonic 味都偏酸甜，咖啡味不重，而Ice latte沒覺得有咩特別，正常不難飲的。食物都幾多選擇，有bagel同麵包，只叫左Basque cheesecake，都ok好味☺️，份量不大不小，不會食太多覺得濟。 店鋪有兩層，空間闊落，同隔離枱都相隔很遠，而且不限時坐，旁邊都有不小人拎埋電腦係到邊飲啡邊工作👍🏻

串燒可揀鹽燒或汁燒等方法，但其實食落都係差唔多味😅，燒得比較乾身同調味較淡，來居酒屋比較喜歡食重口味小小，太淡唔係好岩送酒，有好多居酒屋都有多種調味粉揀，但呢到只提供7味粉同豉油，如果有鹽或者山椒粉會開心d，唔夠咸可以自己加。唯一令我驚喜係燒芝士年糕很香口，幾好味！ 另外menu有細字寫明，局住一定要收茶錢同前菜$20，之後仲要加一服務費，所以如果要試最好揀7點半前離座，有8折就好似抵d，折左埋單500幾蚊，但完全唔飽

差唔多6pm想搵個地方坐下, search到附近呢間rooftop好似幾靚，睇相就俾佢既tiffany blue色裝修吸引左 上到來先知呢到係連埋做gym的，所以賣的食物都是以健康為前提 cold brew($50), 價錢比其他咖啡店便宜，berry smoothie($88), protein pancakes ($68), 健康版pancake，不會有牛油，調味有楓糖漿同蜂蜜可選 Follow ig的話有9折優惠☺️☺️暫時沒限坐幾耐，食物質素同味道都幾好，cafe仲送左個bagel俾我地試👍🏻👍🏻室內室外拍照打卡一流，可以影不少靚相