今日諗住試吓呢間D早餐🍳，叫左個香煎雞扒餐配熱檸水。 杯檸水飲左兩啖就冇飲，估唔到宜家D茶餐廳今慳成本整杯冇檸檬嘅熱檸水。 香煎雞扒餐 一小兜粟米 🌽 二塊蒜香牛油多士 一隻全熟太陽蛋 一條腸仔 半塊雞扒 估唔到成個早餐最好食就係嗰兩塊多士 都唔明點解呢間嘢咁多人幫襯？

珍珠帶子牛油果蘆筍沙律, 正 平時叫PIZZA都係好多肉, 好濃味, 今次我地試新野: 素食主意10寸薄餅. 餅底薄身香脆, 有青紅波椒, 菠蘿, 紅洋蔥, 日本大蒜, 秀珍菇, 車厘茄, 冬菇, 杏飽菇等, 係足料又清新的選擇. 好鍾意食珍珠帶子牛油果蘆筍沙律 ($88), 有不同款式的蔬菜, 食材好新鮮, 特別係蘆筍苗細細條同細細粒的帶子一齊食, 口感好夾, 係ENCORE之選. 平時食開薯條, 今次的蕃薯條 ($60) 又出奇地好食, 比薯條多了點甜味, 又夾到蕃茄醬, 值得推介. 一口氣試晒3款甜品: 檸檬芝士蛋糕, 半熟芝士蛋糕同埋Tiramisu 蛋糕. 感覺上甜品唔係這間餐廳的買點, 哈哈!

是日午餐 👍🏿燉牛舌蓋飯（定食）$88 配前菜+飲品$28 配甜品$32 👍🏿培茶牛乳 👍🏿綠茶戚風蛋糕 大埔復古風洋食屋，環境好似去咗日本，份量夠飽，食物質數不錯。

澳南海岸有間標榜少鹽少糖供應多款菜式的西餐廳, 一向重視健康的我, 當然要去試下. 據聞烤雞好正, 所以叫左個二人OMG 烤雞套餐($328). 多國海鮮拼盤: 沙律菜同帶子好新鮮, 蟹籽墨魚仔 & 黑松露大蝦好爽口, 吞拿魚薄脆個醬好好味, 再加埋煙三文魚, 頭盤已經好正! 粟米餐湯比較鹹, 蒜蓉包夠味夠脆又無膿,讚! 烤雞雞皮烤得剛剛好, 有薄脆口感, 鍾意佢唔會好重調味料, 可以食到雞肉的原味, 加埋法式蜜糖汁, 甜甜地又唔會膩. 可惜千島海鮮薄餅略嫌唔夠熱, 可能係因為出餐好有效率, 我地都食唔切, 所以PIZZA 攤凍左少少先食, 如果唔係熱辣辣入口應該會更正. 加$12就可以有特色飲品, 好抵, 我叫左青瓜薄荷檸檬梳打, 第一次這個配搭, 口感好清新, 菠蘿荔枝四季春茶都好有特色, 可以清肥膩. 成個餐我地都好滿意, 抵食又好味. 另外貪得意試左個愛爾蘭咖啡雞翼, 好好奇咖啡點樣可以同雞翼夾, 試左, 咖啡味唔係好出, 我都係鍾意食可樂雞翼多D.

茶餐廳必食乾炒牛河係茶餐廳常見嘅菜式，呢個餸易學難煮，第一樣要有鑊氣、又要夠味、又要唔黐底又要乾身不過油。 呢碟牛河，係就夠鑊氣，唔黐底，但就太油同鹹咗少少🤏。

米芝連推介 蘿蔔清湯腩伊麵 招牌藥材湯底 𣏌子、紅棗、龍眼肉、淮山、黃芪、當歸、牛骨熬制而成，湯底清甜，味道散發當歸同牛骨味，蘿蔔爽甜，牛腩肥瘦適中，配伊麵（加$8），味道一流。

因臨關門前45min 到，廚房close左，只能選麵包🥯同蛋糕🍰。 百香果青檸芝士蛋糕 百香果青檸配搭好好 軟心效果一流 入口順滑芝士味濃👍🏿👍🏿 Super Green 香蕉 🍌有機螺旋藻 蘋果 橙汁 有時啲嘢真係唔可以以貌取勝，香蕉味濃，味道不錯

是日下午茶 公司三文冶 鮮奶燉蛋 凍朱古力 公司三文冶，餡料豐富，分量唔多唔少啱啱好，好好味。 鮮奶燉蛋，雖然要等30分鐘，燉蛋入口口感非常滑，入口味道方面蛋香味濃，完全唔甜。

鍾意去觀塘食野, 因為款式多, 可以試唔同野. 今日同同事去左間好有特色的店舖食日本野. 小食叫左日本魚皮蝦餃 ($38) : 個皮炸到脆卜卜, 魚皮蝦餃夠肉汁,好好味. 另外叫左個茶碗蒸 ($32): 個蒸蛋好滑, 有少少瘦肉同冬菇粒，好入味, 好LIKE 跟住唔少得丼瀛signature 十二風味 ($398): 全部食材都好新鮮, 共有12杯, 好精緻, 睇得出廚師好有心機炮製. 赤牡丹蝦大大隻, 肉質通透鮮、磯煮鮑魚食落好有驚喜, 彈牙得來又唔韌、象拔蚌同帶子都爽口鮮甜. 極推! 至於壽司有海膽，芥辣八爪魚，三文魚腩，蟹膏蟹肉，油甘魚，蔥花吞拿魚腩蓉，魷魚同埋池魚. 其中最推介蟹膏蟹肉壽司, 蟹膏好香口唔腥, 三文魚腩都好好味. 已加入最愛LIST, 下次再帶朋友再食過, YEAH!!!

CC Can Lunch hour 超多人，我就坐左出戶外，對住湖境食飯。 是日午餐 燒煵配紅腸、咸蛋🥚燒味飯、凍檸水，燒煵皮夠脆，食落去索索聲，五塊紅腸都有一定厚度，味道😋😋，一洗中大只有伏飯頹飯。