今日去荃灣廣場食日式燒肉放題,燒肉放題緊係要搵個食肉獸一齊去啦🤣 餐廳裝修時尚,坐位寛敞唔會好迫,感覺好舒適。 坐位上已放有一次性烤肉圍裙,細心👍 我哋揀左C餐,餐廳QR Code 落單,食物種類真係好多,另外出面會有醬料、沙律、甜品、飲品自取區,食物擺放整潔 和牛牛助肉同里脊肉,油脂分布適中,入口軟淋😋 除左燒肉,仲有牛肉刺身,真係啱晒鐘意食牛嘅朋友 本身諗住主攻牛🤣,其實豚肉、雞、海鮮都正, 餐廳有輸送帶送餐,重點係有屏幕,送到先按開關,夠衞生👍 甜品試左玉桂蘋果芝士餅、海鹽荔枝雪條 芝士餅推介,好好食😋 餐廳食物選擇真係多到不能盡錄🤣呢間燒肉店已列入我的燒肉清單😎

今日去葵涌廣場掃街,掃完一輪,已經好飽,發現左一間西式餅店,見到有拿破崙,就買返2件返屋企慢慢嘆🤓 拎到返屋企雪左一陣,拿破崙酥皮依然好鬆脆,吉士醬唔會好甜,夾埋芒果或士多啤梨一齊食,真係好正😋😋 呢間小店有驚喜,一定再回頭😎

夏天一到真係成日都會想食壽司、刺身呢類唔熱嘅野🤨之前已經有朋友介紹爆丼屋,今日終於一試😎 餐廳坐位寬敞 樓低好高 感覺好舒適 唔會有壓迫感 火焰盛丼 有三文魚、帶子、左口魚裙邊、蟹柳 刺身新鮮份量多,真係爆丼👍 全部刺身都灸燒過,三文魚同左口魚裙邊入口,魚油香十足,帶子鮮甜,蟹柳上有蛋黃醬之後再灸燒 爆盛慢燒牛肉丼 Mega 400g 一嚟到見到真係嘩一聲🤩 燒牛肉肉質軟淋 肉味濃,加埋生雞蛋同佢嘅醬汁,真係食多多都得 每個丼飯都跟麵豉湯同汽水或可加錢轉其他飲品 餐廳選擇真係好多,下次可以試吓其他丼飯🤗

今日去佐敦拎coupon ,諗住行過對面莊士倫敦廣場搵野食,見到呢間熊貓小雲吞,望下佢有咩食,見到佢有川式涼麵食就試吓,因為依家天氣真係好熱,食呢啲啱曬 麻辣手撕雞川式涼麵 手撕雞麻辣小辣 雞肉嫰滑 啖啖肉 涼麵個拌汁個味岩岩好唔會好濃 另外青瓜 海帶 好清新 仲有個辣菜脯 可以放D落麵到食 👍 一口韮菜豚肉雲吞 有10粒 湯底有辣有唔辣選擇,我哋揀左清湯 小雲吞韮菜味濃 正 炸韮菜豚肉雲吞 因為我真係好鐘意食韮菜雲吞或餃子,所以都係叫左韮菜😆 川味金錢肚 凍食 牛肚爽口 醬汁好惹味 百香果脆波波冰粉 百香果加冇味的冰粉 香甜果香+爆珠👍 兩枝果茶好清新 唔會好甜 天氣嚴熱食呢啲,胃口都好啲 食飽見到有醬料同菜脯買,買咗麻辣醬返去自己撈麵 煮下野食🤓

今日係海港城行街,同朋友食海南少爺,我哋安排坐較入位置，有落地大玻璃望到海景，感覺好開揚舒適 一坐低會有一壺荔枝古樹紅茶,淡淡荔枝味,好清新,涼左都好飲 海南雞飯拼海鮮喇沙 +$8轉雞脾 雞肉嫩滑 雞皮爽食落冇油膩感覺 油飯粒粒分明 香而不膩 喇沙湯底味道香濃 ,帶小小椰香,係我鐘意嘅口味,下次直頭要叫一碗大😆 南乳豬頸肉 豬頸肉燒到岩岩好 真係外脆內軟 南乳味咸香咸香 正 蔥油手拍酥餅配咖喱汁 我真係好鍾意食呢啲酥餅 唔點咖喱汁都好好食 百香果冰紅茶 夠薑香茅梳打 兩杯都好飲 呢啲天氣整返一杯 正 鐘意薑味嘅朋友一定要試 啲薑味後勁凌厲

