《Outdark》
為左滿足上年全年無得去旅行既心！今次選擇呢個過江龍韓國料理餐廳 Outdark ，正所謂食左當去左韓國都好啊～每次去到韓國必食巨量芝士先會滿足！！今次都唔例外😌 不得不說餐廳環境好高級好有情調（好有燭光晚餐feel）適合一大班人聚會（疫情後）或者情侶都好適合啊！


☄️全餐卡路里指數:［8粒🧡最高］🧡🧡🧡🧡🧡🧡🧡🤍

①芝士炒雞 $3️⃣2️⃣8️⃣
𝕄𝕖𝕠𝕨指數🐾: 8/10
🐱：wow！開頭猶豫緊揀豬肋骨定炒雞個陣 突然好想食年糕～所以決定揀炒雞🐔呢款！黎到個陣職員會主動幫手將溶左既🧀芝士撈埋啲炒雞一齊炒(見到都流口水）呢個set真係好抵食 相都可以見到爐入面有 主角芝士炒雞、爐邊蛋、紫菜麻油飯、泡菜 菠蘿。首先芝士係拉絲個款 而且俾得一啲都唔手軟 🧀超多芝士啊啊啊！超級正！雞肉都幾嫩滑 混合埋韓式辣醬 味道岩岩好！再食下隔離啲配料～🍳蛋正常 紫菜麻油飯凍凍地 不過唔會硬，泡菜同菠蘿解膩一流 呢set值得一試！💕💕💕
（溫馨提示：neko同朋友兩人食份量太足 食到最後俾芝士撐爆個胃🙈 感覺適合3人食）

②海雲台泡菜煎餅 $9️⃣8️⃣
𝕄𝕖𝕠𝕨指數🐾: 8.2/10
🐱：呢個泡菜煎餅同普遍出面既煎餅好唔同啊！食落感覺全部都係料（大大塊泡菜、甜椒、金菇、好似有蔥）其他餐廳個啲麵粉比例會多過啲料 而呢塊就無咩麵粉感覺！啖啖都係泡菜既口感🤤雖然好似無咩麵粉咁 但夾起完全唔會散開！話明煎餅多數都會好油 但呢個唔會！可能啲料好清爽 所以一啲都唔膩！有一個醬汁俾你點 但好似唔多需要🤔因為煎餅單食都好夠味，下次neko要試埋佢個海鮮煎餅先🤤🤤幻想到應該都好多料 ！
（溫馨提示：標明素食者必點，呢款無任何肉類 但都好好味）

🐈🐾回頭率：🧡🧡🧡🧡🧡🧡🤍🤍
［8粒🧡最高］
整體表現: 食完真係覺得自己彷彿走左韓國一轉 同韓國既味道幾乎一次 甚至更加好食（海量芝士連當地都無咁多🙈）下次一定會再幫襯 好想試埋佢個豬腳set、豬肋骨同海鮮煎餅！呢次兩個人真係order唔曬咁多嘢 啊！！！仲有多人可以試埋佢個「蘋果芒果米酒」👍🏻👍🏻👍🏻

《No Money So Lonely》
MaMaDay！又搞新攪作喇！！💥
地點仲開係旺角T.O.P～超級方便之餘 風格真係十分符合～ 之前玩 偏西式歐陸料理。
今次真係不得了 玩埋東南亞mix 多國料理（歐陸又有、港式都有）🇹🇭🇲🇾🇻🇳
而且一樣並行佢一路玩味風格 Menu菜式名盞鬼風趣！例如咩生舊叉燒好過生你個啲🤪
環境佈置一樣唔洗多提喇～一樣走復古路線
一去到港貓上身 瘋狂打卡🎬

☄️全餐卡路里指數:［8粒🧡最高］🧡🧡🧡🧡🧡🧡🤍🤍

①《生舊素叉燒好過生你比薩 配秘制麥芽糖醬》$1️⃣0️⃣8️⃣
𝕄𝕖𝕠𝕨指數🐾: 7/10
🐱：平時好少食素 但neko好鍾意食叉燒💕～(成日同neko仔講 帶我去鋸叉燒就已經好滿足🤤) 今次見素叉燒 好奇心爆發，因此order左呢款比薩～ 首先比薩同mamaday之前食個款一樣 係屬於薄皮 食落脆口 有醬就煙韌～味道方面 🙈可能素叉燒原本有調味 再加麥芽糖醬 整體好甜..好鹹？！好重口味 都係覺得mamaday軟殼蟹個款符合口味多啲～🤫
（溫馨提示：素叉燒個口感同比薩融入得太好🙈食落無乜口感 因此食到最後我同neko仔都覺得好單一）

