Sometimes really don’t know what to take for lunch but I think this is a good option. Lunch set menu include daily soup and drink. 15% off if you take away. We ordered grilled USA collar butt with green apple purée and garlic lemon with squid ink paste. The grilled collar is tender and well marinated. Squid ink pasta has a rich, briny flavor with the faint hint of sea saltiness. Also pumpkin soup is rich and with lots of ingredients.

同男朋友嚟upper house staycation. Package包咗早餐. 我之前睇到社交平台 group group comment都話upper House嘅食物質素一般，本身抱住一個唔期望好食嘅心態，但一食就發現其實質素都非常好。

我叫咗英式早餐，佢嘅炒蛋非常之嫩滑，而且份量好多，烘過既多士配上牛油、士多啤梨果醬、香橙果醬。
最後仲有希臘乳酪配Granola


而亦都有中式、日式或者純素嘅早餐
男朋友就揀左日式早餐

This is my first time to visit. Out of my expectation. Price is reasonable and worth. All the food are nice and fantastic and the service was excellent. Environment is awesome. I would highly recommend to friends and celebrate 🥳. I will come again!

知道呢間米線好出名，好鍾意食米線嘅我 就約埋幾個同事一齊慕名而嚟食
雖然喺荃灣附近返工，但係要食老闆娘米線一啲都唔易，因為只係開晚市時段（17:00-21:00），
而且食之前（朝早或者前一晚）一定要睇佢社交平台先知道開唔開。

今日知道佢開就決定放工即刻嚟，大約排咗10分鐘就已經入到去啦。
平時麻辣酸辣米線食得多，見到佢有一個蒙古湯底覺得好特別，而同事食過覺得唔錯，就嗌咗呢個湯底啦。

蒙古湯底雖然重孜然粉胡椒味，但冇搶到本身湯底嘅味道，而出面一般米線鋪食唔到呢個湯底，非常特別。



而配料都非常有誠意，炸雞球原來係雞髀肉，入邊肉汁鮮嫩，炸得香口唔乾。
炸豆腐卜亦都好好味。

不過店員態度有待改善。所以試一次都唔會特登再嚟啦。

朋友住附近介紹左呢間新開既日式餐廳 其實我係因為free flow而黎 好有去左日本當地居酒屋既feel，播住日本音樂，隔離仲有日本食客 除左環境同酒之外，員工服務都好好 食物方面亦都好有心思同heart 前菜：雞肝，枝豆春卷 主菜：明太子素麵 滿滿明太子配上流心蛋 可是醬汁太多容易感到膩 鴨胸蕎麥麵 湯底清，鴨胸配上柚子醬 清新不油膩 如果肉質可以淋少少會更加好 串燒： 蟹肉生蠔同玉子鰻魚極推介 總括嚟講有驚喜！ weekend兩個人下午食飯飲酒total $6xx 我會再encore! 因為真係好抵飲

雖然大埔日式壽司餐廳有好多 食過壽司郎嘅大拖吞拿魚就返唔到轉頭 因為價錢好平 質素都好好 每一件吞拿魚油脂分布平均 有入口即溶嘅感覺 除咗佢哋嘅大拖，亦都好鍾意食壽司郎嘅蝦三味，非常抵食 除咗等嘅時間比較耐，全部都好過「放棄年青人嗰間連鎖店」

有一日同男朋友一早黎到天后，勢要食盡呢到既美食！ 係OpenRice上睇到好多好評 而且好多人排隊，決定第一餐就揀「坐忘」，貪開鋪時間唔洗排隊之下食到想食既野 入到鋪後，第一下覺得好有去日本旅行既感覺呀！！ 雖然店舖唔多日本擺設，但主要用左木材做店舖設計，整個格調好舒服，容易令人回想日本旅行既情懷啊 睇睇menu先⋯本人好愛吃烏冬🍜 Order豬軟骨7小時煮白芝麻烏冬 湯底有濃濃豬骨味，一啲油膩感都冇 豬軟骨因為用左7小時黎慢煮， 肉質好淋，老人家冇牙都食到 而且每咬一啖肉都有滿滿既骨膠原黏住個咀😆 烏冬彈牙仲好好掛湯 後來食食下聽到原來有自選配搭 可以加多種唔同既菜 下次都要試下先🥺 真材真料大份又好味既烏冬，誠意推介

六人行既聚會，友人建議黎The salted pig共進晚餐，因為逢Monday main course 買一送一！之前食過亦覺得質素幾好，適逢有promotion更加之抵食 主菜可以叫豬、魚、雞之外，亦可以叫pasta。 烤斧頭豬扒 招牌德國鹹豬手< 脆焗火腿芝士雞胸扒 煎海鱸魚魚柳海鮮燴 蒜辣橄欖油大蜆意粉 雞肉忌廉青醬貓耳朵粉 每碟嘅份量都算多，所以都幾適合一班人黎食 仲叫左6杯mocktail 食咁多野，每人都係二百幾蚊

喺銅鑼灣返工返左一段時間，有日同事帶我去食佢聲稱既「神級豬扒飯」，先知道有間咁好食嘅餐廳。不過可惜嘅係第一次食，亦都係最後一次，因為佢10月31號就結業啦 午餐時間排隊大約15分鐘先有位，同事嗌咗個咖喱豬扒飯，而我就order咗豬扒肉燥醬幼麵，佢嘅豬扒係即叫即炸，熱辣辣，而且佢炸到啱啱好熟，唔會流失咗啲肉汁，令到肉質非常嫩一啲都唔un，而個撈麵就不過不失，有啲似雲吞麵舖入面嘅肉醬撈麵，希望將來喺其他地區有機會再食到炊豕店

朋友係大埔墟街市食過佢既西多士讚口不絕😂食開街市其他有名氣既，今次黎試下係咪真係咁好食先 西多士多奶！真係超好食 因為有好豐富既蛋漿 炸出黎外脆內軟，會再黎食！ 豉椒牛肉炒河同肥牛炒河一樣好有鑊氣 連凍飲都唔洗$5x 下次要黎試埋夜晚既小菜😋😋