前排見到網上話因續約問題結業 又有一間老牌小食店結業  所以都即刻夾夾時間去食多次 因為真係都冇機會 都睇得出有好多人應該係因為結業而特登黎食 不過條隊都排左十零個人, 所以15到20分鐘都有得食 最鍾意落多多甜醬同豆瓣醬係臭豆腐 豆腐外層略為脆口, 不過而家臭豆腐都冇甘臭了 而且入面係超熱  豆腐都唔會好散 仲有酥炸大腸 咬落去個陣油脂味, 再加埋甜醬同芥辣醬 不過酥炸大腸應該再乾身小小會再好食的 希望第時都會再可以食到的甘地道又好味的小食 食完都已經飽左1/3  好喜歡香港呢的街頭小食

食開拉麵既話, 應該都會知邊間係泓一 有時有限定出, 蠔拉麵, 同鴨湯.... (但一次都食唔到)  我都终於夾岩時間去排隊等位食 嗯, 都等左一個幾鐘, 前面都有十幾個人 第一次去食, 冇得比較, 但已經決定左食背脂醬油拉麵  話說當日, 都講得係late lunch, 應該都會有的肚餓 如果呢一碗拉麵係我肚餓既時候都唔係覺得好食既話.....  拉麵黎到, 我只能夠用清清地同淡淡地黎形容  拉麵同湯完全係分開....  食唔到有的咩特式....  如果我要用一個幾鐘黎排隊食, 好唔值....  滿心歡喜, 諗住呢間係頭三拉麵, 失望而回 其實係咪要食雞白湯? 但個塊雞同蛋.....  (只怕失望而回)  個人拉麵ranking  座銀/ 麵處一家 (佢真係好穩定) 同唔肚餓食完都有好大既滿足感 / 熊拉麵  當然... 你可以話口味唔同, 湯底都唔同 ....

期待左好耐的一餐 不過我係到左個日先知食咩 估唔到食法日菜, 以前未試過呢 經石板街轉上少少, 餐廳係香港中環石板街酒店入面 成日都行過, 但就唔知原來係酒店既一角都有間甘出色的餐廳 餐廳個名TA VIE , "旅"  入到去坐位餐廳氣氛覺得好好 可以好relax 好放鬆甘傾下計 侍應係超有禮貌的日本人姨姨, 同態度好親切, 食物的速度我都覺得控制得好好 Menu前一兩日佢已經whatsapp 確認左 至於飲品, 我地考慮左一陣都冇叫wine pairing 因為我都飲唔到甘多 所以都係drink menu 到各自各叫左自己揀既酒, 兩白一紅 White wines Vouvray'19  (味比較重) Chassagne Montrachet Clos de la Chapelle'18  (呢杯好飲的)  (呢杯入口係比較輕的)  (如果要比較, 價錢係真係會反映邊杯好飲的)  Red Wines  Chateau Cantenac-Brown '16 (因為我麻麻地紅酒... 所以冇叫)  好快就上 小麵包  仲有自家制硬牛油同軟牛油  第一道係Lobster and Japanese turnip warm salad,  turnip leaf oil, stilton sauce, fresh apple 係一道小清新的菜, 有我鍾意既日本小蘿蔔 ,好開胃呢 第二次上 小麵包  第二道係Japanese pumpkin soup with hazelnut milk foam shaved with white truffle 呢個係一個好creamy 的湯, 平時我唔太鍾意黑松露的味, 覺得會好strong, 搶左其他食物原有既味道 不過今次佢用左白松露, 所以整體感覺良好。值得一提係上菜時的presentation，有的suprise， 係一粒好大既木定堅果殼放住一舊細既包仔同白松露。 第三道係Uni Pasta 意粉係好咬口， 不過我覺得個海藻醬+海膽同個意分唔係好夾?    好食既程度只係一般,但唔係唔好食。（應該係話食唔到的好出既味道）　 第四道係Carmelized terrine de foie gras, with chestnuts 食完呢道已經飽左八成。 第五道係salmon roe with cauliflower and barley risotto  都係同Uni Pasta 一樣，清清地淡淡地，冇咩好signature 的記憶 第六道係Charcoal grilled Wagyu beef ribeye smoked with Hoba leaf 呢個肉佢present 比我地睇既時候係， 塊和牛會好似係個鳥巢入面甘， 跟住會有陣煙燻既香氣， 都幾impress 既一道菜 食完後好nice的日本姨姨就沖左杯水果花茶，飲左2杯， 個人冇甘泄 之後就係食甜品丫 係，甜品係用另一個胃。 有一個用梨造同用柿造的甜品 最後仲有個燉蛋(都好香滑好好食)  總括黎講都好食同滿意

