繼上一次去過九龍城嘅富寶會所私房菜之後，新年當然要同屋企人去試一次啦🩷 有過上一次嘅經驗之後～ 想食海鮮都會識得打去預訂咗先😉 同屋企人食飯要穩穩陣陣 萬無一失 大家都俾佢嘅自動麻雀枱吸引😂 真係好適合新春團拜～ 有得食又有得玩 長輩們都好滿意😌 。 🍴竹笙海皇翅 貴為漢族嘅傳統名菜～ 當然有佢出色既地方😍 海皇翅嘅處理需時～ 要好花心機先做得到㗎😚 用嚟撈飯，真係一流😍 🍴 花雕乳鴿拼醉鮑魚 過時過節既好推介～ 簡單又得體😌 好少地方有得咁樣雙拼😋 淡淡嘅酒香乳鴿嘅肉質嫩滑 鮑魚爽口又彈牙😚 🍴 碧綠炒海斑球 紅紅綠綠嘅配菜 令人食慾大增😋 海斑球炒到微微金黃色，嫩滑得黎帶啲鑊氣😙

主打炭烤扒房既酒店餐廳Carver～ 一直都好受大眾歡迎。 今次黎試一試佢嘅午市套餐🍴喺市中心地帶，$268 食到3個courses，性價比幾高。餐廳亦提供2-4道菜套餐不同的配搭 ～ 相信都係一個賣點😍 頭盤係牛肉他他 爽滑嘅牛肉配埋鹽漬蛋黃, 韓國梨及香口的多士 ～ 非常醒胃～ 主菜係蜜汁豬肋排😍 軟嫩既豬肋排被烤到外皮焦脆～ 輕輕一叉就骨肉分離～可以大啖大啖咁食肉😋 配埋熱辣辣香脆嘅薯條😗 非常滿足呀 餐後小點係乾果布丁 非常有誠意嘅一個甜品☺ 充滿濃濃嘅聖誕節日氣氛🩷🎄 香濃布丁配上爽脆既乾果，白蘭地香草醬, 朱古力啫喱及香緹忌廉～ 口感非常豐富

鍾意食粵菜嘅人可以試吓位於九龍城嘅呢間富寶會所私房菜🤩好適合一家大細～ 最緊要係佢哋有麻雀枱～仲可以租自動麻雀機VIP房😂😂 佢仲有個特別嘅服務😳 可以自訂語句～係大型屏幕展示😂 開party咁！

聽聞佢嘅粵菜非常出色🤓 特別係海鮮同埋小炒類～ 餐廳職員話如果想食海鮮呢最好就預先訂😗 
今次就試下好受歡迎嘅豉汁蒸蟠龍鱔☺️ 色香味俱全啊～ 濃濃嘅豉椒香味 令到蒸魚變得冇咁單調 白鱔既口感甘腴鮮美～稱得上爽、嫩、滑～而且膠質多😍🩷呢道咁複雜嘅菜式 真係值得一試㗎
另外想推介既菜係椒鹽瀨尿蝦💓 經過油炸過後既瀨尿蝦蝦再同配料一齊爆炒～再配上乾身嘅椒鹽令到呢道菜更加惹味. 賴尿蝦唔使講真係淡淡都係肉🥹 保持到蝦嘅鮮味同埋嫩滑😋 仲有蝦膏添！

喺長沙灣開咗間新嘅酸菜魚 呢個舖位其實陸陸續續都換過幾間唔同嘅舖頭 夜晚經過見到滿座😂 停低望吓個餐牌發覺都幾抵食～ 就試下啦！員工都非常之有禮貌，同埋貼心🥰 🪿麻辣豬肚 凍食既小食🐱 份量超多… 仲有炒花生香脆可口🥰 🪿麻辣濃湯肥牛 原來有得揀辣度.. 姐姐見到同行友人好似食得好辛苦😂 主動問要唔要加清湯.. 又怕加得唔多..再俾咗一碗細碗嘅清湯😂😂 真係超級nice. 牛肉既份量都幾多..質素都好高..再配埋米線同2個配菜..性價比超高🥰 🪿藤花椒酸菜湯 鯛魚片 藤花椒本來就較為適合入湯..清香得黎～亦夠麻🩷 厚厚的四川風味🥰 鯛魚片亦都好滑嫩.. 飲品方面… 只能說超級抵飲😂 加配凍奶茶只係$5… 見到果下真係好震驚😂 可以試下特飲🥰 鳯梨梳打都不錯💛

