要係灣仔區食午餐，想坐得舒服，有杯茶飲下，仲有套餐，無百幾二百都無可能。 但呢度午市套餐竟然60蚊有找，仲要免加一 講緊就係呢個小麵餐，收你$58，坐低有壺茶比你，以為淨係得茶同麵？nonono 個餐有一碟三款開胃小菜，係酸酸辣辣既蘿蔔，木耳同埋鳯爪，好香口好好食，尤其個醃得蘿蔔好爽脆，諗起都流口水。麵餐仲會跟飲品，推介自製系列，我飲開羅漢果，好濃好味，飲完個喉嚨好順。 個麵呢...我揀左水餃麵。一黎唔記得影相就比我食晒雖然見到層辣油，但我只係叫左小辣，配埋d麵係剛剛好，食落好香口，一啖接一啖停唔到 以為咁就完？Nonono仲有碗糖水呀！ 即係$58有茶，前菜，飲品，小麵同糖水呀

見到外賣自取有個優惠餐幾抵食，又好掛住台灣麵線即刻落單先！ 行到門口呆左咁多人既，原來其他外賣平台做緊優惠，好多人叫外賣，張張都係大單。見到職員做到無停手，又要接堂食單同埋walk-in外賣，真係睇見佢哋都忙到暈。 整到我份外賣，剛剛無哂韮菜餃，要再等出爐。職員見我等得耐，都好好咁問我轉唔轉其他餃，咁就轉左招牌餃。 煎餃我食咁多次品質都算一致，煎到金黃色睇到都好食。餃子皮帶點煙韌，餡料可以保持到肉汁，好食。紅油抄手就第一次食，個汁對我黎講有啲太辣，係香口好食既。 重點係麵線，有大腸同貢丸係入面，有蒜香味，好正，好有係台灣食麵線既感覺 最後就飲埋杯珍珠奶茶，味道正常既，只可以話係合格之作，唔算出色。 總括嚟講CP值高，會繼續支持！同埋辛苦晒班職員

每次經開QRE條後巷都會聞到好香芝麻油味，沿住香味行就會黎到金子半之助之後會見到一條人龍係日本要排隊，到左香港都係繼續排唔想排就可以選擇外賣自取，仲有折扣優惠。 我就預先落好單，去到就拎得。外賣包裝係一個紙盒，由於紙盒內壁有膠塗層，所以放炸物都唔會拎個盒有油漬，整整齊齊乾乾淨淨 外賣係無跟麵豉湯既。配菜係醃薑，會因為外賣而唔同左？呢個就唔肯定。秘製醬汁係分開上黎保持天婦羅香脆，有別於堂食係會淋係上面。最緊要係，外賣係無天婦羅蛋架呢個係唔排隊既代價 經歷左十分鐘路程，整個飯盒都係有熱度，而且天婦羅都係香脆既，食落都有堂食八成功力( 我都有心理準備會食軟天婦羅)果陣芝麻油香氣真係無可取締，外賣有呢個效果我已經好滿意。但係無左湯同蛋，男士食就未必夠飽，而且我每次堂食都會加醬汁，呢一盒仔汁分量對我就唔太夠 嗯⋯⋯食完我決定下次都係乖乖排隊堂食而家要去搵下pantry有冇零食先

我唔算係bakehouse常客，一個月都起碼會光顧一次，食物質素係好好，SCONE同SOURDOUGH EGG TART都係我最愛，CP值好高。 Take away counter經常要排隊都出咗名，今日happy fri 諗住買SOURDOUGH EGG TART食開心一下，見到長長人龍都照排啦，鬼叫我想食咩。 排隊期間職員都好好，會留意有無人插隊，又會控制秩序。排左二十分鐘終於到我了點知EGG TART已經賣哂⋯⋯職員就話會十五分鐘後再出爐，我想係旁邊等出爐，但佢話無得咁等，要重新排過架。咁我見有時間就算啦，再排多次。又排多十五分鐘後，好不幸地EGG TART又再次賣晒，排我前面位女士都係排左兩次都唔到就同職員理論。嬲係正常既，呢個安排完全係睇你彩數，好彩就排一次就撞正出爐時間，唔好彩既，你排十次都買唔到。位女士都嘈左一陣，另一位職員就叫佢埋一邊話可以留番幾個比佢轉頭黎拎，咁呀女士滿意地先行告退！？！？！？！？下，咁我排黎做乜！？！？嘈下又可以留貨架。我明職員係好難做，係公司安排，但呢個安排令我好失望⋯⋯ 之後下一個就到我，咁我都係話我排左兩次，好想係隔離等出爐⋯⋯得到既答案當然係唔好意思要再排過⋯⋯我都可以好似前面條友咁發癲，不過我做唔出，EGG TART係好食，但係為左佢變潑婦值得咩 最後都排左咁耐，求其都要買d野。哈哈，排到連CROISSANT 都賣哂了買個PRETZEL CROISSANT TWIST頂住先⋯⋯不過今次真係食而無味⋯⋯