間舖係大角咀既時候已經一直想去 不過夾唔到時間 最近再想去時, 已經轉左係中環 食既時間係8點拎左右  "朝早"  回想返就好似去左日本或者台灣一朝早去食既海產市場甘 當日太早但係都有一個人已經係到食緊 雖然店舖唔大, 裝修都比較臨時, 唔可以話坐得好舒服甘食 但係個丼係好食既, 因為吞拿魚係無經過急凍，冰鮮狀態下由豐洲直送香港 平時好少係街到食丼, 因為覺得唔新鮮我就食唔到架啦 呢到個丼, 我唔架豉油同wasabi都食到 所以真係好掂, 講開, 又好想去食了 今次食完先瞭解到吞拿魚邊個位置同邊個位置  最特別既名係中落, 原來係吞拿魚的魚骨，雖是魚骨，但其實仍黏著不少魚肉的部份 呢碗係赤身, 中TORO, 大TORO, 魚茸 色澤天然有光澤,暗紅色, 睇落都好新鮮 但略覺得飯濕左的, 唔知係咪太早既關係 先前有朋友推仲中落, 但我又唔係要非食吞拿魚既人 所以叫左帶子(鮮甜) , 甜蝦, 魚子 同海膽, 樣樣都超新鮮,口感柔軟滑 有機會再夾到時間會再去食~ 

臨時約食飯 行開家樂, B個層有新開既食肆 有的趕時間,又見唔使點排隊決定入去試下 食lunch 既話佢性價比係高過食牛角 餐牌其實都多野揀同唔算貴 可以揀份量, 最平既一個餐HKD48(唔計野飲)  最貴既餐都係HKD200蚊左右  我比個"壽喜燒牛五花"吸引住,好快已經決定左 燒個陣時都知多油, 都燒到好大火下, 但係油脂好香好好食 我另外加左隻蛋, 真係差紙菜就變左牛角飯 呢set 先係HKD 82 其實好抵食 容許我提一提個飯, 珍珠米, 好好食 飯量有3個選擇, 我簡左中間既份量, 如果下次有機會食 我會揀大飯份量, 因為加溫泉蛋同加燒肉汁真係好好食 另外一個set 叫左個"宮崎和牛"  有唔同牛既部位 牛前胸肉, 橫隔膜肉, 同牛舌另外加左生菜 同另外再加左牛舌 牛前胸肉 屬於筋肉較粗，油脂少的一個部份, 口感結實而有咬口, 包住生菜再加泡菜, 真係好好食 不過其實我食自己個set 都飽 另外叫餐係用QRcode 用電話落, 即刻比埋錢 等埋野食黎都係10分鐘內,  唔怪得知甘快可以等到位

應該有排都未去到日本 閒時點都要搵下日本野食 今次食呢間香港都開左幾間分店 但地點都唔係我成日去個的 今次開左係美麉華都算幾方便 打開餐牌都幾多野揀 都思考左一陣 由於好早唔太餓都叫唔到2個set 叫左>> 極上吞拿魚盛合 佢呢到個壽司飯煮得唔錯, 大小適中, 最緊要唔會一夾就散 食到吞拿魚唔同既部位, 不過都係最鐘意食油脂最肥美既大拖羅 灸燒手握壽司盛合(近排愛上左食火灸)  灸燒其中一件都係左口魚經炙燒後滲出甘甜魚油， 食落濃郁甘香，入口即溶 同行有小朋友所以叫左兒童餐 (兒童餐因為有年齡限制, 所以要叫侍應直接落單) 另外叫左蒸蛋, 不過不失, 至少唔會冇味  仲有海膽白魚同一件貝類壽司

