呢間餐廳主打平民價西菜，而且CP值高，唔怪得連登d人成日推薦大埔店🍕 🍖 脆皮德國咸豬手 $178 見到隔離枱食緊好吸引所以order呢個😝 豬手份量超大！一隻完整嘅豬手切好再連骨上枱，肉質偏嫩唔會overcook變韌，而且個皮真係脆卜卜，加埋酸菜椰菜真心好食🥹 另外薯蓉夾帶薯仔粒，口感豐富再配gravy一流😝 大推豬手！ 🍕Homemade 83雜錦pizza $80 $80 有8大片嘅pizza，CP值爆登😛 超薄餅底脆卜卜，唔會好似厚批咁好快就膩，配料有三色椒、辣肉腸、火腿、菠蘿同牛仔腸，再配上溶咗嘅芝士very good😎 🍟 83精選拼盤 $188 有三文魚多士、雞翼、豬仔骨、沙津、薯條同onion rings🧅 全部炸物都炸得啱啱好，夠脆身但又唔會太油，洋蔥圈同豬仔骨有驚喜，豬仔骨有肉味但唔會過鹹，全部都好滿意😗 成間餐廳環境都好舒服乾淨，好適合一大班朋友聚會，當日都見好多人嗌外賣開party，希望九龍可以快d有分店等我唔洗去咁遠都食到🥹🥹 📍 Route 83 粉嶺馬適路1號逸峯商場地下25A號舖

最近去探住灣仔嘅朋友，夜晚決定買外賣一齊食，佢推介呢間壽司店，試完又真係唔錯😆 食材新鮮而且價錢非常公道，仲有唔少選擇😎 🐟 和風鰻之花卷 $46 性價比超高！$46有8件鰻魚加牛油果卷😝上面有木魚同蟹籽，配埋鰻魚同牛油果好夾～ 好食😝 推薦呢個！ 🍣 灸燒黑松露牛油帶子壽司 $58 帶子鮮甜而且夠厚身，食落帶輕微黑松露同牛油，又唔會蓋咗本身帶子鮮甜嘅味道👍🏻 🍣 灸燒黑松露赤海蝦壽司 $58 赤海蝦肉質爽甜，一樣同黑松露味好夾🤍 🍣 灸燒三文魚壽司 $58 三文魚皮燒得夠甘香，一入口充滿三文魚油🥹 再加上沙律醬變得好惹味😌 我自己一個都食咗六嚿🤣 $58/10pcs真係冇得輸！ 🐠 油甘魚刺身$68/ 三文魚腩刺身$72 兩個都係腩位，夠晒脂肪，入口充滿油香😌 完全唔會有腥嘅感覺😎 刺身厚薄適中，滿意🤭 舖頭喺正灣仔地鐵站對面，過條馬路就到，都好方便～下次經過再買🤣

想去呢間人氣甜品店好耐，某個星期日晏就終於試到，唔係淨係得個樣打卡，連味道都超級好😋😋😋 like x100000000000000😍 🍧 黑極 黑芝麻豆腐冰 $98 因為屋企人係芝麻fans所以揀咗呢個😙 一入口芝麻味超濃🥹 頂部放咗海邊走走蛋捲，食到中間會有芝麻花生碎，芝麻雪糕，最底仲有豆腐花😍 成個combination都好夾同好有誠意，唔同stage食到唔同配料，仲要全部都好夾，帶出超香芝麻味😙 呢個超級大推！！！！😚 🍑 桃之戀 $148 新品推出加上本身鍾意桃所以試吓，一樣完全唔會令人失望🥹 桃味冰入口即融，味道唔假，好香桃味～ 頂部有frozen蜜桃粒，入面有蜜桃果乾、Haagen-Dazs桃味雪糕，最底就有椰果，一樣層次好豐富，酸酸甜甜咁超開胃😚 呢個都超級出色！！！！！ 呢次係我第一次食甜姨姨，但保證必會再嚟！feel到真係好有誠意，而且真係高質🥹🥹🥹 如果九龍新界都有分店就好啦🥲