Blue Monday需要美食治癒心靈🩷 無限時任食就係比我大吐苦水既好選擇😂 我地揀左$308套餐～ 豬、牛各一款 其他野都係任食😍 款式超級多 叫到成枱都係☺️ 茶水同醬料區都非常整潔😉 飲品既種類都好多😂 連忌廉溝鮮奶既zero版都有!! 餐廳既員工都好有禮貌🥹 仲好helpful.. 服務好好🥹 我覺得餐廳都幾貼心～ 丸類呢啲飽肚既食品係迷你版～ 等我地可以食多幾款😚 又唔會頂住個胃 介紹返個湯底先🥰 我地叫左麻辣蕃茄牛肉涮涮鍋（少辣）.. 個湯底超級濃郁!! 同蘿白、腐竹係絕配😍 非常惹味 我見到鍋底有好多蕃茄🥹而且有最少四條牛肋條. 勁好食😣..食湯底都食到飽肚.. 牛肉同豬肉既質素都幾好🥰 薄切方便打邊爐～誠意推介蜆同海蝦🥹 蜆無沙之餘仲好鮮甜飽滿.. 蝦都係🥹 勁爽口彈牙.. 長蟹柳都好誇張..足八吋😂 食完一round 已經無乜戰鬥力😆 接住就係甜品時間🩷甜品既種類又係勁多🥹 點解可以咁正.. 又Häagen-Dazs 又Dryers 🥹 最尾我地都一致揀左雀巢kittat朱古力脆皮雪條☺️

係灣仔QRE Plaza 新開左一間叫做「炭兎」既日式料理店 辛苦左一日ʕ •ᴥ•ʔ去試下新鋪先🤍 估唔到餐廳既食物種類都幾多元化😋 有火鍋 串燒 壽司 滿足曬所有貪食既朋友呀🐷 職員推介生蠔🦪 要左個大size $158/pc 試下～ 只需要加少少檸檬汁就食到佢既鮮味～ 食曲超清甜～而且好怕腥既我一啲都無抗拒😋 其實仲有兩隻醬汁可以試😆 但我地一人叫左隻 就只吃鮮味😋 🍡🍢串燒亦都好吸引人👀 我地叫左四款串燒 🐷紫菜雞柳卷 海膽醬 呢個串燒組合都幾特別😗配埋海膽醬就更惹味～ 🐷雞腿肉 鍾意啖啖滑雞肉既人必點😋 🐷五花肉 好香脆可口🥲 🐷牛舌 爽脆有咬口😚 每款都有汁燒or鹽燒揀 我地仲叫左壽司十貫😍 廚師發辦吧🥰 擺盤都好靚.. 食落口 每一舊都好鮮甜 食食下壽司拼盤 見到隔離枱個意粉好吸引😂又加單🍝 有煎蛋墊底🥺 意粉係鐵板上邊 熱辣辣的🥺 食埋就飽了

