男朋友超級鍾意食扒，完全係牛魔王！有日行街無意之中發現到呢到，睇完menu比炭燒M6和牛肉眼吸引左，佢好開心咁話要去試😍結果個日就去個到食晚餐！ 前菜：竹炭餐包 一份三個竹炭餐包，食落有天然麥香，同時又有淡淡的竹炭清香，麵包烘完外脆內軟熟，表面仲加芝麻，食落天香☺️不自覺地吃完一粒又一粒🤣 主角：炭燒M6和牛肉眼 牛扒最怕燒過老，搞到又乾又鞋，不過呢到完全冇呢個問題，食落帶炭香，表面又燒得焦脆，很不錯👍🏻脂肪分佈均勻，呈大理石花紋，肉質鮮嫩多汁，入口細緻香甜多汁，而配菜焗蒜頭都好好味，好腍好入味

餐廳幾好氣氛，適合date night黎～ 逢星期四lady’s night，所有女士有免費cocktail一杯🥂 餐廳有多款小食，大部份都啱送酒😆 味增蒜頭漬唔會刺激，食落好似木魚嘅味，配啤酒超爽😋 明太子黃金粟米沙律睇落幾打卡able，味道都唔錯，表面鋪滿左明太子沙律醬加芝士碎，食咸鹹鹹地帶出粟米嘅甜～ 牛舌芯正常發揮，少少韌🤏 秋葵釀蝦肉比較少見，配蒜蓉辣椒醬係神來之筆👍🏽 芥末炸雞個醬好出色！係蒜味蛋黃醬然後有啲檸檬汁咁，食落好清新解膩，而雞肉仲保持到好多汁👍🏽 椒鹽雞軟骨個炸皮比較厚，勝在量多 招牌鹽燒白鱔煲仔飯嘅白鱔新鮮肉質彈牙，飯有微微飯焦，配埋蛋黃食好香口🥰

咁啱去冒險樂園經過先發現呢間餐廳，見環境都幾乾淨企理就入咗去～ 一坐低，店員都幾nice咁介紹吓有咩好食，當中最吸引就係有得用推廣價HKD$10叫燒蠔😍😍 因為得2個人，都唔敢叫太多住，最後一共叫咗一個前菜、一條辣魚、5隻蠔同2杯飲品就飽晒🤣 藤椒汁拌鯛魚片 • HKD$68 比較少見嘅小菜，幾有驚喜😳 口感好爽，特別啲魚皮，咸淡適中再加少少麻香，係好啱夏熱天時食嘅前菜～ 香辣孜然烤江團魚 (微辣) • HKD$328 因為同友人都唔食得好辣，但又好想過吓口癮，所以就叫左微辣，辣度啱啱好，適合食譚仔十小嘅人～ 餐廳一早幫手將條魚起咗骨，並將啲骨油炸過，再留落黎淆湯，呢樣喺其他食辣魚嘅餐廳都比較少見，反映咗餐廳嘅用心👍🏽 因為冇乜骨，所以食落啖啖肉勁爽，啲魚肉仲係好嫩滑，但一開頭就未算好入味，要滾耐啲先入味啲。 川燒生蠔 • HKD$10 第1 round唔敢叫太多，所以叫得2隻燒蠔試吓。 因為即叫即燒關係，都要等一陣先有。 蠔肉大大粒，好飽滿，而且食落仲新鮮。 呢個價錢真係好抵，所以後來round 2 encore左3隻🤣🤣🤣 食辣魚冇可能唔叫野飲，所以叫咗一人一杯。 冷泡白桃四季春 • HKD$32 飲到真係有果肉，茶味唔算好濃，整體唔算好甜。 荔枝多多冰 • HKD$32 呢杯就會甜啲，但益力多酸味味，食食吓辣野用黎刺激返味蕾就最啱～