受疫情影響，已經有兩年冇去過日本🥲 有冇人同我一樣每次出街都好想食日本嘢😂 今次呢間價錢實惠之餘味道亦唔錯！名副其實CP值超高🤍 佢有唔少lunch set揀，價錢由$48起，每個set包飯、湯同前菜！認真抵食😗 🥩 美國牛小排 & 牛板腱 雖然只係100g 但份量一啲都唔少～ 最少有八大片肉🥹 算有牛肉味而且唔會好多脂肪 🐖 豬腩肉肥瘦均勻，唔會太多脂肪或者勁嚡口 🐮 牛五花略為有筋，但完全對得起 $35呢個價錢～ 🐟 青花魚帆立貝魷魚鬚 呢個set啱晒唔想食肉又想吸收蛋白質嘅人，一人份量啱啱好，味道亦都OK，帆立貝咬落去有口感😗 最最最推介 A4黑毛和牛肩胛，好有牛味，完全唔似雪藏肉，脂肪比例一流，入口Feel都好香嘅牛香🥹🥹 有日本嘅感覺🥹 欣賞呢間係可以追加嘢食，而且價錢係好合理，成間餐廳感覺乾淨企理，都幾適合一班朋友聚會同飲酒吹水～ 唔知幾時先可以去到日本，下次再過嚟望梅止渴🥹

呢間新式酒樓有別平時嘅酒樓，佢全部點心都好有創意而且裝飾得好靚，成個用餐經驗都好愉快☺️ 天鵝紫霞雀籠點心 一上枱真係好驚喜，成個擺設都勁有心機！真係有afternoon tea嘅感覺～ 蜂巢天鵝酥新鮮炸起，好鬆脆又唔會太油膩～ 流沙煎堆仔呢個非常推介！🤍 個皮脆卜卜，一咬入口啲流沙就流出嚟，邪惡之最，好味🤪 麻雀千層糕造型超級得意！打卡一流～ 蝦餃亦都新鮮，皮薄餡靚😬 有咬口之餘亦唔會成口肥豬肉～ 比例啱啱好🤍 小籠包有水準，多汁肉鮮🤍 乳鴿$38一隻好抵食～ 出去自己買都差唔多呢個價！ 最後甜品叫咗椰皇雪蛤燉鮮奶，椰香味濃，雪蛤亦都好滑，建議大家早d order，咁食完點心可叫上枱，啱啱好～ 呢間真係唔錯，幾特別～

平時都鍾意食越南菜，所以每次行經越南舖頭都會留意一下～ 而呢一間就行經過幾次，終於有機會試到啦😗 完全冇令我失望之餘更是有驚喜😆🤍 🍲 新竹園火車頭 $78 去越南餐廳點可以唔叫牛肉河粉～ 雖然只係叫咗一人份量，但係份量唔少，兩個人share都可以！湯底超濃牛肉味，加埋九層塔簡直係絕配，河粉夠滑，生牛肉唔會過熟，牛柏葉入味，牛丸亦都唔錯！🥩 呢個推介🤍 🥖 鮮茄牛腩煲配法包 $82 蕃茄味超濃郁，超級多蕃茄，牛腩亦都夠淋，啲蕃茄味入晒味～ 無論係送包定係白飯都一流！😬 法包亦都烘到脆卜卜，正！ 🥗 柚子鮮蝦沙律 $68 蝦同蔬菜嘅比例啱啱好～ 唔會有唔平衡嘅感覺，成個感覺好refreshing, 做前菜一流🤍 🍗 法式牛油雞翼 $48 係兩件雞全翼，牛油味夠重而且蒜蓉味好香，上碟亦唔會有好油膩嘅感覺，以前食過啲下面隻碟全部係有嘅，呢間唔會有～ 整體唔錯！ 呢間性價比高而且味道唔錯，絕對會有回頭～

