今日Lunch Hour又黎咗西環活一鮮食飯 為咗唔好排咁耐，特登12點就冒雨過咗黎 最近Menu價錢改咗呀，呢個係Lunch Set最新價錢： 之前食咗好多刺身飯，今日食下熟食先~ 呢個係蒜香安格斯牛柳粒定食($128) Lunch隨餐附有沙律同味噌湯 再加埋個餐上面嘅沙律菜真係食咗好多菜hahaha 味噌湯依舊好飲👍🏻鮮味十足😋 牛柳粒勁大粒！比較似迷你版嘅燒牛排 口感亦都好腍，一咬就化，醬汁亦都好濃郁 好容易就送曬成碗飯，份量亦都好充足 總結：可encore！不過食完成個晏晝一口都係蒜味haha

路過呢間叫茶墨嘅特色飲品店 平時珍珠就見得多，見到佢哋居然用麻糬咁得意 然後啲野飲又沖得好靚好啱打卡，就即管買黎試下 芝麻烏龍鮮奶茶with麻糬： 飲落感覺似老母煮嘅芝麻湯丸 但係煲爆曬啲餡咁 總結：適合打卡，下次留返啲機會比其他飲品

今次黎咗食慢煮 餐廳氣氛好cozy好chill好放鬆，唔小心就食咗個幾鐘haha 美國安格斯特級帶骨牛小排 $208： 雖然話帶骨，不過上菜嘅時侯佢已經好貼心咁切好曬俾你 牛小排嘅肉質好爽口，但係又唔會靭 個人最推薦呢個Main 黑松露薯條： 薯條炸得好鬆軟，外皮又唔會腍 食過咁多Truffle Fries都係最鍾意呢間 煙肉芝士通心粉： 新鮮熱辣，份量都算ok，味道正正路路 慢煮紅酒梨、朱古力Brownie、Gelato： 紅酒梨好入味，口感依然係度，唔會因為煮太耐腍曬 Brownie皮脆鬆軟 Gelato就好creamy，我幾鍾意 不過份量比較少，多啲更開心 總結：雖然呢間價錢唔算好平，但係食物質素幾好，同埋食得舒服，會encore

今次黎咗BTS美食站食泰國野 初初聽呢個名以為係關韓團BTS事haha 原來唔係食韓國野係食泰國野 而BTS講緊嘅就係泰國嘅地鐵站(長知識了) 泰式鮮蝦炒金邊粉 呢個Pad Thai有3隻蝦，啲蝦全部好好肉，非常新鮮且彈牙 金邊粉分明，唔太油，亦唔會黐埋一pat pat，炒得幾好 泰皇咖喱法包軟殼蟹： 個咖哩好香濃，唔辣，怕辣嘅都食得 軟殼蟹有6件，份量都ok 麵包好鬆，雖然有少少偏硬，但係蘸咖喱就好夾 要快啲食曬佢呀！凍咗無咁好食 （食曬成個包其實都ok飽haha） 由於好想食海鮮，所以嗌咗個「海鮮孖寶」 牛油蒜蓉燒蟶子（3隻） 啲蟶子好大隻，肉質厚實，配埋啲魚乾仔提升咗口感，如果多汁啲會更佳 不過另上個醬汁有少少辣（雖然酸酸地幾惹味），怕辣嘅朋友要留意 鹽燒鮑魚（2隻） 可能係燒嘅關係，隻鮑魚比較乾身 一口嘅份量，咬落淡淡肉，味道尚可 總結：唔算平，但係味道中上 正宗唔正宗就見仁見智，個人覺得係一間融入咗九龍城嘅泰國美食餐廳

又黎和民食dinner了 咖哩吉列雞扒飯： 雞排幾嫩滑，咖哩亦都好足料 香炸雞軟骨： 保持水準，炸得好鬆脆，不過今次有啲油 和牛壽喜燒： 好食，和牛高質，爽口唔靭 烏冬稍嫌少少唔夠彈牙 明太子免治雞： 有雞軟骨碎係入面，然而無乜明太子味 總結：味道尚可，勝在就腳

