因為我今日真係好忙啦 冇辦法夜晚同屋企人慶祝生日所以匆匆忙忙訂咗呢間餐廳 睇Menu呢一間都可以講係主打輕食 偏向左西式同埋日式 屋企人揀咗嘅係一個可以自選嘅日本set 上面有晒前菜小食同埋煮食仲有一個甜品 我自己就揀咗西式係一個孫總麵包再加煙肉炒蛋 講吓個味道先 平時去一啲舖頭食酸種麵包 沒有一種好韌嘅感覺 好難咬開個邊 呢一間嘅處理方法係用牛油將佢煎香 之後先至放上配料 咁老實講 一般配料一定有啲濕潤 但係因為佢煎咗塊麵包令到食落去口感好鬆脆 同外邊食到嘅一啲都唔一樣值得一讚 屋企人叫咗係一個煎魚嘅烏冬 唔知係調味定係乜嘢呢 鯊魚食落去個質感好似雞肉 我同屋企人就好鍾意 二日式set裏面嘅甜品有一個小小嘅和菓子 睇到個顏色你哋個感覺應該係覺得甜到就快要死 但係出奇地啱我口味 但係大家覺得點呢就要試咗先知 另外我仲叫咗一杯ice Moha 對於我嚟講非常之好因為我唔鍾意飲甜嘢 但係如果大家需要有一定嘅甜度可能就要要求餐廳比糖水你啦 成間餐廳最令我感到滿意嘅係喺我已經到咗餐廳之後 餐廳再主動打電話俾我 問我有冇需要order蛋糕同埋需唔需要寫上生日快樂嘅字樣 咁樣避免咗慶祝生日而喺生日嘅主人翁面前order蛋糕俾佢嘅尷尬 另外要提一提大家如果喜歡有酒味嘅turmisu 不妨試吓 呢樣都係一樣推介食物 🫶🏻🫶🏻 對我而言呢間餐廳值得推介

今日午餐係度小月 擔仔麵真係向來最愛 因為量唔多 因為有肉燥 蝦🦐 絕對可以滿足口慾🤪 今日我揀咗一個午餐set 除左碗擔仔麵 仲會有一碗肉燥飯 但係肉操飯對我來講太鹹 配咗一杯肧牙奶茶 🥤都解唔到個種鹹味 Omg 所以如果大家午餐去嘅時候就要考慮吓要唔要好似我咁叫1set 而baby叫咗一個三杯雞set 一個白飯 我試咗少少不過不失啦 反而我好欣賞跟餐嘅紫菜湯 裡面有些少嘅肉碎 好多紫菜 都幾好味

係 無錯又黎夜麻麻講食野 我知我就黎比人打🤣 今日午餐大蝦🍤龍蝦汁意粉 🍝 你哋可能已經發現我前世同蝦有仇 任何嘅蝦種我都唔放過 我知 我知 入正題丫嗎 上面個蝦係新鮮嘅 煎香又帶有少少🤏胡椒味 個龍蝦🦞汁係到位 又唔太「利」 而因為個人比較鐘意爽口嘅意粉 呢個意粉對我黎講就淋左少少 不過如果以整體黎講都好唔錯 另外仲叫左個駝鳥肉香草意粉 呢個我真心被驚艷到 主因係我第一啖放入口嘅係龍蝦🦞汁意粉 以理論上食完甘濃味嘅野 再食香草味會覺得無甘好食 但係結果係香草好香駝鳥肉好入味 你會可能會問咖啡呢 無飲咩？ 有呀 我叫左杯hazelnut latte 上面係鮮忌廉唔太甜 都可以喇 擺盤都幾靚 打卡都唔錯 我覺得可以再去

今日同寶貝午餐其實係late brunch 揀左呢間cafe 內裡裝修十分日系 木嘅暖和色調 令你坐低感覺好舒適 講下食物先 我地叫左蟹肉蘆筍意大利飯 同大蝦🍤忌廉意粉🍝 好鐘意意粉個口感 味道唔會令你覺得太膩 意大利飯每口都係蟹肉 我要大力推介 仲叫左杯芝麻latte 一杯桃肉冰茶 芝麻latte味道少甜好香芝麻味 鐘意芝麻味嘅大家不防一試 冰茶係甘熱嘅天氣 當然不可少喇