②《煙三文魚海鮮醬意大利麵》$1️⃣1️⃣2️⃣
𝕄𝕖𝕠𝕨指數🐾: 8.4/10
🐱：咦？點解呢個菜名可以咁正常😝 呢款意粉 我同neko仔都力推啊！！👍🏻首先擺盤用心 煙三文魚整到好似花🌹一樣 好吸引～味道食落好有衝擊！ 食落口neko仔問我點解係🌶️辣既？但辣得黎又唔需要飲水既程度 除左辣味 意粉偏西式口味 食完完全唔會膩 甚至想再叫多碟～惹味啊～煙三文魚就正常 無任何臭味腥味咁咯～

③《肉食者沙拉 - 朱古力燒牛》$1️⃣0️⃣8️⃣
𝕄𝕖𝕠𝕨指數🐾: 7.6/10
🐱：見全部澱粉 因此叫左個沙拉平衡下(😝兩隻食肉獸一致認同叫肉沙拉）開頭俾朱古力嚇親 個名好黑暗料理 但黎到 原來係指舊牛肉燒到好似朱古力咁(孤陋寡聞）沙拉落左黑醋醬 酸酸甜甜 食完上面啲意粉比薩 食呢個都唔會覺得滯 好清新～ 😂 沙律菜好新鮮 除左紅桑梅 酸死我 ～(um..補充維生素c is ok？！） 牛肉好濃牛味（好廢話 但真係好濃）可能因為凍左 肉質有少少硬 但整體表現都算不錯～

④咖啡系列
《Mocha莫卡》$4️⃣4️⃣
👉🏻neko仔話唔錯 偏甜 🙊佢唔識得評早知偷飲一啖啦～
《馬拉乜乜咖啡》$4️⃣6️⃣
👉🏻係馬拉西亞 白咖啡～飲落面頭啲cream甜甜地～咖啡重奶味 整體偏甜 但係好飲既～

🐈🐾回頭率：🧡🧡🧡🧡🤍🤍🤍🤍
［8粒🧡最高］
整體表現: 意粉真係值得一試～好惹味！素叉燒比薩 um...neko覺得味道單一 過甜過鹹，可以選擇其他比薩試下🙊 沙拉就正正常常 覺得上面唔夠食都可以order～ 整體表現 唔錯✨！但如果俾我選擇 我可能都係會幫襯Mamaday多啲💕（軟殼蟹比薩、明太子意粉👍🏻)

《たまご園🍳》
以蛋作主題的日式料理餐廳，除了鹹食（丼飯、意粉、蛋包飯）仲有甜品（梳乎厘班戟）十分適合鍾意食蛋美食家黎拜訪 呢度仲有動漫➕漫畫經常出現的家庭料理 就係 「TKG」生蛋拌飯！！！
因為價錢有d貴？！今次我就無試到啦🙈
☄️全餐卡路里指數:［8粒🧡最高］🧡🧡🧡🧡🧡🤍🤍🤍

①海蝦明太子忌廉意粉 $8️⃣8️⃣
𝕄𝕖𝕠𝕨指數🐾: 6.8/10
🐱：黎到專食蛋既餐廳，我竟然order意粉 蛋既角色係呢兜意粉入面唔係好突出🙈正係得意粉上個粒溫泉蛋。首先講下意粉，質感岩岩好，但我略厭個忌廉有少少膩...陣奶油味過於濃 好似食緊甜品個種感覺 ，所以呢款忌廉唔係好啱我口味。海蝦爽口不錯，明太子 em..唔記得佢存在😹試一次好了～
（溫馨提示：喜歡重奶味🍼人士適合，不喜歡既慎選）

②明太子三文魚忌廉蛋包飯 $9️⃣8️⃣
𝕄𝕖𝕠𝕨指數🐾: 7.5/10
🐱：呢個比起意粉更加好味 平時蛋包飯多數配咖哩汁 而呢次係選擇忌廉呢款 一直覺得三文魚同忌廉好夾 。首先幾突出主角「蛋」，蛋十分滑溜 再淋上忌廉汁 一口就可以食到 忌廉汁+蛋皮+炒飯底 十分滿足～ 唔知點解呢款忌廉無意粉個款咁膩 可能加左菠菜？！反正配合蛋包飯異常幾唔錯！值得試試～

