樁·席前鉄板燒(一人前) $780
前菜
季節沙律
刺身三款
南非鮑魚
白鱈魚
大蝦
A5和牛薄燒
炒飯·漬物
湯
甜品
.

睇靚景歎高質鐵板燒嘅一晚，好似食omakase咁，會逐款咁上，食完一款到下一款，每一款食材都係新鮮同即場燒嘅，成晚都食得好滿足🥰


前菜係放喺一個好精緻嘅木盤上，有三個兜放d前菜，分別係青瓜、水雲同蕃茄，仲要跟據味道濃淡去食🤪


刺身三款想特別推薦，切得好厚，口感勁豐富，同埋食得出好新鮮🥰

終於到重頭戲鐵板燒🥳廚師會喺你面前即席幫你燒，仲會間唔中同你吹下水🤣🤣望住d新鮮海鮮喺你面前原隻咁燒都幾興奮🤪


南非鮑魚上枱嘅時候仲會新鮮到郁郁下有d驚，但真係好好食🥲特別大隻同彈牙，就咁用鹽已經好夠吊味！


大蝦真係好大隻，佢仲撈埋d蝦頭汁一齊煎，滿口都係濃濃嘅蝦味☺️



白鱈魚係我最愛❤️用牛油煎到啱啱好金黃色，皮脆肉滑☀️


A5和牛薄燒會夾住葱同蒜食，佢仲會問你有冇邊樣唔食，非常貼心🥰和牛嘅油脂平均分布，一食入口會feel到佢融喺個口，蔥同蒜都可以吊到佢嘅牛味🥳嗰塊麵包會吸晒和牛啲油，佢話好邪惡冇乜人食，但我都係食咗🤣好濃嘅牛味同埋燒到脆脆地，都好好食！



個蝦頭燒咗好耐，以為唔係for我哋食但原來係配埋個和牛食，係超·級·好·食🤯入面嘅蝦膏加埋出面嘅蝦頭汁，真係令人好想食埋d殼🥲



最後佢會幫你炒埋個飯，我就覺得正正常常一個飯，但如果食之前嘅嘢唔夠飽，幫可以幫你頂一頂肚🤣


食埋佢個甜品蘋果蛋卷，蘋果味好重好清香，食完令成個晚餐好圓滿☺️呢間餐廳價錢嚟講係偏貴，但如果for一d紀念日慶祝嘅話就非常得體，景靚服務好，嘢食又好食新鮮，推薦比大家喔🥰

#懲罰黃店💛 烏蠅館轉咗新地址呀大家小心去錯🧐新舖大咗好多呀有得上一層樓上位添，光猛咗同埋多咗好多位，d枱大咗好多唔使好似之前咁冇位擺d餸🤣望到黃店逆市擴張真心開心🥰 今次同frd嚟食烤魚，揀咗麻辣小辣湯底，唔算好辣但好多油🥲魚肉夠滑，比較多骨要小心食，佢仲配咗三個免費素菜😆 講下配料！平時好少打邊爐會嗌枝竹，但原來索晒d汁食好好食🤤呢度嘅枝竹好長一條，仲要大大碟食極都仲有好開心🥰黑豚肉就正常發揮啦，打邊爐都係要d肉咬下😆鴨血講到自己無得輸，但真係冇乜特別，個味唔會好濃，索汁力亦麻麻，少少失望🥲四川寬粉必嗌！掛汁力強，每啖都食到湯味，又夠煙韌🥳

#懲罰黃店💛 大大碟五花肉餐盤好吸引，仲要價錢唔算好貴，夠你飽到食唔落🤪個五花肉醃得好入味，都有少少辣嘅但唔會辣到食唔到🤯配菜都係正常水準，勝在夠多同好多款😆 原味紫菜包飯係朋友叫嘅，我都食咗幾粒🤪呢個反而幾好食，個紫菜會有少少鹽吊味，d料都好多就嚟爆出嚟咁，同埋好大條，我個frd都食唔晒要我幫手🤣🤣總括而言係冇乜大驚喜但勝在夠大份抵食！