餐廳新開張冇耐，但都已經幾多人幫襯 餐廳裝修都幾新淨，坐得都舒服～ 餐廳提供手套同濕紙巾，好細心！ 食物方面，除咗多款串燒之外，仲有海鮮辣鍋揀，不過要預早訂先有，所以今次就食左串燒～ 蒜蓉茄子必點，大大份仲要好惹味😋 五花肉表面烤到金黃，食落充滿焦香嘅豬油味，超啱做下酒菜🍻 章魚鬚串調味唔錯，而且肉質爽口唔韌～ 燒菠蘿爆汁勁甜💦 第一次見係咁樣串起啲粟米粒🤣 粟米係糯米粟，口感會煙韌啲～ 餐廳附有孜然粉同辣椒粉，食客可以自行再調味～ 另外仲叫咗個花甲粉，餐廳有跟我哋要求將辣度大減，所以唔食得太辣嘅我哋都輕易入口～ ——💲💲💲—— 特大蒜蓉燒生蠔 • HKD$38 | ✨五花肉串 • HKD$32 | ✨章魚鬚串 • HKD$22 | 雞皮(2串) • HKD$28 | 雞泡魚乾 • HKD$48 | 牛舌 • HKD$38 | 川燒牛串 • HKD$28 | ✨甜燒菠蘿 • HKD$28 | 雞中翼 • HKD$23 | 新疆羊肉串 • HKD$25 | 粒粒粟米串(10串) • HKD$30 | ✨蒜蓉茄子 • HKD$38 | 秘製醬汁花甲粉 • HKD$88 ——ℹ️ℹ️ℹ️—— Tip：餐廳新開張有HKD$1 串燒盲盒優惠～

餐廳裝修好靚，隨便一影都好打卡able😝


夜晚去見到有二人套餐，個套餐超抵，包左前菜、雞翼、沙律、Pizza同兩杯啤酒😳


餐廳提供十幾款tap beer，超過一半都係香港製造嘅～

我就叫左Jeng，飲落層次好分明，首先係好大浸果香味，然後會有種苦澀味，成件事好清新🍺

朋友唔飲啤酒就叫咗杯Just Peachy Cider，超香桃味，好易入口☺️



小食方面，我哋揀咗扭扭薯條，份量都幾多，而且炸到好脆～

最正係個茄汁，同平時快餐店食嗰啲唔一樣，呢度嘅茄汁係真係有蕃茄肉㗎😳



由於唔係好食得辣，雞翼就揀咗威士忌燒烤炸雞翼～

個醬比起一般燒烤醬甜少少，而且有啲麥香味，好易入口，兩個人幾分鐘就食晒成碟🤣



個沙律係Alvy’s Caesar，嗰醬係腐乳醬，而且配料有炸豬皮，整個食材組合都幾獨特～

炸豬皮令到成個沙律嘅口感更加豐富👍🏽

因為腐乳醬都會比較鹹少少，所以建議大家食之前要撈勻～



Pizza 係自製sourdough餅底，食落少少煙韌～
有菠菜嘅pizza都係第一次見😳

但啲菠菜配埋辣肉腸又出奇地夾，食落又唔怕會濕立立咁，好味！😋



由於聽講呢度嘅焗伏特加意粉都好出名，所以另外單點咗一份～

果然真係唔錯，個醬好creamy同濃郁，配埋啲芝士好邪惡🤪



——💲💲💲——
焗伏特加意粉 • HKD$148 | ✨二人套餐 • 每人HKD$238
🍻Just Peachy Cider • Jeng
🍟Curly fries
🍗Bourbon Barbecue Wings
🥗Alvy’s Caesar
🍕Popeye-roni

——ℹ️ℹ️ℹ️——
Tip：餐廳有free flow優惠，每人HKD$300就可以任飲多款啤酒、紅白酒、high ball同無酒精飲品～

餐廳原來有做優惠，3至6點前埋單離座，會有啤酒買一送一同主餐牌85折優惠～ 可惜食嗰日7點先去到就享用唔到 軟殼蟹沙律 • HKD$68 炸軟殼蟹沙律必點！ 炸衣薄又十分脆口，而且少見地原隻上😍 海之幸海鮮拼盤 • HKD$278 海鮮拼盤都幾大兜～ 帶子大大隻，一食滿口都係肉，好滿足😄 虎蝦燒到好香，不過得一隻唔夠2個人分😅 人氣串燒五品盛 • HKD$138 串燒質素都唔錯，叫拼盤抵過散叫～ 當中最鍾意燒翠肉瓜一入口爆汁🤣👍🏽 汁燒活鱔 • HKD$58 仲散叫左次次食串燒都必點嘅鱔 一食就知條鱔好新鮮，肉質彈牙😋 當日仲有叫其他串燒，不過太肚餓趕住食就冇影晒🤣 日本芝士蛋糕 • HKD$25 | 紅豆雞蛋布丁 • HKD$28 最估唔到係甜品都好食～ 布丁質地Q彈，而芝士蛋糕偏乳酪味😋