今日真心瘋狂自己一個人 食兩樣極heavy 做午餐 怕整完牙食唔到晚餐 所以放監甘嘅款 失禮曬 但係我知錯喇 一個人原來食唔到甘多野嫁 Carbonara 長通粉 焦糖香蕉雪糕配shell waffles 一杯 ice mocha 但係我想讚下個長通粉 係No cream make 我本身唔咪好鐘意芝士 但係呢個好香 味道都幾好添　我有wow moment 而waffle好香蛋味 最鐘意就係個焦糖香蕉真心好食😋 下次會帶多個朋友去share 保正唔會再做大size鬼 講環境白色主調 會覺得簡約又夠光 打卡好地方 坐落都chill姐 食物質素自己覺得都幾好 大家不防去試下

鐘意西柚或者芝士奶蓋 都值得去試一下 葡萄柚綠茶 滿滿嘅葡萄柚粒 可能你哋會問好多舖頭都有啦 冇錯好多其他茶店都有 不過新鮮生果嘅情況之下通常都會有果衣黐住係個粒肉上面嘅情況 感覺上 我就會覺得口感冇咁爽 但係呢間完全冇呢個問題 而且柚粒好分明 唔會有塞住支飲管飲唔到嘅情況 而芝士奶蓋我覺得非常滑身 可以用厚黎形容 唔係一間乜嘢大品牌但係如果以小店來講 價錢同品質 我覺得值得推介 如果鍾意飲台式飲品 可以試吓

疫情嘅關係其實有好多地方都已經唔會開放晚市 但係下一個餐廳選擇少咗嘅時間 呢一間我會覺得係一間中價環境算唔錯嘅餐廳 以前去到一啲高級餐廳 可能大家都會覺得夜晚去可以睇夜景在家食一餐精緻嘅晚餐會比較浪漫 今次因為疫情嘅關係我選擇咗下午茶嘅時間去食午餐😆 一開始以為呢個時間會冇乜人 同埋會冇咁曬但係 結果原來喺大嘅落地玻璃之下 兩三點陽光都非常充足 因為當時去嘅時候Menu仲係情人節 所以可能同而家你哋去嘅時候Menu會有少少出入 但係食物嘅精緻度擺盤 新鮮度同賣相 以呢個價錢來講我嘅滿意度都非常高 頭盤嘅生蠔🦪夠creamy 主菜我同朋友分別叫咗鴨胸同牛肉 我會比較鍾意鴨多啲 因為入口比較嫩 係一間比較balance既餐廳 有環境食物質素我會形容係B+ 價錢都成正比 所以大家都可以考慮去試吓

坦白講呢間野服務極唔好叫個人落order都好似勁難甘😖 d人直情當睇唔到你 以至我唔會再去😒 我食左咩都會講下 朋友再自叫左normal Tiramisu 同strawberry Tiramisu 以味道黎講 只係普通tiramisu 而士多啤梨款 可能你睇外觀會以為夾係中間會有士多啤梨 實際係無 只係得圍係外面嘅士多啤梨片 所以如果你真係想食士多啤梨🍓或者士多啤梨味嘅甜品 就唔好揀距 飲品方面只可以講影相就靚 飲落一樣無咩特別 所以要唔要去 大家就要自行考慮

疫情關係好耐無去星加坡 好掛住果度好多嘅野食 今次係呢度我食到一個可以有星加坡味度嘅喇沙面 裡面係摻摻 面底 d料都足 蛋熟度岩岩好 豆腐撲 魚蛋 魚片 蝦🦐 都算大隻 面底都多 對我黎講份量十足 湯底都好濃而帶微辣 都幾開胃桔仔話梅冰味道係最令我回味 不過我覺得冰可以落多少少會更好🤪

呢間傳統中式糕點店最近獲選米芝蓮街頭小食推介，店內嘅招牌芝麻卷每日新鮮製作，仲有砵仔糕 紅豆糕 紅棗龍眼糕……. 好多選擇 甘多種我首選砵仔糕同芝麻卷 芝麻卷裏面除咗新鮮做仲有好多芝麻粒 砵仔糕多豆 紅豆仲會起沙 唔太甜 真係好好食 其次紅豆糕 紅豆好糯 馬蹄糕勁多馬蹄粒 不過好食嘅嘢需要等待 所以排隊係一定 需要有一定嘅耐性 我就排隊排左1個鐘以上 想食就早d出門口排隊喇 我覺得味道值得推介 你會搵到童年回憶