同幾個朋友想傾計又想食辣野 尖沙咀I square 地點夠晒就腳 仲要啱啱好8點睇幻彩詠香江 我哋四個人叫咗三樣都夠晒 ✨酸菜魚(例牌) 酸菜魚好大鍋入面已經有薯粉 所以姐姐都叫我哋唔好再另外加! 魚夠滑 嗰酸辣味都夠 當然我可以再食辣啲嘅 ✨大千雞 大千雞係比較辣 真係醃到好夠味 肉質係比較實 所以食唔到辣就唔好叫😂 ✨土豆絲 因為有朋友食唔到辣所以叫 我哋叫咗小辣 都好食!!少少酸辣咁 依到除咗嗰景加分 仲有啲服務都好好! 仲有佢哋嘅茶係八寶茶

成日見到好多人黎打卡 專登黎試下依間vegan主題cafe 依到係自助service, order同坐嘅地方分開兩間舖 ✨Impossible sausage and cheese hk$98 好多料嘅wrap!!! 裏面好多菜！夾住豬柳都好fresh! 豬柳係impossible meat整嗰味道同真豬柳一樣味😂 不過嗰tortilla包得唔夠實 可能用紙包一包好啲 食一啖就會散開晒 我配咗杯flat white 不過比較普通🤔打奶打到番皂泡咁 唔好expect好高

天氣凍飲熱湯最正! ✨花膠雞湯翅 hk$78 好足料嘅雞湯翅！！湯底好濃仲要今日太凍 飲晒💕 湯可以配飯、刀削麵、米線、米粉 我揀咗刀削麵做麵底 雞好滑👍🏻都有5舊雞背 仲有金華火腿絲 有啲咸香味 一夾就有好多花膠 仲有翅！不過當然唔好expect係好靚嘅花膠喇 性價比超高！👍🏻 同埋冇加一

之前都喺灣仔店食 今次黎中環店 依到Lunch set 好抵食 不過今日過咗2點lunch hour~ 所以揀burger再+$41 要combo (sides & drinks) ✨Fish Burger 🍔hk$89 之前都係叫牛肉 所以今次試下魚 嗰包一樣外面烘到脆脆地 裏面好soft 魚柳好厚！咬落去炸到啱啱好 好滑👍🏻 配料有生菜,紅洋蔥,蕃茄同埋tartare sauce ✨onion ring 每次都叫洋蔥圈😻炸粉好薄 即叫即炸 外面好脆又乾身

見到依間嗰陣仲諗lunch hour會好多人排隊 所以一早去揾定位 等埋朋友 可能仲未係好多人知 所以啱啱好去到就有得入(齊人先入得!) ✨經典牛肉burger hk$68 依間主打食burger 裏面嘅牛肉煎到啱啱熟 好有肉汁👍🏻 成個set配埋薯條 啱啱炸起外脆內綿🍟 ✨黑松露雞肉risotto hk$68 一開頭都驚 會係扮risotto燴飯嗰啲😂 食落係真risotto!! 一粒粒煮得啱啱好又煙韌💕 落咗黑松露醬係香啲~ 依間性價比超高 仲唔會坐到好迫可以傾下計！

因為成日好多人post 所以都為了吐司入元朗國😂 星期六日超級多人排隊 朋友講過話之前去襯都幾廿人喺岀面 平日果然冇乜人🤞🏻 ✨Oreo紫薯吐司$46 睇到好多人話推薦oreo 真係好食❤️多士烘到脆 入面夾住超多oreo碎 脆脆地咁夾埋紫薯蓉 又唔會好甜 ✨芋圓 + 炸物拼盤 $42 仙草芋圓1號🍧 有紅豆同埋粒粒蒟蒻 好多料！紅豆唔會好甜 炸物拼盤係台灣小食 台灣腸、甜不辣、地瓜球 甜不辣炸到旁邊好脆！驚艷！ 配咗一小碟蒜茸醬 一定要沾！好香👍🏻

觀塘隱蔽日式喫茶店❤️ 入到去工廠大廈再去Block A 搭𨋢嗰位轉入 星期日brunch 我地叫兩個lunch set ✨招牌咖哩飯🍛hk$78 牛肋肉煮得好入味👍🏻 咖哩味道少少甜帶辣 通常日式咖喱都有加蘋果 依間仲有啲青煮到好稔 配菜有沙律 仲有好綿嘅蕃薯蓉🍠 ✨牛油果沙律hk$68 沙律份量好大碟! 下次我都食依個~牛油果整整一大個🥑!!! 仲有火龍果片 朋友話食極食唔完lol

係素年呀The vegetarian-friendly cafe 🌱 平日嘅話唔洗排隊就食到😻 之前去深水埗真係好多人 經過荃灣完全唔洗排隊 即刻入去 ✨黑松露蘑菇burger hk$98 芝士融晒😍一啖咬落去 好香truffle湧出嚟 唔鐘意陣味嘅話就好慘😂嗰包就有啲乾同唔脆 不過炸蕃薯條好正!!好脆裏面又好綿 ✨咖喱吉列豬扒飯 hk$108 吉列豬係omnipork質感係免治肉咁 炸到好脆👍🏻 意大利飯煙韌 咖喱味道帶甜似日式咖喱

去完happy hour想食啲辣野熱野 見到香港竟然有日式湯咖喱😻 咖喱soup base有三款Tomato/Coconut/Shrimp 我地都揀咗蝦湯 真係好濃！ 仲有辣度: 我試咗中辣20啱啱好😂下次試下25 ✨Marathon Chicken hk$118 雞脾唔夠嫩 有啲乾柴 不過拆咗啲肉岀黎 雞絲幾吸湯 ✨Ocean Trophy hk$138 好多海鮮!!😻青口、蝦、花枝、帶子 另外湯咖喱有好多蔬菜配料～仲有一大碗日本米飯 超級飽！

因為睇到好多post打卡Turkish Lamp😍 地點more close to Austin Station 我同朋友兩個人 叫咗一個前菜兩個lunch set share ✨Figs and Pomegranate salad 🥗 hk$65 嗰樣太靚 好打卡 不過我地都失望係肥仔沙律醬😂 如果係柚子醋應該好食🤔 ✨Shish Kebab (Lamb&chicken) w/ Pita bread hk$78 羊肉雞肉都嫩好多汁🔥仲燒到好香 夾埋乳酪青瓜蕃茄包住食 ✨Curry Chicken w/ Couscous hk$78 咖哩唔係好辣但好香 有好多配菜: okra, onion, carrot 配中東米 好夠乾身 食到一粒粒