今次同兩個friend去荃灣食西餐，我都係第一次食呢間餐廳🍴都裝修得幾靚♥️ $28 忌廉蘑菇湯 配舊麵包 蘑菇冇blend得太碎，有口感✨ 但唔creamy，冇忌廉味，淡口，諗緊忌廉係咪淨係白色嗰少少😂 另外落咗好多香草😵‍💫個人麻麻地 $98 日式櫻花蝦芝士玉子燒 呢個玉子燒係成餐飯最好食嘅一樣嘢🫢 芝士流心🤤同埋足料😝 $178明太子忌廉汁煙肉意粉 Hmmmm 不過不失 落咗好多煙肉，但係味道一般，唔覺得值$178 不過份量係OK嘅，都幾大碟🍽 $158 自家製芝心和牛丸日式咖喱牛肉飯 最後係呢個牛肉飯，見到個名嘅時候覺得好吸引，點知真係食嘅時候，牛丸係見到有芝士流心嘅，但真係冇乜芝士味，同埋粒肉丸好散，都有啲失望😞 $48 Ice Mocha 細細杯 可以揀咖啡豆 Nutty / Fruity 我係揀咗Fruity嘅 飲到佢個咖啡豆個香味嘅，但係唔知點解有種苦澀味，唔係咖啡嗰種，我都唔識形容 本身想叫甜品，不過我地20:15左右入座，20:48就有職員同我哋講: 我哋依家last order咗啦，你地要加嘢食好嗌埋 我哋都估唔到餐廳22:00閂門，會咁早last order，佢地話係20:50 last order 見佢哋好似好趕時間收工咁，就費事阻住人啦😂 我覺得食物質素係正常嘅，但係呢個價位可以有更好選擇，同埋太早截單😅如果想過嚟食嘅話真係要早啲到，21:15已經叫我哋埋單 應該唔會再有下一次了haha

見到有好多人話呢度嘅龍蝦set好好食，既然咁多好評我就決定嚟試吓🙃冇諗過會係咁 叫左個龍蝦芝士焗通粉($154) 首先，個通粉好乾，冇汁都算，仲要冇乜味，不過有啲咬口。龍蝦肉有撈入通粉度，不過啲龍蝦肉都幾大陣雪味😖面頭啲芝士係比得幾夠嘅，不過芝士撈雪味龍蝦肉冇味通粉，唔好食，cp值唔高😶寧願你地落少啲龍蝦肉，整返多少少汁🙁 至於杯Rose lady ($68) Cocktail 呢樣嘢好似藝術品咁，唔係個個人都識欣賞，可能呢杯Rose lady唔太啱我口味😥

呢間舖頭喺K11一樓嘅角落頭位😂我都搵咗一陣先搵到 今次去咗食lunch set😋揀咗澳洲牛扒6oz 首先有兩塊餐包，用袋裝好得意😂都唔錯，牛油又夠多 牛扒set黎講，$118呢個價錢都ok，牛肉切落去嘅時候感覺好多筋，不過食落又唔會好韌。牛排冇醬，只落左鹽同黑椒，但已經幾好食😋可惜肉汁比較少同肉味唔濃，如果唔係就100分啦🤣 薯菜係煱薯配一啲蔬菜，普普通通，一樣都係冇醬汁。 值得一提嘅係，呢度環境唔錯，啲位唔會太密，同埋服務態度幾好🥰覺得可以再試其他野食！

去The One 行街經過見到呢間日本餐廳主打係pizza😍好似幾好食咁，就決定入去試下 叫左兩樣嘢食😋 首先係個蟹肉醬薯條🍟好驚喜😆佢個蟹肉醬好濃蟹味，醬入面仲有一啲蟹肉絲🦀好足料！雖然有啲細兜，但係都夠點晒成份薯條，而且薯條上面有啲紫菜碎，同個醬嘅味好夾😋 之後就到個Pizza😍😍😍 Pizza餅底好鬆軟，就算係邊位都唔會好硬 好足料🥰好多芝士同煙肉，最特別嘅係佢入邊加咗柚子🤭佢嘅酸甜味中和左芝士嘅膩，再加埋啲紫菜，個味好得意👍🏻係我鍾意食嘅味

終於有機會嚟試Gram cafe & pancakes 🥞 次次經過見到佢哋門口嘅pancake 裝飾都覺得好可愛😆 今次試左每小時限定20份嘅premium pancake🥰 個賣相好靚！！！疊到好高🤣我影完相嗰1秒面頭舊牛油就跌咗落離 個pancake淨係俾咗好少糖漿😂本身以為會唔夠 但係發現啱啱好😍舊cream好香牛油味，成個pancake主要係牛油香而唔係甜味🤩就算一個人食晒都唔會覺得滯😋同埋個pancake好香蛋味，有少少🤏咸味，加埋cream食真係超正❤️不過$138有少少貴🥲下次可能會揀其他 另外叫咗兩杯沙冰🥰不過不失啦，白桃味嗰杯食到有果肉😝

第一次去呢間cafe☕️見到環境好舒服又唔多人 叫咗杯嘢飲同埋個番薯條 杯梳打有啲酸😖好檸檬 番薯條都麻麻地😥唔脆，冇乜味 不過野食賣相真係幾靚，同埋好有家的感覺😂

今日行K11，見到呢間裝修得好有日本feel嘅串燒店，好似幾好食咁，就走左入去食🤭雖然鋪頭入面好多人，但感覺唔會太迫，而且裝飾得好靚🥰環境一百分💯店員服務態度都唔錯 我地兩個人，叫左一set四串雞同和牛漢堡扒，望到餐牌張相都幾靚，諗住如果好食就叫多份，點知漢堡扒好細份！個汁係好味，但粒漢堡扒真係好細粒，好似肉丸咁，而且有少少散，肉味又唔係濃，$108食咖哩肉丸真係有啲失望。。。😞 之後就係個幸福鳥串燒(雞肉)，$138/4串唔同口味 口感好食，有咬口，但味道一般，得燒汁嗰串叫做好食少少😥辛辣，鹽燒同芝士都好一般，好淡味 因為份量少，味道又普通，最後決定食唔飽都埋單走🥲冇下次

今日同朋友出街，見到呢間餐廳Main course有買一送一，就入左去試食😝 我同朋友都係食牛扒🥩肉味濃，唔會韌，冇乜筋 可惜份量有少少細，Menu張相大塊好多，同埋薯菜冇特別調味，如果要比原價可能會揀番Dinner Set 黑松露薯條就比想像中大份🙆🏻‍♀️因為本身鍾意食黑松露，所以呢個薯條真係一百分💯 跟住比較意外嘅係可以喺呢間西餐飲到黑牛同白牛😍冇乜特別但係有一種懷舊嘅感覺 總括嚟講都OK😋下次會再嚟試其他野