對馬友黎講任何新食店都係一個希望，今日又見到一個新希望熱狗店！！ 我對熱狗既認識都係因為IKEA，即係一個包夾條腸但見到zeppelin menu就改變左我，每款熱狗既相都好吸引！我要試！！ 留意番最下面果兩款熱狗係暫停供應架！ 剛好 行過見到無乜人喎，就叫個熱狗當下午茶先！ 落完order就問我介唔介意留個電話，後面廚師哥哥就解釋釋係整好左就會打比我，大約等十五分鐘左右。呢個安排幾好喎，唔洗係出面哂太陽呆企，可以去對面商場嘆住冷氣等。不過佢地就會忙d，見佢地不停手整，仲要處理外賣，真係辛苦了。行左一陣就接到電話有得拎了，都好似無十五分鐘咁耐。 外賣到家時間: 15分鐘 呢個係澳式風情熱狗，初初以為係大澳風情，即係咸魚熱狗？？原來澳式係指澳洲...，條紐綸堡腸好香，加埋d千島醬又火炙過，有燒烤既味道，好香好好食熱狗入面仲有芝士煙肉菠蘿，呢個配搭點會唔好食呢？ 叫左另一個係美國洋蔥圈熱狗個包係有烤過，小小脆脆地，望落去就好明顯係洋蔥圈套住條熱狗腸。熱狗腸係脆皮好食！不過醬汁唔太夠，加埋洋蔥圈係炸物，會有d乾。但係又發現到佢洋蔥圈好好食，外脆𥚃面洋蔥又好甜，下次我會叫洋蔥圈小食 加多12蚊可以加配兩樣野，有小食同汽水揀。我揀左薯條同牛油粟米薯條當然好食過老麥，新鮮好多，又有茄汁同千島醬(黑色係我自己加既黑松露醬)食完肥死都抵。牛油粟米好甜好食，又有牛油香，又大杯。加12蚊就有真係超抵！ 無咩事都係係屋企跑番幾個圈先

lunch set 有三個選擇，款式會定期轉換，係社交平台page都可以睇到最新menu

今次最令我驚喜係用蝶豆花配意大利飯，我真係第一次見蝶豆花茶就飲過，乜可以用黎煮野食架咩？？真係要試一試！

Lunch set 可以揀跟湯或者沙律沙律配色好繽紛，紅菜頭好甜，個沙律汁都有d甜味，食落好清爽。

是日餐湯係紅菜頭湯，我都無見過餐廳會用紅菜頭做湯。個湯顏色好靚好吸引，紅菜頭補血又抗衰老，咁有益真係要食多d。個湯係甜湯，有打碎d紅菜頭，都食到小小細粒紅菜頭，增添少許口感，夏天飲呢個湯好清新，無負擔

之後到主菜，係期待已久既蝶豆花意大利飯。個飯有小小粉藍色好靚呀配三色椒又好靚，即刻食指大動。食落有蝶豆花既香味，唔會太多，估唔到又幾融入到全個飯，飯既軟硬度剛剛好，好有驚喜！

呢個冬蔭公湯底好香，因為係素菜關係，所以冇可能同正式冬陰功一樣味道，但係都好清爽，好好味。個烏冬配色都好吸引，又紅又綠咁，見到已經大加分，仲配埋蕃茄秋葵好健康！

每次去OVO都係視覺享受，餐廳環境好多綠色植物又有花，食物配色好繽紛，價錢又合理，所以我都經常幫襯

呢個時勢日日都要食外賣，見到鼎泰豐外賣自取有節就試一試啦！ 其實平日都有食開堂食，每次品質都好穩定。明白外賣會影響食物質素，如果有折都可以彌補番既。今次一共叫左三款食物，睇下質素如何先！ 取外賣到家歷時: 30分鐘 1. 台式紅燒牛肉湯麵 而家嗌外賣多數都會分湯，經過30分鐘個牛肉湯仲熱，即刻飲一啖先，同堂食個味一模一樣好令人懷念，裏面有一舊牛筋同埋四至五舊牛腩，牛筋好入味好香，牛腩好淋有肥有瘦，好食 個面分開放但係都擺得好靚，呢個麵質係避免唔到痴埋一舊既命運，揚開晒再加埋浸左湯一陣，都係有d痴埋，無辦法 整體而言都有堂食八成既感覺。 2. 香蔥拌麵 一打開個盒就聞到好香嘅蔥油味，個麵都係放得好靚好整齊，拌有青蔥同埋香蔥油。呢個麵會比牛肉麵痴得無咁埋，可能因為有油嘅關係。食落去好香，啲蔥都好夠份量，每一條麵都可以沾到蔥油整體來講有堂食九成嘅感覺。 3. 紹興酒醉雞 欣賞佢個酒分開放，咁啲雞就唔會浸酒浸得太耐影響個味道。冷盤同堂食一定做到一模一樣，個擺盤都好靚，值得一讚。 今次外賣好滿意會再幫襯！