平日夜晚去冇乜人，餐廳送左碟牛肋肉比我哋，食落油滋味重，肉質超軟 另外，分別叫左個極尚和牛定食、風味和牛定食同散叫左其他食物。 極尚和牛定食 • HKD$168 肉方面，個餐包左A4肉眼、A4西冷、牛舌同牛肚，而且肉質都中上，不過份量就比較少 當中最鍾意A4肉眼，入口即化，油滋分佈平均👍🏽 風味和牛定食 • HKD$98 肉方面就比極尚和牛定食更少份量，但種類就較多，同樣地肉質不錯 當中最鍾意後胸腹肉，牛味重得黎肉質軟熟，而且好多肉汁🥰 菠蘿 • HKD$10 | 雞皮 • HKD$15 | 雞軟骨 • HKD$18 | 五花腩 • HKD$15 | 牛胸爽 • HKD$18 | 肩胛 • HKD$25 | 定食食唔夠喉，所以另外散叫左一碟 雞皮幾有驚喜，不過要好有耐性咁燒 五花腩都唔錯，建議可以燒耐啲令個邊變脆口先夾起 麒麟生啤 • HKD$68 | 梳打水 • HKD$15

一去到門口就已經有店員好熱情咁招呼入座 入到去見到餐廳裝修得都幾新潮，而且座位坐得都幾舒服 蟹粉蟹件喇沙摻摻 • HKD$82 呢個組合好少見，所以叫咗黎試 成個喇沙好多配料，有蟹、蟹粉、螄蛤、蛋片頭、魚蛋、豆卜、青瓜絲同半隻蛋 喇沙湯底好濃郁惹味，係幾出色 蟹粉食落似係溝咗啲咸蛋黃，而蟹件就烚得耐比較軟，其他配料合格 麵底係油麵溝米粉，烚得啱啱好，仲係少許彈牙嘅口感 整體黎講都幾大兜，而且湯底取勝 凍桔仔話梅水 • 跟麵+HKD$3 酸酸甜甜好開胃 而且餐廳幫客人將桔仔篤好先上菜，好貼心～ 餐廳最後埋單唔使收加一服務費，所以整體黎講價錢都幾合理 而且值得一讚係店員嘅服務態度好親切友善，所以食得幾開心👍🏽

黑松露香煎帶子可麗餅 • HKD$155 切開入面係滿滿嘅小元貝，煮得啱啱好唔會韌😍 個蘑菇醬加咗松露油同白酒，食落好香又唔膩👍🏽 想再濃啲松露味嘅話，可以夾埋鋪喺表面嘅黑松露醬食～ 唔好睇佢細細塊，但食完成塊都好飽㗎😆 香煎三文魚 (晚巿套餐) • HKD$278 三文魚煎得啱啱好，個皮仲要係脆卜卜嘅😊 伴有法國四季豆、烤焗薯仔、沙律同蕃茄仔，全部都調味恰當～ 蕃茄餐湯 • 跟餐送 推薦！勁香濃～ 除咗超濃嘅蕃茄味，仲食到好香嘅芝士味☺️ 啤酒 • 跟餐送 好少見餐廳嘅餐飲係免費送啤酒，所以都幾抵～

餐廳提供多元化選擇，有壽司、丼飯、日式料理等等 一入門口就已經見到唔同嘅壽司拼盤，客人亦可以按自己喜好單點 雞肉軟骨棒(2條) • HKD$35 食落啖啖肉，而且加咗軟骨所以口感豐富😋 平時出去居酒屋食，呢個價錢淨係夠食一條，呢間真係好抵！ 日式大阪燒 • HKD$48 餐廳好貼心咁樣將大阪燒切做一件件，所以食嘅時候好方便～🥰 味道方面正常，幾鍾意佢加咗魷魚粒，增加左咬口 蒜香三文魚炒飯 • HKD$58 炒飯粒粒分明，食落幾香口，而且啖啖都有三文魚肉🤪 雜錦壽司拼盤 • HKD$78 帶子鮮甜，而且三文魚都幾厚切～ 值得一提嘅係壽司飯調味得啱啱好👍🏽 海鮮味噌湯 • 跟餐送 入面有幾隻蜆，洗得好乾淨，冇沙👍🏽 小店除咗有賣食物之外，仲有賣日式調味料