紅酒燉牛肋條蕃茄羅勒醬意粉 意粉有點硬，彈性一般，不過掛汁水準唔錯。牛肋條燉得非常淋，入味。以千島沙律醬作點綴。汁唔多偏向乾身。肉醬配上羅勒味道清新，少酸。整體味道豐富，雖然食到後期有點像肉醬意粉。感覺加上芝士會更好。 Dirty 去cafe如果有Dirty都一定會試，可以試到咖啡師嘅功力。呢杯Dirty感覺奶唔夠凍，所以冷熱兩層並沒有分隔得很開。咖啡shot有少少煙燻味道，酸度較小。飲用感受還好，至少冇變咗做latte。 店舖外有4個位，喺涼涼地既天氣chill下都幾舒服。店舖內位置不是太寬敞，但都沒有太擠迫，唯獨廚房油煙味較大。 整體食物水準還好。以$103喺尖沙咀食呢類cafe lunch 算唔錯。

紅燒牛肉麵 $60 左右價位，性價比高 麪：一係食牛肉麵都非常注重麪條。呢一間麵條非常煙韌，口感好好。 牛肉：脂肪與肉一層層，煮得好淋，唔係有咬口嗰種。牛味突出，好香。 湯底：唔係好濃，好混濁果種，有陣陣藥材味，味精唔多。香味不是太突出，沒有蓋過其他食材。

抗疫期間，好多餐廳都冇開，星期日既荔枝角人氣少得可憐。不過這情況卻令這間小小的食店變得份外舒服。慢慢地品嘗微辣的雞，聽著一堆陪伴九十後成長的台灣歌，感覺好chill呢！ 環境： 唔大，但都坐到5、6檯客。今日就只有大概10個人，不太嘈吵。簡單的擺設及色調好配合枱櫈顏色，望住都覺得舒服。（純粹個人主觀感覺啦） 食物： 叫左個午市套餐（$63），鹽水雞（微辣）+2個餸（皮蛋&貢丸）+肉躁飯+飲品（另加$10叫個芝士奶蓋四季春），都算抵食。主角雞肉爽口入味，冇乜肥油。味道方面辣味清新，唔會好嗆，如果加少少芝蔴會好啲。配皮蛋簡直係正，不過隻皮蛋蛋白爽口啲口感會更好。貢丸同肉躁飯就表現正常。 芝士奶蓋四季春表現合理，茶底少少甘香，奶蓋部分略嫌太多cream，但鹹味適中。加$10就有，very ok la! 3人以下聚會最適合，大家識做啦。

夜晚想食唔同種類的食物，但又不想太貴的話，薩利亞永遠都是一個很好的選擇。簡單叫了一條鯖魚，一碟菠菜，一碟蜆，加多4隻雞翼，非常滿足。鯖魚味道還好，肉質不用期望太多，但都有點汁，不會太乾，以三十幾蚊嚟講，質素唔錯。菠菜就冇德寶果間咁好食，唔夠鹽及胡椒，味道差一點。最正係燒雞翼，食完4隻都仲想食多4隻，的確係當放題咁食的節奏。以我這樣放縱的食法，都只是用了$87，非常抵食。 我覺得呢間餐廳絕對適合一大班人一齊毫無節制咁食，抵過食放題！

車仔麵舖夜晚9:30就截單，有幸喺截單前趕到。 環境 舖內卡位比較多，整體感覺乾淨企理。最正的是電視機沒有播CCTVB！ 食物 食車仔麵一定要有蘿蔔，就叫咗碗腩汁三餸麵，蘿蔔、牛展、貢丸配幼麵。可能係最後一碗，廚房加多左四粒魚蛋俾我。先講講湯底腩汁，味道還可以，不會過鹹。麵底方面，口感未夠爽口彈牙，適合啲鍾意食比較黏少少的人。餸方面，蘿蔔煮得非常透，很入味。牛展味道一般。貢丸魚蛋正常。三餸麵只需$37，性價比算高。

之前未食過芝士雞煲，便嘗試一下。 環境：座位大小適中，有一點點擁擠。全場爆滿的時候應該會有點嘈。現場玩即席音樂表演。 食物：芝士雞煲雞肉很多，雖然是冰鮮雞肉，但仍可接受。淨雞煲都會飽。味道可以接受，但不特別。當中介紹的芝士雞煲撈公仔麵配搭得不錯。另外要介紹的是脆肉脘魚，非常新鮮，絕對唔會令你失望。

非常抵食的午餐。
環境：非常寬敞，可以坐在這裏靜靜的看書，尚算舒服。
食物：叫了一個白汁蘑菇吞拿魚長通粉。原以為只有餐飲跟餐，但原來還有湯及甜品。羅宋湯味道可以接受，不太酸不太鹹。長通粉味道不錯，吞拿魚不會太乾，整體又不太漏。熱咖啡都不錯，雖不是精品咖啡的質素，但都未至於是普通茶餐廳的咖啡。不太酸，有一點點澀，感覺可以。最後意想不到地有甜品跟。最正係埋單好抵，只需$59。
一間有良心，質素可以接受，又抵食的店不多，大家多多支持！

本身冇乜期望咁去搵宵夜食，見有麫檔就試下，結果有驚喜。叫了一碗淨牛丸，一碗牛腩麵。 牛丸食得出是手打的，味道濃郁。口感方面，以手打肉丸來說是可以的。味道有少許香茅味在內。唯一問題是有點鹹，不宜食太多 牛腩非常好味。脂肪比例非常適合我，唔太肥，但有薄薄的一層脂肪。咬落好淋，唔黐牙，處理得好好。麵好爽口彈牙，非常有咬口。至於個湯，鹼水味偏濃，少一點會更好。食到一半加左少少辣油，辣味好強，一點點已經很刺激。

AE白金咭有七五折，所以就上嚟試試德國菜與啤酒。 環境 坐在餐廳外的位置，看着朗豪坊晚間的天花屏幕，感覺寫意。座椅闊落、舒服，相信要與朋友暢談一晚也不會不舒服。就是燈光上暗了一點。 食物 食德國菜不能沒有豬手與腸吧！ 燒豬手 豬手口感不俗，肉嫩，味道不會太鹹及乾。豬手皮卻燒得一般，並不是爽脆的類型，有點太黏，是食完會黏著牙齒的感覺。最有驚喜的是配菜，有紅菜頭、酸菜、薯蓉，三者配搭進食很開胃。豬手另外配上芥辣醬，味道不錯。 辣肉腸 味道、口感到一半。沒有什麼特別。 煙三文魚薄餅 薄餅用了薄薄的餅底，邊緣是脆的，沒有讓人失望。但是醬料不夠，太乾身。 燒雞 上菜時並不是太熱，加上有點鹹過頭，不是太好的一道菜。 啤酒是最正的，麥味濃郁，配合氣氛，是全晚的焦點。

環境方面，鋪面並不大，室內大約可以容納30至40多人，由於當晚人數不多的關係，所以不用排很久便有枱。 見伯爵茶珍珠心太軟是推薦品的第二位，便點了一個試試。心太軟內的流心珍珠很香，食落口暖暖的，甜度適中，茶味香濃。心太軟之上有一層微鹹的cream cheese, 味道配合伯爵茶珍珠流心。另外配上一個士多啤梨味雪糕，雪糕奶味不夠，但味道可以接受。這個甜品$58，不是很便宜，但絕對物有所值。 服務方面，好多糖水舖都會在食客食完後盡快趕你走以提高轉枱率或可以儘快落場放工。但他們沒有催逼我們離開，感覺良好。