呢間又係由細細個都已經聽過個名 不過都係限於覺得多人又要排 所以一直都未有時間試 本身今次黎黃埔係想食拉面, 但真係太多人排 又幾趕時間, 所以即刻搵附近有的咩可以食 就佢啦!  德美, 由於呢間都有2個舖位, 都算幾大 我個日係冇等就已經入座了~  坐低都好快知道自己想食咩 要食壽司set 同有蒸蛋既~  有埋烏冬就完美 呢到既壽司唔可以講好特別 但係就幾新鮮 同快手 坐低左一陣叫完 都好快上前菜同壽司 烏冬都不過不失 似家庭式 屋企成日煮到既烏冬 熱既野係夠熱 再加埋個價錢  其實冇咩位可以挑剔

星期六想去的即刻有冇又冇咩人既地方 唯有係工商廈區 甘岩個時撞正openrice 網上book 位主餐牌有75折 冇理由唔去喇  今次去呢間係係官塘牛頭角的商廈區的小商場入面 所以呢間餐廳地方都幾大 坐既位都幾闊落 打開menu...... 好多野食揀....好在我地都有4個人 如果唔係都叫唔到甘多樣試 Pizza Margherita $ 140  都係濃濃好多芝士  好足料, 同pizza 包底都脆脆有咬口的 Frites $60 都叫厚切 Salmon Tartare $160 平時牛他他食得多, 今次試salmon 他他,  加埋少少檸檬汁 成件事好fresh 同好開胃 味道又唔會太濃, 連埋蝦餅食個口感幾好 Charcuterie $225 (真係好大份, 黎到都嘩左一餐, 仲好食, 唔係單一個款, 係拼盤, 不過呢個好似再多2個人食會好的)  The Good Wife Sausage $250  (呢個都OK, 的薯蓉好滑同好好食, 個汁都好match)  Broccoli & Cauliflower$70  普普通通 , 不過不失 野飲Hoegaarden 500ml $90 另外2杯係 $55

幾年前食過九龍塘個間 個時都係要排隊 雖然好食, 但仲記得個時既menu 既選擇少之又少 今次黎到海港城都係要排隊 排足一個小時 但menu 食既野就完全唔同!  仲有驚喜同好好食tim!  三點去到四點左右先有得食,  見佢個到原本有蜜瓜pancake 但到我地想叫個時已經冇哂 不過呢到食物選擇多, 遲下都可以再返去既 同行有小朋友, 所以諗都冇諗就叫左個兒童餐 好少地方既小朋友餐係好食 呢到好OK! 有薯條有小pancake有個濃湯, 香腸同肉丸, 呢的都可以講係小朋友至愛 跟餐仲有杯好似係新鮮既蘋果汁, 唔係果汁先生 另外叫左個蝦堡, 料都多, 味道都幾唔錯, 個sauce 都好食, 好岩口味 仲有當然唔少得一份strawberry梳乎厘班戟 大人同小朋友都好喜歡呢~  仲有叫左野飲, 因為賣相都好吸引 叫左GINGER ALE < 但唔係香港牌子黎 Mango 沙冰同朱古力沙冰, 但明顯小朋友係飲唔哂的 朱古力個個仲好吸睛喔!  侍應都幾好快手同有禮貌 都冇咩可以挑剔既一餐 呢到係值得黎排隊食既~ ! 

食完午餐 仲未盡慶 想飲多杯coffee  甘就揀左間唔係好起眼的小cafe 食埋個甜品 甘就完美喇 咖啡店每個角落都幾有特式 仲有幾棵大大的植物 打卡幾有氣氛 同朋友揀左坐出面位置, 可以文青一下影下相 平時少飲咖啡既我同朋友都叫左杯dirty 呢杯dirty唔太濃都幾岩我 另外叫左個Lemon Tart  味道唔錯, 小清新 但係個椰子雪糕先係重點 再加埋少少蘋果片 淡淡既甜味 好襯, 所以都好快食哂 原來呢間唔止得一間分店 下次可以再去!