活一鮮係我最喜愛嘅餐廳沒有之一 呢篇係寫佢嘅晚市的 Menu： 三文魚親子飯： 三文魚好厚切呀！咬落啖啖肉 覺得自己就好似加拿大啲熊人咁幸福 重點係刺身好新鮮好鮮甜，肉質亦都好firm唔會散 三色丼（蔥吞拿魚腩，帆立貝，海膽）： 所有食材一食就知大家都好新鮮 吞拿魚茸好有魚香味，帶子同海膽就好鮮甜 仲有一樣野想講就係其實個壽司飯飯底無論口感定味道都一樣好好食 然後仲嗌咗兩粒海膽魷魚軍艦，質素當然係唔錯喇 總結：打完又想再食多次了haha

今次黎咗荃灣呢間「秘」食石燒 未開舖已經係出面等開門，誓要食到吉烈牛 板燒吉列牛 $108 呢碟安格斯吉列牛好多肉汁，雪花均勻，有啲仲會入口即融添 不過有少少鹹，食完想飲水 先拎舊油搽勻塊石板，再放啲牛上去燒，玩味十足 想幾成熟自己話事 秘燒牛肉野菜鍋 $98 牛肉燜得好淋好入味，分量亦都好足，仲有啲番茄嘅味道 總結：走嗰陣已經人滿為患，大家知佢咩料喇

今次黎咗K Town嘅阿元菜市場朝聖，食芋圓火鍋~ 順帶一提，卡位坐得好舒服 先揀湯底，再揀沾粉醬 鍾意食甜野嘅我揀咗煉奶、oreo碎、同花生糖粉 個湯底建議可以唔使一次過加曬落個鍋，以免被融化嘅冰底稀釋 我就加咗落碗仔做咗個走冰迷你鍋haha 個人覺得沾oreo同煉奶最好食 同埋刨冰如果可以轉做綿綿冰就好了 餓底仲嗌咗啲滷味食，不過唔記得影相haha 出奇地，雞腎好腍好入味，好食！ 好食還好食，不過份量有啲少 總結：好食

今晚又食彩喇yeah 今次嗌嘅係黑蒜油湯沾麵 睇幅圖就知佢落咗好多黑蒜油喇 呢次嘅特色麵係紫菜麵，不過唔係幾食到紫菜 個麵照舊200g，唔使驚唔飽 今次個沾湯有少少澀，唔知關唔關黑蒜油事呢 下次再試埋其他湯底先

今次黎咗美孚嘅友樂鮨食餓媽家姐壽司十貫 呢間小店環境好清靜，坐得非常舒服同放鬆 坐係師傅側邊睇住佢處理食材，食之前已經大飽眼福 前菜有沙律同魚子 魚子幾鮮味幾有口感 跟住有茶碗蒸 食每款壽司之前，師傅都會介紹一下所用嘅食材 日本真鯛 入口即融，有層次，比較甜 鮫鰈魚 口感比較爽口，有少許油脂感 甘蝦（唔記咗影相haha） 上面有蝦膏同蝦子，隻蝦都ok大 金目鯛 偏爽口 深海池魚 黑松露帆立貝（又掛住食唔記得影相hahaha） 呢款同普通平時食嘅好甜嗰隻比較反而有種清新嘅feel 銀鱈魚 有火炙過，味道比較清淡 醋鯖魚 上面有昆布，味道酸酸地同清新 蝶魚邊 好重嘅油脂香，入口就化咗，我幾鍾意 馬糞海膽 海膽好鮮甜，大啖大啖食好過癮 最後有個昆布烏冬同甜品（抹茶草餅） 總結：愉快用餐體驗，食材新鮮，原本以為食咁少唔會飽點知都飽hahaha