第一次嚟中環Shake Shack 今日天氣超級凍 雖然係午餐時間，但係都冇乜人排隊我哋一去到就可以喺自助點餐機度點餐。 我哋見到milk shake限定版嘅楊枝甘露😀 不過我哋都係嗌咗： Classic焦糖milk shake😋$45 好香濃，好滑，個人認為比另一間買漢堡包嘅更滑更濃。不過就只可以揀一種味。 cheese fires $37 薯條好熱，好新鮮，芝士比例都算多。另外茄汁同埋芥末可以自己唧。 shake burger $58 漢堡好Juicy好好味，並非一般快餐店可以比水準係高嘅。 Dark Meat Hot Chicken $59 呢個係一個雞腿肉，加咗辣粉係啲雞腿肉上面，咬落去好Juicy好熱辣辣，呢個包係包含酸瓜，好惹味，會返轉頭食。 總括而言，佢嘅漢堡都係好食，性價比係高，如果係中環嚟計更加係底或者叫做比較親民。

嗰日喺尖沙咀同屋企人行街 我哋人好多，所以諗住普通嘅餐廳都OK 我哋一行七人等枱，員工好好幫我哋合併埋啲枱。我哋嗌咗以下幾款嘢： 生牛肉湯河x2 湯河嚟到生牛肉仍然係粉紅色，啲湯夠熱就可以整熟少少啲牛，不過我媽咪同埋我老公都認為啲牛肉非常之韌，全部都係渣亦都冇肉味，所以佢哋都吐咗出嚟佢哋係有啲失望嘅。 豬肉卷湯河 我嗌咗豬肉卷湯河，其實我以為係豬肉片捲埋叫豬肉卷，點知嚟到係好似春卷嘅形狀咬開係好似肉腸咁嘅。係加工制過嘅豬肉。係有少少嘢味，但係又未叫得非常好食。 豬扒湯河x4 其餘四位屋企人都嗌咗豬扒湯河，豬扒係幾大塊嘅，雖然係薄少少，不過都係入味同惹味嘅。 豬頸肉x1 豬頸肉都幾大塊，味道正正常常唔會特別出色，亦冇特別想再因為個豬頸肉嚟食。 呢間餐廳我講嘅以上幾款食物，除咗個湯係夠熱之外，佢嘅餸都係冇乜熱力，即係唔夠熱你會覺得好似放咗一段時間令到你有啲冇乜食慾，加上今晚超級凍，所以係覺得有啲失望 越南春卷x2 另外嗌咗兩碟越南春卷，越南春卷係熱辣辣，脹卜卜嘅，好新鮮，好脆口好好食，再捲埋啲汁更加好味好滿足。 成餐飯只有越南春卷係熱辣辣😅 總括嚟講間餐廳普普通通啦，因為係尖沙咀食一個飯晚餐係偏貴嘅呢個比較貼地少少唔係旅客價錢。

午飯時間，因為同同事慶祝生日，所以有人提議到Pizza Express慶祝一番。其實我好耐都冇食過Pizza Express所以都有啲期待。 我哋12點15分到，可能係第一輪食飯嘅關係，所以我哋可以即刻入座。我哋坐咗有少少特色嘅卡座。 我哋想食兩款pizza所以嗌咗北京填鴨pizza另外再嗌咗

無心插柳的情況下我哋見到都幾多人排隊食呢間，所以我哋八卦走咗去睇見呢價錢又OK外賣條隊又多人，所以我哋就坐低進食。參考咗其他人食咩之後我就嗌咗以下幾樣嘢： 香滑豬腸粉 其實冇乜期望只係覺得應該都係腸粉啫，但係食落口真係好似好滑咁喎同平時嗰啲有啲唔同佢比較甜醬有啲少如果你想多甜醬嘅話要叫姐姐俾個樽你自己落 魚肉碗仔翅 都係本身冇乜期望，但係嚟到之後見到個魚肉翅入邊真係有雞絲仲要應該係成隻雞咁樣煲，所以見到會有雞皮同埋啲雞肉係幾大嚿仲滑添 手打燒賣 本身我好鍾意食呢啲街頭燒賣，食落口真係覺得有啲唔同佢係大粒彈牙香口有種新鮮嘅感覺唔係純係咬落去膠味加咗豉油同腩汁就更加惹味。可能係手打嘅關係所以有少少貴。

午餐時間路過觀塘，同朋友一齊食紅茶未去到門口，可能係午飯時間，條排隊人龍已經好長，大概30多人。不過其他餐廳就冇人龍😌大約10分鐘，我哋有位坐喇☺️係卡位。見到有d卡位枱，坐左7個人😅我哋都叫左特餐，因為佢嘅沙嗲牛肉好好食，不過因為我想飲埋啲湯所以就嗌咗通粉。 特餐沙爹牛肉通熱奶茶$56 一如預期係有好濃郁嘅沙嗲汁，呢種傳統冇紋嘅通心粉加埋啲汁好好食。個餐會送杯熱飲我嗌咗熱奶茶熱奶茶的溫度剛剛好，而且冇我最怕嘅臭奶味。好推薦。 另外呢個餐會跟個牛油丹麥多士都係喺一啲公眾平台裏面被人廣泛推薦嘅。 仲有火腿奄列其實都有隻碟咁大，加上全個餐都好美味，所以都算係性價比高。 其實呢間嘢嘅其他食物都好好食，不過今次係兩個女仔，所以下次再嚟食其他嘢再介紹啦。

