通常大家去既cafe多數以西式為主，食下意粉或者cake咁，但今次黎呢間就以食台灣菜為主，仲有蛋餅食添😋 見每枱都幾乎會嗌呢到既蛋餅，而我亦係為左蛋餅而黎🤤 蛋餅上到黎有啲散散地，每塊大小不一，外觀上有啲啲扣分🤔 食落個蛋餅皮偏硬身，唔係平時食開果種Q軟煙韌既質感，唔係好似係台灣食果啲咁😢 但好在內餡加返啲分，肉鬆加蛋加芝士真係不敗組合😍 再加埋佢個蛋餅醬，真係超級夾！ 呢個飯都幾多配料下，除左主角雞扒同蔥油之外，仲有兩塊滷豆腐、半隻滷蛋、一堆椰菜同青瓜，啲餸又係滿到遮哂成個飯👍🏻 雞扒煎過幾香口，配埋蔥油一齊食幾夾，而雞既肉質屬中等，唔係特別嫩亦唔會特別鞋，有啲似吉X家個煎雞，加埋咁多配菜，overall黎講都算係一個合格有餘既飯！ 呢到咖啡既base可以揀返要fruity定nutty，而我揀左nutty，咖啡飲落酸味會較多，而飲完陣堅果味都幾突出，可惜口感偏單薄。 整體黎講，蛋餅算係呢到最出色既一樣菜式，但並非食過最好食既蛋餅之一🤭 而cafe環境幾文青，灰色牆身加木系枱櫈，好悠閑既感覺！

今次去試呢間零負評既💛💛burger店，睇下佢啲burger係咪真係咁得！😋 成個包算係正常size，大McDonald’s果啲少少，但就厚身好多，特別係塊和牛😍 個包係竹炭包，包身烘到外脆內軟，非常有誠意！而個和牛真係無令我失望，果然好多肉汁好正🤤再配埋入面類似係日式麻醬既汁，出奇地咁夾！ 成個包忍唔住一啖接一啖咁食，好快就KO左🤣 如果要雞蛋裏挑骨頭既話，我覺得塊芝士可以再溶多啲啲，咁就完美啦！😆 而佢個包係跟埋汽水/紙包飲品既，所以女仔黎講，食哂成個包再加罐可樂一定夠飽！男仔既話，都有好多其他小食(薯條、炸魚仲等)可以嗌，都係即叫即炸的！

本身係台灣菜愛好者，今次就去左試位於觀塘工廈既哈豆，因為佢有近年好興好邪惡既芋泥奶凍吐司🤤 一打開menu就比佢個名吸引住(事關我係西檸雞既愛好者)，原本以為會同西檸雞差唔多，但原來都幾唔同。佢個百香果汁酸酸甜甜，同鹽酥雞夾埋一齊食可以減低佢既油膩感，係十分之清新既味道！不過佢始終係果醬，食耐左就會覺得個醬太甜，再配埋飯一齊食就覺得怪怪的，但嗜甜既朋友不妨一試！ 本來以為都係普通台灣腸，無咩特別，但估唔到佢外皮香脆之餘，內餡仲勁juicy🤤(我諗全靠啲肥肉）再加上面頭有啲炸蒜，食落真係好夾好地道🤩 呢個近年風摩台灣既吐司係香港竟然有得食！一場黎到，點可以唔試下！成個吐司都幾大份，芋泥份量亦十分多。吐司係竹炭吐司黎，外皮烘過有小小脆，加埋入面唔算太甜既奶凍同綿密既芋泥，真係出奇地夾😍難怪幾乎每枱都嗌，不過用手食就會食到有啲污糟，因為啲芋泥多到咇哂出黎🤪 呢個飲品又係打卡必備，因為佢係要你倒轉插個阿華田雪糕落杯坯芽豆漿到，等佢溶晒先再飲，見佢咁盞鬼，一於都試一試！不過可能佢個樣比左太大期望我啦，飲落反而阿華田味唔太出，只有啲啲朱古力味，坯芽味反而仲出啲，但無疑打卡係一流的🙆🏻‍♀️ 而呢個就係比較傳統啲既台式飲品啦，一杯甜甜既牛奶再加大大舊仙草凍，看似平平無奇，但原來出乎預期咁好飲！甘甘地既仙草凍中和返牛奶既甜味，perfect match!🤩 總括而言，佢既味道創新得黎又保留到台灣既傳統風味，價錢亦唔算貴，餐廳夠大，裝修都幾別緻，掛住台灣美食既你不妨試下🤤