③大阪燒風八爪魚捲 $7️⃣8️⃣
𝕄𝕖𝕠𝕨指數🐾: 7.8/10
🐱：開頭仲猶豫緊order 芝士明太子筷子卷好定呢款好 但由於上面個兩款主食都係明太子🌝 因此換換口味 試下呢款八爪魚捲先～Neko同朋友仔兩人分岩岩好 味道又如其名 同章魚小丸子/大阪燒一樣醬汁 餡料都幾豐富 包左好多八爪魚粒同紅薑絲（有解膩功效）食落去好似食緊巨大版足料到爆既章魚超大丸子一樣 。下次會再翻兜的小食～
（溫馨提示：因為現制職員會提醒至少需要等候15分鐘，喜歡🐙章魚丸子既值得一試）

🐈🐾回頭率：🧡🧡🧡🧡🤍🤍🤍🤍
［8粒🧡最高］
整體表現: 個人表示呢間既忌廉意粉口味不太適合自己 小食表現不錯（但價錢偏貴💥）蛋包飯表現嘗算可以試下 （擺盤幾適合打卡～）因為得兩個人食 所以試唔到甜品。搵日會試翻～

《OMG！MaMaDay》
意粉、軟殼蟹愛好者！望過黎～
💛👈🏻唔洗講啦 一定support！
環境佈置以復古風格 打卡一流🎬
呢間主打多國西式特色菜
岩曬鍾意嘗試新口味既吃貨啊
☄️全餐卡路里指數:［8粒🧡最高］🧡🧡🧡🧡🧡🧡🤍🤍

①《可能會失望溫泉蛋明太子意大利扁麵》$1️⃣1️⃣2️⃣
𝕄𝕖𝕠𝕨指數🐾: 7.9/10
🐱：完全係食完完全唔會失落既一款意粉，首先醬汁十分足夠 入口超級creamy～睇圖都可以見到每條扁麵都掛住爆炸多明太子醬🤤再加上溫泉蛋完全唔會出現好乾既情況。麵隔離仲有4-5條既蟹柳？！個人一般蟹柳 中區中矩啦 。
（溫馨提示: 建議兩人食啊！我一個人食 頭5啖好正 好好味🙈 d醬太濃郁 後面就開始有少少膩？！）

②《黑到爆炸魷魚圈墨魚滑墨汁燉飯》$1️⃣2️⃣6️⃣
𝕄𝕖𝕠𝕨指數🐾: 7/10
🐱：neko既朋友order左呢款燉飯，飯如其名 黑到爆炸，隔離圍住3舊左右既魷魚圈🦑，魷魚圈正常炸物水平 唔會太油膩。而飯就偏向珍珠米口感 本人一直覺得墨汁無乜味道 所以呢個飯主要既味道係🧄蒜味較濃厚 。話明墨魚滑 ？咦？係邊啊？🙈食下食下 朋友仔問我飯入面呢舊白色野咩黎嫁？原來墨魚滑係加左入啲飯度。口感好新奇～
（溫馨提示: 整體飯口味比起意粉偏淡，份量適中，一個人食應該可以應付🙈）

③《點解個個都叫軟殼蟹比薩架？》$1️⃣3️⃣8️⃣
𝕄𝕖𝕠𝕨指數🐾: 8.4/10
🐱：軟殼蟹愛好者！！一定要order啊！首先軟殼蟹炸得好好 入口唔會一口油 入面仲有蟹膏🤩 雖然唔多 但勁鮮甜 OMG！Pizza係屬於薄皮 所以食落唔會好滯(仲要試其他美食架嘛） 上面加左幾款芝士（Neko係芝士控🧀！）切開真係可以拉絲個款 反正樣樣都襲中我最愛💕 下次會翻兜既款黎！
（溫馨提示：黎到建議立即食～因為芝士會更加拉絲🙈你明我明啦～）

④《平凡到無得再平凡既炸洋蔥圈》$6️⃣5️⃣
𝕄𝕖𝕠𝕨指數🐾: 7/10
🐱：小食黎講洋蔥圈絕對算係唔錯，炸得正常水平啦 食落又真係幾平凡？！🤣配左個類似酸酸既沙律醬 都幾開胃 但下次俾我選擇，我可能會揀試食其他小食 例如：好多口味既薯條？
（溫馨提示：呢個小食黎得最快 岩岩好時間 野食未到可以解口癮）