朋友介紹嘅一個可以無限任食印度烤餅嘅地方🤪店舖唔算好大，但坐得都舒服，d配色都好有平時印度餐廳嘅感覺🤣 一坐低即刻會有一碟扁豆脆餅，脆口得嚟有少少辣，配埋個綠色嘅醬食好好食🤪 咖哩雞係dinner set，有得配無限任食烤餅🥳咖哩冇乜辣味，感覺有牛油味，比較creamy嘅質感，雞都夠淋嘅同埋都幾多粒😆烤餅其實一塊本身已經勁大，我同個frd嗌多咗一round已經超級飽😳 芝士菠菜係我第一次食，原來係好好食😳😳我個frd話同佢之前食嘅芝士菠菜有d唔同，比較偏鹹，我就比較唔到啦🤪以為菠菜夾芝士會好怪原來係好好食！個醬係比較鹹同濃味嘅，芝士應該係Mozarella，唔算濃味又夠煙韌，所以配埋菠菜醬食會好match🥳

#懲罰黃店💛 想食好耐嘅韓國嘢，終於搵到人一齊去食🤤超級多人排隊呀想食嘅話真係一定要book枱！呢度嘅環境裝飾得好靚，一入去就會見到滿滿嘅匙扣牆，好似去咗韓國嘅感覺🥰價錢唔算超級平但係值呢個價錢嘅，全部嘢都整得有心同好食☺️ 我同我個frd一嚟就話好想食炸雞，一定要食呢度嘅炸雞🤣雙拼有得試兩隻味就唔使十五十六唔知揀邊款味🤪Outdark嘅炸雞有配埋勁多薯條、薯格同扭扭薯條，我哋飽到要打包d雞走🤣佢嘅炸雞炸得啱啱好，醬亦唔會搞到精華嘅雞皮淋咗，食到醬嘅濃味亦食到炸雞嘅香脆，好幸福🥰甜辣有少少微辣，唔會死辣冇甜味，香蒜蜜糖個texture比較黏d，甜甜哋亦食到蒜味，高質！😆 炸蝦飯卷入面粒炸蝦都仲係脆嘅，配埋清爽嘅醃蘿蔔同青瓜可以去膩，個蛋亦增加咗口感🤤 DIY飯團好似係我第一次食，真心覺得超好食🤯唔知係我未試過其他定呢度真係咁好食，首先有得自己將兜飯碌成波波已經好興奮，食落口係有麻油同紫菜嘅鹹香，配埋飯素同蟹籽，簡簡單單已經勁好食🤤必試！ 食炸雞梗係要配酒啦，見呢度有唔同味嘅米酒就嗌嚟試試🥸一嚟到我同個frd都驚訝咗，佢個兜好似巫婆攪毒藥嗰d大煲🤣飲就係用碗嚟飲，感覺幾有風味🤣賣相特別之餘，味道都係唔錯嘅，偏甜比較易入口，仲有微微嘅蜂蜜味，滿足！😛呢餐都真係食得好開心好滿足，誠意推介大家試試呢間高質黃店！

#懲罰黃店💛 咁好食嘅黃店但得好少人食，大家要快d去懲罰下佢🥺本身諗住食Peek-A-Poke但冇開，見到希雲街另一間黃店冇乜人食就去咗食，真心好彩有呢個機會去咗食！估唔到咁大份咁好食，唔算好貴又食得好飽，餐廳裝飾亦好靚，擺盤都好靚🥰 嚟到呢度當然食吐司啦，以為會好細份但d料爆到出晒嚟，擘大個口都好難一啖咬晒🤯佢嘅包有烘過同埋好似落咗蒜同牛油唔會無味乾爭爭，泡菜醬都算幾辣，豚五花好惹味，加埋芝士同煮得啱啱好嘅滑蛋，重口味得嚟有豐富嘅口感，值得推介🥳 跟餐嘅薯條會細兜啲嘅，好似加咗少少紫菜粉，就咁食都已經好味，加埋加配嘅黑松露醬令佢嘅味道昇華🤤香辣雞粒個外皮炸得好脆但唔會太厚粉，食得出雞皮嘅口感，忌廉芝士醬係比較酸唔係好濃芝士味，但配埋雞粒又好夾，有清新嘅味道好醒胃😳

小編私心系列 - 手工意粉❤️我要食盡香港唔同地方嘅手工意粉🥳呢間都開咗一段時間，喺D2 Place一個比較隱蔽d嘅位，唔算好多人，坐得舒服，嘢食都唔算好貴🤪 嚟到呢度當然要試吓個手工意粉啦，整得係夠煙韌嘅，但唔算好掛汁，可能醬汁比較少掛🧐醬汁味係番茄味，要讚下個龍蝦係夠新鮮彈牙，肉質唔會韌，食得出濃嘅龍蝦鮮味，好食🥳 松露薯條係厚切薯條，正常水準，松露醬係好食嘅，薯條點松露醬真係無得輸！ 另外叫咗個牛油果帶子塔，賣相係擺得好靚嘅，食落酸酸鹹鹹，好適合做開胃菜😆