今日放工同老公食佢至愛之一 麻辣鴨血,呢間之前朋友介紹再好耐 今次終於試一試佢🤓 一入餐廳 裝修精緻 座位濶落 好有空間感 鴛鴦鍋 (麻辣鴨血 、酸菜白肉鍋）叫左小辣 小酸 麻辣鍋內有鴨血 豆腐 ,90分無限添加 🤩 鴨血件件大件 滑滑 正, 豆腐吸晒麻辣汁🤤真係食到停唔到口 酸菜白肉鍋的酸菜都係無限添加 呢三款都係台灣直送 濃香豆皮 店員講解 淥3至5分鐘 豆味好濃 我淥左5分鐘覺得岩岩好 仲會有小小咬口 唔會淋曬 三色滑 （瑤柱 蝦 蟹） 真材實料 會見到瑤柱絲 同蝦肉 同埋瑤柱滑比較小見 可以一試 排骨酥 初頭以為係即食 原來係要淥3-5分鐘 呢個幾特別 外皮吸左麻辣湯汁 肉質軟軟 好味 日本黑豚肩肉 本身酸菜鍋入面都有白肉,因為唔夠喉🤣所以叫黑豚肉 因為酸菜加埋肉再點佢店員 介紹嘅酸菜沾醬(腐乳味）真係一絕 好岩我口味 呢間餐廳 食物,環境,質素,服務我都好滿意,一定會再回頭👍

又係荃灣搵食嘅時間😌 今次朋友要食韓國嘢 搵咗呢間韓閣 一坐低見到有現金卷買 真係好抵 買$500現金卷 即減$100 嘩 即係八折 真係兩眼發光🤩🤣仲要係每張$50 問店員 可即用 我哋就買咗$500 買$1500 減$300 仲有豬手送 人多食買呢個岩曬 仲要餐廳本身價格唔貴 真係抵食👍 鐵板芝士辣醬雞 雞肉加埋配菜用韓式甜辣醬炒 不會太辣 仲要加埋啲芝士 芝士份量多 但唔會太咸 食多多都得🤣 韓式醬油燴雞配粉絲 雞肉 薯仔 燴到好淋 好入味 醬汁較杰身 另到粉絲好掛汁 正 香蒜脆炸雞槌翼 外皮炸得香脆 唔厚粉 蒜味香濃 😋 餐廳性價比高 會回頭的餐廳🤨

今日約咗朋友食飯吹下水,朋友推介佢屋企附近一間串燒小店 串門子,咁緊係要試吓啦🤨 惹味蒜蓉燒茄子🍆 茄子 好厚肉 大份 一絲絲 好嫩滑 加埋上面啲調味粉 芝麻 葱粒 👍 燒土豆片 外層燒到脆脆 內層綿綿的 好好食😋 雞肉串、五花腩串燒得啱啱好 唔會乾 五花腩肉因為有啲油脂 食落好香口 錫紙燒肥牛 入面係有醬汁一齊燒,個味同牛肉好夾 正 燒雞皮 燒到好香脆 燒波蘿 一上枱,已經聞到聞到好香甜既波蘿味,入口勁多汁爆出😆 仲要厚切👍 呢間小店比我感覺好有誠意,食物質素高,價錢實惠,值得推介👍👍

今日下午茶 見個餐牌拉絲波蘿包張相好似好正 叫左一個 加杯凍奶茶 波蘿包上枱時係熱的 應該有反熱過 外層脆 口感不錯 一切開 芝士醬流出 心諗點解唔係拉絲 原來入面仲有拉絲嘅芝士 個人覺得流質嘅芝士太多 食成個有啲漏 但佢本身個波蘿包不錯

又係試新嘢 😝 見呢間專攻窯燒雞 一於買反隻試吓 雞唔算大隻 雞皮香口 皮下唔會好多脂肪 肉質都嫰 剪開有好多肉汁流出 味道夠入味 可以一試 另外一提店鋪會送一把較剪 膠手套 濕紙巾 都幾好👍