全日冇食過野～ 係勁肚餓嘅情況之下～ 雀仔胃既我地 決定食放題😂😂🩷 地理位置超方便～係E1出口轉右就係😀 我地要左個A course 先$288～ 如果8:30後入座再平啲🥰 但食物既種類真係超多～ 性價比超高🤩 如果要食拖羅既朋友就可能要揀貴少少架啦 滿滿一櫃既甜品同水果任揀😚 Häagen-Dazs 雪糕就限量每人一盒😋 仲有PIERRE HERMÉ既馬卡龍味🤎 幾個櫃既汽水、酒～其實仲有啲梅酒清酒🤣 真係好抵！熱食、前菜、炸物都應有盡有～仲有爆谷🍿️🤩 刺身既上菜速度算快💕 亦都好新鮮☺️ 壽司同捲物都有啲特色🥰 熱食估唔到都好出色🫣 特別要推介燒紐西蘭羊鞍同雪花牛鍋😍 超級出色😍 牛肉量超多😂 而且質素唔差😍 隔離枱叫左一大堆羊鞍😂 足以證明佢既吸引力有幾大 貓山王榴槤炸彈同馬來西亞烤榴槤係大家既最愛呀😂

主打港式邊爐既滾爺火鍋🍲 係尖沙咀開左新分店哦 係尖東/尖沙咀行過去都方便 試業期間有88折🎉 咁吸引當然要試一下😌 估唔到一入門口就有大大個打卡位 📸 應該好快會吸引到人黎朝聖 店舖內非常整潔 而且座位舒適 聽到員工同其他客人講野， 原來佢地有包廂， 好似有埋卡拉OK🎤 我坐既卡位仲有一部細電視添 果然係大家聚會之選 介紹下我點既菜式先 滋味清湯 $78 原來清湯都比足一鍋豆腐·娃娃菜同粟米 湯底好清甜 新鮮食材配清湯底係最好既配搭～ 但其實椰子雞煲先係佢地既名物， 大家都可以試下架 Choice級美國安格斯牛肩胛 $228🐮 牛肩胛上枱既一刻非常ig able 充滿仙氣 🧚🏻‍♀️ 牛肩胛好新鮮 而且口感非常細膩 軟嫰適中 彈牙手打墨魚滑 $78🦑 估唔到份量咁多 將新鮮墨魚打成滑 口感勁Q彈 滿口墨魚香 龍口粉絲$18 同白蘿蔔 $38 當然係等個佢吸曬所有食材既鮮味後先食～ 白蘿蔔要預早落鍋煲～ 去到最後先入味(*ˉ︶ˉ*)

路經櫻桃街 發現左一晚新派川菜 主打晚巿宵夜環節 由傍晚6點營業到早上六點「潮金稻園」 舖頭既裝潢幾特別 中庭風～ 安排左我地坐卡位～岩曬行街行到攰既我 食物種類非常多😗 砂鍋粥 雞煲 串燒 應有盡有 岩曬聚會想食唔同野既人👯‍♀️ 老闆建議我地食砂鍋粥😋 不過今日想食啲濃味既野 所以我叫左麻辣雞煲（走青版）🐓🐓 仲可以加配蜆 鮑魚 田雞等等既配菜～ 雞煲既醬汁非常惹味😋可惜佢無得加水打邊爐🥹 另外仲叫左幾串串燒 有牛肉 羊肉 鴨腸 牛蹄筋 意外地有擺盤 又幾ig able📸 最後唔夠喉～ 又叫左雞全翼同雞中翼黎試下🥰 總括而言 呢間餐廳既性價比幾高☺️ 岩曬一大班人黎聚會

係門口已經比個打卡月亮吸引了🌙 餐廳仲有一個打卡位係比多人聚會用🥰 今次叫左一份主食同一份小食就夠了😚 🪿香煎美國安格斯西冷牛扒(10oz) 肉質厚實既西冷😋 肉味比較香濃 連埋一層標誌性的脂肪 煎香之後非常香口 五成熟既口感係最好🥰 基本上只係需要加少少鹽已經好香口 微微煎香左既小薯 外脆內軟😗 性價比的確幾高🙊 每份主食只需加$48就可以有沙律、餐湯、飲品同甜品一份～ 今日係南瓜忌廉湯🎃香甜濃郁～ 甜品係布甸🍮 有士多啤梨醬同藍莓🫐超級有誠意🩷 🪿脆炸魷魚圈 非常酥脆既外皮 即叫即炸 醮上少少沙律醬 酸酸甜甜更開胃🥰 魷魚圈都好新鮮 而且份量好多