我打算俾多次機會我最喜歡的飯堂，因為上次堂食係我食過最差嘅一次。 叉燒燒鵝鵝油撈麵 鵝油撈麵係分開碟嘅，叉燒燒鵝係擺成另一隻碟上枱，我油撈麵份量係幾多嘅，粗麵都上晒汁，配一碗小湯。味道算係好食。 燒鵝變返脹卜卜係有肉個皮又好食，叉燒燶邊肥瘦適中，終於食到肉而唔係只係肥膏。好惹味好滿足。 星洲炒米 星洲炒米都好食，不過好似冇之前咁足味之前係好濃㗎，而家淡味左。啲蝦仍然好大隻配料叉燒都係算多嘅，份量亦都好足好大碟對得住佢個價錢。 凍檸茶x2 佢嘅凍檸茶好大杯，不過都好多冰可以叫少冰好啲。佢嘅凍奶茶同咖啡我覺得好普通又有啲臭奶味，所以我會揀凍檸茶。 佢嘅價錢的確唔係平嘅，但係佢旁邊啲燒肉店仲貴，而且係唔好食勁中伏。

好耐冇食車仔麵，車仔麵之中我最愛就係永年。 之前食過元朗總店，今次試吓銅鑼灣分店。 雖然已經差唔多三點，都係全店滿座要等一陣位。呢位係比較窄好迫。 嗌咗個南乳豬手撈麵，撈麵會跟個湯仔。南乳豬手，非常入味，軟硬適中，充滿着膠原蛋白，食完真係好滿足。佢嘅撈麵係彈牙乾身又塑汁蝦子都係黐滿喺啲面度嘅。如果覺得啲面乾咗少少可以用佢跟住嘅湯濕少少就冇問題。食咗咁多間佢嘅撈麵係冇鹼水味，我覺得係最好食，而且係冇奇怪嘅味道非常欣賞極度推介。 另外嗌咗三餸車仔麵中辣有酸齋、魚蛋同埋豬腸，再加個凍檸茶。酸齋係充滿着甜酸汁好滑捋捋一啲都唔韌魚蛋就係陳皮魚蛋好味道而佢嘅豬腸相信係大家捧嘅都知道必定要嗌一啲臭味都冇，仲要非常入味，遠遠滑滑，但又保持到有咬口，又係極度推介。

午餐同朋友一齊食好少少 見到個餐牌好抵，主菜之外，仲要有自助沙律吧。 我哋幾個食12點，所以冇乜人好順利就有位啦，唔使等。一陣大概12:30其實全院滿座。 我哋叫咗主菜就出去自助bar攞食物,你行到出去會覺得好衛生乾淨整齊，算係擺得幾靚同埋幾多嘢揀而午餐嚟講算係好好。佢分開咗兩邊一邊係擺沙律菜，沙律通粉加少少甜品，另一個corner放咗麵包，薯條，咖喱角同埋湯。 醬燒西班牙肉眼配日式醬汁 賣相非常之靚，兩塊有手掌咁大嘅西班牙肉眼扒搭着，底下配着一大堆紫薯蓉。西班牙肉眼好嫩滑彈牙好香。份量係好大。 越式豬頸肉配法包伴脆薯條 個份量係好驚人，睇得出啲髮包好新鮮發包入油鴨肝醬配咗幾大片豬頸肉仲有旁邊嗰堆脆薯條我個朋友係男士都食唔晒。 蒜香蟹肉檸檬欖油意大利粉 意粉嘅配菜都算係多睇得出有蟹肉同埋好多蒜。蒜香係蒜片嚟嘅。仲有啲菇仔一齊炒。粉炒得乾身仍然彈牙。味道都係好。 見到呢間餐廳嘅食物枱枱出嚟嘅標準都係差不多，所以值得推介

之前已經聽聞過呢間珍珠奶茶店的珍珠奶茶係以絲滑出名，等我今日試吓先😌 叫咗佢個珍珠奶茶等咗大概15至20分鐘，終於都有啦。 都係珍珠奶茶一貫嘅大杯，一吸入口真係好絲滑，飲得出同一般用奶精溝嘅珍珠奶茶奶（我覺得係有奶味同茶味唔知我有冇飲錯呢？😝） 佢嘅珍珠都好粥，黑糖味道煙靭好食,仲有啲涼粉係杯珍珠奶茶入邊嘅。令到杯嘢係比一般珍珠奶茶多咗一份口感，感覺係幾得意，而且真係感覺好耐冇飲過比較好飲嘅珍珠奶茶，呢個令我之後好快就再返轉頭買多杯。

好細個已經好鍾意呢間餐廳，之前係經常食呢間餐廳嘅，因為呢個啲Pizza好好食。跟住我就因為呢間餐廳有松露餐而特別過嚟食，點知好失望因為我嚟到嘅時候松露餐已經冇咗啦。 另一個失望點係間餐廳好似變咗快餐店嘅感覺啲侍應係會好熱誠咁樣熱切咁叫你落單然後好快都會收走你食完嘅嘢然後就抹枱埋單。 講返啲嘢食，我哋嗌咗啲傳統嘅pizza，pizza應該係即刻整嘅關係，所以係等咗大概15分鐘，Pizza係正正常常你話係咪好經驗就唔係嘅不過都係好味。 首先嚟嘅係羽衣甘藍沙律菜，沙律菜上枱嘅時候我係話咗一聲，因為係好大碟。除咗大碟之外賣相都算唔錯，羽衣甘藍食落去係好Fresh好新鮮。 我哋仲嗌咗杯Milk shake不過真係普普通通, 上都冇影到，因為真係有少少意興闌珊好似去咗間快餐店咁同之前好大分別。 食物味道算係唔錯，不過真係環境有點不對勁。