📍  茶木‧台式休閒餐廳 (荃新天地)
🗓️ 4 September 2023

今天比較晏起身，經過茶木見到啲下午茶幾抵食，所以就入咗去。呢到下午茶都好多選擇，價錢考慮埋環境非常合理。 🍴 雞排麻醬拌手工拌麵（輕食）配凍黑糖珍珠奶茶 $ 64.00
首先配黑糖奶茶唔需要加錢，你亦可以自己選擇配料。食物一到，見到入邊有啲蔬菜，內心好滿意，感覺都健康啲，亦會冇咁膩。雞扒非常嫩滑，不過稍嫌偏鹹。手工麵上的胡麻醬並非平時的黃色，而是啡黑色，有點像菌類話黑松露的顏色，不過味道的確是胡麻醬的味道。雖然是輕食，但份量也不少，我最後沒有吃完整個麵。
有機會被安排坐在窗邊，享受了一個悠閒的下午。

📍  碼頭故事(荃灣)
🗓️ 1 September 2023
今日打八號風球，屋企附近新開嘅呢間鋪有開，所以就入咗去。環境好有中國風，有心思，亦有幾間vip房以「xx碼頭」嚟命名嘅，幾有趣。 調味料方面，枱上放有麻油、蒜蓉、芫荽、蔥、而辣椒要另外收費。坐低先調醬料，以及選擇湯底。開始點餐前的費用：茶位+香油碟 $ 60 、 辣椒  $ 15 、大骨湯鍋 $ 118 我哋點咗大骨鍋，出奇哋入面竟然冇骨，但有青瓜同午餐肉，我個人有點不習慣。 食物方面，大部分都是新鮮的，特別是菜及鯇魚片，很滿意。但毛肚咬起來比較硬，沒有脆的感覺。而薯粉不要煮太久，因為很容易煮淋及爛掉。我哋點嘅食物如下，可以參考一下： 🍴 一米肥牛（一份）$ 148
🍴 鮮紅薯粉（半份）$ 38
🍴 水魷魚 $ 68 🍴 安格斯肥牛（一份）$ 208
🍴 嫩滑牛肉（一份）$ 98
🍴 金牌脆毛肚（半份）$ 73
🍴 脆肉鯇魚片（一份）$ 78
🍴 皇帝菜 $ 38
🍴 西洋菜 $ 32 🍴 白飯$ 10
🍴 可樂$ 36
最後餐廳請了大家吃甜品，是手工米糕。 整體是滿意的，但三個人埋單需附$1100，更是已經8折後的價錢，感覺上比較貴一點。

📍  Five Guys 
🗓️ 28 August 2023 喺荃灣開咗好耐嘅Five Guys，一直印象只係好貴所以未食過。店舖嘅食物係單點嘅，沒有套餐。環境光猛同空間感足夠，亦有花生免費供給客人食用，而且醬料及餐具也是自助的。
今次叫咗以下嘅食物： 🍴Cheeseburger $95
非常足料嘅漢堡，內厚菜多，不過稍嫌牛油比較多，拎上手都比較油。 🍴Bacon Cheeseburger $110
其實同cheeseburger係一樣不過加咗啲煙肉，啲煙肉係脆嘅碎粒，唔似外面嗰啲成塊上，容易啲食同埋味道更出。 🍴Salted caramel milkshake $60
好多人都話Five Guys嘅奶昔係必飲嘅，但比我想像中更甜，可能係點嘅味道問題？下次可能會試下加啲toppings入去。 🍴Little fries $48
雖然係little，但其實份量都唔細，而薯條嘅份量都冇受杯嘅限制，睇下圖就會明白。呢到嘅薯條好有特色，會食到好綿嘅薯仔蓉喺入面，唔似某快餐店咁好似食空氣😂 價錢的確係美國價，店舖真係冇咩人。不過如果下次想搵個地方慢慢坐下，可能都會選擇嚟叫個薯條慢慢嘆。

📍  上海津味小食店
🗓️ 21 July 2023

呢間小店喺大窩口附近，已經開咗好多，真係由細食到大。最記得嘅係呢到嘅豆漿非常之大碗，細個會同屋企人幾支飲筒一齊飲。 上海麵可免費配榨菜或雪菜，我叫咗最常叫嘅雪菜雞翼上海麵。入面有雞翼、雞鎚同雞翼尖，味道亦好濃，非常滿足。
🍴雪菜雞翼上海麵 $32
🍴 煎雲吞 $11 (2隻) $16 (3隻)
 好似炸咁脆嘅煎雲吞，好大粒同飽肚，建議同人share食。 不過鋪頭位置都幾隱蔽。舖位唔大，所以我比較鍾意買外賣食，推薦大家支持呢間有多年歷史嘅小店。

📍 皇室甜品 🗓️ 17 August 2023 之前喺皇室甜品食過好幾次芒果類嘅甜品，都覺得唔好食。鋪頭我唯一會食嘅就係熱紫米露，價錢係26幾蚊左右，而且質素我覺得OK。 冇食一排，今日再去買咗紫米露食，點知味道都失準。食落去冇乜味，只有奶味，懷疑係落得太多花奶/椰奶。真係非常失望，連唯一我覺得可以開接受嘅甜品都失手。 不過經常都見到呢間甜品舖人流不斷，唔知會唔會係佢嘅其他甜品係好出色。如果我再有需要食呢間，可能我會試吓佢嘅Waffle。