好少去K11 Musea嘅餐廳食嘢，都要記錄一下🥰呢度坐得好舒服，窗邊位望住海傍景色一流(最尾張圖)，想同朋友過番個悠閑中午就要嚟試吓啦🥸 Starter揀咗Scotch Egg，其實想食好耐今次係我第一次食🤪Black Pudding都幾酸，但夾埋Scotch Egg一齊食就會提升咗個味，感覺幾特別，蛋黃整到啱啱流心，一切就會有蛋汁流出嚟，加埋外層炸得啱啱好嘅皮同酸酸嘅Black Pudding令佢好酸胃😆 Main揀咗意粉，真心覺得好好食🤤每一條意粉都好掛汁，個汁亦有勁多蟹肉，食極都仲有😮醬汁鹹香味重，會有少少辣同埋好重芝士味，雖然好濟但會好想食埋佢🤤想講下個番茄，我平時好憎食番茄但我竟然可以食得晒呢個意粉嘅番茄，佢煮得啱啱好唔會太生太硬或者少少淋但皮都仲好生，係淋得嚟又可以食到濃郁嘅番茄味，令我對番茄改觀🤣🤣 最後就係甜品，以為Croissant Pudding會有酥皮嘅感覺但原來係似麵包布甸嘅質感，中間仲會夾咗似心太軟口感嘅朱古力醬，加埋Cream食令個層次多咗口感豐富咗❤️ Musea Blend Tea個茶壺好靚同埋佢會有舊嘢比你隔茶渣超貼心，茶就入口順滑嘅，鍾意歎茶嘅人可以一試🥰

#懲罰黃店💛 大角咀其實好多好西但真係少去，今次難得去食下黃韓國嘢，已經bookmark咗好耐想去打卡㗎啦🤪 軟殼蟹意粉個醬望落冇乜特別，但食落幾好味🤤濃味得嚟唔會稀，啱啱好掛汁喺意粉上面😏軟殼蟹都算細隻，但中間都會有汁同少少膏咁，中中等等啦😤 我同我朋友成日周圍去食唔同地方食韓式炸雞，有機會開番個炸雞比較post🤣呢度嘅炸雞比d醬搞到淋晒，食唔到任何脆皮，覺得落得太重手，就咁當有醬嘅雞都ok嘅😗雞肉都算滑，醬亦有濃濃嘅蜂蜜同蒜香味，仲好似有少少honey mustard味，總括而言: 普普通通啦🤣有機會會想再去試吓佢其他飯/意粉同其他味嘅炸雞嘅🥰

唔知點解一路都冇留意到呢間喺希慎嘅世外桃源，好有一種鬧市中一處休息嘅地方，佢樓底好高，有墨西哥風格嘅壁畫，仲開通咗一邊係露天位，即使係星期二去都好有tgif嘅感覺🤣 呢度嘅嘢食唔算貴，亦都份量好足食到好飽，同埋種類非常多，下次去會想試埋main course/pasta/pizza🤤同埋香港都比較少墨西哥餐廳，就算有都可能食物選擇比較少，所以小編真係好開心搵到呢間咁舒服嘅餐廳🥰 1800-1930係Crazy Hour，有幾款酒都只係$48，如果你早少少三點嚟，仲可以$18一杯酒，真係可以飲到你醉😂 Onion Rings擺得好靚，好似整kebab嗰啲鐵棒咁串住啲洋蔥圈，食落唔算好有驚喜，但係整得大大舊好滿足，加埋佢個BBQ醬就更夠惹味😆 Hot Wings係有少少辣嘅雞翼，個皮整得好脆好夠味，入面嘅肉都夠滑，點埋佢個醬將隻雞翼昇華，食下食下已經食晒成兜🥸 Nachos真係好味，感覺唔似喺街買嗰啲，係會有一種堅韌嘅感覺唔係咬完就冇咗，加埋必點嘅sour cream+guacamole同埋滿滿嘅芝士，邪惡得嚟又會忍唔住食晒佢😈 Taco Tuesday係一個美國嘅飲食文化，即係有得賣taco嘅餐廳都會喺星期二賣平啲，而呢間餐廳就係每個taco只係賣$11.99，好想食多幾舊但食其他小食已經食到好飽🤣下次嚟一定會留肚食多啲唔同種類嘅嘢🥳