【Dear coffee and bakery】 #EatWithUe_大圍🐟 同樣係小編朋友介紹👀小編都係第一次食bagel🤭小編個朋友跟得小編多，變咗大胃王🤣食完個吐司佢覺得唔飽，於是決定去食埋呢間嘅bagel🤭 - 【宇治抹茶芋泥貝果】$40 本身對呢間野嘅印象唔錯，點知食物上到台，即刻....心諗GG 首先佢俾咗把刀你切，但係完全切唔開，起碼切咗一兩分鐘，先切得開一忽仔，切到人都炆埋😠切嘅時候已經feel到冇好嘢，個皮又非常厚，擺落口嗰刻直情唔想食😣首先講下個口感，口感非常之硬，唔係普通嘅硬，係硬到咬都咬唔到，咬到牙較都痛埋嗰種，越食越眼瞓，食到好攰，食完搭巴士真係即刻訓著咗😴之後講吓個味道，佢個宇治抹茶真係好苦，一啲糖都唔落嗰種感覺，唔係甘甘地嗰種苦，係苦到同苦瓜差唔多😩🤢難食到死，如果唔係佢咁貴，我應該直接唔食走咗🤭 戴定頭盔⛑️貝果係咪本身就係咁㗎？歡迎大家留言同小編講🗳 - 服務+環境 舖頭規定每人最低消費一個貝果或者一杯嘢飲，個人唔太鍾意呢點，好似迫人消費咁😕喺度消費應該都係想享受個環境，舖頭會播下啲輕鬆嘅音樂，如果你哋係想輕輕鬆鬆同朋友傾吓計都係可以比呢個錢坐全日嘅，但係只係想享受啲嘢食就唔值呢個價🤭 評分（滿分：🐷🐷🐷🐷🐷） 性價比：🐷 價錢：🐷🐷 回頭率： 服務：🐷🐷 環境：🐷🐷🐷 📌 Dear Coffee & Bakery 地址：大圍積運街2-8號海福花園地下22號舖 #dearcoffee&bakery#大圍美食#咖啡#點心#香港美食#香港#hkig#hkfoodie#foodiehk#hk#hkfood#cafe#cafefood

我都費事影相打卡 從個湯底講起 我同個fd兩個人 一個叫麻辣令一個叫椰子湯底 劣食！！！！ 麻辣湯得個辣字，唔其他味，似辣椒油加水，姐係我都suppose會係豬骨煲嘅，點知係水做，d煲唔夠湯，佢攞d水加落去，非常好野 另一個都費事講，佢d湯一個直接落水煮加兩滴椰子精油，非常犀利，連鹽味都無，非常有誠意 之後會講下d食物 我地係A set 個set呢就包日本料理火鍋同甜品 日本料理非常呃錢，d野真係難食到一個點 首先講下佢個燒菠蘿，個菠蘿唔係新鮮菠蘿黎，食落去好膠，完全唔會想食，對佢都有d期望，唔知點解會有咁嘅質素 然後講下個d丸，d芝士丸唔係普遍佳寶買到個d，唔係拉絲嘅，係流心嘅，我個人會更鍾意拉絲嘅。之後係魚皮餃，d魚皮餃唔係我食開個款，比平時個d細粒d，呢個雖然唔係重點，但佢有陣怪味，平時嘅我係食得就唔好曬個種人，但真係頂唔順，咬左幾下吐左出黎，我本來以為我未煮熟，我睇下d肉，唔係wo，有煮熟，完全唔知點解會有怪味，不解。 之後，我講下佢d日本料理，有個炸物叫紫芋圓嘅物體，多粉到你驚，真係好伏。仲有個芝士蟹蓋嘅物體，佢話蟹蓋又真係得蓋，一d蟹肉都無，真係服左，連蟹柳都無條，可能佢落好多粉去收汁，一食就食得出，太差！ 最後到大家都稱讚嘅甜品，失望收尾。講下期望最高嘅抹茶芭菲，抹茶有少少苦，我可以接受嘅，本身以為終於食到正常野，點知...最後竟然食到千島醬味，我以為自己味覺有問題，飲啖茶再食，我無問題，真係有...我講咩好。之後到芒果糯米飯，芒果係幾甜嘅，但d飯係鹹嘅，我平時食個d係椰奶椰漿整，應該唔會有鹹味，如果係有鹹味嘅請大家留言同我講返。 食物質素差都算，d staff 嘅態度差到呢，舉左兩次行過都扮見唔到，之後炆到大聲叫「唔該」，佢無得唔過黎，佢西住面搶左張紙，我覺得好好笑，我態度咁差不如唔好做服務業啦，依家我都未西，你西咩西！咁樣都算，仲要落漏幾次單，都費事再搵佢地，轉頭又比人西。 不過，都唔係全部野都咁難食嘅 我覺得d極上牛肉食得落，響鈴同木瓜燉牛奶都幾唔錯 不過無理由因為呢幾樣野去繼續幫襯 仲要成200幾 我不如加多少少去食牛大人 講起就嬲 性價比就見人見智啦 我就認為0 反正我唔會再幫襯！