📍 Baba’s Station
🗓️ 22 August 2023

平時經常都見到呢度有超多人排隊，所以之前都係買外賣食，今日竟然唔洗排隊，第一次坐低堂食，入面仲要冇其他客人。 坐低後用QR Code落單，而職員都識啲廣東話所以不用擔心。由於好肚餓，所以都叫咗好多嘢食。
🍴 印度特色薯仔餅 Aloo Tikka Chaat $68
非常推薦！外脆內軟嘅薯仔餅，個餡有少少辣，不過餅上面有少許甜甜地嘅醬汁，中和到個辣味。好好食！ 🍴 印式魚炒飯 Fish Biryani $85
網上好多人推薦，飯粒同我哋平時食開嘅有啲不同比較長同有咬口。不過都幾辣，要慎重挑選。 🍴 白咖喱雞 Chicken Korma $88
白咖喱係甜腰果底，我哋配咗白飯同一份油酥餅。呢款咖喱唔辣嘅，而且偏甜，我個人非常喜歡，不過如果只食呢一隻咖哩會偏膩。

🍴 青咖哩牛 Beef Saag $99
青咖哩嘅base係波菜，都係唔辣嘅，我哋配咗兩份油酥餅。波菜咖哩食落一啲都唔奇怪，我覺得幾好食，而且啲牛肉肉味好濃，亦唔會太靭。

🍴 原味甜乳酪 Sweet Lassi $28
非常解辣嘅甜乳酪飲品，我哋叫咗兩杯，非常滿足。

好可惜見到曾經咁多人排隊嘅Baba’s Station 冇晒人流，希望大家多多支持小店，如果唔係街上面就只會得返啲一式一樣嘅舖頭。

📍  神虎麺商店
🗓️ 23 August 2023

今日去到大角咀嘅拉麵店，門面好有日本風，裝修亦都好靚，呢間鋪頭喺灣仔都有分店。 🍴 炸雞塊 $55
炸雞塊非常出色，外脆內嫩，亦好juicy多汁。一碟有四舊雞而每舊都大大件。 🍴 神虎餃子 $45
一碟有五件嘅餃子有少少脆同埋會爆汁，沾上酸酸地哋醬汁就啱啱好。 🍴神虎沾麵 $122
朋友食嘅沾麵，旁邊有一支醋比佢加落去，而湯亦都係可以任添。 🍴 神虎精選 $135
由於第一次食，朋友建議選擇精選，因為有多啲配料。好難得見到一隻糖心蛋咁上，仲有好少見嘅豬肉丸兩粒。最有特色相信係伊比利亞豬腩肉，炆得非常之好，食完亦唔會覺得太肥膩。不過湯非常濃，適合重口味人士。

📍 Liberty Coffee & Wine²
🗓️ 20 August 2023

去咗旺角同奧運站中間嘅一間cafe，係好chill嘅cafe，有落地大玻璃，坐低飲杯咖啡應該好適合。五點幾到達嘅時候有日光，陽光照入嚟，無論點樣影相都好靚。 今次同朋友叫咗兩個晚餐set，分別叫咗 黑松露牛肝菌汁燒刺身帶子扁意粉 同 羅勒青醬寶雲酥西班牙豬鞍。Set有包餐湯同埋牛角包。 另外我哋亦追加了黑松露醬炸薯條($48) 作為小食。我最鍾意係個豬鞍，好厚肉亦煮得啱啱好，非常juicy！

🍴 黑松露牛肝菌汁燒刺身帶子扁意粉 $178
🍴 羅勒青醬寶雲酥西班牙豬鞍 $238 飲品方面，我們每人叫了一杯Mocktail, 分別為 Blue Sky 晴, Guava Pink 番粉紅, 同Twilight 暮光🍸
由於同朋友慶祝生日，叫咗個waffle。如果waffle上面可以有啲糖粉同糖漿應該會更好食，因為比較只食waffle會比較乾，需要同雪糕一齊食。同埋見到有個玫瑰花造型嘅蛋糕好靚，所以都叫埋試下，朱古力味很濃，但柚子餡偏甜。

🧇 手工綠茶窩夫配開心果雪糕 $98
🍰 朱古力慕絲柚子蛋糕 $88 呢到啲員工好有禮貌同好願意幫忙。另外，呢到師生社工醫護消防，都會有九折，大家只要出示職員證就可以了～

📍 九龍餐室(荃灣眾安街)
🗓️ 6 August 2023

又叫咗我好鍾意食嘅沙嗲肥牛炒河粉，而家已經唔係好多茶餐廳有得賣。就咁睇份量都會見到真係好大盒，我每次基本上都食唔晒，要分兩餐食。而且睇得出河粉，亦都有時先炒過，非常用心。 不過價錢的確比較貴，河粉價錢為$76，凍檸茶加$9，另加$3外賣錢，所以埋單為$88。

🍴 沙嗲肥牛炒河粉 $88 另外餐廳亦設有每天午餐，每個星期不同，餐單看上去也非常之吸引，大家可以參考下圖。

📍  波士冰室
🗓️ 21 July 2023

之前都有食過波士冰室嘅早餐，一向出品都係穩定同埋OK，我每次都係食沙嗲牛麵嘅早餐。今次第一次叫外賣同埋試呢款早餐，有意外驚喜。

🍴 吉列魚柳 併雞肉腸、櫻花蝦炒滑蛋、牛油厚多士 $44
不嬲呢度嘅牛油多士都係好脆，同埋牛油量好足，今次叫外賣買到返嚟都仍然係脆的。

最令我驚喜係吉列魚柳比我想像中大塊，同埋食嘅時候仍然係脆嘅，質地亦都夠實淨，不過係偏鹹咗少少。

其他嘅都係正常發揮，自己本身好鍾意食炸魚柳，之前就喺大快活食，而家又多一個選擇了。不過價錢的確係比其他地方貴。