⑤ 飲品系列
🍓Strawberry Soda$4️⃣6️⃣
👉🏻 6.5/10 顏值高 味道一般
☕️Latte $4️⃣8️⃣
👉🏻 7/10 烘烤味較濃 中規中矩～

🐈🐾回頭率：🧡🧡🧡🧡🧡🧡🤍🤍
［8粒🧡最高］
整體表現: 好好味的一個特色餐廳 🍴兩人食建議 order 一份比薩 ➕一個主食（意粉不錯）➕小食 🥰 但由於價錢頗高 朋友聚會可以考慮 環境佈置好睇 方便打卡📸 依家睇翻啲相 依家又好想食多次軟殼蟹比薩🍕！！！

睇左好耐 終於可以試下啦 原本諗住叫 韓式泡菜牛肉個款 但去到已經售罄 因此揀左店舖推薦既 「軟殼蟹牛油果吐司」 我係外賣翻去食 所以外貌無圖片咁靚 但由相都睇得出 啲料真係好足 好厚 （ps.建議熱戀中既女仔慎選 講笑 哈哈哈） 因為厚到唔知點樣落口 一定會失曬儀態 軟殼蟹炸得好好 有蟹膏好正 中間夾左勁厚既蛋🥚預計2-3粒蛋既感覺 小建議：食到底無咩味 建議下面可以加翻啲醬 感覺無咁單一 芝士可以轉做拉絲個款更加好 整體黎講 不錯 下次會試下其他款

我一向唔鍾意飲太甜既野order左 「傳統泰奶 3分甜 走冰」 因為走冰 所以份量會細啲 我表示ok 好彩叫左3分甜 3分甜對我黎講都幾甜 但可以接受 泰奶 奶味濃 茶味唔算濃 但味道都好好 最主要係價錢唔貴 唔鍾意台式奶茶既人 可以試下泰奶 下次掃街個陣會再飲

已經唔知第幾次幫襯 次次黎食都係order B set（火腿、蛋、肉鬆） 真係好正 入面會夾生菜同番茄 可以解油膩 食完一個之後 仲好想食多個 但驚肥死 老闆份人超級好 夠直接 其實呢d唔叫串 呢d叫友善 當你自己人咁講 反正一定會再幫襯。

平時食開沙田個間isaac，今次經過旺角 突然好想食年糕 但基於自己有食過野 就係旺角isaac單叫左串 「芝士香腸年糕串」過下口忍。 等左5分鐘左右，我第一眼係呆左 年糕串上面塊芝士完全係凍架 而且原本無缺片裝芝士（嬲到無影相） 之後同佢講 可唔可以熱翻個芝士 點知 係啊 ，用火槍係咁E燒兩下 所以入面d拉絲芝士依然完整一粒粒，我一咬落去 出事啦 個年糕無味唔緊要 我正係食到油膩味 生油味 完全食唔落 一串野可以搞到個兜全部油 唔講以為食完乾炒牛河 （ps.之前沙田食過 完全無呢個問題）

由於返工放飯無得堂食 就走黎葵廣睇下有咩醫下肚 突然諗起之前有人介紹有間鋪頭有台式刈包 就抱住一試既心態試下 我order左豬腩肉刈包配鹽酥雞個個餐 首先講下個刈包 包既感覺就係薄饅頭一樣（碳水控最愛） 腩肉真係超級厚 超級肥！！入口即化 好淋 （聲明 個人最愛肥膏） 不過個size真係有d細 我一個女仔感覺都可以食到3個刈包 所以我個人認為可以出個大刈包 咁樣就真係可以飽肚貴少少都無所謂！！！ 仲有 鹽酥雞既調味粉都幾好味 我拎翻屋企食 個雞都未話淋曬 總括黎講整體我都好滿意～

星期六有事需要黎觀塘 follow 呢間ig 好耐啦 今次終於可以試下呢個網紅好耐既千層蛋糕 ，去到差唔多下午三點幾 原本諗住同個fd 一個食黑糖奶蓋一個食伯爵茶 點知去到得翻 招牌伯爵茶 不過都要試下 所以要左兩份 食落真係乜得值得曬 首先有淡淡地伯爵茶 ➕ 濃濃既奶香味 中間啲cream滑而唔膩 而且每一層餅皮都好薄 可以咁講 一口即化啊～ 我一個女仔 認真認真認真可以食兩件咁多！！ 真心好食 下次真係需要早少少去到 咁先可以試埋其他味 搞到依家好想食啊！