呢幾個月都忙到飛天，所以少咗update，不過我會繼續努力，再推薦畀大家✊🏻 某日入屯門然後問屯門牛朋友有乜推介，佢建議呢間，地點都好方便，喺正屯門市中心，泊車都好平(大鄉里)！ 🍜珍寶喇沙 $50 有豬軟骨 肥牛 魚蛋 龍蝦丸 花枝丸，有唔同麵選擇，我就揀咗油溝米粉～ 湯底好濃郁，亦好重椰香，喺香港算係我食過頭幾名嘅喇沙😗 另外兩款麵溝埋食有唔同口感，都幾索湯，不過油麵就冇米粉咁襯個湯底，餸方面就不過不失😗 🍗 脆炸雞扒喇沙 $50 炸雞好出色，好出色！！炸粉鬆脆，然後雞肉都好嫩滑🤓 呢個極力推介～ 另外呢碗揀咗瀨粉溝米粉，不過我覺得如果成碗都係瀨粉會更好🥸 總括嚟講呢間有回頭～ 不過食完之後真係勁口渴，應該都幾重味精，如果可以少啲就好啦🤓

有冇人同我一樣，寧願平時戒甜，都要留返d quota嚟飲台飲😎😎😎 某日行經迷夏客，試咗杯夏日新品，好飲程度遠超乎我想象😱😱 🥥 龍眼椰椰3.2 免費配料3選2: 蘆薈/芋圓/仙草 一入口超重椰香，味道極濃郁而且清涼爽甜！椰香味之餘仲有龍眼味慢慢滲出來，特別之餘仲要好夾😙 飲完先發現原來個名叫3.2係因為每杯足32粒龍眼😱 仲要唔加水唔加冰！😱😱😱 免費加嘅蘆薈清爽有口感，再配埋芋圓又有煙韌感，成件事好特別，亦都好夾！！！ 雖然要40幾蚊，但飲完都超級飽肚，而且超級足料，所以絕對有回頭🤩🤩

良心價嘅特色雪糕店🍦 $10兩球雪糕真係良心價～ 仲要係特別味道嘅，好多味都未試過😙 荔枝、紫薯、北海道牛乳 $22 因為有兩款都係特別口味，所以要補返少少錢～ 紫薯味濃郁，而且真係有粒粒紫薯蓉係入面，呢個好食🍠 荔枝味一如以往係我fav😙 反而北海道牛乳唔算好重奶味，呢個一般般～ 我到最後先發現原來有波子汽水味！！！可惜真係食唔落，唯有下次😬 呢間雪糕店令我搵返以前通街都係雪糕店嘅回憶～ 而且價錢都好平，希望以後都多啲平民化嘅選擇🤓

有冇人同我一樣好鍾意食川菜，而呢間係ToNick主音恆仔開嘅 ⠀ 喺荃灣應該開咗都一段時間，位置雖然唔偏僻，附近就係街市，但因為係樓上舖，平時行經完全唔會望到佢🤧 lunch time上到去都係小貓三四隻，員工多過食客🤨 ⠀ 🐟 招牌酸菜魚 連白飯 $88 ！！！！呢個好食！！！！ 8/10 湯底夠酸而且味道豐富，唔會係死酸/辣，兩者平衡得啱啱好，而且味道都香，就咁飲都唔會覺得太油膩，魚片份量唔少，而且夠晒滑溜，最重要係冇骨🤓 唯一略嫌唔夠多酸菜～ 酸菜魚入面亦有薯粉，perfect match! 唔食個飯都完全夠飽，分分鐘兩個女仔食都夠～ ⠀ 🍲 麻辣風雲湯薯粉配肥牛鴨血 $53 麻辣湯底反而冇乜特別，酸辣湯底完勝，而且肥牛同鴨血嘅份量比較少，每樣得兩片，味道正常發揮～