去過唔同貓主題嘅Cafe， 大部份都係圍繞着一啲名種貓只有好少數既唐貓 今次去到呢間貓Cafe， 大部份貓貓都係店主喺唔同地方， 因為緣份收容返嚟嘅浪浪貓， 呢一點好值得支持。 店主好主動介紹每一隻嘅浪浪，例如一啲有病、有經歷嘅浪浪。 食物方面，雖然簡單，但睇到店主有心機去整，味道不錯。 環境方面，貓味不算套重，不過覺得需要多加注意衛生～ 呢度冇任何限時，可以坐耐少少都得 唔同一般嘅貓Cafe限時一至兩個鐘 好適合愛貓人士逗留。

夜麻麻喺尖沙咀想食宵夜？一定會去厚福街搵嘢食！ 本來想食附近嘅嘉寶漢堡，可惜10點幾嘅時候已經閂咗門 又好想食一啲香口既美食，就嚟咗嫲嫲辣辣食宵夜啦。 其實之前都食過兩次，佢嘅干鍋可以揀唔同配料，每次我都會必叫肥腸、萵筍、田雞。 肥腸同脂肪比例係2:1，鍾意食少少肥嘅豬腸一定要叫。 田雞亦都好有香辣味 不過可惜萵筍已經售罄。 另外再叫左水煮牛肉，盤龍茄子，口水雞 除咗盤龍茄子比較咸同埋多油之外，係非常之好送飯。 另外兩個不過不失。 順帶一提，如果食得辣，可以叫大辣 因為中辣=小辣

六人行既聚會，友人建議黎The salted pig共進晚餐，因為逢Monday main course 買一送一！之前食過亦覺得質素幾好，適逢有promotion更加之抵食 主菜可以叫豬、魚、雞之外，亦可以叫pasta。 烤斧頭豬扒 招牌德國鹹豬手< 脆焗火腿芝士雞胸扒 煎海鱸魚魚柳海鮮燴 蒜辣橄欖油大蜆意粉 雞肉忌廉青醬貓耳朵粉 每碟嘅份量都算多，所以都幾適合一班人黎食 仲叫左6杯mocktail 食咁多野，每人都係二百幾蚊

黎到希雲街呀，食乜好野好呀？ 蕃茄仔呀蕃茄仔～ 每次lunch time時間都有條長長既人龍。 正所謂打工仔每分每秒都係時間，緊係唔會突登去排隊食啦！ 不過今日咁岩公司全世界放半日假，又見肚仔餓，又咁岩12點鐘蕃茄仔開鋪時間 即刻諗都唔諗入去做第二枱客 首先，枱與枱之間非常迫，如果食客肥少少都坐唔到 Order左雞扒蕃茄刀削麵，個湯好濃厚味道好夠，但唔係叫撈麵 都覺得個湯傑左少少，食到咁上下感覺好膩， 不過值得一讚嘅係個湯好夠熱，熱到辣嘴。

喺銅鑼灣返工返左一段時間，有日同事帶我去食佢聲稱既「神級豬扒飯」，先知道有間咁好食嘅餐廳。不過可惜嘅係第一次食，亦都係最後一次，因為佢10月31號就結業啦 午餐時間排隊大約15分鐘先有位，同事嗌咗個咖喱豬扒飯，而我就order咗豬扒肉燥醬幼麵，佢嘅豬扒係即叫即炸，熱辣辣，而且佢炸到啱啱好熟，唔會流失咗啲肉汁，令到肉質非常嫩一啲都唔un，而個撈麵就不過不失，有啲似雲吞麵舖入面嘅肉醬撈麵，希望將來喺其他地區有機會再食到炊豕店

知道呢間米線好出名，好鍾意食米線嘅我 就約埋幾個同事一齊慕名而嚟食
雖然喺荃灣附近返工，但係要食老闆娘米線一啲都唔易，因為只係開晚市時段（17:00-21:00），
而且食之前（朝早或者前一晚）一定要睇佢社交平台先知道開唔開。

今日知道佢開就決定放工即刻嚟，大約排咗10分鐘就已經入到去啦。
平時麻辣酸辣米線食得多，見到佢有一個蒙古湯底覺得好特別，而同事食過覺得唔錯，就嗌咗呢個湯底啦。

蒙古湯底雖然重孜然粉胡椒味，但冇搶到本身湯底嘅味道，而出面一般米線鋪食唔到呢個湯底，非常特別。



而配料都非常有誠意，炸雞球原來係雞髀肉，入邊肉汁鮮嫩，炸得香口唔乾。
炸豆腐卜亦都好好味。

不過店員態度有待改善。所以試一次都唔會特登再嚟啦。

嚟到銅鑼灣行到攰一攰唔知食乜好 雖然呢個地區好多食肆，花多眼亂 不過見到沙嗲王嘅招牌，好想尋回返佢以前嘅味道 以前食沙嗲王既時間仲係海盜風設計 而家餐廳嘅設計非常之平實親民 餐牌上面嘅款式亦都多咗好多新嘅唔同菜式 但我依然鍾情於沙嗲肥牛粉絲同白咖喱豬扒飯 我哋點咗炸蝦餅多士，特濃朱古力，避風塘軟殼蟹，沙嗲肥牛粉絲 各樣野整體都非常之好，並冇失水準（極力推介炸蝦餅多士 呢度嘅食物價錢亦都非常之親民， 好適合月光族或者上班族返工放工嚟食

九龍城實在太多泰國菜，亦都試過好多出名嘅舖頭。今日就揀咗呢一間唔算太出名嘅泰國菜，入到舖頭原來都幾多泰國人或者華僑喺度食。 星期六日都有lunch menu，我同朋友就揀咗船麵同泰式肉碎飯。 首先我想講泰式肉碎飯唔算太特別，不過辣度拍得住泰國當地。 另外想特別推介呢一碗船麵，豬皮相當脆口乾身，湯底非常濃郁，真係好似去咗泰國食嘅船麵咁呀！ 最後買咗一包豬皮返屋企慢慢嘆 見到有其他人食緊炸蠔餅好吸引，我哋都嗌咗一份，係超好食！建議三個人以上先叫，因為兩個人實在食唔晒

Sometimes really don’t know what to take for lunch but I think this is a good option. Lunch set menu include daily soup and drink. 15% off if you take away. We ordered grilled USA collar butt with green apple purée and garlic lemon with squid ink paste. The grilled collar is tender and well marinated. Squid ink pasta has a rich, briny flavor with the faint hint of sea saltiness. Also pumpkin soup is rich and with lots of ingredients.

This is my first time to visit. Out of my expectation. Price is reasonable and worth. All the food are nice and fantastic and the service was excellent. Environment is awesome. I would highly recommend to friends and celebrate 🥳. I will come again!